رواية توبة الفصل الثاني 2 بقلم آيات إنصير

رواية توبة الفصل الثاني 2 بقلم آيات إنصير

رواية توبة البارت الثاني

رواية توبة الجزء الثاني

رواية توبة الحلقة الثانية

حياة:صبيت بملل لفيت شعري وطلعت خذيت سفرت السحلب ودخلت عليهم بدون سلام لاشي طيرتلي منهم
نضال:كنك قالبه وجك ع باتي ولا عشان لزينه حبيب القلب يلي كل ساعه يدق ونحن نلزوو عليك لمهزب كل هو 😂
حياة:مريض؛
نضال:سكري فمك ولا انصبي نربيك يا كلبه
خليل:خبط عكوزه في الأرض اسسسس ،تحشمو معش تعاركو قدامي
حياة:بس يا بابا شوفه شن يحكي عليا
خليل:ضحك ضحكه بارده وع الجنب؛ مرات يطلع كلامه صح دوت إن راجل انلزو فيه أربع مرات ومزال يبيك ؛ وهو راجل غريب ومن وطن بعيده شن تفسريه بالله؟؟
حياة:كيف بنتواصل معاه ؛ بأرضينا ؟؟ ماعنديش تلفون راه
خليل:اممم اي اي صح ماعندكش تلفون هذا الشي الوحيد يلي ماسكني عنك ، بس لو نمسك عليك دليل واحد إنك تكلمي في رجاله ؛ نسلخك سلخ زي كبش العيد وبعدها نطلقك للكلاب وبهت في خوتها وابتسم عشان يكلنك
نضال:بعدها لكلاب جيعانات يا باتي

أحمد:نخلو راسك بس عشان نعلقوه قدام حوشنا، يقعد ماره
نضال:وين حوش خليل ال#### ؟ الناس تجاوب يلي معلقين راس بنتهم ع باب😂
حياة:أنا طارت نيتي بنوض لداري
خليل:قعمزي الموضوع يلي نبيك فيه مازال ما تكلمت عليه
حياة:قعمزت وقلبي يرجف من الخوف ؛أنا عايشه بين وحووش ، كمل كباية السحلب ومسح اشنابه بالمنشف يلي ديما معاه، ورفع اعيونه فيا وقال………
خليل:صالح كلمني وقال نبي نقرا الفاتحه ، عشان معش يجوها خطاب وتقعد محجوزه
عزيزه:متى بيجي؟
خليل:هو قبل يبي توا بس أنا قتله خليها شهر أخرى
حياة:نضت بعصبيه بس أنا مش موافقه؟

خليل:أنا مندورش في رايك موافقه ولا مش موافقه،المهم إن نسكرو ع الموضوع يلي له سنيين ونحمو خوتك
حياة:فقدت السيطره على أعصابي وقلبت صفرة السحلب وبصوت عالي أنا مش كبش عيد تضحي بيا ” وما كملتش كلامي إلا و جاني كف قوي
أحمد:شددها من شعرها ، ما عاشت يلي تعلي في صوته ع باتي فاهمه يا #$$
حياة:رفعت اعيوني فيه بقوه عكس الخوف يلي كان متملكني ؛ شش شن قلت؟؟؟
أحمد:يا #$$ إنت وحده

حياة:دفلت عليه ؛ ديووث والله ديوث تحكي ع اختك هك
،حسيت بألم أقوه لما كرب شعري بقو ، حسيت إن شعري انسل في يده كله ، شفت لنضال يلي كان مقدم وعيونه شرار طيحني أحمد ع الأرض وبدو فيا هم ال2 ، ذلووني كانو يضربو فيا بكرعيهم ماوقفوش إلا لما شبعو ضرب
أحمد: عشان مره ثانية تحسبي إحساب لباتك وخوتك يا كلبه
حياة:شفت لباتي يلي ابتسامته المرسومه كانت تعبر عن فرحته ورضاه بشي يلي صار قدامه التففت عشان نشوف أمي يلي كانت تبكي ومطبسه راسه من الخوف عشان باتي مايشوفهاش💔
خليل:امم وين كنت؟

نضال:أخر شي قلت إن صالح بيجي يقرا الفاتحه
خليل:ايوا صالح بيقرا الفاتحه ، لاازم موضوع الثار هذا يسكر حتى أحفادي يتريحو وما يلحقهمش الخوف
حياة:صبيت بألم كل عضمه في جسمي توجع فيا
نضال: وين ماشيه باتي مازال ماعطاك الأذن؟
خليل:خليها أصلا سوا قاعده أو لا ماعندهاش راي
حياة:شفتلهم بكره ومشيت لداري وسكرت ع روحي ؛قدمت ع المراية الدولا وشفت نفسي كدمات وختووش وشعري مصبي ،هه ويقولو الخوت سند لأختهم💔 بدو دموعي ينزلو بغزاره ،عايشه بين وحووش ، بزوجني لصالح المجرم الشايب الخايب اهاا لييش بس ،

حياة: رن التلفون ، وكان ع الهزاز طبعا،فتحت بس ما تكلمتش
عمر:فيك شي ،طمنيني عليك ليش اليوم مارنيتي
حياة:(كنت نبي نبكي ونحكيله شن صار معاي ونطلب مساعدته بس كرامته ماسمحتليش نبين ان هلي مش كويسسين قدامه)
عمر:اويي حياة نكلمم فيك
حياة: لابس نحس في روحي مريضه شكلي واخذه برد
عمر:اووف أكيده من الحمام يلي ديما اديري فيه ،
حياة:ضحكت،عكس الشعور يلي نحس بيه جوا 💔، هههه من قالك اني اندير في حمام يوميا
عمر :عارفك سوست نظافه ،امم قتلك
حياة:هاا

عمر:باتي قالي البنت مخطوبة قال باتها
حياة:أي صح أنا مخطوبة من 20 سنه
عمر:ههه تغير احكي ،
حياة:غمضت اعيوني بقوة وخليت الكلام يطلع بشكل عشوائي من فمي ،عمر أنا………..
عمر:، شن الخويط هذا إنتِ فاطنه للكلام يلي يطلع منك ولااااا

________________________
،نور:ابتسمت برضا لما شفت شكلي ع المرايه ،بخيت عطري وزدت دكنت روجي ،اخساره فيهن اللبسه غجرياات ،ووك العجوز الشينه تو تقعد تلصق ،
وسام:طلع من الحمام طرح الصلايه عشان يصلي المغرب، وكان صوته حلو وهو يقرا في بداية سورة الرعد
نور:كنت نراقب فيه ،من أنا طفله معش صليت ،إلا في المناسبات قدام الناس ولا لما يكون وسام موجود
وسام:السلام عليكم ورحمة السلام عليكم ورحمة
نور:تقبل الله
وسام:منا ومنك صالح الأعمال ،هي واتيه؟
نور:قربت من وسام وبصوت دلع امم شن رايك حبيبي نمشو لمطعم

وسام: دفها ، نووور مازلت اكويس وماشي معاك بطيب ،أسمعي الكلمه أحسن لك وماتخليش جنوني وأعصابي يطلعن عليك
نور:تي خيرك على سبله ماقتلك شي ،كنت تقدر تقول لا وتحز الموضوع
وسام: شافلها من فوق لي لوطه بإستحقار وطلع
نور:اففف ،خذت حقيبتها ولحقاته
نزل وسام وستناها لين تنزل ودق الباب فتحتلهم رهف
رهف:اااا حبيبي وسام حضناته مرايفه عليك
وسام:خلااص انزلي راك ثقيله مش زي قبل
رهف:بضحكه خش تستنى فيك أمي من امبدري
وسام:ساح كندرته وخش
رهف:شافت ل نور تفضلي ،ومدت يدها عشان تسلم
نور:شافتلها من فوق للوطه ودخلت حتى الحذاء ماسلحاته

_______________________
ماريا:وجعتني هزيبتي لمريم قلت انوض انديرلها سينابون زي ما خاطرها ❤
غزاله:خشت للمطبخ ماريا رني ع أختك طولت
ماريا:شفت لساعه هي طالعه من العصر وتوا المغرب مازال عليه ربع ساعه ويأذن وهي قالتلي مش حنطول ساعه بس رفعت التلفون نرن عليها مقفل ، عاودت الإتصال مره واثنين وثلاثه بس نفس الشي مقفل
غزاله:سن صار معاك.
ماريا:مم مقفلل
غزالة:حي عليا نا البنت درعن شن صاير فيها ؛كلمي صاحبتها فاطمه بلكي مازال قاعده عندها
ماريا:أمي مم مريم مامشتش لصحبتها فاطمه

غزالة:بعدم فهم ،كيف شن تقولي إنتِ؟؟؟
ماريا:زي ما نحكيلك يا ماما مريم مشت تقابل في خطيبها حسام
غزالة:وليش تكذب عليا ، وخطيبها خيرا مايجي زي الناس للمربوعه عشان يشوفها ،هالحيوانه احسابهة عندي لما تروح
ماريا:وتوا شن انديرو
.
غزالة:رني ع حسام لو عندك رقمه،وشوفي الحيوانه وين قاعده
ماريا:اي عندي رقمه مره مريم ماعندهاش رصديد عطيتها تلفوني كلماته ، دورت ع رقم ورنيت …… نزلت التلفون من وذني وبخوف ماما حتى هو مقفل …

يتبع …

لقراءة الفصل التالي : اضغط هنا

لقراءة جميع فصول الرواية اضغط على ( رواية توبة )