رواية أحببته رغم قسوته الفصل الثالث 3 بقلم دينا محمد

رواية أحببته رغم قسوته الفصل الثالث 3 بقلم دينا محمد

رواية أحببته رغم قسوته البارت الثالث

رواية أحببته رغم قسوته الجزء الثالث

رواية أحببته رغم قسوته الحلقة الثالثة

ذهبت العائله بأكملها مع آسر لرؤيه جاسر.
في المستشفي أمام غرفه العمليات
ضحي لآسر ببكاء وترجي : آسر انا عاوزه ادخل اشوف ابني .
آسر بعمليه : حالته لسه مش مستقره مينفعش اي حد يدخل للاسف اول ما تستقر هدخلك حاضر .
روح بترجي وقلق : طيب هدخل انا يا آسر معاك هساعدك متقلقش مش هعمل حاجه.
آسر نظر لها وجدها علي وشك البكاء فسمح لها بالدخول: طيب يلا بسرعه ، جهزي نفسك وتعالي .
روح اومأت له وهي تمسح بيدها علي وجهها ، ودخلوا غرفه العمليات وجدت جاسر مستلقي علي السرير عيناه مغمضتان وأسلاك كثيره مرتبطه به ،تبين لها أنه ليس بخير .
روح وهي تلمس وجهه وهي تبكي تناست وجود آسر وطاقم التمريض تماما : جاسر عشان خاطري قوم ، خسرت كتير في حيااتي مس عاوزه اخسرك انت كمان لان كدا يبقي حياتي انتهيت، قوم يا حبيبي يلا قوم .
آسر وهو ينظر لها بصدمه بعض الشئ وحده : روح اتفضلي بره ، انتي كدا مش هتساعديني للاسف .
روح بسرعه وهي تبتعد عن جاسر وتمسح دموعها : لا والله خلاص مش هعمل حاجه ، انا آسفه وكملت بترجي بس عشان خاطري خليني هنا مش عاوزه اسيبه.
تنهد آسر بيأس وبدأ في العمليه وكانت تنظر روح لجاسر من بعيد لا تستطيع مساعدته في أي شئ فهي في حاله لا تحسد عليها تود ولو أن تأخده بعيدا عن كل هذا وتحتضنه لتفرغ كل خوفها عليه .
أطلق آسر تنهيده بارتياح تدل علي انتهاء العمليه وأنها تمت بنجاح ، وما أن تأكدت روح أن العمليه انتهيب ذهبت باتجاه جاسر أوقفها آسر بيديه وأخذها للخارج.
في الخارج نظر الجميع الي آسر وروح
الكل بقلق ممزوج بالخوف: اخباره ايه الوقتي يا جاسر الرصاصه طلعت ،طمنا يا ابني.
اومأ آسر براحه: الحمد لله طلعت والعمليه تمت بنجاح ، أن شاء الله خلال ست ساعات يكون فاق .
رفعت ضحي يديها للسما تشكر ربها وحمدته وثم أكملت طيب انا عاوزه اشوفه .
آسر باطمئنان وهو ينظر للممرضه التي بجانبه: ساعه وابقي دخليها خمس دقائق تشوفه .
الممرضه باحترام : تمام يا دكتور .
آسر وهو ينظر للكل : خلاص كدا روحوا كلكوا علي البيت وانا هكون مع جاسر هنا متقلقوش وأكمل وهو ينظر لضحي ومرات عمي تشوف جاسر وتروح ، اعدتكم هنا مش منها أي فائده بالعكس.
ضحي : لا لا انا هفضل هنا مع جاسر لحد اما يخرج .
الجد وهو ينظر لضحي وللكل: آسر معاه حق يلا نروح ونيجي الصبح أن شاء الله ثم أكمل وهو ينظر لروح التي يبدو عليها انها في عالم آخر وانتي يلا يا روح غيري وتعالي هنستناكي تحت .
روح وهي تنظر له وتنطق الكلام بصعوبه : لا لا يا جدو انا هفضل هنا مع جاسر .
حبيبه (ام روح) بسرعه وهي تعلم أن روح لن تترك جاسر:سيبها هنا يا عمي تساعد آسر وعلشان لو جاسر فاق واحتاج حاجه وهي دكتوره ومتعوده علي كدا .
الجد بتفهم : اللي يريحك يا بنتي ، يلا بنا احنا .
ذهب الكل وتركوا آسر وروح و ضحي ، جلست ضحي علي المقعد المجاور للغرفه وجلست بجانبها روح وذهب آسر لرؤيه باقي المرضي .
بعد مرور ٦ ساعات كانت روح جالسه علي الكرسي المجاور لسرير جاسر ممسكه بيده ونائمه، أحست بحركه فاستيقظت بخضه ، وجدت جاسر يستيقظ ويحاول تحريك يديه ،
روح بفرحه وهي تقف تمسح بيديها علي وجهها : جاسر حبيبي حاسس بإيه الوقتي .
جاسر والرؤيه تبدأ تدريجيا بالوضوح أمامه: ررووووح.
روح بفرحه لا تسع الغرفه مسكت أيده : ايوه ايوه يا جاسر ، حاسس بأيه يا حبيبي.
جاسر بكلام غير مفهوم روح فهمت أن عطشان راحت جابت له ميه وشربته براحه وظبطت المخده وظبطت رأسه
روح بتساؤل : احسن ولا ايه .
اومأ لها جاسر بصعوبه
روح براحه واطمئنان : لو حاسس بحاجه قولي .
جاسر بكلام مقطع: تمااام .
دخل آسر عليهم الغرفه .
آسر بابتسامه : الله الله اخيرا فوقت ، حاسس بأيه الوقتي،طمنا عليك يا بطل .
جاسر بإطئنان وكلام متقطع: بخير.. الحمد.. لله.
روح وهي تقف بفرحه : انا راحه اتصل بطنط ضحي وماما اقولهم أن جاسر فاق والحمد لله .
امسك جاسر بيديها يمنعها من الذهاب : خليكي معايا .
نظرت له بحب وجلست ثانيا ، نظر لهم آسر بغيره وغضب بعض الشئ وذهب دون كلام .
بعد مرور بعض الوقت ، جاءت العائله بأكملها بعد ما أخبرهم آسر أن جاسر فاق .
الجد : خوفتنا يا ابني عليك .
ضحي ببكاء وهي تحتضن ابنها : كدا يا جاسر ، كانت روحي هتروح.
جاسر بألم : بعد الشر عنك يا ست الكل .
روح وكانت أحست بتعبه : في ايه ، حاسس بحاجه .
جاسر نظر لها نظره حب فكيف احست أنه يتألم ،وأشار علي مكان الرصاصه هنا وجع بسيط .
روح بسرعه : شكل الجرح محتاج يتغير عليه .
جاءت الممرضه من خلفهم : ايوه وانا جيت اهو ، معليش لو كله يخرج بره .
خرج الجميع وظل في الغرفه جاسر وروح والممرضه .
نظرت روح للممرضه بغيره : سيبي الحاجه وامشي وانا هغيرله علي الجرح.
الممرضه : بس دكتور آسر أمرني انا بكدا .
روح بعصبيه وغيره : وانا الدكتوره روح وبطلب منك دلوقتي انك تمشي .
الممرضه بيأس : تمام .
خرجت الممرضه وتركت روح وجاسر بمفردهم.
جاسر بسعاده لا يظهرها: كنتي سبيها هي تغيرلي علي الجرح.
روح بغيره طفوليه : انت تسكت خالص .
جاسر بابتسامه : طيب خلاص سكت اهو ،اتفضلي يا دكتوره .
اقتربت منه روح وجلست بجانبه وبدأت في فك الشاش بكل هدوء وطهرت الجرح ووضعت شاش آخر وما أن انتهيت ، نظرت لجاسر بكل تلقائيه كان ينظر لها بتوهان في ملامحها ورائحتها التي ادمنها .
وضعت يديها أمام وجهه بضحك : ايه انت روحت فييين .
جاسر بعدم وعي وكل تلقائيه: تعرفي نفسي في ايه دلوقتي.
روح : في …لم تكمل كلامها أخذها جاسر في قبله بعث فيها كل اشتياقه وحبه لها ، فتحت روح عينيها علي اوسعها فهي لم تتوقع ذلك ولكنها حين أدركت أبعدته بيديها بسرعه وخرجت من الغرفه تجري .

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية أحببته رغم قسوته)