رواية طفلة في عصمة صعيدي الفصل الثالث والعشرون 23 بقلم رحمة حوالة

رواية طفلة في عصمة صعيدي الفصل الثالث والعشرون 23 بقلم رحمة حوالة

رواية طفلة في عصمة صعيدي البارت الثالث والعشرون

رواية طفلة في عصمة صعيدي الجزء الثالث والعشرون

رواية طفلة في عصمة صعيدي الحلقة الثالثة والعشرون

كانت واقفه فريده متصمرة في مكانها وتعبيرات الصدمه ظاهرة علي وشها، لكن صدمتها المرادي كانت اكبر وهي شايفه سلمي وهي نايمه جمب عصام، حطيت ايديها علي قلبها واتملت عيونها بالدموع وافتكرت نفس المشهد اللي عدي عليها بين نانسي وابوها محمد.
طلعت صرخه منها صحت عصام وسلمي، قام عصام وهو بيفرك في عينه وبيبصلها باستغراب، بص جمبه بصدمه لما شاف سلمي وهي بتبص حواليها باستغراب، طلع منها كلام بصعوبة وهي بتبصله وبتحط الملاية عليها
_ايه اللي حصول، حصول ايه!!
عصام قام وقف ولبس قميصه وهو مش فاهم حاجه، قرب من فريده اللي كانت بتبكي بقهر وبترجع خطوات لورا كل لما يقرب منها
طلعت فريده من الاوضة وطلع وراها عصام
_فريده استني، انا مش فاهم حاجه والله معرفش ايه اللي حصول
قربت فريده منه وزادت دموعها وهي بتضربه علي صدره…مش فاهم حاجه ايه كل حاچه مفهمومه،سلمي كانت في اوضتك طول الليل ليه!! متنطجش عاد، خلاص يا عصام كل حاچه بينا انتهت
في الوقت ده طلعت سلمي وهي بتعيط وطلع حمزة ومعاه بتول من اوضتهم واتفاجئوا من الوضع
قرب حمزة من عصام وسأله باستغراب… ايه اللي حصول يا عصام
عصام بصله ومقالش اي حاجه، وبص حمزة لسلمي… في ايه يا سلمي بتبكي ليه
سلمي قربت منه بخطوات مهزوزة وبصت لعصام بكره… عصام استغلني وعمل اللي هو رايده
قربت سلمي من عصام ومسكته من قميصه ونبرتها الحزينه اتحولت لغضب… عصام استغل اني لوحدي وملياش حد وعمل فيا اللي هو رايده اني مش خابرة لي حاجه غير انه اداني عصير امبارح وبعد ما شربته صحيت لجيت نفسيا اهنيه
فريده حطت ايدبها علي قلبها وهي بتسمع كلام سلمي وحمزة وبتول بصوا لعصام بصدمه مكنوش مستوعبين ان عصام ممكن يعمل كده، اما هصام هز راسه بالنفي وكإنه بيحاول يبرر نفسه من غير ما ينطق بكلمه، كان لسه بيستوعب الموقف اللي اتحط فيه ومكنش فاهم حاجه
_لاه والله اني معملتش ككيف ما هي بتقول كل اللي بتجوله ديه كذب اتي معملتش حاجه
بصت سلمي لفريده اللي كانت بتعيط بقهر ووجع وكانت نظرات سلمي ليها كلها مكر وحاولت تخبي ابتسامتها وقالت سلمي لنفسها
_بخطه واحده هفرجكم ومش ديه هتبجي الصدمه الاولي في صدمه كمان شوية.
قربت سلمي اكتر من عصام وقالتله بنبرة كلها تهديد…. انت هتتچوزني، وهتصلح الغلطه ديه لإلا قسما بالله لاوديك واوديكوا كلكوا في داهية، ولو مش مصدجيني اسألوا فريده
قربت بتول من فريده وخدتها في حضنها وحمزة قرب من عصام بغضب… ايه اللي انت عملته ديه، انت كيف تعمل ديه، انت جليت في نظري جوي يا عصام
بص عصام لحمزة ومتكلمش وقرب من سلمي… اتكلمس يا بت انتِ جولي الحجيحه هتستفادي ايه من اللي انتِ بتعمليه ديه انا معنلتلكيش حاچه ولا حتي چبتلك العصير، اخر حاجه عملتها في يومي اني دخلت اوضتي لوحدي علشان انام. انطجي
سلمي باستفزاز… حسبي الله ونعم الوكيل فيك، رايد تهرب من اللي انت عملته، بس انسي نش هخليك تطلع منيها بعد اللي انت عملته.
بصلها عصام برافعة حاجب وبعد عنها وقرب من فريده وشد ايديها من حضن بتول واتكلم بنبرة مهزوزة… فريده والله اني معملتش حاجه، اني مش مهم عنديا كلام اي حد غيرك انتِ، جولي انك مصدجاني، جولي انك عرفاني اني عمري ما اجدر اعمل اكده
بصلها بترجي وقرب منها اكتر وفصل المسافه ما بينهم… اتكلمي يا فريده، انطجي جولي انك مصدجاني، اني عصام حبيبك، اني عمري ما بصيت لبت غيرك، مستحيل اعمل اكده، اجفي جدام سلمي وجوليلها اني واثجه في عصام، اتكلمي يا فريده انتِ مصدجاني صوح؟!!!
فريده بصت لعصام وبصت للاوضه وهي بتتخيل مشهد باباها ونانسي اللي اتعاد عليها، وبعد اللي حصل مكنتش قادرة تثق في حد تاني
هزت راسها بالنفي، وثقت في عيونها ومقدرتش تثق في عصام بعد اللي شافته.
عصام بعد عنها لما شاف في عيونها عدم التصديق
وقالت بنبرة مهزوزة… اتجوزها يا عصام، اتجوز سلمي وصلح الغلطه ديه، واحنا خلاص كل حاجه ما بنيا انتهت.
عصام بص لعيونها اوي وهو بيحاول يستوعب اللي قالتله، حبيته الوحيده اللي قدر يحبها عمرها ما قدرت تصدقه، قالت فريده كلامها وجرت من قدامه باتجاه اوضتها، قربت من باب اوضتها ووقفت وهي مسنوده علي الحيطه تعيط بقهر، قربت من الباب ولسه هتفتحه علشان تترمي في حضن محمد وتحكيله علي اللي حصل لكن قبل ما تفتح الباب سمعت صوت باباها وهو بيكلم حد في التليفون
_متجلجش كل حاچه ماشيه كيف ما احنا رايدين، واني دلوك في الفيلا بعد ما بتي العبيطه صدجتني ودخلتني الفيلا، وجريب هجدر اجتل حمزة.
فريده فضلت واقفه تبص للباب بصدمه، وطت راسها وحاولت تشتوعب كمية الصدمات اللي اخدتها، ادركت ان ابوها كان بيضحك عليها ومتغيرش زي ما قال، جرت ونزلت مرة تانيه للريسيبشن وشافت عصام وهو لسه واقف في مكانه ومن غير ما تتكلم جرت من الفيلا وطلعت برا.
……………
وفي بيت متوسط كانت واقفه ملك في الحمام وخصوصا علي ايد البانيو، اتنفست بقلق وهي باصه للارض
_يلا يا ملك، نطه واحده، نطيها ومتقلقيش، لازم انط علشان اقدر اشوف مروان
فركت ملك ايديها ونزلت من البانيو بعد ما مقدرتش تنط
_ لاه هو اني هكسر نفسيا علشان مروان ييچي ما اني ممكن امثل اني وجعت واتكسرت
مسكت موبايلها اللي كان جمبها واتصلت علي رقم مروان، استنت ثواني لحد لما رد واتكلمت بدموع…. مروان الحجني،اني وجعت وحاسه بوجع كبير جوي في رجلي تعالي الحجني
مروان بخوف… اني چاي حالا يا ملك
مروان جري من بيته بخوف وركب عربيته،وبعد شوية كان واقف عند باب بيتها، فضل يفكر ازاي يدخل البيت لحد لما فكر يكسره ولسه جايه يزقه لقاه مفتوح، رفع حاجله وابتسم وقال لنفسه
_كيف الباب مفتوح، ااه يبجي انتِ جصده اني اجي يا ملك
دخل وهو بيضحك لحد لما وصل للحمام، حاول يخفي ضحكته لما شاف ملك وهي في الارض وماسكه رجليها وبتتأوه بوجع وبتعيط
اول لما شافها ابتسم بينه وبين نفسه وكان متأكد انها بتمثل علشان تخليه ييجي وتشوفه
قرب منها وقعد في مستواها ومسحلها دموعها… متبكيش يا ملك، اني چمبك تعالي لاول اشيلك احطك في اوضتك
قال مروان كلامه وشالها بين ايده ودخل اوضتها وحطها علي السرير
_ايه اللي حصول يا ملك؟!
_اني كنت داخله اخد شاور بس اتزحلجت ووجعت علي رچلي، ديه بتوجعني جوي يا مروان
مروان برافعة حاجب.. بتوچعك جوي؟!
هزت ملك راسها بالايجاب فقال مروان.. طب يلا لازمن نروح المستشفي نعمل اشاعه يمكن يكون في كسر
بصتله ملك بقلق وهزت راسها بالنفي… لاه، لاه اني مش رايده نروح المستشفي علشان خاطري
_ليه لاه؟! لازمن تروحي يلا تعالي نروح
مسكت ملك في السرير علشان ميقومهاش وهزت راسها باعتراض… لاه يا مروان جولت لاه، اني كنت رايده تيچي علشان تجومني بس.
_يعني رايداني امشي يا ملك؟!!!
قامت ملك وقف علشان بشوف ردة فعلها وكان لسه هيمشي لكن ملك وقفته… لاه استني متمشيش
……………
اتملت الفيلا بالصمت، بعد ما انتشر الحزن في ارجائها، كان الكل في اوضتهم بيفكروا باللي حصل.
في اوضة بتول وحمزة كانت قاعده بتول علي السرير بتعيط
قرب منها حمزة ومسك ايديها… ممكن اعرف سبب بكائك ايه،اني عارف ان عصام عمل غلطه كبيرة جوي،بس اني مش هخليه يطلع منيها غير لما يتچوز سلمي ويصلح اللي عمله؟!
بصتله بتول وقالت بدموع… كيف عصام يعمل اكده،مفكرش بفريده اللي يا حبة عمري شافت كتير في حياتها، فعلا علي رأي فريده، الرچاله متتؤمنش ولا انت ولا عصام
بصلها حمزة وخبط ايد في ايد… لا حول ولا قوة الا بالله طب ويه دلوك تچمعي كل الرچاله، اني يا بتول عملتلك حاچه
_حتي لو معملتليش دلوك بعدين هتعمل، كل الرچاله كيف بعضها.
بصلها حمزة واتنهد… مش هدخل وياكي في نجاش دلوك علشان انتِ حامل، بس اول لما تولدي ولدنا هشربك كل اللي بتعملي ويايا ديه
……………
وعند عصام كان واقف بيضرب ايده في الحيطه بغضب وخبية امل، كان لسه بيستوعب انه متهم بحاجه هو معملهاش، وكان لسه بيستوعب ان فريده مصدقتهوش
قطع حبل افكاره صوت خبط علي باب الفيلا، طلع من اوضته جري وهو فاكر ان فريده هي اللي هتبقي بتخبط، كان تايز يتكلم معاها، كان عايز يعاتبها لعدم تصديقه
نزل للريسبشن وشاف حمزة وبتول واقفين بعد ما فتحوا الباب وكان واقف قدامهم ظباط، ومنهم ظابط بيكلم حمزة
_ وكيف طبعا ما انتوا عارفين ان محمد الشافعي هرب وعلشان اكده چينا نفتش الدار
الكل ظهرت علي تعابير وشهم الصدمه وقال حمزة بنبرة مهزوزه…. هرب؟! عمي هرب؟!
كمل الظابط وهو ماسك ورقه في ايده وبيديها لحمزة… ديه امر بالتفتيش استاذ حمزة
مسك حمزة الورقه وقرأها وهز راسه بموافقه فشاور الظابط للي معاه انهم يفتشوا الفيلا.
في الوقت ده كانت واقفه سلمي فوق عند السلم، جرت بسرعه لاوضة فريده اللي فيها محمد وقفلت الباب وراها، بصلها محمد باستغراب فقالت سلمي بتوتر… فيه حكومه اهنيه، وبيفتشوا عليك
حط محمد ايده علي قلبه بصدمه وبص من البلكونه شاف عربيات البوليس
_ مش هتجدر تهرب من اهنيه استني تعالي اوضتي البلكونه من النحية التانيه بس استني اتأكد ان محدش هيشوفك
قالت سلمي كلامها وطلعت من الاوضه وهي بتبص حواليها لحد لما انأكدت ان محدش في الممر او في اوضتها وشاورت لمحمد انه يطلع واتسحب لحد لما وصل للاوضة ونط من البلكونه
وقفت سلمي تبص عليه وهو بينط وبيجري من جمب الفيلا بعيدا عن عربيات البوليس، لكن فجأة سمعت صوت حد من الظباط وراها
_انتِ مين، وليه بتبصي اكده، في حاچه؟!
لفت سلمي وشها نحية الظابط وبصتله بتوتر وهزت راسها بالنفي فقرب منها وبص من البلكونه لكنه ملقاش حاجه
………
وعند مروان وملك
ابتسم مروان والتفت ليها… ماشي يا ستي مش همشي ومش هوديكي المستشفي، هروح اچبلك وكل انتِ جعانه؟
هزت ملك راسها بالايجاب ومروان سابها وراح المطبخ، فضلت مستنياه لحد لما دخاها وهو ماسك صنية اكل
_الوكل اهو يا ملك
ابتسمت ملك وقعد مروان وابتدوا ياكلوا، كانت بتبصله في عيونه مباشرةً بنظرات كلها هيام، اما هو كان مركز معاها وهي بتاكل ونظراته كلها مليانه عشق، كان فرحان انها اتحججت علشان تشوفه.
وبعد شوية قام وقف بعد ما خلصوا اكل واخد الصنية في ايده ودخل المطبخ، قامت ملك وقفت وقربت من باب المطبخ وفضلت تبصله وهو بيعين الاكل، كانت بتراقب كل تحركاته في المطبخ.
وفجأة سمعت صوته…. ملك
وقفت ملك متصمرة في مكانها، اما هو قرب منها برافعة حاجب….جادرة تمشي علي رچلك دلوك!! يا ملك
مروان قرب منها وملك رجعت خطوات لورا
_استني هفهمك يا مروان
مروان وقف عند باب الشقه وضيق عينه… انا نازل هستناكي في العربية، عشر دجايج والاجيكي تحت
قال مروان كلامه ونزل وهو بيضحك.
……..
كانت فريدة ماشية في الشارع بلا هدف،بتفكر في اللي حصلها شافت خيانة حبيبها قدام عيونها واتغدرت من باباها، خطواتها مهزوزة ودموعها ما بتوقفش، عينيها مليانة حيرة وكأنها مش عارفة هي فين ولا رايحة على فين لكنها مكنتش قادرة ترجع الفيلا مرة تانيه. قعدت علي كرسي قدام عمارة لما حسيت انها عايزة ترتاح، فضلت تعيط بقهر ووجع وكإنها بتحاول تخرج اللي جواها
كان قدام العمارة صوان عزا لشخص متوفي، كل اللي جوا الصوان كانوا قادرين يسمعوا صوت عييطها، في الوقت ده كانت واقفه ست قدام واحده تاتيه ويشاوروا علي فريده فقالت واحده منهم
_ شوفي البت ديه يا حبة عمري، شوفي بتبكي كيف، شكل اكده المتوفي جريب منيها اوي
_ايوه يمكن ابوها، البت صعبانه عليا جوي، بتبكي بجهر، تعالي نروح نواسيها
قربوا منها وخدوها في حضنها وقالت واحده منهم… البقاء لله يا حبيبتي،اني عارفه ان فراج الاب صعب جوي بس هو دلوك في مكان احسن، ادعيله بالرحمه وافتكري كل الحلو اللي عمله وياكي
بصتلها فريده بنظرة غير مفهومه وهزت راسها بالنفي.. لاه للاسف ابويا عايش ويايا،اني اول واحده تتمني ان ابوها مكنش يطلع من السچن وكان ياخد اعدام بعد اللي عمله ويانا، ديه مش اب، ومينفعش اجول عليه انه اب، وحتي لو مكنش موچود مفيش حاچه حلوة اجدر افتكره بيها.
كانت بتتكلم بوجع وعيونها كانت بتتكلم اكتر من لسانها، اما هما بصولها باستغراب وفريده قامت من الكرسي وبصت قدامها علي يافطه مكتوب عليها«عيادة دكتور اياد الموجي للطب النفسي»
♡ سلمي قدرت تبوظ علاقة فريده وعصام
♡ فريده مكسورة جدا من عصام وعصام كمان مجروح منها لانها مصدقتهوش
♡سلمي عملت كده علشان تتجوز عصام، يا تري هتقدر تتجوزه وليه اصلا عايزة تتجوزه؟
♡ محمد هيعمل ايه بعد ما قدر يهرب
♡ايه اللي ممكن يحصل مع فريده؟ هل ممكن تتعالج؟
♡ ملك شكلها وقعت هي ومروان والحب شكله متبادل

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية طفلة في عصمة صعيدي)