رواية فاتورة قلب الفصل الرابع 4 بقلم جنى أحمد
رواية فاتورة قلب البارت الرابع
رواية فاتورة قلب الجزء الرابع
رواية فاتورة قلب الحلقة الرابعة
فتحت الفلتر وشربت مية بس فجأة عينها اتسعت من الصدمة لما سمعت خطوات شخص ماشي ومسـ،،ـدس متصوب على راسها
رفعت سلسبيل ايدها برعب حقيقي وقالت بصوت مبحوح : انت مين؟ وعايز مني ايه؟
وكملت بعياط : بالله عليك ما تقتـ،،ـلني انا عايزة اتخرج واشتغل واتجوز واخلف واعيش حياتي مش عايزة اموت دلوقتي
يونس فتح نور المطبخ وهو مغمض عينه ونزل المسـ،،ـدس من على دماغها وقال : انتي بتعملي ايه هنا وايه اللي جايبك المطبخ في الفجر
سلسبيل فتحت عينها واطمنت وقالت بعصبية : انت ازاي تحط المسـ،،ـدس على راسي كدة وتفجعني حرام عليك والله
يونس وهو مغمض عينه : انا بحقق في قضية مهمة وممكن المجـ،،ـرم يحاول يأذيني.
سلسبيل بسخرية: ومالك مغمض عينك ليه هو المفروض مين اللي يتفجع انا ولا انت
يونس بخجل : انا مش عارف انتي لابسة ايه ولا حاطة الطرحة ولا لا وحرام ابصلك
ابتسمت سلسبيل على اخلاقه واحترامه واخفت ابتسامتها واتكلمت بجدية: لا ياخويا فتح عينك انا لابسة الاسدال اكيد مش هنزل اشرب من غير طرحة يعني مش في بيتي انا.
وبعدين ايه اللي خلاك يعني تنزل وتحس ان في حد في الفيلا؟
يونس فتح عينه واتكلم : سمعت صوت كسر ولما نزلت لاقيت فازة مكسورة وسمعت صوت في المطبخ والدنيا كانت ضلمة ومكنتش شايف حاجة.
سلسبيل وهي بتفرك ايدها : بصراحة انا اللي كسرت الفازة وانا نازلة مكنتش شايفة حاجة رحت خبطت فيها ووقعت اتكسرت
يونس وهو بيتنهد : ابقي خلي بالك بقى بعد كدة
سلسبيل برفعة حاجب : ليه هو انا كنت اقصد اوقعها يعني!!
يونس بعصبية : انا مقولتش انك قصدك انا بقولك خلي بالك انتي كل حاجة معترضة عليها كدة
سلسبيل بنفس العصبية: لا اصل حاسة نبرة صوتك فيها تشنيكة كدة وبعدين انا مش معترضة على كل حاجة انت اللي مش بتحب حد يغلطك
يونس وهو بيشد شعره بخفة : انا هطلع اتخمد عشان متعصبش
سلسبيل بتلقائية: اطلع اتخمد نامت عليك حيطة
بصلها يونس بنظرات لا تبشر بالخير : اقسم بالله العظيم ….
قاطعته سلسبيل: شششش اسفة خلاااص انت لسة هتتفتح
وجريت برا المطبخ طلعت على اوضتها وهو بصلها بصدمة وطلع وهو بيضرب كف على كف منها
استغفر الله العلي العظيم واتوب اليه🦋
♕♕♕♕♕♕♕♕
بقلمي جنى احمد🤍
كانت سلسبيل قلعت الإسدال وسرحت شعرها ودخلت السرير وهي مبتسمة وافتكرت يونس لما غمض عينه وقال
« انا مش عارف انتي لابسة ايه ولا حاطة الطرحة ولا لا وحرام ابصلك»
ابتسمت على احترامه واخلاقه ونادر جداً في الزمن دة يكون حد محترم كدة وبيغض بصره
وبعدين وعيت لنفسها وقالت : استغفر الله العظيم انا معجبة بس بإحترامه مش اكتر
وغمضت عينها وراحت في نوم عميق
لا إله إلا الله🦋.
♕♕♕♕♕♕♕♕
بقلمي جنى احمد🤍
كان يونس قاعد بيشتغل على اللاب توب وحواليه اوراق كتيرة مغطية المكتب و 4 فناجين قهوة والخامسة كان بيشربها
كان بيشتغل يونس بتعب وعينه بتقفل بتدل على احتياجها للنوم بس كان بيشتغل على القضية بكل جهد
ويمر الوقت على يونس اللي مغفلهوش جفن
يونس وهو بيقفل اللاب توب : الحمدلله خلصت كدة الباقي هكمله بكرة
ودخل يونس سريره واترمى عليه ونام في نوم عميق
♕♕♕♕♕♕♕♕
هلّ الصباح اشرقت الشمس لتعلن يوماً جديداً
كانت سلسبيل نايمة بعمق وضحى بتصحيها بملل
ضحى بزهق : قومي بقى يا سلسبيل هتفضلي نايمة لحد امتى؟ انا لبست ومن بدري بصحي فيكي.
سلسبيل بنوم: سيبيني بس خمس دقايق وهقوم حرام عليكوا منمتش من امبارح
ضحى بلوم : حد قالك تسهري لحد الفجر ومتناميش
سلسبيل اللي باين في صوتها التعب : يعني كنت سهرانة بلعب يعني ما انا كنت بذاكر كان عندي مذاكرة متلتلة ومراكمة حاجات كتيرة وبحاول ألم المنهج خلاص الامتحانات على الابواب
ضحى باست خدها وقالت : طيب قومي دلوقتي اغسلي وشك وظبطي نفسك عشان ننزل امك لو ملقيتناش تحت هتشلوحنا.
قامت سلسبيل بنوم وغسلت وشها وسنانها ولبست دريس سمبل ولبست طرحة مناسبة للون الدريس وحطيت كونسيلر تداري الهالات عشان السهر وحطت مرطب وشها ومرطب شفايف ونزلوا
♕♕♕♕♕♕♕♕
بقلمي جنى احمد🤍
كان يونس نايم بعمق لحد ما المنبه رن قام يونس بتعب وهو دماغه مصدعة ومشبعش من النوم وعينه محمرة
لكن قطع تفكيره صوت خبط الباب
يونس بتعب : ادخل
دخلت عائشة بإبتسامة لكن اتصدمت لما لقيت المكتب مش مترتب والورق فوق بعضه وكذا كوباية قهوة وشكل يونس المرهق
عائشة وهي بتملس على شعره : يونس انت كويس؟ مالك؟
عينك محمرة ووشك مرهق شكلك تعبان ، فيك حاجة يا حبيبي؟
يونس وهو بيطمنها بإبتسامة مرهقة : انا كويس يا حبيبتي بس انا بحقق في قضية مهمة وكان لازم اسهر عشان كان عندي شغل كتير ولازم اخلصه
عائشة وهي بتبص على المكتب : وايه كل فناجين القهوة دي حرام عليك نفسك يا يونس
يونس بتنهيدة متعبة: اعمل ايه طيب شغل ولازم اخلصه وبعدين متقلقيش على اخوكي يعني ميتخافش عليا.
عائشة وهي بتحاول تطلعه من المود اللي هو فيه: اه هنلموك من الارض بعد كدة
المهم قوم اغسل وشك وألبس عشان تفطر معانا
يونس بأسف : للأسف يا حبيبتي مش هقدر افطر معاكوا انهاردة لازم اروح القسم بدري
عائشة بحزن : يونس انا مش بشوفك غير على الفطار او الغدا حتى دي مش هشوفك فيها انت مش بتقعد معايا خالص
يونس وهو بيحضنها: والله اوعدك ان اول ما اخلص القضية دي ليكي عندي خروجة جامدة وتطلبي فيها كل اللي انتي عايزاه وهاخد اجازة يومين اقعد معاكي بس والله الضغط عليا كبير
عائشة وهي بتبادله الحضن : وانا مش زعلانة اهم حاجة انت عندي.
ابتسم لها يونس وهي سابته ونزلت وعرفت ايمن انه مش هيفطر معاهم
سلسبيل في سرها : يااااه أخيراً ابو دم تقيل دة مش هيفطر معانا.
الفطار اتحط وبدأوا كلهم يفطروا في صمت وبعد ان انتهوا الخادمة لمت الاطباق وسلسبيل وضحى وعائشة كانوا بيساعدوها ونهاد دلخت معاهم المطبخ واللي اندمجت من حسناء جداً والبنات بعد ما خلصوا طلعوا الجنينة يقعدوا فيها شوية
سلسبيل بتساؤل : انا ملاحظة ان انتي والبأف اخوكي بتحبوا الخادمة حسناء دي اوي ليه؟
عائشة بإبتسامة : بصي ياستي احنا ماما وبابا ما،،توا من واحنا صغيرين وماما حسناء دي اللي ربتنا واهتمت بينا هي كانت بتعاملنا زي اولادها بالظبط ولانها مش بتخلف فكانت معتبرانا ولادها عشان كدة تلاقينا انا ويونس بنحبوها اوي وبنعاملها زي مامتنا بالظبط
ضحى بحب : ربنا يحفظهالكوا يارب
عائشة بحماس : ايه رايكوا نسقي الزرع دة؟
سلسبيل وهي ماسكة الآداة اللي بيسقوا بيها الزرع: وانا موافقة.
ساعتها كان نازل يونس وكان باين عليه انه عايز ينام بس كان بيداري تعبه
عائشة بإبتسامة: لسة برضو عايز تنام يا يونس؟
يونس بتعب: اه اكيد منمتش خااالص اول ما اجي من الشغل هنام نوم
عائشة بحب اخوي : طيب يا حبيبي فوق كدة وركز في الطريق
سلسبيل بصيت حواليها لقيت خرطوم مية اخدته وشغلته وراحت ليونس اللي بصلها بإستغراب
سلسبيل وهي بتوجه الخرطوم عليه : انا بقى هعرف افوقه بطريقتي
ورشت عليه سلسبيل مية وغرقته بالكامل حرفيا وبصتلها عائشة بصدمة وضحى اللي بتابعها بحرج
سلسبيل وهي بتقفل الخرطوم وبتبصله بكيد : ايه رايك فوقت ولا لسة؟
بصلها يونس بغضب كبير : انتي مجنونة؟ ايه اللي انتي عملتيه دة؟
سلسبيل بتمثيل : عملت ايه دة انت المفروض تشكرني فوقتك وبكدة تركز في طريقك
يونس وهو بيغمض عينه بغضب شديد : اقسم بالله لولا انك بنت ومعييش وقت مكنتش سيبتك.
عائشة وهي بتحاول تهديه : معلش يا يونس امشي دلوقتي وحقك عليا
بص يونس لسلسبيل بغضب وركب عربيته واتجه إلى القسم
سبحان الله وبحمده سبحان الله العظيم🦋
♕♕♕♕♕♕♕♕
في الحارة عند سلسبيل
كان قاعد احمد على القهوة مع صحابه المقرب
احمد بحيرة : مش عارف اعمل ايه دي حلقالي خالص وبتتعامل معايا كإني هوا قلت اساعدها واشيل منها الشنط صدتني ومردتش ،
كان في عيلين كانوا بيدايقوها قلت اتدخل واساعدها واثبت نفسي قدامها وهي ولا هنا
مراد بتفكير : طب ما تحاول تقرب منها يعني مثلاً تجيبلها كوباية عصير وتديهالها وهي في المحل كدة
احمد وهو حاطط ايده على خده : فكرك دي مجتش في بالي عملتها وصدتني بردوا
مراد بزهق: خلاص زي ما بيقولوا كدة ادخل البيت من بابه وروح اتقدملها
احمد بسخرية: انت يابني اهبل هروح اتقدملها بناءً عن ايه وهي حتى مش بتبص في وشي
مراد: ما تجرب يا اخي انت خسران حاجة يمكن الحظ يوافقك في يوم بدل ما الدنيا ملطشة معاك كدة
احمد وهو بيبصله بعدم راحة: والله انا ما واثق فيك بس هسمع كلامك يمكن اتنفع منك بحاجة
♕♕♕♕♕♕♕♕
كان يونس قاعد بيشتغل في اوراق بخصوص القضية قاطعه دخول صاحبه ادهم
ادهم بإستغراب : ايه دة انت عامل كدة ليه يا يونس هي الدنيا شتت ولا ايه؟
يونس بعصبية : مش نقصاك بالله عليك الواحد مخنوق خلقة
ادهم وهي بيحاول يكتم الضحك : طيب متزعلش بس حاسس انك طالع من تحت الدش
يونس بصله بنظرة مخيفة : قسماً بالله لو مسكتك لأنا اللي اقتلك وتبقوا تحققوا مع نفسكوا
ادهم بجدية : خلاص بقى يا معلم تعالى بس شوف كدة
ووجه اللاب توب ليه واتكلم : دي كاميرا من احدى الفلل المحاوطة مبينة المجرم ورقم العربية
يونس بإبتسامة : حلو اوي نتبع العربية دي ودي االي هتوصلنا للمجرم
ادهم بأسف : للأسف لما دورنا على العربية لقينا ان المجرم سابها وحرقها وطلع جري
يونس وهو بيضرب على المكتب بعصبية : كل ما نوصل لدليل يطلع لنا حاجة تانية
ادهم بهدوء : اهدى يا يونس احنا لسة بنحقق والحمدلله وصلنا لمكان احسن
يونس وهو بيحاوط راسه بين ايده : اه ياني يما ربنا يرحمك.
ادهم سلم على يونس ويونس اومأ له بإبتسامة ومشي ويونس كمل شغله
والعصر اذن ويونس قام اتوضأ وصلي
استغفر الله العلي العظيم واتوب اليه🦋
♕♕♕♕♕♕♕♕
بقلمي جنى احمد🤍
كانت سلسبيل وعائشة وضحى قاعدين بياكلوا حلويات
عائشة بضحك : يابنتي بطلي اللي بتعمليه مع يونس اخويا دة
سلسبيل بغيظ: انا اخوكي دة مبينزليش من زور لو كنت اعرف ان دة اخوكي مكنتش جيت والله
ضحى وهي بتحط الحلوى في الطبق وبتنفض ايدها بخفة: والله يا سلسبيل احنا من ساعة ما جينا مبطلتيش خناق مع الراجل
سلسبيل وهي بتاكل: بالله عليكوا هاتولنا سيرة عدلة
عائشة ضحكت وهما كملوا كلام وسط الضحك
♕♕♕♕♕♕♕♕♕
في جانب آخر
مجهول : انا دلوقتي قاعد في شقة في حارة صغيرة كدة لحد ما يخلصولي اجراءات السفر
متصل : باين الظابط اللي ماسك قضيتك مش سهل وعمال يدور وراك
مجهول : انتوا بس امنوا الدنيا وادفعوا للناس المسئولة عن الكاميرات فلوس عشان يمسحوا اي حاجة ليها علاقة بيا
متصل : الموضوع مش بالسهولة دي زي ما قولتلك الظابط دة مش سهل ومافيش قضية الا لما يكسبها
مجهول بشر : خلاص طالما كدة يبقى نخلص عليه
متصل: نخلص عليه ازاي بس اكيد مأمن نفسه
مجهول بشر : اللي يقـ،،ـتل مرة يقـ،،ـتل ألف مرة واظن مش هوصيك
متصل : الليلة هينام في قبـ،،ـره مش سريره.
♕♕♕♕♕♕♕♕
كان راكب العربية وبيسوق في اتجاه الفيلا
فجأة حصل هجوم عليه وضرب نا،،ر
كان ماشي بسرعة عالية وهو بيضرب نار لحد ما في طلقة جت في صدره اتأوه بألم وواصل الضرب عليهم لحد ما تعب وساب الدريكسيون واغمى عليه والعربية انحدرت وخبطت في شجرة جامد وولعت
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية فاتورة قلب)
