رواية نغم العاصم الفصل الأول 1 بقلم هاجر محمود

رواية نغم العاصم الفصل الأول 1 بقلم هاجر محمود

رواية نغم العاصم البارت الأول

رواية نغم العاصم الجزء الأول

رواية نغم العاصم الحلقة الأولى

“في بيت كبير في قرية من قرى الصعيد، قعدت صفا مع جوزها الحج علي يفطروا ويتناقشوا في موضوع مهم”
صفا: نويت على ايه يا حج؟
علي: خلاص هجوزهم لبعض
صفا: طيب افرض انها مش بتحبه
علي بغضب: مفيش جواز بره العيله
صفا بأعتراض: بس ده ظلم
علي بأمر: وانا مباخدش رايك انا كبير العيله وكلامي يتسمع
صفا بأمتعاض: حاضر
علي: واعملي حسابك ان فرحهم هيكون بعد ما البت تتخرج يعني تتفقي مع اختك على كده
صفا: حاضر هتصل بيها ابلغها وهنحدد معاد نروحلهم فيه
علي: وناديلي على ابنك حسام عشان يكلملي أكرم ابني ابلغه
صفا: حاضر، اكمل فطار طيب
علي: لا قومي دلوقتي
صفا: حاضر
******************

قامت صفا من غير ما تكمل فطار وطلبت من بنت من البنات اللي بيساعدوها في البيت تطلع تنادي حسام ابنها (اللي كان مع مراته حياة بنت اختها فريده في اوضتهم، وموجودين لزيارة صفا في اجازه حسام السنويه)، وتبلغه بإن عمه عاوزه في موضوع مهم، وبعدها راحت صفا تتصل بأختها فريده (اللي عايشه في القاهرة مع بنتها نغم عشان دراستها بالجامعه لانها طالبه في السنه النهائيه من كلية التجاره) لتحديد معاد الزياره.
صفا: طيب يوم الجمعه هنكون عندكم
فريده: خلاص هنستناكم ان شاء الله
صفا: ان شاء الله
“عند باب اوضة حسام وحياة”
خبطت الخادمه على الباب بخفة وهي بتقول: استاذ حسام
حسام: عايزه ايه؟
الخادمه: عمك عاوزك ضروري في الجنينه
حسام: انا جاي حالا
******************

“في القاهره، في بيت كامل”
خلصت فريده المكالمه مع اختها، وراحت لأوضة بنتها نغم، تشوفها جهزت للجامعه ولا لا وتعرف رأيها في قرار عمها كبير العيله، فخبطت والدتها عالباب ودخلت الاوضة وسألتها: جهزتي يا بنتي السواق مستني تحت
نغم: ايوه يا ماما خلاص
فريده: طيب انا هقولك على حاجه ولما ترجعي نتناقش فيها
قالت نغم وهي بتلم كتبها من على المكتب بسرعه: خير يا ماما في ايه؟
فريده: عمك كبير العيله امر انك تتجوزي ابنه أكرم وهييجوا يوم الجمعه عشان نقرأ الفاتحه
نغم بعصبيه: ايه الكلام ده يعني ايه امر وانا مليش رأي؟
فريده: لا طبعا ليكي راي وانا جايه اعرفه
نغم: تمام انا مش موافقه عليه
فريده: ليه يا بنتي؟؟
وفجأه رن فون نغم برقم صاحبتها دينا بتستعجلها عشان اتأخروا عالمحاضره
نغم: ماما لما ارجع نتكلم ف الموضوع ده
فريده: طيب يا بنتي
راحت نغم الجامعه وسابت والدتها حيرانه يا ترا تعمل ايه، تبلغ اختها برأي بنتها ولا تستنى شويه تحاول تقنعها وتنفذ امر كبير العيله؟
******************

“نرجع الصعيد، في بيت الحج علي”
نزل حسام بسرعه من اوضتة عشان يعرف عمه عاوزه في ايه، فخرج لجنينة البيت لقى عمه قاعد في المضيفه وقدامه الفون ولما الحج علي شاف حسام نادى عليه: تعالى يابني انا عايزك
قعد حسام امامه وقال: خير يا عمي في ايه؟
علي: اسمع انا قررت اجوز أكرم لأخت مراتك حياة وخطوبتهم الجمعه الجايه
حسام: ايه؟ بس….
قاطعه علي: ما بسش ولا حاجه انا هعمل كده عشان أكرم يعقل ويبطل سرمحه
حسام: طيب حضرتك سألتها عن رايها
علي: قصدك ايه؟
حسام: يعني مش يمكن تكون مش بتحبه وبتحب واحد تاني مثلا
علي: قطع لسانك احنا معندناش الكلام ده وكلمتي سيف على رقبة الكل ويتنفذ
حسام: يا عمي……
قاطعه علي بغضب: اسكت خالص واتصل لي بالواد ده عشان ابلغه
حسام بقلة حيله: امرك يا عمي
اتصل حسام بأكرم نزولا عند رغبة عمه، وسابه وراح يعمل شوية اتصالات عشان يتابع شركته السياحيه في القاهره لحد ما يرجع من اجازته…….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)