رواية انت مرادي الفصل الثلاثون 30 بقلم يارا ابراهيم

رواية انت مرادي الفصل الثلاثون 30 بقلم يارا ابراهيم

رواية انت مرادي البارت الثلاثون

رواية انت مرادي الجزء الثلاثون

رواية انت مرادي الحلقة الثلاثون

كانت يارا طالعة علي السلم بس فجأة رجليها إتزحلقت وكانت هتقع بس فجأة لقت نفسها في حضن مراد وسرحت، فقال……….
مراد:/حضني حلو أنا عارف كله بيقولي كده.
فاقت يارا وجت تبعد شدها جامد لحضنه وقال….
مراد:/إنتي مكانك في حضني مش بعيد عني أنتي فاهمة.
كانت لسه يارا هترد وكل الدنيا ماشيه تمام وهما في كامل الرومانسيه بس فجأة يارا برقت وقالت……….
يارا:/و يا ترى بقي يا مراد باشا اللي قالك حضنك حلو كانوا حلوين ولا..
بلع مراد ريقه بصعوبة وهو بيقول….
مراد:/ها لا وبعدين انتي تعرفي عني كده.
يارا:/وأبو كده كمان، قسما بالله يا مراد لو سمحت بس لواحدة تقرب منك ليكون أخر يوم في عمرك وعمرها، أنت ملكي انا وبسس.
مراد قربها منه وقال بحب……
مراد:/منا عارف، أنتي كمان ملكي ها يعني لا تقوليلي ده اخويا ولا بتاع فااهمه!..
هزة يارا رأسها بإيجاب وهي بتبتسم بحب لا حب ايه دول عدوا الحب بمراحل نقول عشق……
مر اليوم بسلام، و أخيرا أبطالنا ناموا في سعاده و راحه غايبه عنهم من زمان، بس يا تري هل الفرحه هتفضل وتكون النهاية سعيده ولا القدر ليه رأي تاني…….
تاني يوم الصبح….
في أوضة يارا ومراد كانوا نايمين والإبتسامه علي وشوشهم، بس قطع نومهم صوت خبط علي الباب قاموا الأتنين وقالت يارا…….
يارا:/في ايه مين بيخبط دلوقتي، أنت مستني حد.
مراد بإستغراب:/لا…. والله لو عمر لهطلع عينه هو ومراته أنا بتلكك ليهم أصلا.
يارا:/هههههه…. طب قوم شوف مين.
قام مراد وفتح الباب و قال بإستغراب……….
مراد:/في ايه يا داده هو انا مش قايل ماحدش يصحينا لحد ماحنا نصحي لوحدنا.
الداده:/والله يابني مش كنت هصحيكم بس صحاب يارا تحت بس خليها تلبس حجابها علشان فيه رجاله.
مراد :/قصدك يعني غيث وفهد…. او ليكون قصدك يوسف.
الداده:/لا لا دول ناس تانيه مش شفتهم قبل كده.
مراد:/طيب يا داده خليهم يتفضلوا وأحنا هنلبس وننزل.
قفل مراد الباب ودخل فسألت يارا……….
يارا:/في الداده قالت ايه.
مراد:/ماعرفش بس بتقول في ضيوف تحت والبسي الحجاب علشان في رجاله تحت.
يارا بإستغراب:/رجاله…!
بعد شويه كان مراد واقف بيظبط شعره قدام المرايا وكان شكله وسيم لدرجه كبيره، خرجت يارا من الحمام وكان حورية بكل ما تعنيه الكلمة كانت لابسه فستان Baby Blue وكان فيه أحجار بتلمع، أول ما شافها مراد سرح فيها بس فجأة قال بغضب…………..
مراد:/غيري الفستان ده.
يارا بإستغراب:/ليه ماله ماهو حلو وفضفاض اهو.
مراد:/لا حلوه بزيادة وأنا مش بحب حد يبصلك غيري.
يارا:/يا حبيبي كده هنتأخر علي الناس.
مراد:/أنا قلت اللي عندي مافيش نزول كده.. يا إما بقي لو عاوزه تفضلي لابسه الفستان خلاص نقعد هنا وسيبك منهم.
يارا برفعة حاجب:/وسع علشان انا خلقي ضيق وكفايه عليا ابني………ابن هنا اصله مطلع عيني.
مراد:/ليه ضايقك… أنا عارف انه هيورث غباء أمه وابوه خصوصا امه.
يارا:/هههههه خليها تسمعك.
مراد برفعة حاجب:/مش تقدر تعمل حاجه.
يارا:/طيب خلاص وسع علشان اشوف هلبس ايه.
تحت عند الضيوف………….
كانت قاعدين البنات ليلي، ونرمين، وكاميليا ومعاهم جورج، و مروان و مازن فقال مازن بضحك كالعاده……..
مازن:/ماشاء الله ولا كلمه…. مقام الهانم برده.
كاميليا:/أنت جاي تحسد ولا ايه.
مازن:/هههههه أنا بقر بس.
نرمين:/لا حول ولا قوة الا بالله..اسكت ليحصل حاجه ومراد باشا هيطلعنا من هنا زاحفين.
ضحك الكل بس سكتوا لما سمعوا صوت نزلوا مراد ويارا وبصوا علي السلم لقوا مراد شايل يارا ونازلين، بصوا البنات للشباب وقالوا في نفس واحد………
البنات:/شباب آخر زمن.
بصوا الشباب لبعض وضحكوا، نزل مراد يارا وأول ما نرلت يارا وشافت البنات جريوا عليها جامد وهما بيحضنوها فضربتهم يارا بخفه وقالت بصوت واطي……
يارا:/يا جزم براحه علشان البيبي.
فرحوا البنات جدا بس يارا نبهت عليهم ماحدش يتكلم علشان مراد لسه مش يعرف هما استغربوا بس قالوا لما يبقوا لوحدهم هيتكلموا بس قالت يارا لمراد………
يارا:/مراد حبيبي ممكن دقيقه.
ايجي مراد وهو بيقول….
مراد:/في ايه حاسه بتعب اطلب الدكتوره.
يارا:/لا لا أنا كويسه بس ممكن ترن علي عمر يجيب هنا وحمزه وبعدين العيلة ويجوا علشان القاعده من غيرهم وحشه.
مراد برفعه حاجب:/القاعده من غيرهم وحشه؟… هح حاضر يا عيوني أنا ماقدرش ارفض ليكي طلب.
بالفعل رن مراد علي عمر وقاله يجي علي القصر وقفل معاه وبعدين رن علي فهد وقاله…….
راح مراد وقعد مع الشباب وبدأ يتعرف عليهم، والبنات كانوا في المطبخ بيعملوا كيكة ومن وسط كلامهم قالت ليلي بخضه…….
ليلي:/يعني لحد دلوقتي لسه مش يعرف.
البنات:/اششششش هتفضحينا.
ليلي:/افضحكم ايه ونيلة ايه… يارا ليه تعملي حاجه زي دي.
يارا بعصبية:/مبدئيا صوتك مايعلاش ثانيا…
ولسه هتكمل بس حست بوجع في بطنها جامد ووقعت علي الأرض فجأة البنات صرخت جامد وايجي مراد والشباب المطبخ واتصدم مراد من اللي شافه وشال يارا بسرعه وكله بيجري وراه وخرجوا وفي الوقت ده كانت كل العيلة وصلت ماعدا غيث هنا طلعت تجري وهي بتسأل في اي بس ماحدش رد، ركب مراد العربية و راح مستشفي الألفي…
في المستشفي…..
دخل مراد وهو بيزعق وبيقول……..
مراد:/عايز دكتوره بسرعه.
وقف بعض الدكاتره قدام مراد فقال بحده……
مراد:/أنا قلت دكتوره.. ولا انتم طرش.
الدكتور:/يا باشا كل الدكاتره الستات مش فاضيين حاليا.
مراد:/يعني مستشفي طويلة عريضة مافيهاش دكتوره فاضيه.. تمام أوي حسابكم معايا بعدين.
عمر:/خلاص يا مراد اهدي وخلي الدكتور يكشف.
مراد بعصبية زايده:/لا ومافيش رجاله هتقرب من مراتي والكلام خلص ولو ماختش دكتوره حالا اعتبروا نفسكم مطرودين.
عمر:/دول مش رجاله….. يعني اقصد دكاتره مش رجاله.
كل الدكاتره ومراد بصوله بغيظ فغمز ليهم عمر انه قال اي بيهزر 😂.
ايجي دكتوره من ورا مراد وقالت……
الدكتوره:/أنا جيت يا فندم يلا بسرعه.
دخل مراد مع يارا أوضه الكشف مع محاوله من هنا والبنات انه مايدخلش بس مافيش فايده، كان الكل واقف خايف علي يارا ماعدا البنات لانه عارفين أنه شئ طبيعي أثناء الحمل بس اللي كان مخوفهم هو أنه مراد يعرف من الدكتوره ويعرف إن يارا خبت عليه……
************************************
عند غيث…………
كان قاعد في أوضته مركز في موبايله وبيقول…..
غيث:/عارف إن اللي بعمل غلط بس زي ما بيقولوا القلب مالوش سلطان.
وكان بيبص في الموبايل وكانت صور لي يارا وهي بتلعب مع حمزه وهي بتتكلم مع هنا وهو بيقلب جت صوره كانت يارا لابسه جيبه قصيره وبلوزه مفتوحه وكانت في اوضتها لانها مش بتلبس قصير برا اوضتها، وأكيد لو شافت صوره زي دي مستحيل تسكت ………!
***********************************
في أوضته الكشف قال مراد بتوتر وقلق….
مراد:/في ايه يا دكتوره قلقتيني.
الدكتورة بإبتسامه:/لا لا مافيش داعي للقلق اللي بيحصل ده طبيعي في حالتها.
مراد برفعة حاجب:/طبيعي إزاي لمؤخذة….. طبيعي إنها كل شويه تتعب وترجع.
الدكتورة بإستغراب منه:/ايوا طبيعي الواحدة الحامل بتفضل تتعب وترجع وهي حامل في تلت شهور.
مراد بعصبية:/ايههههه حااااامل.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية انت مرادي)