رواية 30 يوم حياة 2 الفصل العاشر 10 بقلم أميرة أسامة

رواية 30 يوم حياة 2 الفصل العاشر 10 بقلم أميرة أسامة

رواية 30 يوم حياة 2 البارت العاشر

رواية 30 يوم حياة 2 الجزء العاشر

رواية 30 يوم حياة 2 الحلقة العاشرة

نعم الحياه كثيره لا تعد ولا تحصي ومن أفضل النعم التي يرزق بها الانسان.
نعمه الصداقه لانها كنز حقيقي لا يقدر بمال نعمه الجار اللي بيعتبرك جزء من عيلته ونعمه العيله اللي بتحسسك بالسند والضهر
فاللهم من يرزق بأي من هذه النعم ان يديمها في حياته إلي الابد🙏🙏.
ومن أحلي النعم وأفضلها الي قلبي نعمه اللمه والدفا والحب اللمه فيها حب من القلب فيها ترابط من القلب فيها خوف من القلب فيها ضحك من القلب فيها تراحم وود فيها صله قويه لا يمكن أن تنقطع بسهوله..
اللمه فيها كل حاجه طالعه من القلب بجد حافظوا علي اللمه وعالعيله والجيران الطيبه والصداقه اللي بجد
حافظوا علي اليوم الثابت اللي العيله بتتجمع فيه مهما كنت مشغول اوعي تعتذر واعتبر ان اليوم ده يوم مقدس مينفعش الاعتذار فيه
عشان لو قدرت تعتذر مره هيبقي أمر عادي وممكن انه يتكرر ومع الوقت بتحصل فجوه اتجمعوا اترابطوا حبوا يوم العيله حبوا اللمه واعملوا يوم تتلموا فيه
سواء مع الاهل الجيران الصحاب….متبقوش لوحدكم مهما كنتوا بتحبوا الأختلاء بالنفس لازم يكون ليكم يوم
ابعدوا عن الوحده لانها مميته😔💔💔💔
…….
مع غروب الشمس و دفئ الشتاء مع الجو الجميل الهادي..مع نسيم الهواء النقي
أبتدا الكل يجتمع في سطح بيت حاج سعيد
وصل احمد العربي وعائلته
وزين وعائلته
حاج فاروق وعائلته
سهير وعائلتها
عيسي وعائلته وأخيرا حسني وعائلته بعد أقناع وإلحاح شديد من الشباب لعامر لانه كان رافض يروح
وبعد ما أقنعوه ان اللمه دي معموله عشانه بالاخص بمناسبه نجاح الكليب الجديد
وافق اخيرا عامر وهو مضايق لانه كان هيشوف أنس مع منار ودي كانت وجعاه💔

 

 

 

 

حاج سعيد…منورين يا جماعه جميعا متجمعين عند النبي أن شاء الله
الجميع….بنورك يا حاج سعيد
حسني…قريب ان شاء الله يا حاج سعيد
مديحه…تعبناكي أنهرده ياست فاطمه
فاطمه…تعبكم راحه يا مديحه متقوليش كده ده الواحد بقي يستني اللمه الحلوه دي بفارغ الصبر
سهير…ديما مفتوح بحسكم يا ست فاطمه ونتجمع في كل خير يارب.
نعمه….يارب انهرده الجو حلو والسما صافيه
فاطمه…اه الحمد لله كنت خايفه تمطر اوي
ناريمان….لا الجو حلو من امبارح اوي
احمد العربي…منورين يا عرسان
هيما وايهاب وصالح وصلاح
بنورك يا عم احمد
رن موبايل عامر
عامر…الو…ايه دكتوره فينك
بصت منار بطرف عينها بغيره واضحه.
سهر…ازيك يا فنان عامل ايه
عامر…الحمد لله بخير فينك كده
سهر…انا جايه خلاص بس بصراحه مكسوفه اوي
عامر…مكسوفه من ايه بس يا بنتي يلا بلاش عبط اطلعي كلنا موجودين
سهر…طيب خلاص انا جايه اهو
عامر…مستنينك.
سهر…ماشي سلام
عامر…سلام.
…….
عادل….الدكتوره دي
عامر…اه مكسوفه تطلع
حاج سعيد…مكسوفه من ايه بس هو في حد غريب
…….
زين….مخلصه اللي وراكي يا حبيبي
وعد…اه متقلقش
زين…هنشوف هسمعلك واباكي تكون مش حافظه
وعد…هتعمل ايه يعني🙄
زين….مابلااااش
وعد …بأبتسامه مش بخاف
زين….مش هامك يعني
وعد….اه🙄
زين…ماشي هنشوف وقرب مره واحده من ودنها والله يا وعد لو لقيتك مش حفظه لا هقطعك
وعد…بضحك بالسكينه
زين….بابتسامه لا 😉
وعد…انت قليل الادب علي فكره
زين…علي فكره بقي انا مقولتش بأيه وانتي اللي نيتك مش تمام
وعد…علي فكره انت رخم وقصدك قليل الادب
زين….وطي صوتك بدل ما أقطعك ادامهم
وعد….انا قايمه اساعدهم با قليل الادب
ضحك زين عليها وراح قرب من الشباب يتملموا مع بعض
……
دخلت سهر فالوقت ده
سهر….السلام عليكم
الجميع بصوا لسهر عليكم السلام
راحلها عامر لانه عارف انها متعرفش حد واكيد محرجه
لاكن ده كان مضايق منار جداا
حاج سعيد….مكسوفه من ايه يا دكتوره حد بردو يتكسف من اهله
سهر…ازي حضرتك يا حاج سعيد لا طبعا
سعيد…تعالي نعرفك بقي علي عيلتنا الصغيره دي واللي هتبقي واحده منها ان شاء الله
سهر…ده شرف ليا والله
حاج سعيد…دي بقي خالتك فاطمه تبقي مراتي

 

 

 

 

سهر…اهلا بحضرتك
عادل…وانا اكيد عرفاني
سهر…بضحك طبعا يا أستاذ عادل
حاج سعيد…ودي منار بنتي
سهر…اتقابلنا امبارح ازيك يا منار
منار…بأبتسامه بسيطه اهلا يا سهر.
وأبتدا يعرفها علي كل الموجودين..وفالوقت ده جه أنس
دخل وسلم عالكل سلم علي منار وحضن عامر وانضم مع الشباب
ورجعوا أعدوا تاني كلهم بيضحكوا ويهزروا.
حاج سعيد…منور يا انس يا ابني
أنس…بنورك يا حاج سعيد المكان منور بصحابه
حاج سعيد….ايه رأيك في السطح بتاعنا بقي
أنس….حلو اوي انا اول مره اطلع فيه منار قالتلي عليه بس مكنتش اعرف انه حلو اوي كده
بص عامر بطرف عينه لمنار بغيظ وهو بيجز علي سنانه وفي عرق ظاهر جمب رقبته بيدل علي الغضب اللي جواه….
احمد العربي…اهو السطح ده بقي هو اللي بيجمعنا والمكان ده ليه ذكريات حلوه اوي معانا وتقدر تقول كده ان المكان ده هو العامل الاساسي في لمتنا دي
أنس….صح يا عم احمد فعلا في اماكن كده بتحسها منك وشبهك بتحس كده ان المكان ده شخص بيكون حريص اوي علي أنه يجمع الناس فيه. المكان هنا بيفكرني ببيت جدي الله يرحمه ايامها كنا لسه عيال صغيره كانت العيله كلها بتتجمع كل يوم جمعه كنا نصلي الجمعه ويادوب الصلاه يخلص الكل يكون موجود هناك كنت وقتها عايش مع جدي وجدتي مكنتش بسيبهم ابدا كنت اول كا الصلاه تخلص ابقي فرحان واستني خبط الباب
كنا كتير اوي بس الوقت كله اتفرق من بعد موتهم وكأنهم هما اللي كانوا بيجمعونا
سعيد…زمان اللمه دي يا بني كانت حاجه كده مقدسه بس الشاطر هو اللي يحافظ علي اللمه دي انها متتفرقش
أنس…المشكله يا حاج سعيد
زمان ابويا كان ليه 3 عمامي واتنين عماتي كانوا 6 وكل واحد فيهم ماشاء اللهم معاه كذا طفل يمكن بابا كان هو اقل حد فيهم كان معاه 3 انا واخويا واختي اما الباقي اللي معاه اربعه وخمسه واللي سته كمان فا كنا لما بنتجمع كنا بنبقي عدد كبير الوقت البنات اللي اتجوزوا والشباب اللي اتجوز وسكن بعيد واللي مسافر الدنيا تلاهي يا حاج سعيد
حاج سعيد…ابتسم بسخريه…
دي كلمه خايبه يا ابني بنضحك بيها علي نفسنا اللي عايز يوفر وقت بيعرف يوفره صدقني الدنيا بتلهي بس اللي عايز يتلهي زي بالظبط تكون راجع من الشغل تعبان ووالدتك تقولك هنتجمع انهرده في بيت العيله فا تعتذر بحجه انك تعبان ويجي حد من صحابك يكلمك ويقولك هنخرج تبص تلاقي نفسك قمت زي الحصان عشان تخرج مع صحابك..صدقي يا انس با ابني احنا اللي بنتحكم فالوقت مش الوقت اللي بيتحكم فينا واحنا اللي بنمشي الدنيا علي مزاجنا مش هي اللي بتمشينا.
حسني…صح يا حاج سعيد عندك حق
سعيد…عشان كده يا ابني بحرص ديما كل فتره والتانيه علي اني اجمع الناس دي كلها عشان يتعودوا يمكن يا أنس احنا مش اهل ولا بيربطنا دم واحد بس يمكن تقول كده اننا لقينا نفسنا جوه بعض يعني في منا اللي اهله زي مانت قولت اتلهوا وفي اللي بعد وفي اللي اصل وحش في اللي من اماكن بعيده وفي اللي ليه بلد فا خلاص الكل بعد احنا بقي اللي بينا جيره وعشره وصحبه طيبه اتجمعوا وعملونا اهل الشباب دي كلها صحاب اوي من ومهما صغيرين واديهم اهم ماشاء الله اتجوزوا وفصلوا في نفس المكان عشان زي ما قولتلك عودتهم يمسكوا في بعض فا محدش فيهم قدر يخرج بره البنات صحاب من وهما صغيرين ومرتبطين ببعض منار بنتي وحيده ملهاش اخوات بنات زي مريم ووعد ومنه ورحاب كلهم ليهم صبيان ملهمش بنات بس هما لبعض بقوا اكتر من الاخوات لما حد فيهم يحتاج حد بيقفوا مع لعض بجد…مش انا بس اللي عملت كده يا ابني لا اهاليهم كمان زرعوا ده فيهم عشان هما من جواهم اصلهم طيب وربوهم زي ما اتربوا زمان عالاصول والجدعنه والترابط.

 

 

 

 

سعيد….يمكن يا انس يا بني الناس الطيبه اللي انت شايفها دي هما القريبين لينا فالحته هنا بس مش معني كده ان باقي اهل الحته مش مننا بالعكس دول باقي اهلنا
بس الفرق بين الناس دي وباقي اهل الحته أننا بقينا اهل بجد واكتر بعد ما الشباب اتجوزوا
لو تلاحظ هتلاقي في ترابط غريب اوي بينا يعني عندك عادل ابني خاطب شمس بنت ست سهير..
عندك ادهم ابن حاج احمد متجوز توته بنت ست سهير هيما متجوز اخت زين صالح متجوز بنت ست سهير ولاحه متجوز بنت حاج حسني
ويوسف..خاطب بنت عمك عيسي
وايهاب ابن عمك حسني متجوز رحاب بنت عمك احمد
زين…وانا متذكرتش يعني
سعيد….بضحك وزين متجوز بنت خالته بس لسه مع ايقاف التنفيذ كتب كتاب بس كلهم ضحكوا
بص عامر بحزن لمنار وكأنه عايز يقوله وانت جيت خدت مني منار💔
سعيد…يعني اللي عايز اوصلهولك يا ابني اننا فعلا عملنا عيله كبيره وبقينا لبعض اكتر من اعل وجيران وصحاب..
انس….بجد يا حاج سعيد علي اد ما اللي قولته ده يفرح اوي علي اد ما انه يوجع اوي ياريت كل الناس بتعمل كده مكنش هيبقي في كره ابدا وبحد انا لو هتمني حاجه في حياتي هتمني اعيش معاكم هنا فالمكان ووسط الناس الحلوه دي
سعيد…اعتبره مكانك يا ابني
والاهم من كل ده والكلام ده مش لانس بس ده ليكم كلكم انتوا ياشباب ويابنات علموه لولادكم طلعوا جيل طيب محترم جيل بعرف الاصول ويعرف الحرام والحلال يحافظ علي صله الرحم يحب اللمه والترابط ميبخلش عن صحابه واخواته يقف جمب اللي محتاج مساعده فيهم ومش شرط ماديه الاحتياج المادي ده صدقوني أقل احتياج ممكن يحتاجه الانسان الاحتياج بالسند والامان والحب وراحه البال اهم بكتير الاحتياج للدفا واللمه اهم بكتيييير اوي.صدقوني
ادهم…عارف يا حاج سعيد من وانا صغير طول عمري بتعلم منك حجات كتير اوي وعمري ما اتجمعت معاك في مكان غير لما خرجت منه وانا متعلم حاجه جديده منك
زين…عندك حق يا ادهم انا بقي غير اني بتعلم فا انا بحس اني مروح مبسوط وحاسس اني خفيف كده وحاسس اني روحي من جوه صافيه
سعيد…عشان اللمه يا زين اللمه الحلوه اللي بعيده عن النكد والخناق والنفاق والنميمه وسيره الناس اللمه اللي خاليه من كل ده بتغسل الروح عشان بتتشغل بحاجه مفيده تقول كلمتين تفيد بيهم غيرك تطمن علي اهلك وحبايبك وتشوف احوالهم تطبطب عاللي محتاج انه يطبطب عليه تضحك معاهم من قلبك
عادل….ربنا يخليك لينا يا ابا ومنتحرمش من اللمه دي ابدا
فاطمه…ساكته ليه با سهر يا بنتي
سهر…بأبتسامه جميله ابدا ياست فاطمه بسمع كلام حاج سعيد يمكن كلامه مفتقداه بقالي كتير اوي
سعيد…قوليلي بقي يا دكتوره البلد هنا احلي ولا في انجلترا.
فالوقت ده كان الاكل اتحط وأعدوا كلهم مع بعض يا كلوا
سهر….انجلترا حلوه اوي نظام ونضافه وتعليم بجد احترام للقوانين بص مهما اقولك واتكلم عن النظام والخصوصيه مش هوفيهم حقهم…يمكن هما قادرين يكونوا منظمين اكتر مننا بمراحل وسابقنا كمان بس مقدرش احط مصر في مقارنه مع اي بلد فالدنيا ومش عشان هي بلدي وبغير عليها وبس لا بس حقيقي برغم كل اللي قولته ده في حقهم ميجيش ذره واحده في الدفا اللي بيجمع اهل البلد دي..مصر يا حاج سعيد مش هيعرف قيمتها غير اللي سافر مش بس اتغرب انا يمكن ما أعدتش هناك كتير اوي بس الفتره اللي اعدت فيها هناك كنت مخنوقه ومحتاجه ارجع مع اني مليش حد غير بابا واختي بس ويمكن زي ما أستاذ انس قال لحضرتك يعني عيلتي بتشبه عيلته في ان كلهم اتفرقوا بس الفرق بقي هما اتفرقوا قصد بمعني ان بعد ما ولدتي اتوفت انا والدي يمكن يكون راجل بسيط اوي علي اد حاله ولما ماما اتوفت الكل بعد فجأه ستات العيله اللي خافوا يشيلوا مسؤليتنا ورجاله العيله اللي خافو بابا يطلب منهم مساعده ده عشان ظروفهم الماديه احسن بكتير من بابا مع ان بابا ده لو هيموت ميقدرش يطلب من حد جنيه واحد عنده عزه نفس مشوفتهاش علي حد..
وربانا وكبرنا وصرف عليا انا واختي ومحتجناش لحد فيهم فا يمكن مكنش عندي حد اقدر اقول انه وحشني ومفتقداه غير بابا واختي بس بجد اتضح ان البلد كلها كانت وحشاني
سعيد…جدعه يا بنتي بنت ابوكي بصحيح اللي ملوش خير في بلده ملوش خير في اي حاجه
سهير….طيب ليه والدك واختك ميجوش ياعدوا جمبك هنا يعني اقصد بدال ما تبقي لوحدك
سهر….بابا بيثق فيا جدا يمكن انا اتحايلت عليه كتير وطلبت منه كده فعلا حتي لحد امبارح بليل فضلت اصورله فالشقه وانها هتكفينا بس هو مش راضي ابدا بيقولي مقدرش اسيب البلد اللي اتولدت واتربيت فيها هو يمكن قلقان عليا اوي بس من بعد سفري هو قدر شويه يسبني اشوف مستقبلي خصوصا ان لما كنت مسافره طول ما انا كنت فالبيت كنت بفتح مع اختي النت وممكن انام معاهم والنت مفتوح بينا فا مطمن عليا وبردو هنا انا ناويه اعمل كده خصوصا عشان اختي انا عارفه انها مضايقه اني مشيت وهستقر هنا فا عايزه اعوضهم حتي لو بحاجه بسيطه لاكن بردو مش هيأس يمكن يوافق

 

 

 

 

سعيد….حاولي معاه بس عايز اقولك احيانا بيبقي صعب علينا خصوصا احنا الكبار اننا نطلع من مكاننا ونسيب الحته اللي اتولدنا واتربينا فيها المكان بيبقي عامل زي الحاجه اللي بتلازمك لحد ما تقابلي وجه كريم…
خلصوا اكل وفضلوا مكملين كلام انس اندمج مع الكل وسهر كمان البنات حبوها وهي جبتهم حتي منار اللي اندمجت معاهم عشان تتلاشي نظرات عامر اللي كان ساكت طول الاعده
زين…بصوت واطي مالك ياض ساكت كده ليه
عامر…ابدا مفيش
زين…طيب فك شويه بلاش قلبت وشك دي
عامر…ياعم انا مش جيت عشانكم سبني بقي براحتي
زين…لا مش هسيبك انتي مش شايف منار باين عليها التوتر ازاي اظن مينفعش توصلها للحاله دي عشان شكلها ادامنا كلنا ادام ابوها واخوها وانس كمان انت ساكت وهي ساكته واضح اوي ان في حاجه يعني
عامر…ياعم عايزني اعمل ايه طيب
زين…ولا حاجه متعملش خليك مكشر كده وعفاريت الدنيا طالعه من عينك ومش مهم منار عادي
سابه زين وراح اعد مع الباقي.
روحيه….لمديحه انت سانده علي رجلي كده ليه رجلي وجعتني😒
مديحه…ياوليه انا جيت جمبك انا اعده بعيد عنك اهو
روحيه…بكدب يعني😏
فاطمه…انا نفسي أفهم انتي ليه نقرك من نقر مديحه كده علي طول
روحيه….قربت من مديحه بصوت واطي لاكن مسموع ودي مين الوليه الحشريه دي🤔
ضحك الجميع عليها
فاطمه.. بقي كده ياروحيه انا حشريه
روحيه…ايوه يا اختي حشريه انا وصحبتي بنتكلم حاشره روحك ليه😏😏
فاطمه…طيب ياستي حقك عليا انا غلطانه
يوسف…ياما عيب يا اما دي ست فاطمه حبيبتك 😭
روحيه…ايوه ست فاطمه حبيبتي انما الوليه دي بتتحشر ليه بيني وبين الست اللي جمبي دي
وقربت من مديحه…ألا انتي أسمك ايه
مديحه…بضحك اسمي مديحه
روحيه…ايوه وبين مديحه
يوسف…ماهي دي ست فاطمه يا اما
روحيه….🤔بجد متزعليش مني يا حبيبتي وشاورت علب مديحه. هي كده الست دي توقع الدنيا في بعضها وهي اعده😒
فاطمه…فضلت تضحك
ومديحه…ماتت من الضحك
علي فكره بقي يا روحيه انتي ملكيش صاحب
روحيه….ايوه مليش وانا صحاب رجاله ليه😒😒😒
مديحه…لا مقصدش🙈😂
سهير…تقصد يعني قلابه
روحيه….انا قلابه وانتي مالك ياوليه بتتحشري بينا ليه
نعمه…انتوا مش هتخلصوا من روحيه فا اسكتوا احسن
ناريمان…لنا بقول كده بدل ما تقوم تدور فينا الضرب بالعصايه
روحيه…انتي خدتي العصايه بتاعتي🤔
ناريمان….والمسيح ابدا😂😂
عيسي….ناريمان بتلحق نفسها
ناريمان…ايوه امال تقوم عليا

 

 

 

 

يوسف…عجبك كده يا اما اللي انت عملاه ده
روحيه….انت مين ياولا
يوسف….انا يوسف ابن الجيران😒😒
روحيه….شكلي كده هجيب العصايه بصحيح😏
يوسف….لا وعلب ايه حقك علي راسي وباس راسها اقولك اضربي الواد اللي واقف هناك ده وشاور علي عامر
روحيه….بأبتسامه شاورت لعامر بطريقه طفوليه
عامر…شاورلها علي نفسه بابتسامه
روحيه…ايوه انت تعالي اقولك
……
سهر…بصوت واطي أشبه للوشوشه…لوعد اسفه بس هي ست روحيه تعبانه
وعد…بنفس الصوت اه عندها زهايمر بتنسي حجات كتير واوقات تحسيها طبيعيه جدا وفاكره كل حاجه
سهر….حرام ده مرض وحش اوي
منه…فعلا وكله كوم ولما بتتوه كوم
توته….لما بتتوه الدنيا بتتقلب والحاره كلها بتدور عليها ويوسف يا عيني بيبقي هيتجنن
سهر…ربنا يخليهاله هي مش معاها غير يوسف
توته…اه هو يوسف بس وخاطب البت قمر دي وهيتجوزو قريب خلاص
سهر…بجد مبروك
مريم بأبتسامه جميله الله يبارك فيكي عقبالك
سهر….ربنا يخليكي
عامر…اعد جمب روحيه عالارض…ايوه ياستي عايزه ايه
روحيه….انت زعلان مني
عامر….انا اقدر يا روحيه لا طبعا مش زعلان ليه بتقولي كده
الكل كان مركز مع عامر وروحيه ومبتسمين علي حوارهم
روحيه….اصلك اعد بعيد وشكلك باين عليه الزعل
عامر….طيب بزمتك اللي يشوفك يزعل
روحيه…هو انا حلوه ياولا
عامر…يالهوي ياروحيه ده انتي قمر
روحيه…بجد
عامر…طبعا بجد
روحيه…انت طيب اوي وانا بحبك اوي
زين…الله يسهلوا الله يرحم العصايه اللي كنتي بتحري وراه بيها فالشارع
عامر…اعوذ بالله من عينك دي اول مره تطلب معاها طقم حنيه لدرجه اني مش مصدق وحاسس انها هتطع من ايدها التانيه العصايه😂
صالح…طب وربنا حسيت وانت اعد نص اعده ومترقب كده
صلاح…عامل وضع استعداد عشان يجري😂😂
روحيه..مالكم وماله ياعيال
دي حبيبي
عامر…انتي اللي حبيبتي والله ياروحيه
روحيه…يعني بتحبني ياولا
عامر…طبعا بحبك اد الدنيا دي كلها
روحيه…طيب لو طلبت منك طلب تنفذه
عامر…اي حاجه فالدنيا تحضر ٤الحال إلا الجميز😂
يوسف…ضحك بصوت عالي يارب تقولك جميز وتلف حوالين نفسك
روحيه….لا جميز ايه انا عايزه حاجه تانيه
شهد…استر يارب
روحيه….مين البت دي😡
عامر…وهو بيبعدها قومي بسرعه يا شهد بدل ما تتحول وتاكلك
قولي يلا عايزه ايه
روحيه…عيزاك تغني
عامر…اغني😳
زين…ايوه بقي

 

 

 

 

ايهاب….ياروحيه يا جامده
هيما…جدعه ياروحيه
وفضلوا الشباب كلهم يصفروا
عامر…طيب خلاص اسكتوا هغني بس مش هغني لوحدي هغني انا وايهاب وبص لانس بأبتسامه وانس
ايهاب…انا تمام
انس….ماشي ياعم
الكل كان مبصوط وبيضحكوا ومبتسمين
عامر…طيب نغني ايه
ايهاب…مش عارف اختاروا
انس…عامر فاكر الاغنيه اللي كنا بنغنيها فالمسرح مع بعض فالجامعه
ضحك عامر لا بلاش ده انا قارفهم بيها 😂😂😂
حسني…يبقي حلو الحلو
أنس….انت شكلك مظهقهم بجد😂😂😂
حسني…طب غنوها احنا بنحبها
عامر…طيب هنغنيها بس خلينا نبدأ بواحده كده حلوه.
بتاعت محمد قنديل
حسني واحمد العربي الله الله
احمد…سمعنا يا عامر
عامر….احمممم بص لمنار بطرف عينه وكأنه بيقولها أن الاغنيه دي ليها هي
عامر…
ثلاث سلامات يا واحشني
ثلاث أيام
ايهاب…ثلاث سلامات يا واحشني
ثلاث ايام
أنس…بإيدي سلام وعيني سلام بأيدي سلام وعيني سلام وقلبي سلام
عامر….بعادك يا جميل طول
وده أول بعاد بيطول.
ثلاث تيام يا روح قلبي
وانا جمبي حسود وعزول
أنس…يقسوني عليك ما اقسى
ينسوني هواك مانساه
يقسوني عليك ما اقسى
ينسوني هواك مانساه
أيهاب..يا مالي الدنيا في عنيا
آآآآه يا مالي الدنيا في عنيا
تلات سلامات وشوية
تلات سلامات
………
عامر….عرفت الوحدة ايه هي
وايه أيامي في بعادك
وشوفتك هانت الدنيا
ولا فكرت في عتابك
عرفت الوحدة ايه هي
وايه أيامي في بعادك
وشوفتك هانت الدنيا
ولا فكرت في عتابك..
واعاتبك ليه وانا بحبك

 

 

 

 

واقولك ايه وانا بحبك
واعاتبك ليه وانا بحبك
واقولك ايه وانا بحبك
يا مالي الدنيا في عنيا
أنس….ثلاث سلامات وشوية
ثلاث سلامات
الجميع ..الله الله الله
احمد….ايه الجمال ده
صوت حلو يا انس انت كمان
انس…الله يخليك ياعم احمد
حسني…يلا سمعونا حاجه تانيه
عامر…يلا يا انس انت حاجه لوحدك
أنس…اممم طيب احمممم
أمانة عليك يا ليل طوّل، وهات العمر م الأول
بحب جديد وقلبي سعيد، ياريتني عشقت عام اول
أمانة أمانة، أمانة أمانة، أمانة يا ليلي يا ليلي
يا ليل طوّل على العشاق، وقول للفجر مايبانش
يهون العمر ع المشتاق، وساعة القرب متهونش
يغنيلك، يا ليل يا ليل، على السهران يا ليل يا ليل
ترد عليه نجوم الليل، تقولّه كمان من الأول
أمانة أمانة، أمانة أمانة، أمانة يا ليلي يا ليلي
صقف الجميع ليه وهما مبسوطين من صوته اوي
وفضلوا يغنوا مع بعض كذا اغنيه
وانضم الكبار مع بعض يلعبوا طاوله
والشباب كلهم انضموا مع بعض
شمس….صحيح يا سهر بما انك دكتوره نفسيه وكده انتي بتعرفي تحللي الشخص اللي ادامك
سهر….امممم يعني اكيد
توته…طيب وتقدري بقي تحللي شخصيتنا الوقت انا طبعا من غير ما تقوليلي واحده بتفكر في الانتحار من ولادها🥴
سهر…بضحك بعد الشر عليكي دول حلوين خالص ربنا يحميهم ليكي انتي وبباهم
سهر….ماشي بس طبعا انا اول مره اعد معاكم تقريبا كلكم يمكن شوفت عامر واستاذ عادل قبلكم بس بردو معرفش عنهم حاجه فا هنخمن بس لو صح قولوا يعني عشان احس اني دكتوره شاطره وكده ماشي
الكل ماشي….
أشوفكم بكره مع تحليل قوي
وضرب نااار🔥🔥🔥🔥🔥🔥🔥

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 2)