رواية نغم العاصم الفصل الرابع 4 بقلم هاجر محمود

رواية نغم العاصم الفصل الرابع 4 بقلم هاجر محمود

رواية نغم العاصم البارت الرابع

رواية نغم العاصم الجزء الرابع

رواية نغم العاصم الحلقة الرابعة

ويمر يوم ووراه التاني ومع كل يوم يزيد قلق وخوف فريده على بنتها نغم ومن مقابلة عمها وحمزه وفضلت تدعي ربنا ينجي نغم من شر عمها، وفي يوم التلات وصلت العيله الكريمه لبيت أكرم في القاهره، واتصلت صفا بفريده وعزمتهم عالغدا، فرحبت فريده بيهم وقبلت دعوتها، وقبل ما توصل فريده وبنتها نادى الحج علي ابنه أكرم واتكلموا مع بعض في اوضة المكتب
علي: تعالى يابني عاوزك في حاجه
أكرم: خير يا بابا
علي: بنت عمك جايلها عريس بعد بكره وكلنا هنقابله
أكرم: نعم!!! اومال انا ايه؟؟
علي: انت نصيبها وهي نصيبك احنا بس هنقابله وهيترفض قدامها بأي حجه ده لو جه اصلا
أكرم: انا مش فاهم حاجه
علي: افهمك، انا عاوزك توقع البت في حبك، وهي اللي تقول انا عاوزه اتجوز أكرم، وده مش هيحصل غير بعد صدمتها في اللي هي جيباه
أكرم: دي حاجه سهله، وايه بقا لو جه دي؟
علي: هفهمك
حكى الحج علي لأبنه عن اللي بيدور في دماغه واللي ناوي عليه وبعد ما خلص كلام، اكرم سابه وخرج، اما الحج علي عمل مكالمه سريعه
علي: عملت ايه؟
-:كل اللي طلبته حصل خلاص
علي: عافارم عليك طمنتني
-:انت تؤمر يا حج
علي: وقت ما اقولك خلاص اطلع عالبنك هتلاقي الشيك بتاعك مستنيك، سلام
-:مع السلامه
*******************
في الوقت ده وصلت فريده وبنتها لبيت اكرم ورحبت بيهم صفا
صفا: اهلا اهلا اتفضلوا
فريده: اهلا بيكم حمدلله عالسلامه
صفا: ازيك يا نغم
نغم: الحمدلله اومال فين اختي عاوزه اطمن عليها

صفا: فوق بتريح شويه
نغم: طيب انا هطلعلها واسيبكم تتكلموا مع بعض
فريده: ماشي يا حببتي
سابتهم نغم وطلعت لحياة، وهي طالعه عالسلم سمعت حد بينادي عليها، فلفت لمصدر الصوت باستغراب وهو قرب منها ومد ايده يسلم عليها: ازيك يا بنت عمي
نغم بتعجب: الحمدلله يا ابن عمي
أكرم بتساؤل: ايه رايحه فين؟
نغم: طالعه لأختي
أكرم: طيب وانتي عارفه هي ف انهي اوضه؟؟
نغم بتوتر: اااا لا نسيت اسأل خالتي
أكرم: طيب تعالي معايا اوريكي اوضتها فين
نغم: طيب
وطلعوا مع بعض لأوضة حياة وهما طالعين كان اكرم بيتكلم معاها برقة اوي عشان يطمنها من ناحيته ونغم مستغربه من طريقته عشان ليهم ذكريات سيئه مع بعض، فترددت في سؤاله عن جوازهم فاتشجعت وقالت: انا ممكن اسألك سؤال
أكرم: طبعا
نغم: هو عمي لسه مصمم على قراره بجوازنا
أكرم: لا طبعا انا فهمته ان احنا اخوات وبس ولا يمكن نتجوز بالطريقه دي
نغم: بجد؟؟
أكرم: طبعا وبالمناسبه مبروك مقدما
نغم: على ايه؟
أكرم: على خطوبتك، مش عريسك جاي الخميس بردو؟
نغم بأبتسامة: اه
أكرم: ربنا يتملك على خير
نغم: شكرا يا أكرم
وصلوا لأوضة حياة وخبطت نغم على الباب واستأذن اكرم يسيبهم لوحدهم فقال: اسيبكم بقا، واكيد لينا كلام تاني مع بعض
نغم: ان شاء الله
وسابها ونزل ودخلت نغم اوضة اختها حياة وحضنوا بعض باشتياق كبير، وفضلوا يتكلموا مع بعض لحد ما واحده من الخدامين خبطت عليهم عشان ينزلوا يتغدوا مع باقي العيله
******************
وبعد الغدا، اتجمعوا كلهم وبدأوا يتكلموا مع بعض، باستثناء نغم اللي سابتهم وراحت تتمشى في الجنينه شويه، واكرم بعد شويه راح وراها كفرصه انه يقرب منها، فنزل الجنينه لقى نغم قاعده تحت شجره وممده رجليها ومغمضه عينيها، فراح ووقف قدامها وفضل يتفحص جسمها بعينيه وبعدين قعد جنبها بالراحه وبدأ يمشي ايده على جسمها بطريقه قذره،
اتفزعت نغم منه، وقالت بخوف: في ايه؟
قرب اكرم منها ومسك وشها بأيده وحاول يبوسها بالعافيه، وفجأه نزل كف خماسي على وشه من نغم وقالته: انت قليل الادب (جدعه👍)

وقامت جريت واكرم فضل قاعد مكانه يحسس على اثر صوابعها المعلمه على وشه وهو بيقول بتوعد: والله لندمك يا نغم
وخلص اليوم وامر الحج علي ابنه اكرم يوصل نغم ومامتها، فنغم رفضت وطلبت من حسام يوصلهم، فنفذ حسام طلبها وبعدها رجع على بيت اكرم مرة تانيه واخد مراته حياة وروح على بيته.
******************
وبعد يومين وصل الحج علي ومراته وحسام واكرم عشان مقابلة حمزه بيت كامل، فكانت صفا مع اختها فريده ف المطبخ بتوضب الضيافه، اما حياة فكانت مع اختها نغم في اوضتها بتحاول تهديها وتفكها من التوتر، والباقي كانوا مستنيين حمزه في اوضة الضيوف، وساعه تمر ورا ساعه لحد ما دقت الساعه١٠ وحمزه مجاش، فالحج علي اتعصب وصبره خلص خلاص فقال لحسام بعصبيه: اطلع يابني نادي على بنت عمك عاوزها
حسام: حاضر (وطلع ينادي نغم من اوضتها)
حسام: عمك عاوزك تحت
نغم بقلق: حاضر نازله وراك
حياة: وبعدين هنعمل ايه؟
نغم والدموع في عينيها: مش عارفه
قربت منها حياة وحضنتها وقالت: اهدي طيب
نغم: اهدأ ازاي بس انا اتصلت به كتير ومش بيرد
حياة: يمكن حاجه اخرته واكيد جاي يلا امسحي دموعك وانزلي لعمك
نغم: حاضر
******************
مسحت نغم دموعها وعدلت لبسها وشكلها ونزلت لعمها
علي: ايه يا بنتي فين العريس؟
نغم بحزن: مش عارفه يا عمي
أكرم بخبث: اتصلتي به طيب؟
نغم: ايوه ومش بيرد (وسكتت)
حسام: وانا كمان اتصلت به ودلوقتي فونه اتقفل خالص
علي بشماته: يعني كده مش جاي
أكرم بسخريه: شكله كده
علي: انا كنت حاسس انه لعبي وانا غلطان اني سمعت كلامك
وبدا الحج علي وابنه اكرم يلوموها ويأنبوها بكلامهم، لحد ما فجأه وقعت مغمى عليها، قام اكرم من مكانه بسرعه وشالها وطلع بيها اوضتها ووراه حسام وعلي، واول ما فريده شافت المنظر صرخت عليهم وجريت وراها بخوف: بنتي ايه اللي حصل؟
أكرم وهو بيحط نغم عالسرير وبيحاول يفوقها: اهدي يا طنط مفيش حاجه، فوقي يا نغم كلنا جنبك
وبعدين بص لحسام وزعق فيه: اتصل بالدكتور بسرعه
حسام: حاضر

وزعق اكرم في الباقيين بأن حد يجيبله حاجه يفوق بيها نغم، فكل واحد راح يدور على برفان في اوضته وحسام وقف جنب اوضة نغم بيتصل بالدكتور وساب اكرم مع نغم اللي استغل الفرصه وبدأ يتحرش بنغم وهي نايمه ويمشي ايديه على جسمها بشهوه واول ما قرب يفك زراير فستانها فاقت نغم ومسكت ايده وكسرت صباعه وصوتت فضربها على دماغها بايده التانيه فأغمى عليها وبدأ يفك زراير فستانها بشهوه وغل اكبر، لكن ملحقش ولقا حسام والدكتور داخلين عليه وبيبصوله بغموض، فتوتر اكرم وقال عشان يداري اللي عمله: انا كنت بخليها تتنفس
حسام بغضب: طيب اطلع بره عشان الدكتور يكشف عليها
ونادى على حياة اللي جت بسرعه وقال لها بغضب: انا مش قولتلك متسبيش اختك
حياة بخضه: حصل حاجه؟ انت عملت حاجه يا اكرم؟
اكرم بسرعه: ابدا والله
وبص للدكتور وقال: اتفضل يا دكتور اكشف
وفي ثانيه كان سايب الاوضه وخرج
فبدأ الدكتور يكشف عليها وبعد ما خلص كشف نزل لعمها والباقيين
فسأله علي: خير يا دكتور
الدكتور: عندها انهيار عصبي ولازم تتنقل المستشفى وتفضل تحت الملاحظه عشان متأذيش نفسها
علي: انقلها يا دكتور المهم تبقا كويسه
الدكتور: تمام انا هكلم المستشفى يجهزوا اوضه ليها وهتيجي عربيه اسعاف تاخدها
علي: وينفع نزورها يا دكتور
الدكتور: الاحسن بلاش الفترة دي الا لو هي اللي طلبت
علي: ماشي
اتصل الدكتور بالمستشفى وامرهم يجهزوا اوضة على اعلى مستوى وطلب عربية اسعاف عشان تنقل المريضه، واتنقلت نغم للمستشفى ومعاه ولاد اعمامها عشان يقوموا باللازم
******************
وبعد كام ساعه، رجع حسام واكرم من المستشفى لبيت كامل، فقابلتهم فريده بقلق والتعب كان باين عليها وسألتهم: عملتوا ايه؟
حسام: متقلقيش يا طنط نغم كويسه، هي حياة فين؟؟
أكرم: وفين بابا ومراته
فريده: مراتك فوق يا حسام، وابوك واختي مشيوا يا أكرم
أكرم: طيب انا هروح تصبحوا على خير
فريده: وانت من اهله
وبصت لحسام وقالت: وانت يابني اطلع لمراتك معلش هي مرضيتش تمشي وتسيبني
حسام: ايوه يا خالتي انا اللي كلمتها وقولتلها تستنا معاكي
فريده: ربنا يبارك لك، اطلع لها طيب

حسام: طيب عن اذنك تصبحي على خير
فريده: وانت من اهله
في الوقت ده كانت حياة بتعيط في اوضتها ولما سمعت خطوات جوزها بيقرب من الاوضة قامت تغسل وشها عشان تهدأ، ولما حسام دخل الاوضة لقاها في الحمام فسألها: بتعملي ايه؟
حياة وهي بتنشف وشها: ابدا مفيش
حسام: تعالي
راحتله حياه ووشها في الارض: نعم
حسام: ارفعي وشك
فرفعت وشها وشاف انتفاخ واحمرار عيونها فسألها: ينفع كده؟
فعيطت حياة اكتر وقالت: غصب عني اختي صعبانه عليا اوي، موت ابونا واخونا وحبيبها ورا بعض ودلوقتي صاحبك اللي بيحبها منعرفش عنه حاجه
ضمها حسام ليه وقال: اهدي طيب عشان البيبي ولا انتي مش خايفه عليه
بصت حياة له والدموع مغرقه وشها وقالت: لا طبعا خايفه عليه
حسام وهو يمسح دموعها وبيهديها: طيب يبقا نبطل عياط ونهدأ كده
فابتسمت حياة وقالت: حاضر
سابته وراحت ناحية السرير

قال حسام وهو يخلع الچاكيت: متقلقيش عليها هي كويسه
سندت حياة ظهرها عالسرير وقالت: يارب، بس معرفش ليه حمزه عمل كده؟؟
قعد حسام جنبها وقربها منه بحنيه وقال: مش عارف، بس انا هحاول اوصل له واعرف هو عمل كده ليه
حياة: ياريت يا حبيبي، ربنا يخليك ليا
حسام: ويخليكي ليا
وضمها اكتر له وقفل نور الاوضة وناموا…..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)