رواية فتاة الملجأ الحلقة الثالثة عشر 13 الجزء 2 بقلم ملك محمد
رواية فتاة الملجأ الحلقة الثالثة عشر 13 الجزء 2 بقلم ملك محمد
 |
| رواية فتاة الملجأ الحلقة الثالثة عشر 13 الجزء 2 بقلم ملك محمد |
رواية فتاة الملجأ الحلقة الثالثة عشر 13 الجزء 2 بقلم ملك محمد
مر اليوم وإياد لم يتحدث مع ملاك نهائيا حتى آتى موعد الحفل
“في منزل اياد “
شادي بفرح : اخيرا عملتها وحطيت رجلك على اول خطوات النجاح مبروك افتتاح الفرع الجديد
اياد وهو يرتدي ربطة عنقه ( الكارفته)
: الله يبارك فيك
شادي صمت لثواني ثم قال
: اياد انا ليه حاسك مش مبسوط
اياد : هتبسط ازاي وال كان نفسي انجح علشانها زعلانه مني
شادي : تقصد ملاك مش كدا
اياد بتنهيده : هو في غيرها من يوم مارجعت من السفر وكل اما نقرب من بعض تطلع حاجه من تحت الأرض تبعدنا تاني
شادي : كل دا بيحصل ف اي علاقه اهم حاجه ان مهما تبعدو مفيش حد فيكوا فكر انه ينهي العلاقه
اياد جلس ع الكرسي بحزن قائلا : للأسف هي فكرت ف كدا
شادي بصدمه : معقول ملاك فكرت انها تسيبك
اياد بوجع : ال حصل مني خلاها تشوفني وحش للأسف
شادي بتعجب : حصل اي
اياد وقف وارتدى جاكيته قائلا : حصل كتير هنكمل كلامنا ف العربيه يلا علشان هنتأخر ع الحفله
_________
في منزل ملاك دخلت عليها والدتها قائله
: ملاك في حد مستنيكي تحت بيقول انه زميلك ف الشغل
ملاك بفزع : مين داه
والدتها : معرفش انا ال عايزه اعرف مين داه
ملاك نزلت بسرعه لأسفل فتجد مروان يجلس على الكرسي
ملاك بصدمه : مروان !
مروان وقف بإبتسامه قائلا : ايوا مروان انتي ليه مجهزتيش لحد دلوقتي
ملاك بتعجب : اجهز ليه
مروان : انتي ناسيه الحفله
ملاك تذكرت موعد الحفله فردت قائله
: ياااه دانا نسيت خالص
مروان : طب يلا ألبسي بسرعه
ملاك : البس فين انا مش رايحه
مروان : هتروحي وانجزي يلا
فجأه تأتي والدتها قائله
: حفلة اي
مروان : حفله تبع الشركه ياطنط ومفروض ملاك هانم تلين دماغها كدا وتيجي معايا
والدتها بتعجب أخذت ملاك جانباً قائله بهمس
: انتي يابت مين داه وفين اياد هو ازاي هيسمح انك تروحي مع حد غيره
ملاك بحزن : ماما انا واياد انفصلنا خلاص وكل واحد راح ف طريقه متجبليش سيرته تاني
والدتها بإبتسامه: انفصلتوا ! دانا اصدق اي حاجه تقوليها الا الكلمه دي اتخنقتوا مش كدا
ملاك : اها ياماما اتخنقنا وانا خلاص مبقتش عايزاه
والدتها بضحك : وهو عارف بكدا
فجأه مروان يتدخل قائلا بصوت مرتفع
: لو سمحتو بس ممكن نأجل الحوار داه لحد ماملاك ترجع لأننا فعلا أتأخرنا
والدتها بإحراج : انا اسفه يابني مخدتش بالي
ملاك : مروان انا قولت مش هروح انا اسفه جدا بجد
مروان بإحباط : يعني دا آخر كلام عندك
ملاك بأسف : انا اسفه بجد بس مش هقدر اروح
مروان بيأس : تمام براحتك هستأذن انا
فجأه والدة ملاك تنادي عليه قائله
: استني يامروان ملاك هتروح
ملاك بتعجب : ماما انا مش عايزه اروح
والدتها بإبتسامه : لازم تروحي تغيري جو انتي بقالك فتره قافله على نفسك اوضتك اخرجي ياحبيبتي من الإكتئاب ال انتي فيه داه
مروان بفرح : انا كمان بقول كدا
ملاك بحزن : بس ياجماعه…
قاطعتها والدتها قائله : مبسش ألبسي يلا انا قولت هتروحي الحفله
ملاك بتنهيده : حاضر ياماما
___________
ف الحفله اياد ينظر يميناً ويساراً بحثا عن ملاك لكنه لم يجدها
نرمين بضيق : بقالك ساعه عينك رايحه جايه بتدور على حاجه
اياد : اها بدور على نفسي
نرمين بسخريه : بتدور على نفسك ليه هي تايهه منك
اياد : مش هتفهمي مهما اتكلم
فجأه يأتي احدهم قائلا
: اياد بيه ممكن نتكلم
اياد بلهفه : اكيد طبعاً يا اسامه دانا مستنيك من بدري
“ثم أخذه وخرجوا للشرفه
اسامه أحد الموظفيين ف الشركه
: انا جبتلك كل حاجه عنه
اياد : ها قول ال عندك
اسامه : هو ال عرفته ان مروان شخص مش سهل زي ماالناس بتشوفه
اياد بقلق : وضح كلامك يا اسامه وقول كل حاجه
اسامه بدأ السرد قائلا
: مروان عايش في بيت لوحده كان متجوز بس مراته اكتشفت خيانته فطلبت الطلاق
هو كمان سايب اهله مبيسألش عنهم
وال عرفته انه شخص بتاع بنات وعايش حياته على كيفه وشاطر جدا ف اصطياد اي بنت
اياد بصدمه : وعرفت الكلام دا منين
اسامه: واحده من البنات ال ضحك عليها قالتلي انه بيدخل للبنت من ناحية انه اخوها وبيخاف عليها وعايز يساعدها والبنت شويه بشويه تبدأ تتعلق بيه وبعدها يصارحها هو كمان بمشاعره لحد مابتبقى خلاص مش قادره تستغنى عنه ياخد ال هو عايزه منها ويرميها زي غيرها
اياد بغضب : تذكر عندما ربط مروان شعر ملاك في الشركه ولمست يده عنقها
شعر حينها أن تلك اللمسه لم تكن عفويه ابدا بل كانت عن قصد
________
ف السياره
مروان بإبتسامه : طالعه زي القمر
ملاك بخجل : تسلم
مروان بإبتسامه: مش عايزك تتكسفي مني احنا اخوات وانا بجد كان نفسي اساعدك ف موضوع اياد داه
ملاك بحزن : بلاش نتكلم ف الموضوع داه
مروان : هو انا ممكن اعرف عمل اي خلاكي مس عايزه تسمعي اسمه كدا
ملاك بتوتر : مفيش حاجه حصلت
مروان : مع اني قولتلك اعتبريني اخوكي بس مصره تعملي فرق وتخبي عني ماشي ياستي براحتك
ملاك صمتت ونظرت عبر النافذه
مروان وهو يقود السياره
: ملاك بما اني كان نفسي اساعدك تقربي منه بس انتي خلاص مبقتيش عايزاه تسمحيلي اساعدك تنسيه
ملاك بدهشه : انساه
مروان بضحك : اها تنسيه ولا دا ميتنسيش
ملاك بإرتباك : لا اقصد اه
مروان بإبتسامه : جاوبيني عايزه تنسيه
ملاك بحزن : اها
مروان بسعاده : تمام انا هساعدك
__________
وصلوا اخيرا للحفل
اياد كان يقف وحده والغضب يظهر على ملامحه كان يفكر ف طريقه يبعد مروان عن ملاك لكن دون أن يفعل شئ يغضبها مثلما حدث من قبل
فجأه يدخل مروان وبجانبه ملاك
مد يده لها
لكن ملاك رفضت مسك يده فشعر بالأحراج وازاح يده بعيداً
لفتت ملاك جميع انظار الحاضريين بطلتها البسيطه وملامحها الهادئه
اياد ذاد غضبه عندما رآئها تدخل من الباب مع مروان لكنه تمالك نفسه وتظاهر بالثبات
جلست ملاك على إحدى الطاولات وجلس مروان معها على نفس الطاوله
شادي آتى ووقف بجانب اياد قائلا
: اي ياكابتن البنت بتاعتك داخله مع واحد تاني ولا انت مش واخد بالك
اياد بغضب تركه وذهب إليهم
جر أحد الكراسي وجلس معهم ع نفس الطاوله قائلا
ملاك تملكها الخوف عندما رآت اياد يجلس معهم على نفس الطاوله
اياد بإبتسامه مصطنعه: ازيك يامروان
مروان بتعجب : الحمدلله يا اياد بيه
اياد : شايفكوا جايين مع بعض يعني
ملاك بخوف : انا هقوم اجيب حاجه اشربها
اياد : يبقى أفضل
مروان بإبتسامة تعجب : في حاجه يا فندم
اياد : لا مفيش انا بس حبيت اطمن عليك انت كويس
مروان : اها تمام جدا
ثم قام من على الطاوله قائلا
: هستأذن من حضرتك
اياد بخبث: على فين خليك هنا أحسن
مروان بخبث : اطمن عليا متقلقش
ثم ذهب ناحية ملاك
ملاك كانت تقف جانباً بإرتباك وتمسك كوب العصير
آتى اليها مروان قائلا
: بتشربي اي
ملاك بتوتر : ها دا عصير
كان اياد يراقب المشهد من بعيد
مروان بدون اي مقدمات وضع يده حول خصرها قائلا
: تعالي نجيب أكل انا جعان
ملاك فزعت عندما شعرت بيده حول خصرها ورجعت للخلف بسرعه
اياد عندما رآى يده حول خصرها إشتاط غضبا
وقف بهدوء وفك ربطة عنقه (الكرفته)
وخلع جاكيته ووضعهم جانباً
رآه شادي من بعيد علم ان هناك كارثه ستحدث
اقترب منه قائلا
: اياد اعقل مبتبوظش الحفله انا هروح اتكلم معاه
ازاحه اياد بعيداً بيده وذهب نحو مروان بإندافع
وأمسكه من قبضة عنقه قائلا بغضب
: قولتلك خليك هناك احسن مسمعتش الكلام
ثم لكمه في وجهه ودفعه بعيداً
ملاك كانت تشاهد الموقف برعب سقط منها الكأس الذي بيدها وهلعت للخارج
اوقف اياد مروان من على الأرض وجره معه للشرفه وأغلق الباب
الجميع كان في حالة هلع ولم يفهم احد مايحدث
امسك اياد مروان ولكمه في وجهه مره آخرى ثم أوقفه ودفعه نحو الحائط وأمسكه من عنقه بغضب قائلا
: اياك تفكر تلمسها تاني فاهم ولا لا
مروان بغضب دفعه بعيداً قائلا
: انت واحد مجنون اساسا عندها حق تبعد عنك
اياد بغضب امسكه مره آخرى من عنقه: تبعد عني ماتبعدش انت ملكش دعوه خليك بعيد عنها بقولك
فجأه كسر باب شادي باب الشرفه ودخل عليه بهلع
: اياد انت اتجننت هتموته ف ايدك حصل اي لكل داه
وقام بإبعاده عن مروان
مروان بدأ يلتقط انفاسه
واياد مسح وجهه بيده وتركهم وخرج
يتبع..
لقراءة الحلقة الرابعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية لو كان خيراً لبقى للكاتبة نورهان صبري.