رواية فريدة الفصل الأول 1 بقلم فريدة محمد

رواية فريدة الفصل الأول 1 بقلم فريدة محمد

رواية فريدة البارت الأول

رواية فريدة الجزء الأول

رواية فريدة الحلقة الأولى

-عمتو تلفونك بيرن
-طيب رد يا حبيبي على ما اخلص اللي في أيدي
-مين يا يونس
-دي فريده يا عمتو.
-طيب رد بسرعه ل تكون تاهت دي متعرفش حاجه هنا.
-الو اي يا فريده
-فريده بصوت باكي :الحقني يا يونس، انا تايهه ومش عارفه انا فين وفي واحد ماشي ورايا عمال يقولي كلام غريب، انا خايفه اوي الحقني الله يخليك.
-طيب اهدي و متبصيش وراكي و حاولي تقفي في مكان في ناس كتير وانا جايلك حالا انتي فين (قالها بلهفه وخوف عليها في آن واحد).
-انا في الجيزه بس معرفش انا فين بالضبط
-طيب طيب اهدي ومتبينيش انك خايفه اهدي خالص يا حبيبتي واوعى تبصي وراكي انا نازل من البيت اهو متخافيش عشر دقايق وهكون عندك، بس حاولي توصفيلي انتي فين بالضبط.

-عمته بخوف :بسرعه يا يونس الله يكرمك الحقها دي بتغرق في شبر مايه يا بني اجري الله يخليك.
-حاضر يا عمتو ان شاء الله خير.
-جيب العواقب سليمه يارب (قالتها العمه بخوف على اولاد اخويها)
-يونس انا طلعت على الشارع العمومي اهوو بس الشارع هادي خالص برضو وهو لسه
ورايا و مش بيتكلم بس بيبص عليا بصات غريبه.
-انا مش قولت متبصيش وراكي انتي فين أوصفي اي حاجه خلصي هتموتينا من الرعب (قالها بنرفزه و عصبيه)
-انا موجوده قدام جامع اسمه……. وجنبه صيدليه كبيره، يالهوي يونس الراجل بيقرب عليا اعمل ايه الحقني
-انا دقيقتين وهبقي عندك خليكي ماسكه التلفون في ايدك واوعى تقفلي.
-ماشي بس بسرعه
-الحلوه واقفه لوحدها ليه ما تيحي اوصلك و اكسب فيكي ثواب (قالها الرجل بصوت بشع وطريقه سوقيه)
-ااابعد يا استاذ انت لاني ممكن اصوت والم عليك الناس دي (قالتها بصوت مرتعب و بطريقه لطيفه بالنسبه ل هذا الرجل)
-اي الجمال ده يا بت انتي انتي شكلك مش من مصر، لا لا دا احنا بنحب ننشط السياحه بنساعد بلدنا يا عروسه تعالي بقا هجبلك حاجه حلوه . (قالها وكأنه بحادث طفله صغيره)
-طيب بص يا استاذ انا ممكن اديك فلوس وتمشي اي رايك
-استاذ والله ضحكتيني يا ابله تعالي بقا (وقام بجذبها من معصمها) انتفضت هي من حركته و حاولت أن تجذب يدها منه ولكن لم تستطع.
-وسع يا قليل الادب والله لو يونس جالك ما هيسيبك، ابعد عني (وهنا صوتها قد بدأ يرتفع)
-التفت لها بعض بائعي الفواكه الجالسين على مقربه منهم.
البائع :في حاجه يا كابتن مسكها كده لي تخصك دي
-اه تخصني ليك شوق في حاجه
-لا يا حبيبي انا اللي ليا شوق، قالها بها يونس ثم هجم عليه ولم يجعل به مكانا يصلح للاستخدام و قد عاونه بعض الرجال الذين اتو على صوت الشجار

-احد الرجال :عفارم عليك يا بني ده مش سايب ست في المنطقه إلا ومرازيها منه لله اديه اخد اللي فيه النصيب.
-اخد يونس فريده ورحل وبعد عشر دقائق كانوا قد وصلو للمنزل بعد أن ساد الصمت بينهم طوال الطريق، نزلت هي من السياره بسرعه وصعدت اللي المبنى.
-دقت الباب وفتحت لها عمتها وقد احتضنتها على الفور
-يا حبيبتي يا بنتي ادخلي تعالي حصلك حاجه حد لمسك
– يونس بعد أن دخل وأغلق الباب خلفه ثم قال بصوت جهوري غاضب :اه لمسها و لو مكنتش وصلت علطول مكنتش لحقتها تحمد ربنا اني كنت هنا اصلا الله اعلم لو مكنتش موجود كان حصل اي انتي كل مكان بتدخليه بتخربيه
عايز اعرف انتي ايه اللي وداكي هناك وكمان من غير ما تستأذني من حد انتي فكراها سايبه ولا اي لو كان عمي بعتك من امريكا لهنا فده لان هناك خطر وهو خايف عليكي وبعتك هنا عشان تكوني في امان والبيت ده انتي مش هتخرحي منه غير للضروره عشان مش كل شويه هنعد ندور عليكي في الشوارع انتي فاهمه ولا لا.
-فريده ببكاء : انت انسان معندكش قلب لو مكنتش عايز تيجي جيت لي بس انا اللي غلطانه اني استنجدت بيك واسفه اني ببوظلك حياتك وعارفه اني ضيفه تقيله على قلبك وانا كلها شهر وماشيه ومش هتشوف وشي تاني .
-قالتها ثم ركضت لغرفتها و اغلقت الباب بقوه خلفها.
-مش كده يا يونس انت قولت كلام جارح يا بني حرام عليك دي البت غلبانه و طيبه واتحامت فيك، روح راضيها ربنا يرضى عليك
-ياعمتو هي عارفه ان هنا مش زي بره المفروض انها تاخد بالها عشان انا مش هبقي موجود علطول.
انا اصلا قايم البس عشان طالعين مأموريه ادعيلي يا ست الكل.
-هدعيلك يا حبيبي بس ربنا يباركلك قوم رضيها قبل ماتمشي دي هبله و بتتراضى بكلمتين.
-حاضر يا حبيبتي ريحلها و ربنا يعيني.
-ذهب يونس لغرفتها و دق الباب ولا يوجد رد
-فريدة افتحي

– هي بغضب :عايز اي مني انا مش هخرح من الاوضه عشان تكون براحتك بما انك بتكرهي كدا امشي و سبني في حالي.
-طيب افتحي بس هقولك حاجة عشان ماشي عندي مأموريه ومش هرجع غير بعد شهر ونص هتعدي زعلانه مني شهر ونص بحالهم.
-فريده وقد فتحت الباب :اه عادي انت اصلا مش طايقني و اعتقد هتبقى مرتاح، واصلا ان شاء الله هترجع مش هتلاقيني دادي هيكون جه واخدني و مش هتشوف وشي خالص حلو كده
-لا مش حلو انا مش عايزك زعلانه الكلام اللي قولته بره ده عشان كنت خايف عليكي يا فريدة افرضي كان حصلك حاجه بجد كان هيحصل اي ساعتها بقا(قالها بصوت هادئ) .
-كنت هترتاح مني
-لا طبعا انتي غاليه عندي عشان كده كنت خايف عليكي ده غير انك بنت عمي وأننا نفس الدم بس والله انتي غاليه عندي .
-ماشي يا يونس بس متزعقليش كده تاني انا محدش كلمني بالطريقه دي قبل كده ولا حتى دادي كلمني كدا. –
-حاضر ياستي.
-وبعدين انا مسافر بكره طالع مأموريه ويا عالم راجع ولا لا مش عايز اسيبك زعلانه
-فريدة بخوف :يعني اي يا عالم ترجع ولا لا دي انت هنرجع تاني اوعدني يا يونس
-اوعدك اني هرجع ان شاء الله بس ادعيلي انتي
-حاضر هدعيلك بس خلي بالك من نفسك عشان خاطري
-انتي تؤمري
-فريدة وقد اقتربت منه وقامت بأحتضانه ثم همست له خلي بالك من نفسك يا يونس ارجعلي تاني
-يونس وقد اندهش من حركتها هذه
ولكن قام بلف يديه حولها وضمها اليه
-فريده عمتك لو شافتنا بالوضع ده هتفهمنا غلط
فريده وقد ابتعدت عنه وقالت :انا اسفه بس حاجه جت على بالي وعملتها
-متتأسفيش يا فريده بس عمتك لو شافت الوضع ده
مش هتسبنا في حالنا (قالها بضحك)
-عادي يا يونس احنا في أمريكا بنسلم علي بعض كده
-لا يا فريده ده غلط وبعدين اصلا حرام تعملي كده مع حد غير بباكي و محارمك يعني.
-مين محارمي دول.

-فريده اسكتي يا حبيبتي
-بس خلاص صافي يا لبن صح
-هو اي علاقه اللبن بموضوعنا
-لا دا انتي أمريكا ضيعتك خالص (قالها بضحك)
فضحكت هي معه نعم عزيزي القارئ فهذه هي الأنثى
يكفيها ابتسامه صافيه و كلمه طيبه
فتصبح انت لها الدنيا وما فيها.

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية فريدة)