رواية والعلة هي العشق الفصل التاسع 9 بقلم سولييه نصار

رواية والعلة هي العشق الفصل التاسع 9 بقلم سولييه نصار

رواية والعلة هي العشق البارت التاسع

رواية والعلة هي العشق الجزء التاسع

رواية والعلة هي العشق الحلقة التاسعة

(قنبلة)
وقف جدها لثواني وهو بيحاول يستوعب كلامها …فعلا …معقول هتوافق …كان بجد مش مصدق ..
-بجد …موافقة …موافقة يا لينا ؟!
قالها جدها وهو مبتسم بسعادة كان باين عليه الراحة …ابتسمت بتريقة …هو كان خايف أنها فعلا هتاخد قاسم من دلال. ..
رفعت راسها وقالت:
-ايوة بجد….يعني شوفت انك خايف اني أسر ق قاسم من مراته قولت اريحك….بما انك شايف اني انسانة اخلاقها ز فت وممكن تسر ق راجل من مراته …
وش جدها اصفر وهز رأسه وهو بينفي :
-والله العظيم ابدا يا بنتي …اقسم بالله عمري ما فكرت فيكي بالطريقة دي ابدا …أنا واثق فيكي بس مش واثق في قاسم …قاسم هيعمل المستحيل عشان يتجوزك ….وهيفضل يطار..دك….وعشان اضمن انه ميعملش كده عايز اجوزك واطمن…
ابتسمت لينا بتريقة وقالت :
-هحاول اصدقك…عموما مش جاية اطلب منك تبريرات …عرفت ايه هي اولوياتك…بنت صديقك طبعا اهم بكتير من حفيدتك …ده اللي انا خلاص قبلت بيه ….أنا جاية احط.شروطي عشان اتجوز اللي أنت تشاور عليه….
-حطي شروطك اتفضلي …
قالها بصبر ….
ابتسمت وقالت وهي بتقعد مرتاحة :
-اولا هتكون فترة فيه فترة خطوبة …الفترة دي أنا اللي هحدد امتى هتنتهي …ثانيا أنا عايزة حفلة خطوبة كبيرة تتعمل في القصر هنا …عايزة الصحافة كلها تتكلم عن خطوبتي …عايزة الناس كلها تشوفني ….
اتجمد وشه وهو بيبصلها فكملت شرطها التالت وقالت :
-مهما كان العريس اللي هتختاره لازم أنا اشوفه واوافق عليه الأول …..
بصتله في عينيه وقالت:
-واخر شرط.ليا…ان بعد الجواز هعيش أنا والعريس هنا في قصرك …معاك…..
……….
في اليوم التاني …
كان جابر في بيت ام دلال بيتكلم معاها هي واخوها
-ليه هو ابني مش قد المقام ولا ايه عشان السنيورة حفيدتك تشوفه وتقرر توافق او متوافقش ….حرا م ايه يا جابر بيه هي حفيدتك فاكرة نفسها ايه …
فضلت ام دلال تتكلم وكانت هتجـ نن وهي حاسة ان البنت دي مش سهلة…هي مش هتسمح انها تبو ظ مخططها …زي ما جوزت دلال لقاسم ..لازم تجوز قصي للينا….عشان تبقى الثروة دي بتاعتها …بس لينا طلعت مش سهلة ابدا ….
بصلها جابر بحز م وقال:
-ألزمي حدودك معايا يا ام دلال …أنا لو كنت بعمل كده بعمله عشان خاطر بنتك …عشان قاسم يطلع لينا من دماغه…فياريت تساعديني …ومتنسيش قصي هيناسب مين….
مقدرتش ترد عليه وهي حاسة بالغيـ ظ منه…هو فاكر نفسه ايه ….بس تقدر تحط ايديها على فلوسه هتطر ده من قصره ….
غمض جابر عينيه وهو بيفتكر الشرط اللي لمع في دماغ لينا فجأة وفتح عينيه وقال؛
-هي.حاطة كمان شرط غريب …عايزة كلكم.تتجمعوا في البيت عشان تطلبوا ايديها…انتي وابنك ودلال …وحتى قاسم …
-حفيدتك دي كيا دة…
ابتسم جابر وقال بالعكس هي هتعمل الصح عشان قاسم ينساها
…….
بعد شوية
-معلش اتجوز مين؟!هو انتِ اللي هتمشي حياتي يا ماما …
قالها قصي وهو متعـ صب…عينيه الزرقا كانت بتلمع بغـ ضب …حاولت والدته تهديه وتقول :
-وماله يا بني البنت حلوة وحفيدة جابر بيه …هو اللي يعيبها بس …
بصلها وقال بتريقة.:
-مشكـ لتك فاهمة اني عبـ يط يا ماما …فاكرة مش عارف انتِ عايزاني اتجوزها ايه!!!عارف انها كانت خطيبة قاسم ….
-ايوة ..كويس أنك فاهم…واكيد فاهم ان واحدة زي دي ممكن تبو ظ.جواز اختك …فاتجوزها انت ….
-اتجوز واحدة قلبها مع واحد تاني….
-خليها تحبك…ولو رفضتك اكـ سر مناخيرها واتجوز عليها لحد ما تخضع ليك المهم تبعدها عن اختك …
قربت منه ومسكت ايديه وقالت :
-ابوس ايديك يا بني ابعدها عن اختك ..أنا صدقت ان البت عقدتها اتفكت واتجوزت …ابوس ايديك يا قصي…انت الوحيد اللي تقدر تبعد البنت دي عن اختك …البت دي عايز تد مر جواز اختك …
و بالطريقة دي قدرت تنجح في انها تكر ه ابنها في لينا!!!.
…….
بعد يومين …
-معلش ممكن اعرف احنا متجمعين هنا ايه كلنا !!
قالها قاسم بحيرة. هو شايف الكل متجمع في بيت جده لينا واهلها …وحماته واخو مراته ….وخال مراته …كان حاسس بقلبه مقبو ض وهو بيبص على حبيبته لينا اللي كانت في قمة جمالها …كانت لابسة فستان احمر محتشم وشعرها البني فرداه ونازل.على كتفها …كان بيتكلم وهو مش قادر يشيل عينيه عنها ….
بصله جابر وقال :
-متجمعين عشان فيه مناسبة النهاردة…قصي اخو مراتك متقدم للينا!!!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية والعلة هي العشق)