رواية فستان فرح الفصل الثالث 3 بقلم هاجر نور الدين

رواية فستان فرح الفصل الثالث 3 بقلم هاجر نور الدين

رواية فستان فرح البارت الثالث

رواية فستان فرح الجزء الثالث

رواية فستان فرح الحلقة الثالثة

سمعت صوت ضرب نار تحت نزلت أجري وكانت الصدمة لاقيت عمي قاعد علي الأرض ووشه مليان أثار ضرب وكريم واقف ومثبته بسلاح علي راسه فضلت واقفة مكاني خايفة أنزل من عمي إتكلم كريم وقال:
_كان داخل بالسلاح وأصاب الحارس في كتفه وداخل فاكء نفسه هيخلص عليا وياخدك
خلص كلامه ورمي المسدس بعيد وشده من شعره ورفع راسه ليه وقال:
_حياة تبقي حرم كريم السويفي لو متعرفنيش إسأل عني وباللي إنت عملته دا بقيت عدو من أعدائي يعني مش هتشوف يوم راحة وبعد كدا لما تيجي تستخدم السلاح إبقي أتمرن علبه عشان ميتاخدش منك
خلص كلامه بضحكة سخرية وبعدين زقه في الأرض ونده علي رجالته شدوه لحد برا قعدت اعيط مكاني جه كريم قرب مني وإتكلم:
_بتعيطي ليه دلوقتي
=هما مش هيسكتوا انا عارفة انا خايفة اوي انا عايزاهم يسيبوني في حالي إنهم وصلوا لمكاني دا لوحده كبير اوي وبيخططوا لحاجة
وبعدها زدت في عياطي وصوتي عِلِي وأنا بشهق جه كريم خدني في حضنه من غير كلام وأنا فضلت أعيط وأنا مش واخدة بالي وبعد دقايق خدت بالي من اللي انا فيه بعدت عنه بسرعه وتوتر وهو حمحم وقال:
_طول مانتي معايا متخافيش محدش هيقدر يقربلك واللي هيقربلك هخلص عليه، متعيطيش

بصيت بعيوني اللي مليانه دموع لعيونه اللي حاسة فيها صدق في كلامه وأمان ومسحت دموعي وإبتسمت بـ شكر
سكت شوية وبعدين إتكلم:
_أنا هنزل الشركة دلوقتي متخافيش هحط حراسه مشددة علي الڤيلا وهبقي عارف كل حاجة بتحصلك
=طب متتأخرش
إبتسم وقال:
_مش هتأخر
وبعدين سابني ومشي وأنا طلعت الأوضة وكنت بتفرج علي التليفزيون بعد 3 ساعات سمعت صوت خبط علي باب الاوضة قومت فتحت وكانت الشغالة اللي خبطت عليا قبل كدا وفي ايديها شنط كتير
_إي دول
=دول الهدوم وشوية حاجات باعتهالك كريم باشا
إستغربت من كمية الحاجات وخدتهم منها ودخلت فتحتهم كانوا دريسات حلوين أوي وبيچامات للبيت وإسدال للصلاة
إبتسمت وخدتهم ورتبتهم في الدولاب إستنيته لما جه ونزلت
_شكرًا
قولتها لما شوفته قاعد علي الكنبة وماسك موبايله بإهتمام إبتسملي وقال:
=العفو، دي حاجات بسيطة ينفع تلبسيها دلوقتي
إستغربت كلامه وقولت:
_لأ دي مش حاجات بسيطة دي هتكفيني وزيادة بس متبقاش مبزر كدا
قرب حواجبه من بعض وقال:
=اممم يعني دول هيكفوكي وزيادة?
_أيوا طبعًا

سكت شوية بيفكر في دينا وإن هي مكنش بيكفيها طلبات أو فلوس بصلها وإبتسملها وبعدين قال:
=خلاص تمام مادام دول مكفيينك ولو إحتاجتي أي حاجة متتكسفيش وقوليلي
إبتسمتله بشكر ، إتكلم هو بعد شوية وقال:
_كنت بفكر أبلغ عن عيلتك بالطقوس الشيطانيه والمُحرمة اللي بيعملوها بس قولت أقولك الأول عشان متدايقيش
إبتسمت بسخرية وقولت:
=مش هيلاقوا آي حاجة عليهم
سألني بإستغراب:
_إزاي يعني
=يعني هيلاقوهم عيلة عادية وهيلاقوا كمان مصحف في البيت وسجادة واللي هما بتوعي وهيقولولك إنه بلاغ كاذب
_إنتي جربتي تبلغي عنهم قبل كدا يعني ودا اللي حصل
إفتكرت اللي عملوه وبصيتله وبدأت أحكيله:
=كنت قاعدة في أوضتي بعيد عنهم وسمعت خالي بيقول إن مرات خالي ولدت ولد صغير وجايباه وجاية كنت فرحانه عشان هشوف طفل صغير برئ بعيد عن كل القر*ف اللي بشوفه معاهم إستنيتها لما جات وشوفت البيبي وكان زي القمر كنت فرحانه بيه اوي بس لاقتهم كلهم لابسين ولما سألتهم رايحين فين قالولي إن الطفل دا اللي جه عليه الدور إننا نضحي بيه للإله إتصدمت من جملتهم ولما سألتهم يعني إي تضحوا بيه قالولي روحه هتبقي قربان للشيطان وهيدخل الجنة علي طول يابخته!!
وبعدها نزلوا كلهم وأولهم خالي ومراته اللي هما أمه وأبوه وأنا تحت ذهول تام من اللي بيحصل دا معملوهم غسيل مخ بالكامل روحت بلغت عنهم بس مكنتش عارفة المكان لما بلغت قولتلهم عنوان البيت وقولتلهم لو كدبوا ان في مولود جديد ضحوا بيه يسألوا المستشفي علي العملية بتاعت ولادته ولما هما جم جات الحكومة بعدها ودخلوا ملاقوش آي حاجة عليهم وشافوا كمان مصحف ومصلية وأنا مقدرتش أنطق قدامهم عشان محدش باخد باله إن انا اللي بلغت وبعدين إعتذرولهم ومشيوا وأنا دخلت أوضتي وفضلت أعيط علي اللي أنا فيه

بصلي بحزن وقال:
_متزعليش إحمدي ربنا إنه نجاكي من كل دا وبقيتي مسلمة ومؤمنة بيه
بصتله بإبتسامة وقولت:
=الحمدلله
جات رسالة ل كريم شافها ورد عليها وبعدها باب الڤيلا إتفتح ودخل منه تلاتة ومعاهم واحدة باين عليها متعصبة وقالت:
_ جايبني تاني ليه ياكريم أنا ماصدقت خلصت منك
=أهلًا بـ دينا أهلًا بـ حبيبتي
بصيتله بإستغراب وبعدين بصيت للبنت اللي قالت:
_ خلاص ياكريم إنت عرفت إني مش بحبك جايبني تاني ليه وبعدين مانت إتجوزت أهو
قالت أخر جملة ليها وهي بتبصلي من تحت ل فوق إتوترت من نظراتها وعرفت إنها حد مش سهل إتكلم كريم وقال:
= عرفت إنك مش بتحبيني وكنتي بتستغليني أه، بس لسة معرفتكيش اللي هعملوا فيكي وتمن كل دا يادينا
بصتله دينا بتوتر وخوف وقالت:
_عادي ياكريم أنا عملت اي يعني في الاول كنت بحبك وبعدين مبقتش بحبك وإنفصلت عنك مفيهاش حاجة دي سيبني في حالي بقي

=مش قبل ماأخد حقي وحق قلبي منك يادينا وبالنسبة لحبك ليا اللي عمرك ماجربتيه أصلًا ف أنا هخليكي تندمي علي إنك فكرتي تلعبي مع كريم السويفي
إتوترت وقالت:
_مش هتقدر تعملي حاجة لإن بابي مش هيسكت
إتكلم كريم بسخرية:
=بابي بتاعك دا أول واحد هيدوق من نار إنتقامي منك
_عشان خاطري ياكريم سيبني وهعملك كل اللي إنت عايزه
بص كريم لواحد من اللي واقفين وقال:
=خدوها أوضة الضيف وخلوا بالكم منها كويس أوي هاا
_أمرك ياكريم باشا
=لأ ياكريم سيبني والنبي دا أنا حب حياتك بلاش الأوضة دي، دي في منطقة مهجورة وبخاف منها
مردش عليها وخدوها ومشيوا وهي بتعيط لسة كنت هتكلم إتكلم هو وقال:
_إطلعي فوق دلوقتي ياحياة
=بس انا
بصلي بصة اقل مايقال عنها إنها كانت كفيلة تخرسني وتخليني أجرى من قدامه ودا اللي حصل فعلًا
بعد ما جريت من قدامه ضحك عليها وقال:
_إنتي إي ياحياة بالظبط ناوية تعملي فيا اي

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية فستان فرح)