رواية مغامرات ابناء العاصي الفصل الثاني والعشرون 22 بقلم كنزي حمزة

رواية مغامرات ابناء العاصي الفصل الثاني والعشرون 22 بقلم كنزي حمزة

رواية مغامرات ابناء العاصي البارت الثاني والعشرون

رواية مغامرات ابناء العاصي الجزء الثاني والعشرون

رواية مغامرات ابناء العاصي الحلقة الثانية والعشرون

حضروا اليهم بوجبة السمك الدسمه وبدأوا النساء في وضع الطعام علي السفره، بينما امسكت ليا بغزل لتسألها عن هذا المشاغب وهي تأكل الايس كريم
ليا: اومال فين ابنك يا ست غزل مش شايفاه يعني
غزل بمكر: نايم فوق يا ليا، بقولك ايه ما تطلعي تصحيه
ليا: لاء ياختي وانا مالي، احسن يقوم يضربني ويطلع جننوته عليا
غزل: يابت مش هايضربك، روحي صحيه براحه انتي بس وهو هيقوم معاكي
ليا بتفكير: ماشي هاروح اما اشوف اخرتها
غزل بعد ان ذهبت من امامها: اخرتها خير ان شاء الله، ربنا يهديكم لبعض
//////////////////////////////ا
صعدت إليه ودقت الباب وفتحت ودلفت بعد ان لم يأتيها رده ولكنها لم تجده بالغرفه فدلفت الي الشرفه ولكنها ايضا لم تجده، فوقفت في وسط الغرفه واضعه يدها بجانب خصرها وهي تكمل اليس كريم وهتفت
ليا: الله هو راح فين ده، ولكنها انتفضت في وقفتها حين اتاها صوته من خلفها
عاصي: انا هنا علي فكره، انتي بتدوري عليا
كان خارج من مرحاض غرفته لافف منشفته حول خصره وعضلات صدره تلمع من تناثر الماء الذي يتساقط من شعره الناعم الذي بدأ يزداد طوله، التفتت اليه لتراه هكذا وتصنمت مكانها
ليا: اااانت ايه ده، خضتني علي فكره
عاصي: نعم خضيتك، انتي جايه اوضتي تدوري عليا ولما تشوفيني تقولي خضيتك، انتي هابله يا بت
ليا: لم لسانك، انا كنت جايه اصحيك عشان تاكل معانا، افتكرتك نايم زعلان، لكن انت بقي صاحي اهو ولا علي بالك
عاصي وقد بدأ يتقرب منها وبهدوء: طب وانتي يهمك في ايه ازعل ولا مزعلش، قلبك عليا اوي ياختي
ليا بتوهان من سحر عينيه: هاه يعني انا انا
عاصي بهمس: انتي ايه ما تنطقي، بتعملي فيا كده ليه، ريحيني وقوليها بقي
ليا:.هي ايه دي اللي اقولها، اوعي عديني عايزه انزل
عاصي: مش هتنزلي الا لما تتكلمي، رسيني علي بر بقي يا ليا
ليا: بر ايه، انا مش فاهمه حاجه، اوعي ماينفعش تقف قدامي كده
عاصي: ليا احنا هانفضل لحد امتي كده في النقار ده، انا نفسي نقرب من بعض شويه وماتقوليش انك مش فاهمه عشان انتي ابوكي مفهمك كل حاجه
ليا: طب بزمتك ينفع تكلمني وتستجوبني وانت واقف بالمنظر ده قدامي، عديني اخرج وبعدين نبقي نتكلم
عاصي: لاء مش هاعديكي الا لما تتكلمي
ليا: عديني يا عاصي احسنلك
عاصي وقد حاصرها بيديه: قولتلك انطقي وانا اعديكي
ليا: كده طب انت حر بقي، واذا بها تغمس بسكوته الايس كريم في وجهه وتتملص من بين يديه وتجري الي الخارج قبل ان يمسك بها
وهي تضحك بشده وتهتف: ههههههه اتفضل ادخل استحمي تاني بقي وابقي انزل كل معانا
عاصي بغضب: ماتبقيش تزعلي بقي لما اكسر عضمك
/////////////////////////ا
جلس الجميع علي طاولة الطعام ونزلت هي إليهم وهي تضحك بشده
لينتبهوا لها جميعا ويوقفها زين بنظراته المستفهمه: الله انتي نازله بتضحكي علي ايه كده يا بت انتي، ماتضحكينا معاكي
ليا بخوف منه: ايه يا عم انت مفيش حاجه، انا كنت بشوف عاصي عشان يجي ياكل معانا
زين: والله، وعاصي بقي قالك ايه ضحكك كده
نظرت الي توأمها التي تقف خلفه حتي تنقذها من هذا المأزق فأمسكت يده وهتفت
تيا: زين تعالي يلا عشان نتغدي، تعالي اقعد جانبي
نظر إليها بحب وجذبها تحت زراعه
زين: يلا يا حبيبتي، ثم نظر الي الاخري بريبه وجلس بجانبها
وجلست ليا بجانب دانا التي كانت تجلس مقابل عدي الذي تحاشي النظر لها وهذا ما كان يؤلمها جدا وبدأ الجميع في تناول الطعام ونزل اخيرا هذا العاصي العنيد وجلس امامها وحين رأته بدأت تفقد سيطرتها علي نفسها وتضحك، نظر إليها بتوعد و هو يبتسم ويفرك لحيته
ليهتف الجد: طب ماتضحكونا معاكم بدل مانتم ماسكين نفسكم بالعافيه كده
لتنفجر ليا من الضحك وهو ايضا بدأ يضحك بشده علي ماتفعله به تلك الشقيه
غزل: ربنا يبسطكم كمان وكمان بس ياريت تاكلوا بقي
روقيه: سيبوهم يضحكوا براحتهم، احنا بقالنا كتير مش شوفناهم بيضحكوا كده
عاصي: ايه جماعه مفيش حاجه والله عادي يعني
زين بغضب: وايه هو العادي ده بقي يا عاصي بيه اللي مخليكم مش قادرين تمسكوا نفسكم كده
عاصي: الله وانت إيه اللي مزعلك كده، واحد وبيضحك مع بنت عمه، اظن ده مايزعلش حد
فضالي: لاء طبعا يا حبيبي واحنا يعني عايزين ايه غير انك تبطل عند ووترجع تهزر وتضحك الكل تاني
عاصي: يا لهوي يا جدي، هو انا كنت كئيب اوي كده
بوده بمرح: كئيب بس، دانت عامل زي البومه ههههههههههه
ضحك الجميع علي ماقاله ذلك الطفل اللعين
عاصي: بس ياض انت، الله مالك ياعدي مابتتكلمش يعني ولا بتقسم عليا انت كمان
لم يرفع عينه من امام طبقه ورد بكلمه واحده
عدي: باكل
عاصي: يا ساتر، طب حتي بصلي يا اخي وانت بتاكل
عدي بانفعال غير مبرر: مش عايز ابص لحد يأخي، انا حر
واذا بها تلقي ملعقتها وتقف من علي مقعدها
دانا: الحمد لله
غمزه: انتي مالحقتيش تاكلي حاجه ياحبيبتي، اقعدي كملي اكلك
دانا: شبعت والله يا انطي، مامي انا هاروح اقعد علي البحر شويه، عن اذنكم
دارين: هاتروحي لوحدك يادانا، استني لما نخلص اكل ونروح كلنا سوي
دانا: هاسبقم انا علي بال ما تخلصوا، وخرجت امام عينه
نظر هو لزين الذي وضع يده اسفل زقنه ونفخ بغضب ليقف هو الاخر من علي مقعده ويصعد امام اعينهم الي غرفته
روقيه: الله وانت كمان قومت ليه يا عدي
عدي بغضب: شبعت يا ماما، شبعت
غزل: هما العيال دول مالهم، احنا ما صدقنا واحد يضحك، يقوم التاني يزعل كده
زين: الحمد لله انا كمان اكلت، تيا انا هاروح اقعد مع دانا وانتي كملي اكلك وابقي تعالي
تيا: حاضر
///////////////////////////////ا
صعد الي غرفته وهو منفعل من نفسه دلف الي شرفته ليراها تجلس امامه علي البحر وهي حزينه، بدأ يجزب خصلاته ويشدد عليها، يكاد يقتلعها بين يديه وهو يسب نفسه علي ما يفعله بها وبنفسه
عدي: غبي غبي، هتفضل طول عمرك غبي، هتضيعها من ايدك بتصرفاتك دي يا حمار
////////////////////////////////
كانت تجلس علي المقعد امام مياه البحر الاحمر الفيروزيه تخفي عيناها الممتلئه بنظارتها الكبيره بالعبرات وتضم يدها الي صدرها، جلس بجانبها اخيها الحنون وامسك يدها بين راحة يديه وابتسم لها وهو يقول
زين: دانا
دانا: نعم يا زين
زين: مالك يا حبيبتي، انتي مش عجباني خالص
دانا: مفيش حاجه انا كويسه
زين: لاء انتي مش كويسه، انتي مش انتي اصلا دانا اختي الشقيه اللي مش بتبطل هزار ولا شقاوه
واكمل بمكر: لو الحجاب اللي مزعلك اوي كده، انا هاكلم بابا واقوله يسيبك تقلعيه
دانا بلهفه: لاء يا زين اوعي تقوله، اصلا انا خلاص اقتنعت بيه وحبيت شكلي فيه
زين: بجد طب براڤو عليكي بس يا تري ايه السبب اللي خلاكي تغيري رأيك، انتي لحد ما كنا في الطريق الصبح وانتي زعلانه، ايه اللي حصل بقي
دانا بإبتسامه بسيطه: عادي يعني يا زين، لقيت الكل فرحانين بيا وبيقولوا إنه شكلي حلو فيه
زين: الكل دول اللي هما مين بقي، ما كلهم كلموكي قبل مانركب العربيه وانتي كنتي مكشره بردو، ولا في حد تاني كلمك ؟
دانا بصدمه: هاه لاء مانا فكرت في كلامهم وعجبني بصراحه
زين: كده ماشي انا يعني يهمني ايه غير اني اشوفك احسن بنوته في الدنيا وتكوني مبسوطه يا حبيبتي
ليتفاجيء بصوت تيا من خلفه: شوفت اهو انت اللي بتخلف وعدك اهو
زين وهو يتصنع الخوف: يا لهوي إنتي هنا من امتي
تيا: من ساعة ماكنت بتقول لدانا يا حبيبتي، عشان ماتزعلش بقي لما اروح اقولها لعدي
زين وهو يجلسها بجانبه: مين قال يا حبيبتي، هو انا اقدر اقولها غير لتيا حبيبة عمري بردو
ضحكت دانا عليهم وهي تقول: ههههههههههه بقي كده بعتني في لحظه؟ ماشي يا خويا ربنا يهنيكم ببعض
تيا: ههههههههههه واخيرا ضحكتي
اشعل سيجارته وهو جالس معهم وهتف
زين:طب بقولكم ايه، ما تيجوا ننزل المايه شويه، دي شكلها تحفه
تيا وهي تجري للداخل: لالالا إلا الفكره دي
زين بضحك: خدي ياجبانه تعالي ماتخافيش ههههههههه
دانا: ههههههههه ماتحاولش دي اكتر حاجه تيا بتخاف منها
زين: ههههههههه لاء ماتخافيش، انا ناوي ابطلها الخوف ده
اتت اليهم ليا بعد ان اصطدمت بتوأمها وكادت ان تسقطها
ليا: هي مالها بتجري كده ليه
دانا: اصل زين اقترح عليها تنزل المايه معاه
ليا: مين دي تيا؟ ماتحاولش يا معلم، هي كانت مره ومتهايألي مش هتكررها تاني
زين: طب وانتي بقي ايه اللي باسطك كده
ليا: مفيش يازين، انت مالك مركز معايا كده ليه
زين بجديه: بت انتي اتعدلي احسنلك وماتنسيش الكلام اللي ابوكي متفق معاكي عليه ولا انتي مش عايزاه يتعدل .
احنت رأسها للاسفل عندما علمت انه علي علم بهذا الاتفاق.
لتصيح دانا: انتوا بتكلموا عن ايه ما تفهموني
ليا: مفيش حاجه يا دانا، ليراه هو قادم إليهم وهو مبتسم
زين: اهو جاي اهوه، اما اشوف بقي هاتعملي ايه
ليا: خلاص بقي يا زين، ماتخافش هاعمل اللي بابي قايل عليه
زين: اما اشوف يا ليا ولازم تفهموا انتوا الاتنين ان عيني عليكم
دانا: الله وانا مالي انا اذا كنت مش فاهمه حاجه اصلا
عاصي: ايه قاعدين ليه، انا قولت هالاقيكم نزلتوا المايه
زين: مانا باقولهم كده مش راضين، هما لسه بيتغدوا ولا ايه
عاصي: لاء خلصوا بس انا هربت من جدك، بيدور علي حد يلاعبه طاوله
ليا: حتي دي ماقدرتش تسد فيها وهربت
نظر إليها بعدم فهم وغضب مما تفوهت به
ليقول زين: طب انا هاروح اقعد معاه
دانا: استني انا هاجي معاك اشوف تيا
وبعد ان ذهبوا جلس هو امامها بغضب وهتف
عاصي: انتي مش هاتبطلي طريقتك دي يعني
ليا: طريقة ايه؟ انت مالك بتزعق كده ليه ؟
امتص غضبه بصعوبه وهو ينظر لها وتحدث بهدوء: في ايه يا ليا، مالك ايه اللي قلبك مره واحده كده، ده انا ما صدقت اننا نرجع نهزر تاني ونبقي كويسين مع بعض.
ليا: وانا ايه اللي هايغيرني بقي ان شاء الله غير تصرفاتك دي
عاصي: تصرفات ايه هو انا لازم اعمل كل حاجه عشان ابقي كويس في نظركم
ليا: هو انت بتعمل حاجه خالص، انت كل حاجه بتتهرب منها كل ما حد يطلب منك حاجه تقول لاء، انت اسم علي مسمي بجد
عاصي وقد تملك منه الغضب: طب لمي لسانك بقي احسنلك، انا اصلا لسه مش حاسبتك علي حركة الايس كريم
ليا وقد وقفت من امامه: ولا تحاسبني ولا احاسبك، انا اصلا سايبهالك وماشيه
ليجذبها من يدها يجلسها مره ثانيه
عاصي: اقعدي هنا، بت انتي، انتي هاتلاعبيني ولا ايه، مش هاتمشي من هنا الا لما ارسي معاكي علي بر
ليا: اه، بر ايه، سيب ايدي لاحسن هنده لك زين والله
عاصي: الله انتي كمان هاتخوفيني بزين وعامله فيها مش فاهمه حاجه، لاء انتي فاهمه كل حاجه وابوكي هو اللي قالك تعامليني كده، صح؟ بس انا عارف كويس اوي بقي اني بحبك وانك بتاعتي، بتاعتي انا لوحدي
ليا: من فضلك ماتكلمش عن بابي بالطريقه دي وانت اللي لازم تفهم اني مش بتاعت حد ويوم ما افكر احب او اتخطب، يبقي لراجل يقدر يتحمل المسئوليه مش لعيل مش قادر حتي يتحمل مسئولية نفسه
اخرسي: واذا بها تتلقي صفعه علي وجنتها تميلها علي مقعدها
عاصي: نفس كلام ابوكي، دلوقتي بس اتأكدت انه قايلك كل حاجه، بس انتي بقي اللي لازم تفهمي انك بتاعتي غصب عن اي حد وعنك انتي كمان،مش بعد ما اقولك اني بحبك، تعيديلي كلام ابوكي، تاني ويوم ما تفكري تحبي ولا تتخطبي لواحد غيري هايكون موتك علي ايدي وعالله يا ليا تتحركي او تروحي حته من غير ما اكون عارف انتي فين ومع مين، انتي فاهمه
ليا بصراخ: لاء مش فاهمه ومش هاسمع كلامك، انت ملاكش انك تضربني اوتجبرني علي حاجه
عاصي وهو يشدد علي معصمها: انا الوحيد اللي ليا الحق في كل حاجه وابقي روحي قولي لزين اللي بتخوفيني بيه ولا اقولك روحي اتصلي بابوكي وقوليله كمان، يلا مستنيه ايه قومي من وشي
وقفت من امامه وهي تبكي بشده وتفرك يدها وجرت لداخل الشاليه ولكنها التفت من الباب الخلفي عندما رأت جدها يجلس مع اخيها يلعبون الطاوله، سريعا ما صعدت الي غرفتها وهي تبكي بشده ولكنها وجدت اختها وصديقتها يلعبون مع طمطم، اندهشوا من شكل وجهها عندما رأوها
وصاحت تيا: ايه ده مالك، ايه اللي عمل فيكي كده
ليا: مفيش حاجه يا تيا، سيبيني انا عايزه انام
دانا: تنامي ايه، انتي مش شايفه وشك عامل ازاي، مين اللي ضربك كده ؟
تيا: هو عاصي ضربك تاني يا ليا؟ هو اللي صوابعه معلمه علي وشك كده؟ ردي عليا، والله لا اروح اقول لجدو وزين عليه
ليا بخوف: لاء يا تيا اوعي تقولي لحد، من فضلكم مش عايزه حد يعرف ولا حد يسألني حتي، سيبوني انام بقي

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية مغامرات ابناء العاصي)