رواية دكتورتي الجميلة الفصل الخامس 5 بقلم رنا تامر

رواية دكتورتي الجميلة الفصل الخامس 5 بقلم رنا تامر

رواية دكتورتي الجميلة البارت الخامس

رواية دكتورتي الجميلة الجزء الخامس

رواية دكتورتي الجميلة الحلقة الخامسة

ريم بإبتسامة استفزاز/ انا كويسه.. صحيح يا لي لي طمنيني على gentleman بتاعك.
لينا بإستغراب/ انتي بتتكلمي على مين بالضبط.
ريم بغيظ/ اللي استبدلتي يوسف عشانه وبتمثلي على يوسف انك شريفه اوي ومبتعرفيش ولاد وانتي مقضياها.
ريم كانت في صدمه كبيره عندما تلقت صفعه قويه هبطط على وجهها من لينا.
الكل كان في صدمه من الذي فعلته لينا مع ريم.
لينا رفعت ابهامها امام وجه ريم وتحدثت بتحذير/ تاني مره لما تتكلمي معايا.. تتكلمي بأدب وتعرفي انتي بتتكلمي مع مين كويس.
ريم وضعت يديها علي وجهها وتحدثت بحده/ انتي ازاي تعملي معايا كده.. انتي اتجننتي.
لينا بإبتسامة استفزاز/ لا يا روحي انا عقلت.. وعشان مكبرش الموضوع مش هرفِضك من المدرسه.. كفايه اوي القلم اللي اخدتيه خليه تحذير ليكي احسن ما تقعدي في بيتكوا وتخسري مستقبلك.
ريم كانت سترفع يديها وتضرب لينا ولكن اتصدمت ب من الذي يمنعها.
يوسف بتحذير/ اياااكي تفكري تمدي ايديك عليها انتي فااااهمه.
ريم بحده/ والله عال يا سي يوسف لسه بتدافع عنها وهي بتلعب بيك وبمشاعرك.
أدهم بحده وهو يمسك ب يد ريم/ كفااايه اوي يا ريم لحد كده.. تعالي معايا يلا.
ريم زاحت يد أدهم من يديها ونظرت الي لينا وتحدثت بتوعد/ والله يا لينا لأندمك على اللي عملتيه معايا ده.
ذهبت ريم وذهب ورأها أدهم.. ويوسف نظر الي لينا بنظره لم تفهمها ومن ثم ذهب ولينا اخذت صديقتها وذهبوا.
ــــــــــــــــــــــــــــــــــــــــــــ✦
عند ريم..
ريم بغضب/ والله لدفعها التمن.. بقى انا ريم الهواري تيجي بت ملهاش لازمه زي دي تعمل معايا كده.
أدهم بغيظ/ متنكريش انك غلطانه بردوا يا ريم وانتِ اللي بداتي اصلاً.
ريم بحده/ انت مع أختك ولا معاها يا أدهم.
أدهم بهدوء/ انا مع الحق يا ريم وانتي عارفه كده كويس.
ريم بغيظ/ ولا يوسف بيه اللي عاملي فيها gentleman وجاي يدافع عنها.
يوسف بإبتسامة شر/ كان لازم اعمل كده يا حياتي عشان اوقعها في المصايده.
ريم بسخريه/ انت بتضحك على نفسك ولا على مين.. دي مش شايفاك اصلاً.. ثم اكملت بحده.. فوق بقى من الوهم اللي انت عايش فيه ده.
يوسف بثقه/ بكره تشوفي اني هوقع لينا وهخليها تتمني بس نظره مني.
ــــــــــــــــــــــــــــــــــــــــــــ✦
في فيلا الانصاري..
في غرفه مراد..
طارق بحده وهو يحاول ايقاظ مراد/ قوم يا بيه.. قوم يا اخره صبري.
مراد بضيق/ ايه يا بابا فيه حد يصحي حد كده.
طارق بسخريه/ حقك عليا يا حبيبي كان المفروض انبهه علي اللي موجدين في الفيلا ميعملوش صوت عشان ميزعجوش سيادتك في منامك.. ثم اكمل بحزم.. قوم يلا نص ساعه تكون تحت وقاعد بتفطر معانا.
خرج طارق واستقيظ مراد وهو يحدث نفسه بضيق/ هو انا بطفش من البيت ده من شويه.
ــــــــــــــــــــــــــــــــــــــــــــ✦
على مائدة الافطار..
هبط مراد بعد ان جهز نفسه وجلس ومن ثم تحدث طارق بإستغراب/ غريبه يعني.. مروحتش النادي انهارده يعني.. ثم اكمل بسخريه.. ايه بعد الشر قررت تعتزل.
مراد ببرود/ اكيد لأ طبعا.. بس مليش مزاج اروح انهارده.
طارق نظر الي حازم الذي كان شارد وتحدث معه بسخريه/ وانت كمان يا استاذ حازم ملكش مزاج تروح الجامعه.
حازم كان شارد في الفراغ.. ولم ينتبه على حديث والده.
طارق نظر الي سوزان وتحدث بضيق/ اهو اتفضلي واهو التاني في عالم موازي ومش معانا.. بكلمه مش سامعني أصلاً.
سوزان وهي تنظر الي حازم وتحاول تنبيهُ بهدوء/ حااازم.. باباك بيتكلم معاك.
حازم انتبه علي والدته وتحدث بتساؤل/ كنتي بتقولي حاجه يا ماما.
سوزان نظرت له ومن ثم نظرت الي طارق وحازم نظر الي طارق وتحدث بتعجب/ فيه ايه بتبصولي كده ليه.
طارق بسخريه/ احنا بنعتذر لسيادتك يا حازم بيه قطعنا تفكيرك الفظيع.
حازم نظر الي اخيه الذي كان يضحك بداخله ومن ثم نظر الي والده وتحدث بعدم فهم/ هو انا عملت حاجه يا بابا.
طارق بإبتسامة مزيفه/ لأ يا قلب ابوك هو انت بتعمل حاجه.. ده انت ملاك يا حبيبي.. ثم اكمل بتساؤل.. قولي بقى يا حازم ايه اللي مبوظ خلقتك بالشكل ده.
حازم بتوتر/ احم احم.. مفيش كنت بهزر مع صاحبي امبارح في الجامعه.
طارق بهدوء ما قبل العاصفه/ امممم قولتلي بتهزر.. ثم اكمل بتساؤل.. ومروحتش الجامعه ليه بقي انهارده..بتهزر بردوا.
حازم بتعب مصتنع/ لأ بس حاسس اني تعبان شويه.
طارق بسخريه/ لأ الف سلامه عليك.. اهم حاجه صحتك يا اخويا.. متشتلش هم الجامعه خالص.. ارتاح زي ما انت عاوز.. ثم اكمل بحده.. بس لما تسقط السنادي مترجعش تعيط لأمك وتخليها تيجي تتكلم معايا اني ادفعلك فلوس الملاحق عشان تعدي السنه.
قام طارق من على مائدة الافطار وذهب الي عمله وسوزان نظرت الي ابنائها وتحدثت بحده/ يارب تكونوا مرتاحين بعد اللي عملتوا ده.
ـــــــــــــــــــــــــــــــــــــــــــــ✦
في الجامعه..
كان يقف ينتظره بفارغ الصبر.
هشام بسخريه/ اهلا بالبيه اللي عامل صاحبي.
انور بإستغراب/ فيه ايه يا هشام.
هشام اعطاه لكمه قويه علي وجهه وامسك ب لياقة قميصه وتحدث بحده/ رايح لاختي النادي انت واللي اسمه شريف وكنت عايز تعرض عليها عليها عرض وتقولي في ايه.
انور ازاح يد هشام بقوه وتحدث بحده/ ااه عملت كده بس سالت نفسك انا عملت كده ليه.. عشان انقذ اختك يا اهبل.
هشام بعدم فهم/ قصدك ايه وتنقذها من ايه.
انور هدأ وتحدث بجديه/ تعالي يا هشام نقعد وانا هفهمك كل حاجه.
ــــــــــــــــــــــــــــــــــــــــــــ✦
في حديقه الفيلا..
مراد بشك/ بقولك ايه انا مش داخل دماغي الكلمتين اللي قولتهم ل بابا دول.
حازم بلا مبالاه/ مش مهم.. مبقتش فارقه.
مراد بتساؤل/ مالك يا حازم؟؟
حازم وهو شارد في الفراغ/ مفيش حاجه.
مراد بغمزه/ علي اخوك يا حازم.
حازم بضيق/ مراد بعد اذنك سيبني لوحدي.
مراد جلس بجانب اخيه وتحدث بهدوء/ شوف يا حازم انت مش بس اخويا انت صاحبي الوحيد.. وانا حافظك كويس وعارف امتي بتكون متضايق وامتي بتكون فرحان.. واكبر دليل انك متضايق ومخنوق انك مروحتش تجيب اختك من المدرسه امبارح.. معأنه المفروض مهما يكون زعلك ايه هو.. تفصل زعلك وخنقتك ده عن اختك وتروح تجيبها عشان انت عارف انه مينفعش نسيبها تروح لوحدها.. ومع ذلك انا مجتش اتكلم معاك او اضايقك اكتر ما انت متضايق.. بس انت عارف انه اللي عملته ده غلط ومكنش ينفع تسيب اختك افرد جرالها حاجه.
حازم بندم/ انا اسف مكنش قصدي اعمل كده.
مراد بإبتسامة/ انا عارف انه مكنش قصدك بس لازم تتكلم مع اختك وتعتذرلها عشان هي متضايقه منك.. ثم اكمل بتساؤل.. ها بقى مش هتحكيلي ايه اللي مضايقك.
حازم استسلم وقص له كل شئ حدث معه منذ ان قابل ساره حتي الليله الماضيه.
مراد بضحكه خفيفه/ يعني الحوار طلع وراه بنت وانا اقول بقالك يومين مش علي بعضك ليه اتريك واقع ومحدش سمي عليك يا شاطر.
حازم بسخريه/ انت هتمثل.. عايز تفهمني انه وسط ما انت في النادي وبتتدرب عشان تكسب المسابقه.. واخد بالك من اخواتك وعارف عنهم كل حاجه عنهم.
مراد بجديه/ شوف يا حازم انا عارف انه انت بتشوفني اوقات كتير اني شخص اناني وبهتم بنفسي ومش بهتم بإخواتي ولا بهتم بأي حاجه.. بس انا مش كده وانت ولينا اول اهتمامتي وبحبكم اكتر من اي حاجه في الدنيا.. ف مش عايزك تفكر انه لعبه بسلي نفسي بيها هتكون اهم من اخواتي.. انت فاهم يا اخويا.
حازم بإبتسامة/ فاهم يا قلب اخوك.
مراد قام من مكانه وتحدث وهو ينظر في ساعته/ يلا انا هجهز نفسي عشان انا اللي هروح اجيب لينا انهارده من المدرسه.. وموضوعك هنتكلم فيه بعدين.
حازم نظر له بإبتسامة وذهب مراد وحازم عاد للنظر في الفراغ وهو يفكر في ساره.
ــــــــــــــــــــــــــــــــــــــــــــ✦
في المدرسه الثانويه..
قد انتهت من يومها الدراسي ونظرت في هاتفها وجدت اخيها يتصل.
لينا بهدوء/ ايوه يا مراد.. انت فين.
مراد بهدوء/ انا جهزت خلاص وهجيلك يا لي لي.
لينا بملل/ طب متتاخرش بالله عليك.
مراد بإبتسامة/ حاضر يا حبيبتي.
لينا اغلقت مع مراد وظلت تنتظره بفارغ الصبر.
في ظل ما لينا كانت تنتظر وصول اخيها رأت هشام ولكن معه فتاه هي لا تعرفها.
لينا ترددت كثيراً تذهب اليه ام لا.. ولكن قررت تذهب اليه قبل ان يذهب.
لينا بصوت عالي نسبيا/ هشااام.
هشام نظر اليها وتحدث بإبتسامة/ لينا ازايك.
لينا فرحت عندما رأته يتذكرها ويتذكر اسمها.
لينا بإبتسامة/ انا بخير الحمدلله.. وانت اخبارك ايه.
هشام بهدوء/ كويس الحمدلله.
لينا رأت الكدمات الذي بوجههُ وتحدثت بقلق/ ايه اللي في وشك ده.. مين عمل فيك كده.
هشام لاحظ قلقها وحاول تهدئتها بإبتسامة/ اهدي يا لينا انا كويس.. دي كانت خناقه بسيطه وعدت الحمدلله.
لينا بإبتسامة خفيفه/ طيب الحمدلله.
هشام نظر الي ساره وتحدث بإبتسامة/ نسيت اعرفك يا ساره دي لينا اتعرفت عليها من يومين.. و من ثم نظر الي لينا واكمل.. ودي ساره.
لينا بإبتسامة مزيفه/ اهلاً يا ساره.
ساره فهمت عليها وادركت انها تحدثها بهذه الطريقه لانها غيرانه على هشام.
ساره اخذت لينا بالحضن وتحدث بهمس بجانب أذنيها/ اطمني انا ابقى أخته.
لينا اطمئنت بعض الشئ وقامت بحضنها هي أيضاً بسعاده وساره ضحكت وخرجت من حضنها وتحدثت بإبتسامة/ اتشرفت بمعرفتك يا لينا.
لينا بإبتسامة/ ده انا اللي اتشرفت بمعرفتك.. نظرت الي هشام واكملت.. مش تقولي انه العسل دي تبقى اختك يا هشام.
هشام بضحكه خفيفه/ حقك عليا انا اسف.. ثم اكمل بتساؤل.. انتِ واقفه لوحدك ليه صحيح.
لينا نظرت في ساعتها ونظرت الي هشام وتحدثت بهدوء/ مستنيه اخويا مراد قرب يوصل.
هشام كان سيتحدث ولكن قاطعه وصول مراد و لينا عندما رأت اخيها نظرت الي هشام وساره وتحدثت بإرتباك/ احم انا مضطره امشي عشان اخويا وصل.. باااي.
ذهبت لينا وركبت سياره اخيها وذهبوا وهشام اخذ اخته وذهبو وهو في صدمه انه مراد الانصاري يكون شقيق لينا.
ــــــــــــــــــــــــــــــــــــــــــــ✦
في سياره مراد..
كانت شارده في طريقه حديثه وضحكته وغمزاته الذي جعلتها تحبه اكثر.. ولم تنتبه على شقيقها الذي يحدثها.
مراد بصوت عالي نسبيا/ ليناااا.
لينا انتبهت على اخيها وتحدثت بإرتباك/ احم.. كنت بتقول حاجه يا مراد.
مراد بتساؤل/ ايوه يا لينا.. كنت بسألك مين الشخص اللي كنتي واقفه معاه ده.
لينا بنفس عميق/ هحكيلك بس توعدني انك متعرفش ماما وبابا ولا تزعقلي.
مراد بهدوء/ اوعدك.
لينا بإبتسامة/ اتفقنا هحكيلك لما نروح.
مراد بإبتسامة/ تمام يا حبيبتي.
ــــــــــــــــــــــــــــــــــــــــــــ✦
عند هشام وساره..
ساره بإبتسامة/ شكلها بتحبك علي فكره.
هشام وهو ينظر اليها بإستغراب/ ليه بتقولي كده.
ساره بسخريه/ بجد مش عارف.. ده انا قولت هتفهمها وهي طايره.. ثم اكملت بإبتسامة.. بص يا ايتش اول لما شافتك فرحت ولما لقت جروح في وشك قلقت اوي ولما قولتلها اسمي وسكت بان عليها الغيره ومتكلمتش معايا كويس غير لما عرفتها اني اختك.
هشام بضحك/ بقى انتي يا سوسه لاحظتي كل ده.
ساره بغرور/ اومال يا ايتش.. انت المفروض تصلي ركعتين شكر كل يوم انه عندك اخت زي.
هشام بحب/ انتي بتقولي فيها.. انا فعلا كل يوم في صلاتي بحمد ربنا اني لاقيتك وبدعي ربنا يخليكي ليا انتي ونور وماما.
ساره نظرت له بحب وظلوا يسيروا في طريقهم الي المنزل.
ــــــــــــــــــــــــــــــــــــــــــــ✦
مسااااءاااا..
في الحديقه..
جلس مراد مع لينا ونظر لها منتظرها ان تتحدث.
لينا بنفس عميق/ انت وعدتني صح.
مراد وهو يحاول يطمنها/ عيب عليكي انا اديتك كلمه.
لينا قصت له كل شئ.
مراد نظر لها وتحدث بإبتسامة/ يعني انتي بتحبيه.
لينا هزت راسها بمعني نعم.
مراد بتساؤل/ وهو بيحبك؟؟
لينا بعدم ادراك/ معرفش والله يا مراد.. حاسه انه حب من طرف واحد.
مراد بجديه/ بصي يا لي لي انتي ممكن تستغربي اللي هقولهولك ده وتستغربي اكتر انه الكلام ده طالع مني انا بس انتي لازم تعرفي الكلام ده مني او من غيري.. بصي انتي دلوقتي في مرحلة مراهقه وطبيعي جدا انك تُعجبي بحد و وارد جدا تحبيه كمان بس اهم حاجه لازم تعرفيها انه دي مجرد مشاعر يعني انتي مش متأكده منها ولو فرضنا انه انتي متاكده من مشاعرك ايه اللي اكدلك انه الشخص ده معجب بيكي وبيبادلك نفس الشعور.. اللي عايز اقولهولك انه انا حاسس بيكي لاني كنت في سنك وكنت بحس بنفس مشاعرك بس لما كبرت فهمت انها مجرد مرحله بتعدي في حياتنا واللي انتي فيه ده مرحله وهتعدي وانا هفضل واقف جمبك وليكي عليا لو اتأكدت انه بيحبك بجد انا هساعدك انك تفتحي الموضوع مع ماما وبابا.
لينا فرحت كثيرا من حديث اخيها وحضنته بحب وهو حضنها وابتسم.
لينا بحب/ بجد انت افضل اخ في الدنيا.
مراد بحب/ وانتِ احلي اخت في حياتي.
ــــــــــــــــــــــــــــــــــــــــــــ✦
في غرفه حازم..
كان يجلس على الاريكه ويتحدث مع صديقه فيديو كول.
حازم بضيق/ خلاص كفايه بقى يا رامي انا هقفل.
رامي في سرعه/ لأ يا حازم متقفلش.. ثم اكمل بهدوء.. بص انا عارف انك من امبارح وانت بتفكر فيها ومش قادر تنسي اللي حصل وعارف انه هي السبب انك متجيش الجامعه انهارده.. بس خلاص موقف وعدي هي عملت فيك موقف وضايقك وانت ردتهولها.. بقيتوا متعادلين خلاص عايز ايه تاني بقى.
حازم بندم/ حاسس بالندم يا رامي.. يعني هي مكنتش تستحق اني اعمل فيها كده.. يعني حتي لما رديتلها اللي عملته فيا مرتحتش وحاسس اني مستفدتش حاجه لما عملت كده.
رامي بإبتسامة/ دي خطوه كويسه جدا انت بقى اللي المفروض تعمله انك تروح تعتذرلها وتحاول تتكلم كويس وتصلح الامور وتحاول تخليها تتقبلك شويه.
حازم برفض تام/ لأ طبعا انت عايزني اناا حازم الانصاري يروح يعتذر من بنت.
رامي بغيظ/ بقولك ايه يا حازم متشلنيش.. تعالي على نفسك المرادي واركن غرورك ده على جمب دلوقتي واسمع كلامي.
حازم بزفر/ وفرضنا سمعت كلامك.. وروحت عشان اتكلم معاها ولقيت اخوها اللي طالعلي في البخت ده لازق فيها ومش سايبها خمس دقايق على بعض.. اعمل ايه بقى.
رامي بحيره/ فعلا عندك حق انهارده كان معاها طول الوقت ومسبهاش خالص.. ثم اكمل بإبتسامة.. خلاص انا عرفت انا هعمل ايه سيبلي انا الموضوع ده.
حازم بقلق/ ربنا يستر ومتخربش الدنيا.
رامي بغمزه/ عيب عليك يا باروا.. لا تقلق ابدا.
حازم بضيق/ انت كده بتقلقني اكتر.. انا هروح انام احسن ما ارتكب فيك جريمه.
رامي بصوت انوثي/ تصبح علي خير يا بيبي.
حازم اغلق معه ومن ثم ضحك على صديقه وشرد قليلا وتذكر عندما حدثه اخيه انه يجب ان يتحدث مع شقيقته ومن ثم قرر انه سيذهب ليتحدث معاها ويعتذر منها.
ــــــــــــــــــــــــــــــــــــــــــــ✦
في غرفه لينا..
كانت جالسه وتنظر في صوره بحب وتتأمله وهي مبتسمه.
بعد دقائق طرق الباب وهي فزعت واخفت الهاتف سريعا وتحدثت بتوتر/ أدخل.
دخل حازم وذهب اليها وتحدث بمرح.
/ ايه اللي مصاحيكي لحد دلوقتي يا قمر انتِ.
لينا ادارت وجهها وتحدثت بضيق/ مش جايلي نوم.
حازم ادرك انها زعلانه منه وتحدث بندم/ انا اسف يا لي لي مش عايزك تزعلي مني ارجوكي.. انا عارف اني غلطت لما سيبتك بس غصب عني والله.
لينا شعرت انه شقيقها ندمان بالفعل ومن ثم نظرت له وتحدثت بإبتسامة/ خلاص يا زومي انا مش زعلانه منك.. ثم اكملت بتحذير.. بس دي اخر مره اياك تكررها.
حازم بإبتسامة خفيفه/ انتِ تأمري وانا انفذ يا عيوني.
لينا لاحظت الكدمات التي تملأ وجهه وتحدثت بقلق/ اده يا حازم مال وشك عامل كده ليه؟.
حازم بنفس عميق وهو يحاول تهدئتها/ مفيش يا حبيبتي كنت بهزر مع صاحبي امبارح في الجامعه..انا كويس ما تقلقيش
لينا بإطمأنان/ طيب الحمدلله يا زومي.. ممكن بقى تاخد بالك بعد كده من نفسك وبلاش الهزار ده تاني.
حازم ابتسم وتحدث بحب/ حاضر يا حبيبتي.. ثم اكمل بجديه.. يلا بقى نامي عشان تقومي للمدرسه بكره فايقه.
لينا بإبتسامة/ حاضر يا زومي.. تصبح على خير.
حازم بحب/ وانتِ من اهله يا لي لي.
خرج حازم وترك لينا في تفكير في عدّة اشياء حتى غلبها النوم وغفوت بعمق.
ــــــــــــــــــــــــــــــــــــــــــــ✦
صباااحاااا..
في النادي..
كانت تتدرب حتى جاء هو وقاطع تدريبها.
مراد بإبتسامة استفزاز/ لعبك مش بطال.
نور بسخريه/ ما توريني شطارتك.. ولا انت كلام وبس.
مراد بغرور/ انا بقول بلاش اهزمك من دلوقتي واجيبلك احباط كفايه عليكي المسابقه اللي هزمك فيها.
نور بسخريه/ انا مش فاهمه انت شايف نفسك كده ليه.. هو انت بجد مصدق انه مفيش حد اشطر منك في اللعبه دي ولا ايه.
مراد بإستفزاز/ اايوه طبعا.. مفيش حد غيري شاطر في اللعبه دي.
نور نظرت له بغيظ ومن ثم ظلت تفكر بعض من الثواني وجاءت فكره على بالها ستجعلها تتقدم في تغيره للاحسن.
نور بإبتسامة خبيثه/ طيب طلما انت شاطر كده تعالي نتفق اتفاق.
مراد بتساؤل/ اتفاق ايه؟؟
نور بجديه/ لو حد فينا كسب هيحكم على التاني حكم والشخص اللي اتحكم عليه لازم ينفذ الحكم مهما كان ايه هو.
مراد أعجب بالفكره وتحدث بإبتسامة ثقه/ وانا موافق.
نور بهدوء/ تمام هنقول لبعض الاحكام من دلوقتي.
مراد بجديه/ تمام ابدأي.
نور بجديه/ لو انا كسبت هحكم عليك بإنك تشتغل مع باباك في الشركه.. مش باباك محتاجك في الشركه بردوا ولا انا غلطانه.
مراد انصدم في الاول عندما رأها تعرفه جيدا وتعرف كل شيء عنه ومن ثم تحدث بسخريه/ لا مش غلطانه ولا حاجه.. وبالنسبه للحكم ف انا موافق.. ثم اكمل بإبتسامة شر.. دوري انا بقى.
نور بهدوء/ اتفضل.
مراد بإبتسامة خبيثه/ لو انا كسبت.. هنتجوز.

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية دكتورتي الجميلة)