رواية حورية في عالم الوحوش الفصل الرابع والأربعون 44 بقلم يوستينا سامي

رواية حورية في عالم الوحوش الفصل الرابع والأربعون 44 بقلم يوستينا سامي

رواية حورية في عالم الوحوش البارت الرابع والأربعون

رواية حورية في عالم الوحوش الجزء الرابع والأربعون

رواية حورية في عالم الوحوش الحلقة الرابعة والأربعون

في شقة خالة نسمة 🏡
مراد. / نععم ابوكي ازاي يعني
نسمة ضحكت / ايه يا عم شجيع السيما . مش انت قولت برضو هخ*طفك و الجو ده ، اهو بابا برا على الباب اتصرف بقيى
مراد/ هي دي فيها اتصرف .. هربيني بسرعة من اي شباك
او بابا خلفي
نسمة. / مافيش باب خلفي و لا اي زفت ..
هو مافيش غير حل واحد هو اني افتح الباب عادي واقول ان انا كلمتك عشان تيجي تجيب الدكتور لخالتي
مراد / اه هو بقى هيصدقك …يا بنتي ده مش بعيد يطلبي البوليس وانا مش ناقص فضائح .. و بعدين هيكرهني اكتر .
نسمة / صدقني مافيش غير الحل ده وخليني بقى افتح عشان ما يظنش ان في حاجه حصلت
وفعلا راحت نسمه وفتحت الباب وباباها دخل وهو قلقان وبيقولها / مالك يا نسمه طمنيني.. ايه ده ايه اللي جاب البني ادم ده هنا
مراد بدا يبعد شويه / والله والله انا جاي عشان سبب مهم مش جاي من نفسي يعني اكيد و بعدين انا اصلا ما كنتش اعرف عنوانها

نسمه / اهدى بس وانا هافهمك كل حاجه انا حاولت اكلم حضرتك كثير بس ما كنتش بترد عليا
وخالتي كانت تعبانه قوي وفجاه اغم عليها بالصدفه لقيت رقم مراد قدامي فعلا رنيت عليه عشان يجي يلحقني ولو مش مصدقني اهي روشتة الدكتور
مراد / شفت بقى الصدفه الفظيعة اللي من عند ربنا
والدها / والله دي فعلا صدفه فظيعه جدا لا وتتصدق عموما انا كنت عايزه اقابلك عشان اسالك هل انت فعلا لسه عايز نسمه ولا غيرت رايك زي ما انا متوقع
مراد / افندم .. هو السؤال ده بجد ولا بتهزر معايا مثلا .. عمي و حياه امك اوعي تكون بتلعب لمشاعري
والدها / ايه يا ابني انت الكلام ده .. ما تظبط كدة كلامك
في ايه .. وبعدين انا سؤالي واضح انت لسه عايز نسمة ولا غيرت كلامك ؟؟
مراد / انا اسف والله بس انا مصدوم من سؤال حضرتك وبعدين اكيد انا لسه عايز نسمة .. انا والله بحبها اوي
والدها / يبقى خلاص تمشي دلوقت وتجيء اخر الاسبوع وانت معاك اهلك عشان تتقدملها
ولو هي عايزاك انا ما عنديش مانع لان انا اللي يفرق معايا هي سعادة بنتي و بس
مراد حضن والد نسمة جامد و باسه / انا مش عارف اشكر حضرتك ازاي ده انا كان ناقص اتشقلب علشان تعرف اني بحبها عموما انا هامشي دلوقت قبل ما اتغير رايك وهاجي يوم الجمعه ….ها الجمعه باي يا نسمة
وفعلا خرج مراد من الشقه وهو كان فرحان جدا ووالد نسمه كان مصدوم ويبص حواليه وبيقول / ايه الولد العبيط ده
اما نسمة كانت بتعيط وقرب من باباها و حضنته لكنه

قالها / ما تعيطيش انا وافقت انك تتجوزي مراد علشان
ما اشوفش دموعك دي تاني مرة
اما مراد فهو خرج من البيت وركب عربيته وكان فرحان جدا وقرر انه يروح المستشفى ويبلغ جاسر بالخبر ده ويطمئن على مراته لكنه ما كانش يعرف ايه اخر الاخبار
ولان موبايل اسد اصلا ما زال مع مراد بسبب الخضته علي نسمة فمعرفش من اسد ..
______________________________________________
في امريكااااا
في مطعم ..
ريماس / علفكرة بقي انا مش مفجوعة اطلاقا انا بس بقالي فتره مجيتش امريكا فوحشني المطعم ده اوي .. هو انت مقلتليش صحيح انت جاي امريكا شغل ولا فسح بقي وخروجات
حسام بضحك / لا شغل انا نويت استقر هناا او بمعني اصح ارجع اشتغل لان شغلي اصلا زمان كان في امريكا بس رجعت مصر من فتره ..
ريماس و هي مش مركزة معاه و بتاكل / اهااا .. طب كويس اووي ، واضح انك رجل اعمال بقي

حسام بضحك / ده انتي مشكلة والله .. بقولك ايه هو مش باباكي المفروض انه جاي ياخدك من المطعم ده .
ريماس / امم جاي ، بس انا قولتله ان انا قاعدة مع حد ..اللي هو انت يعني
حسام / ايه الادب ده كله .. عموما انا هفضل موجود لحد ما والدك يوصل لاني عايز اتعرف عليه
ريماس / ياريت والله يا حسام احسن شكلك هتبقي صاحبي المقرب طول ما انا في امريكا
حسام / باذن الله . هو مش المفروض برضو انك كبنت تتكسفي في اول قاعدة بيناا
ريماس / يسلام .. ايه ده بابا وصل اهوووو
و فعلا دخل والد ريماس حسين…
ريماس / بابي وحشتني اووي .. اعرفك .
حسين قاطعها / حساام بيه ..ازيك ده انت وحشتني اوي والله ..
حسام قرب من حسين وحضنه عشان يرحب به وريماس كانت واقفه مصدومه اني ابوها احترم حسام لدرجه دي ..
___________________________________________
في المستشفي عند حياه ..
حور بدموع / ارجوكي اهدي يا حياه ، انتي صحتك دلوقتي اهم من اي طفل
حياه بنهيار / لا يا حور ده ابني اللي ما*ت من قبل ما يشوف الحياه و النور و كل ده بسبب ايه

بسبب شخص موجود بس علشان يجتل الناس اللي بنحبهم
حور / حرام عليكي اللي انتي بتعمليه في نفسك ده
و بعدين انتي ظالمة جاسر والله ، ده كان هيمو*ت عليكي .. ده بيحبك اوي يا حياه
حياه / وانا اول ما بدات احبه و امنتله شوفتي ايه اللي حصل فياا .. خسرت ابني و كنت هخسر حياتي كلهاا قوليله يا حور اني عايزة اطلع و مش هوافق علي حاجة غير الطلاق ..
في الوقت ده اسد و جاسر كانوا واقفين برا الاوضة ..
اسد / اجمد كدة يا جاسر.. و بعدين طبيعي كدة الصدمة اللي هي فيها ، هي خسرت ابنها يعني لازم تبقي مصدومة وخايفة
جاسر / انا مستعد استحمل اي حاجة منها يا اسد و اي كلام هي ممكن تقوله لكن اللي مش هقدر استحمله بجد هي انها تبعد عني
اسد / اهدي بقي يا ابني صدقني مفيش حاجة..
و قطع كلام اسد دخول مراد و هو بيجري و فرحان اوي ..
مراد / كويس ان انتوا الاتنين متجمعين احسن انا حاسس ان هيجرالي حاجة …
اسد مسكه من القميص / هو انت فعلا هيجرالك حاجة من اللي انا هعمله فيك
و فاجاه اسد ضرب مراد بالبوكس في وشه

جاسر قرب من اسد و مسك ايده و بعده عن مراد اللي وقع في الأرض / انت عبيط يا اسد ، هو عملك اي لكل العنف ده.
اسد / هو عارف ، ده عيل بارد و رخم ، يا حراااامي
مراد بوجع و هو حاطط ايده علي مكان الضربه / الله يسمحك يا ابن عمي .. انا اصلا مش هرد عليك علشان انا بس فعلا غلطان اني اخت موبيل بس انت متعرفش اللي حصل .. جاسر باركلي
جاسر باستغراب/ حاضر يا مراد .. مبرووك خير بقي بركتلك علي ايه
مراد / اصل والد نسمة وااافق اني اتجوزها
و هيستنانا اخر الاسبوووع علشان نتقدم ، شوفتوا بقي المفاجاه التحفة دي ..
جاسر / امم و المفروض اننا عارفين اصلا ابو نسمة او نسمة شخصيا مش كدة .. عموما الف مبروك يا مراد و ربنا يتمملك على خير.
جاسر سابهم و بعد شوية عنهم و عمل نفسه بيتكلم في التليفون و مراد كان مستغرب …
مراد/ اسد هو ماله جاسر ،هي حياه حصلها حاجة
اسد / لسه فاكر تتطمن او تسال حتي يا بارد عموما اه حياه فاقت و من وقت ما عرفت ان ابنهم توفي و هي بتصرخ و بتزعق بس و طالبة الطلاق
مراد / ده بجد ، ده تلاقيه زعل

اسد بعصبية / والله زعل بس . بقولك اي انا ماليش مزاج اتشل دلوقتي يا بابا ..غور من قدامي
مراد / خلاص استني ماتبقاش قفوش اوي كدة
و بعدين اكيد اللي هي فيه ده صدمة و هتهدي
اسد بخوف / عارف يا مراد برغم اني حقيقي مش طايقك الااني بتمني من ربنا اخد ربع برودك ..انا كل ما اتخيل ان ممكن حياه تسيب مراد بترعب ان حور تعمل زيها او ان جاسر يسافر لحسام انا مش عايز ارجع تاني وحيد
مراد / ليه بتقول كدة ..انا عمري ما كنت بارد علفكرة
اسد بصله بقرف / انا خارج برا المستشفي قبل ما ارقدك جمب البت العيانة جوا دي ..
و فعلا راح اسد ووقف مع جاسر ..
مراد فضل واقف مكانه / وانا كمان خايف يا اسد ارجع تاني وحيد منغيركم ..
______________________________________________
في امريكا ..
حسين / انا حقيقي مش مصدق انك رجعت ثاني امريكا معقول هترجع ثاني تشتغل هنا طب فين باقي الشله فين اسد باشا وجاسر ياسر باشا
حسام قطعوا في الكلام / لا لا يا حسين خلاص
مبقاش كل دول الموجودين انا بس اللي هارجع يمكن هاتعب شويه عقبال ما ارجع ثاني السوق واتعرف زي الاول بس خير وكويس يعني اني قابلتك
حسين / هي فعلا صدفه حلوه جدا عموما انا مش عايزك تقلق انا ظهري في ظهرك زي زمان ويمكن اكثر كمان انا عمري ما انسى واقفة اسد باشا معايا و ده دين في رقبتي

حسام في سره/ حتى وانت بعيد يا اسد افضالك على الناس مسعداني مش قادر اكرهك و مبقتش عارف اعمل ايه ..
ريماس قطعت تفكيره / هو اسد ده مين يا حسام انت متكلمتش عليه خالص انت حكتلي عن جاسر و حسن و بس
حسين / لا دول كانوا شلة كبيره اووي اسد و حسام و حسن و مراد و جاسر و فيروز صحيح انتوا اتجوزتوا يا حسام
حسام اتوجع اوي / لا محصلش نصيب للاسف
و اضطر حسام يخبي و بعدها فضلوا مع حسام علشان يحجز في اوتيل لحد ما يلاقي مكان كويس يشتريه لكن ملقووش و حسين صمم انه يجي معاه الفيلا بتاعته .
______________________________________________
في المستشفي ..
حور / زي ما بقولك يا اسد رافضة تماما تتكلم و عايزة ترجع البلد لعلي تعيش معاه
جاسر / مافيش الكلام ده ، انا مستحيل اسيبها تبعد عني حور ارجوكي ساعديني
اسد / طب خلاص .. هي هتيجي معانا الفيلا تقعد معانا لحد ما الاحوال كلها تهدي
جاسر / لا يا اسد انا مش هستحمل انها تبعد عني يوم واحد.

مراد / خلاص انا عندي حل ايه رايك ان انت تيجي تقعد عندنا في الفيلا في البيت اللي بره وتبقى قريب من حياه وفي نفس الوقت بعيد عنها
اسد / طب والله بتفهم … خلاص احنا هنقولها انها هتيجي معانا .. و انت امشي خالص من قدامهاا
وفعلا ده اللي حصل واسد اخذ حياه وحور ومراد و مشيوا من المستشفى وراحوا للفيلا لكن اول ما وصلت الفيلا
اتصدموا .. 😳😳😳😳

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية حورية في عالم الوحوش)