اسكريبت لعنة جمال العيون الفصل الثالث 3 بقلم شهد محمد

في غرفة تمارا

تمارا بتجهز في غرفتها و كندة بتساعدها

كندة:عريس ايه دة اللي اسمه جاسر دة شكله مطلق مرتين اصلا و بعدين نفسي افهم جاي لوحده ليه

تمارا:و الله انا ما عارفة خالتك مستعجلة على جوازي ليه

هدى:قفشتك

بخضة:ماما خضتيني

هدي:بطلي برطمة يا تمارا و خلصي لبس عشان تخرجيلهم مش كفاية جاية متأخر،و انت يا مزغودة 

كندة ببراءة:نعم يا خالتو

هدي:بطلي تتفرجي عليهم من ورا الستارة هتقع عليكي في مرة و الله

بضحك:و الله انت مجنونة يا كندة

بغيظ:مش بشوف هو مين و شكله ايه عشان متلبسيش في حيطة ياختي

تمارا:و الله انا كدة كدة لابسة مفيش اكتر من الحيطة اللي انا لابسة فيها دي و الله

هدي:طب يلا تيمو روحي بقي

في الصالون

عزت:طب نسيب العرسان لوحدهم شوية،تمارا هنسيب الباب مفتوح

جاسر:احنا في رؤية شرعية بصيلي عالاقل يا آنسة،انسة تمارا 

تمارا:ايوة يا فندم

هتفضلي ساكتة كدة كتير مش هتسألي

تمارا:هو انت جاي لوحدك ليه مش جايب معاك والدك و والدتك ليه

هدى من جوة:يخربيت عقلك يا تمارا ايه اللي بتهببيه برة دة

عزت:اسكتي يا هدى خليها تركز

-تركز ايه انتو بتختبروا الراجل

كتدة:استنى يا خالتو بقى خلينا نسمع

جاسر:انا قلت اجي اتفق الأول و بعد كدة اجيب والدتي

تمارا:طب تسمحلي تعرف عن نفسك

-انا جاسر عبدالله 30 سنة بشتغل مهندس بترول

تمارا لاحظت وجود علامات حولين صباعه فسألت:هو انت كنت خاطب قبل كدة

استغرب من سؤالها و قال:اه من فترة بس حصل بينا خلافات بسبب اهلنا،بس عرفتي منين

العلامات حولين صباعك بتدل على أن كان فيه خاتم أو دبلة فيه دة غير أن سنك كبير و اكيد بتعاني من إلحاح فظيع من الوالدة عشان تخطب و تتجوز

ضحك:و الله عندك حق بس عجبني قوة ملاحظتك

هدي:شكلهم اخدوا على بعض

عزت:بلاش التسرع اللي انت فيه دة يا هدى اش حال كنت دكتورة يعني

كندة:يا ناس اسكتوا خلونا نسمع

هدي:فكريني اقول لأمك انك بتعرفي تلمعي أوكر

بإبتسام:حاضر

جاسر:بيتهيألي من حقي انا بقى اسأل 

تمارا:اه طبعا اتفضل

جاسر:هتقبلي تكوني زوجة تانية

بصدمة:نعم

كندة من جوة:يا نهار ابوك اسود

تمارا:يعني ايه زوجة تانية مش فاهمة 

جاسر:يعني انا و خطيبتي اللي بينا خلافات بنحب بعض 

و هنتجوز بس زي ما قلتلك أن الخلافات بين أهالينا فهنتجوز فترة و نتطلق و بعدين نرجع لبعض انا و هي تاني و هعوضك أن شاء الله

تمارا بهدوء مزيف و غريب:و انا ايه اللي يخليني أوافق على حاجة زي كدة

جاسر:واحدة زيك في مكانتك و جمالك و أدبك و لسة متجوزتش الموضوع غريب عشان كدة هتجوز تحلي 

ازمتك و انا احل.. 

-اطلع برة يا جاسر

بصلها جاسر باستغراب فهي علت صوتها:بقولك اطلع برةةة

_انت مش قدامك حل غير كدة اصلا يا تتجوزيني يا هتبقى بايرة و عانس في نظر المجتمع

ضربته بالقلم و قالت:يمكن القلم دة يعدل ودانك اصل شكلك مسمعتنيش اطلع برة

جاسر بغضب:انت بتمدي ايدك عليا

عزت:و نكسر رقبتك كمان يا حيوان 

انهال عليه بالكلمات بقوة تليق بمدرب الملاكمة عزت عاشور و رماه برة

تمارا:أظن انا كدة عملت اللي انتو عايزينه نفع منفعش بقى النصيب دة بتاع ربنا

عزت و هو بياخدها في حضنه:كلامك ماشي يا حبيبة بابا و بص لكل اللي في البيت و قال:مش عايز اسمع كلام في موضوع الجواز دة تاني لحد ما ربنا يأذن فاهمين

هدى تأخذها في حضنها:متزعليش يا روح ماما

بدموع:انا يقولي ابقى زوجة تانية الحيوان

كندة:متزعليش يا تمارا اللي اخده من اونكل عزت يرقده في بيتهم سنة انا قلت و الله انه مطلق و محدش سمعني بعد كدة ابقوا اسمعوا كلامي انا مكشوف عني الحجاب اصلا

ضحكت تمارا عليها:و الله انك تافهة

كندة:ايوة كدة يا تيمو اضحكي مفيش حاجة تستاهل دموغك دي 

ربنا يخليكي ليا يا كندة انا مش عارفة من غيرك كنت عملت ايه

كندة بغرور:كنت هتتحشري في أزماتك و مش هتعدي منها انا اصلا طوق نجاتك يا بنتي

تمارا و هي بتدخل غرفتها:خفي تواضع شوية هاا

قفلت تمارا الباب و كندة قالت إنها هتنزل تتمشى شوية

عزت:دلوقتي يا كندة دة الوقت اتأخر

هدي:ما تقعدي مع تمارا شوية

كندة:حاليا الأحسن اننا نسيب تمارا مع نفسها شوية انا هنزل اجيب شوية حاجات و راجعة مش هتأخر

و نزلت

هدى بدموع:انا مش عارفة بنتي بيحصل معاها كدة ليه

عزت و هو بيحضنها:لسة نصيبها مجاش يا هدى و بعدين انا مش فاهم انت مستعجلة على ايه دي بنتك الف واحد يتمناها

بدموع:شويكار مش راضية تسيبها في حالها و بضايقها في الراحة و في الجاية

عزت:هي ضايقتها تاني

هدي:امبارح و هي راجعة من شغلها استلمتها كلام زي السم بس هي ردت عليها و قالتلي مقولكيش عشان مشغلش بالك

عزت:و انا عندي مين أغلى منها هي و اخوها اشغل بالي بيه يا هدى يا ريت محدش عاد يخبي عني حاجة تاني و بالنسبة لشويكار فليا تصرف تاني معاها

عند كندة

كندة في الفون:ليك عين تسأل يا استاذ

سامح بضحك في الفون:يا بنتي و الله مش عارف انزل اتحشرت هنا و انا من أمتي بتأخر عليكوا 

كندة:يعني انت عايز ايه دلوقتي

سامح:منقدروش نستغني عنك يا كوكي

كندة:يبقى شكلهم نفضولك في البيت و محدش فيهم رد عليك 

سامح:ماليش غيرك يفهمني و الله المهم بقى ايه اللي حصل

حكت كندة ل سامح ع اللي حصل مع جاسر

سامح بغضب:يابن الكلب و الله لما انزل مصر لأوريه

كندة:اللي اخده من اونكل عزت يخليه ميخروجش من بيتهم

سامح:انت فين دلوقتي

-بتمشي شوية و هجيب حاجة حلوة ليا انا و تمارا

سامح:طب يلا روحي عشان الوقت اتأخر و معنتيش تنزلي في وقت زي دة تاني

كندة:حاول تنزل بقى يا سامح انت امك موحشتكش و لا ايه

سامح بتنهيدة:والله مش امي بس اللي وحشتني يا كندة أن شاء الله هنزل قريب انا هقفل دلوقتي و هكلمك تاني

كندة:مع السلامة

سامح:خلي بالك من نفسك

عند تمارا

كانت واقفة ورا الباب بتتنهد لقت رسالة من رقم غريب:مش قولتلك أنه مش مقامك يا حلوة

تمارا:بص يا خراب انا نفسي قفلت قرفت من الصنف كله و من الدنيا كلها حتى طنط شويكار كرهتها انا مش هتجوز اصلا لا أنت و لا غيرك فاهمني يا خراب لا أنت و لا غيرك

خراب:تمارا انا بحبك و بعمل كل دة عشان تبقى معايا

انت لو بتحبني بجد كنت دخلت البيت من بابه لو بتحبني بجد كنت جيت دوغري مش قاعد تحوم زي الغربان انت مريض يا خراب و لازم تتعالج،مبروك انت نجحت في تدمير حياتي انا مش هروح المستشفى و هقعد في البيت لحد ما أموت مش عايزة اشوف بشر تحب انتحرلك كمان

خراب:انتحار ايه انت اتجننتي و مستشفى ايه اللي دي متروحيهاش انت عايزة تحرميني منك

هو احنا بنشوف بعض اصلا عشان احرمك مني

خراب:كل اللي عايزك تعرفيه دلوقتي أن انت ليا و مش هسيبك لغيري و اللي يبصلك بطرف عينه هخزأهمله

تمارا بإبتسامة سخرية:و الله كتر خيرك بس انت اهتمامك دة اهتمام مزيف اللي بيحب حد مبيإذيهوش يا خراب

خراب:و انا بعمل لمصلحتك يا تمارا روحي مستشفتك و كملي شغلك و حياتك و مصيرك تفهمي كل حاجة تصبحي على جنة 

You blocked this contact 

قفلت تمارا الفون و قررت تنام كانت مرهقة من أحداث اليوم المتلاحقة و لكن العامل الأكبر كان الهروب من الشعور المرير اللي هي حاسة بيه

“الدنيا كلها رافضاني و الله” 

كندة جات و معاها كيس في شوكلاتات كتير و مولتو  لأن تمارا بتحبه بس لما دخلت لقيتها نايمة عشان كدة حطتهم ليها ع التسريحة و خرجت

في اليوم التالي بتصحي تمارا و بتلاقي كيس كندة و بتلاقي جواب مكتوب فيه

“عارفة انك تافهة و بتحبيهم يلا مش مشكلة بالهنا و الشفا بس عالله يبان عليكي و تتخني كدة،عايزة اقولك ان صحتك عندي بالدنيا يا تيمو و دموعك دي غالية عندي اوي انت احلى صاحبة و اخت في الدنيا كلها بالمناسبة انا هروح لماما يومين ازورها عشان وحشتني،هتوحشيني،كندة”

ابتسمت تمارا و في عينيها الدموع على طيبة كندة و كلامها اللي بيمس القلب 

اخدت المولتو و اكلته و بعدها مامتها دخلت:يا بنتي مش هتبطلي العادة النيلة دي 

تمارا:صباح الخير يا ماما

هدي:صباح النور يا قلب ماما قومي يا حبيبتي تعالى افطري معايا انا و ابوكي بدل اللي بتاكليه دة و اجهزي عشان تنزلي المستشفى

تمارا:لا مش هروح النهاردة 

هدي:هو ايه دة اللي مش هروح النهاردة هو لعب عيال

من برة:الحقي يا هدى العيش اتحرق في الميكرويف

جريت هدى ع المطبخ و دخل عزت ل تمارا و باس رأسها و قال:انا مش هضغط عليكي انك تنزلي المستشفى النهاردة و هسيبك ترتاحي بس اكيد لازم هتنزلي في يوم فمتطوليش عشان المرضى ميتأثروش

بصتله فهو قال:احنا من أمتي بنوقف حياتنا على موقف حصل فيها يا تيمو 

بدموع:انا تعبت يا بابا مش قادرة اتحمل 

حضنها:انا عارف انك مهمومة بس سيبي اللي يتكلم يتكلم هو يعني الكلام هياكلك و افتكري أن النخلة اللي فيها تمر الناس بتحدفها بالطوب يا تمارا و انا مربيكي على أنك متفرمليش مهما يحصل هتيجي هنا و تقفي 

بإبتسامة و هي بتمسح دموعها:صح انا مش هقف انا هقوم و اكلهم كلهم هطيح فيهم

بضحك:اوعي الامبورجيني يالاااا

بضحك و هي بتحضنه جامد:ربنا يخليك ليا يا بابا و ميحرمنيش منك ابدا

عزت بحنان:و يخليكي ليا يا روح بابا

هدى بغضب:مين اللي على درجة الميكرويف و خلي العيش يتحرق يا عززززت

عزت:اوبااا انا هخلع انا بقى عشان امك هتقتلني لأن انا اللي حرقت العيش عشان الهيها فيه و اقعد معاكي

تمارا بضحك:أجرى يا مجدي

مشي عزت و هدى دخلت:اومال فين بابا

تمارا و هي بتسحب عليها الغطا:خلع

هدي:اومال مين اللي هيفطر معايا 

تمارا:كلمي سامح خليه ييجي يفطر معاكي

هدي:وحشني ابن الجزمة مكلمنيش بقاله كتير

تليفون هدي بيرن باسم سامح

هدى بفرحة:سامح

سامح:وحشتيني يا ست الكل

هدي:مانا لو وحشتك بصحيح مكنتش اتأخرت عليا كدة يا جزمة

سامح:مقدرش اتأخر عنك و الله بس الظروف تعرفي لسة حاسس بنغزة في قلبي من شوية قولت اكيد امي حبيبتي بتجيب في سيرتي

هدي:بجيبها بكل خير و الله يا حبيبي

تمارا:و بتحلفي كمان امال مين اللي كان ابن جزمة من شوية

هدي:بس يا بت

سامح بضحك:اديني تمارا يا ماما اسلم عليها

هدي ناولت تمارا الفون و راحت المطبخ

تمارا:لسة فاكر ياخويا

سامح:تيمو حبيبة قلبي وحشاني

بحنان:و انت كمان يا سموحتي

سامح:يادي النيلة على دة اسم يا شيخة

تمارا:الاه مش اسمك اللي صعب و مالوش دلع اقولك ايه يعني فرغلي

سامح:قوليلي زفت سامح هو مش عاجبك و لا ايه

بضحك:حاضر يا سامح و بخبث:اللي هتموت و تسأل عليها مش هنا

بتلقائية:اه مانا عارف انها عند أمها

بخبث:و عرفت منين

بتلقائية:هي قالتلي انها راحة لخالتي

تمارا:و احنا معلقين الاريل يعني،بتكلم كندة بتاع ايه يا سامح

سامح:فيه ايه يا بنتي بكلم بنت خالتي بلاش اسلم عليها عايزاني اقطع رحمي يا تمارا

-عليا انا الكلام دة برضو

مانت عارفة اللي فيها يا تيمو انا بحب كندة و أن شاء الله اول لما انزل هخطبها على طول

تمارا:جدع يا سامح بس لحد ما تخطبها بلاش تليفونات و جو المحن دة اكتر من السؤال متعملش

سامح:أن شاء الله بس يا ريت متسيحيش عشان محدش يعرف انا لسة مقولتش لحد

تمارا:عيب عليك سرك في بير

بحنان:حبيبتي يا تيمو و الله ربنا يخليكي ليا

و يخليك ليا شد حيلك بقى و تعالى بسرعة بدل ما أنقى للبت عريس و تروح عليك

بغضب:طب و اقسم بالله يحصل و انا اقطع رقابيكم كلكم

بضحك:خلاص يا عم متقفش كدة

سامح و هو بيحاول يهدي:انا راجع الأسبوع الجاي و أما نشوف بقى مين دي اللي هتروح عليا

بفرحة:بجد يا سامح

بتنهيدة:اه بجد انا قدمت طلب و ان شاء الله أنزل قريب

توصل بالسلامة-

الله يسلمك خلي بالك من نفسك

حاضر

تم انتهاء المكالمة 

قامت تمارا من السرير بنشاط و حيوية عكس حالتها اللي كانت قايمة بيها من النوم مكالمة اخوها و خبر رجوعه أداها دفعة و طاقة،راحت تفطر مع مامتها و ساعدتها في شوية حاجات و قرأت رواية كانت راكناها من زمان و مستنية تكون فاضية عشان تقراها،المهم انها ماراحتش المستشفى النهاردة

بالليل

رسالة من رقم غريب:برضو نفذتي اللي في دماغك و مروحتيش المستشفي

ابتسمت بسخرية وعملت سين و مردتش

(و اللي عملته دة هو الصح،حياة تمارا عبارة عن شد حبل تحس كدة انها بتجري الكل بيجري و راها و لو وقفت هياكلوها عشان كدة كان لازم تاخد ريست من الجري ترتاح من ضغط المستشفى تقفل على نفسها اوضتها تبعد عن البشر تبعد عنها الفون طالما هيسبب ليها ازعاج و تنااام،ساعات بنبقى محتاجين راحة من حياتنا مفيهاش مشكلة لو نمت شوية و قمت بعد كدة حليت مشاكلي مانا مش هقدر احلها طول مانا مضغوطة و تعبانة، لا بأس بقليل من الراحة أعزائي) 

خراب:بشوقك بكرة تيجي مغصوبة و اشوفك براحتي

الرسالة كانت غريبة و مبهمة بالنسبة لتمارا خلت شوية خوف يتسلل لقلبها لكن قاطع تفكيرها تليفونها اللي بيرن باسم دكتور عاصم

تمارا:سلام عليكم اهلا ازيك يا دكتور هاصم

عاصم و هو بيحاول يتكلم طبيعي من غير عصبية:ممكن اعرف سيادتك مجتيش ليه النهاردة 

تمارا بتمثل انها تعبانة و بتكح فهو بيقول:انت كويسة 

تمارا بتمثيل:متقلقش يا دكتور انا تمام الحمد لله بس دة شوية إرهاق عشان كدة مقدرتش اجي النهاردة

عاصم بتنهيدة:مش معقول انت متعرفيش تكدبي خالص

بصدمة:نعم! 

بضحك:مش عايزة تيجي النهاردة عادي إنما نكذب الكدب حرام يا تمارا

في نفسها:يا لهوي قفشني وبضحك و بإحراج:اه هههههه الصراحة كان عندي شوية حاجات بخلصها و معرفتش اجي

عاصم بضحك:مفيش مشكلة يا دكتورة خدي بكرة اجازة كمان لو حابة بس عم محمد سأل عنك و قلقان أصلها اول مرة تحصل

تمارا:مفيش داعي لأجازة بكرة انا هاجي بكرة ان شاء الله بلغه أن بلاش داعي للقلق عشان ضغطه،كمان مقدرش افوت تسليم صفقة الأجهزة و كدة

عاصم:لا ما هو مفيش صفقة اجهزة

بصدمة:يا خبر ليه

عاصم:لا دة موضوع يطول شرحه لما تيجي أن شاء الله هتعرفي كل حاجة يلا اسيبك ترتاحي بقى،تصبحي على جنة

تم انتهاء المكالمة

تمارا في نفسها:ليه لغي الصفقة ازاي عاصم يعمل حاجة زي كدة اصلا الأجهزة دي كانت هتساعد المرضى كتير أو يمكن يكون يوسف هو اللي لغاها طب ليه،لا حول ولا قوة الا بالله دي كانت صفقة كويسة جدا

نامت تمارا عشان تستعد ليوم بكرة المجهول