رواية حورية النيران الفصل الثاني عشر 12 بقلم شروق عمرو

نهضت بهدوء تزامنا مع طرق الباب ..فتحت الباب بهدوء لتتسع حدقتيها بصدمه بعد ان راته حاولت اغلاق الباب سريعا ولكن امسك الباب لتركض الى الداخل بهلع .. تغلق الباب عليها. هى تحاول الوقوف خلفه حتى تمنعه من الدخول …دفع الباب بقوه من الخارج ليدخل لها ينظر لها بشر يقول : بتهربى منى يا كوكى ..فاكره انى هسيبك ..فاكره انى مش هعرف اجيبك 

تنفست بقوه تصرخ تمسك بزجاجه من الزجاج  : عايز ايه تانى.. ابعد عن طريقى يا اكرم خلاص انا مبقتش زى زمان  …لو قربت من هقتلك 

تقدم ببرود يقول: اقتلينى يا بيبى اقتلينى انا واقف اهو 

حاول مهاجمتها بقوه لتركله بقدمها اسفل بطنه لتركض للخارج سريعا تركته يتألم بقوه تتجه نحو المطبخ تخرج سكين ونفسها يتصاعد بقوه لتقول : دى  أخرتك يا اكرم …

لتطعنه فى ظهره من الخلف بذعر طعنه والاخرى والاخرى تخرج فى كل طعنه غلها ومراره ايامها التى عاشته معه ..

انتفضت كاميليا برعب من فوق الفراش واخذ نفسها يضطرب بقوه وهى تغمض عينيها بخوف .. فكان هذا حلم …حاولت التقاط كوب الماء بيدها المرتعشه ..لتسقط منها ما ان سمعت طرق الباب ..نظرت برعب نحو الباب ..نهضت بخوف قلبها ييحارب ضلوعها بقوه .. تقدمت بخفوت نحو الباب لتتحدث بصوت مهتز مرتعش : م.مين 

جائها هذا الصوت الذى اراح قلبها كثيرا فكان عمار ..تنقست الصعداء وهى تتجه للدخل مجددا تلتقط حجابها سريعا. تضعه فوق راسها باعشوئيه تدارى شعرها بحرص … فتحت  الباب بهدوء لتجده ينظر لها ببشاشه هاتفا :  صحيتك من النوم 

ابتسمت مجامله لتقول : لا ابدا ..اتفضل ادخل 

هز راسه نافيا يقول : لا مش لازم ..

مد يده يالاكياس التى يحملها ليكمل : ده اكل ..اسف جدا عشان اتأخرت ..

قاطعته بهدوء : ولا يهمك .. 

لتكمل بتساؤل : هو حضرتك رفعت قضيه الخلع 

قال بجديه : ايوا ..اول جلسه هتبقى بعد اسبوع ..

ابتسمت بهدوء تقول : شكرا جدا على مساعدتك 

هز راسه بتفهم يقول :  معملتش حاجه عشان الشكر …اسيبك انا بقى عشان تاكلى ..لو عوزتى حاجه ابقى كلمينى ..عن اذنك 

ليتركها ويغادر بينما هى  دخلت بعد ان اغلقت الباب بهدوء ..

????????????

صرخت ديما بألم تقول : عينييي يخربتك خزقتيلى عينى 

امسكت حور رأسها بعشوائيه: تعالى هنفخلك فيها 

لتصرخ لها بغضب وهى تنهض من مكانها : فى بنى ادم طبيعى فى الدنيا بيحط اليلينز كده 

قالت كلمتها وهى تشير بجانب عينيها بغضب لترد حور بغباء : يابنتى ايوا بيعملوا خط محور ..استنى هوصل الخط من ورا هيظبط 2

نظرت لها بغيظ وهى تفتح عينيها التى احمرت من الداخل لتقول : حسبى الله ونعم الوكيل ..ادى اخره اللى يخليكى تجربى فيه 

ضحكت حور وهى تقول : دودو هو انتى هتحطى الكرسنول ده فين 

نظرت لها ديما بغيظ : كرسنول ايه …اسمه كنسلير 

التقطت التفاحه التى امامها وهى تقول : مغلطناش فى سياده النايب 

امسكت ديما احدى المناديل تمسح عينيها وهى تقول : اطلعى بره يا حور ..بوظتيلى عينى ربنا يسامحك 

قالت حور ببلاهه  وهى تخرج من الغرفه :ششش انا رايح لجيمى اعصبها ..قصدى اساعدها فى الاكل وكده يعنى 

ضحكت ديما وهى تقول بصوت مرتفع : عايزه اشوف دم ياماما 

دخلت حور الى المطبخ وهى تدندن بصوت منخفض لتصرخ فجاه فى اذن جميله ..زمت جميله شفتيها بغضب تقول : كده يا بجره يا حالوب انتى هتصرعينى 

تقول حور باستفزاز : جيمى ..عيب الشتيمه وحشه.. عملتى ايه ببى فى الاكل.. انا عايزه  اشم روايح كده كتيرر..

تنهدت جميله وهى تقول : عملت كل حاجه ..المهم انتوا لسه ماجهزتوش ليه 

قالت حور ببرأه : بنتك يا جوجو ..كنت بساعدها طردتنى بره 

ضحكت جميله على تصرفاتهم الطفوليه لتقول : هببتى ايه ليها  يا مصيبه 

شهقت حور وهى تقول : انا يا بنتى …لا بنتى ايه اقولك يا تيته 

نكزتها جميله بحده تقول : تيته فى عينك ده انا اصغر منك يابت ..ده  عامر ديما يقولى انى كل ما اكبر اصغر 

اخذت حور الخياره التى كانت تقطعها  لتأكلها  جميله لتقول : اوبااا ..يا جدع ..ده الحاج كان بيقول كلام قمر ..احكيلى يا جيمى 

شردت جميله بهيام تقول : عامر ده كان اجمل حاجه فى حياتى …مكنتش موافقه عليه لما اتقدملى ..وكنت  بقول اتجوز عن حب وكلام اهبل كده ..بس لما قعدت معاه حسيت انه عنده عقل وحنيه مش فى حد ..كلامه كده تحبى انك تقعدى  تسمعيه … قولت مش مشكله الحب هيجى بعد الجواز …وكان اجمل حب ..مش حب بس دى عشره وحنيه متبادله ووفاء واحترام .. حسيت معاه انى املك الدنيا كلها .. 2

انتبهت جميله لحور التى اكلت السلطه كلها لتقول بصدمه : ينهار ازرق انتى كلتى السلطه 

قالت حور والطعام بفمها: اصل كلامك بيجوع اووى يا جيمى 

وضعت جميله السكين فى الصحن لتقول وهى تدفع حور للخارج : اطلعى …اطلعى بره عشان هعملك سلطه دلوقتى 

قالت حور ببلاهه : الاه شوفوا الوليه تجوعنى وتقولى كلتى الاكل ليه ..

????????????

بعد مرور اقل من ساعه ..كانت حور منهمكه فى تزين غرفه الاستقبال بدقه ..وهى تدندن ، قاطعها رنين الجرس لتصرخ وهى مازالت تقف اعلى : حد يفتح الباب يا بنى آدمين  ..هو انا  اللى بعمل كل حاجه 

خرجت ديما من غرفتها لتقول : اقفلى الماصوره ..انا هفتح ..صبرنى يا رب 

فتحت ديما الباب لتصرخ بفرحه : كرريم 

ثم تعلقت فى رقبته بقوه ..ليزيد من احتضانها … جاءت جميله  سريعا على صوت ديما لتحتضنه بعد ان تركته ديما … وهى تقول بدموع : كريم ..وحشتنى اووى ..يا قلبى 

ابتسم كريم وهو يقبل رأسها بحنان  يقول : والله وحشتونى اوى ..اخباركوا ايه 

ثم نظر لديما بلوم يقول : بقى يا مهزئه متقوليليش ان كتب كتابك النهارده ..

ردت ديما بتعجب : انت عرفت ازاى 

جاء صوت حور من اعلى تهتف بلامباله : انا قولتله …حد ينزلنى عشان انا خشبت ..

ضحكت ديما تهتف : لا خليكى كده عشان تتربى 

ضحك كريم عليها يقول : انتوا معلقينها ليه كده 

قالت حور برجاء : نزلنى اكيمو وحيات جيمى 

صرخت جميله باعتراض : ينزل مين لا ابنى رجعلى مش هسيبه يتكسر انا 

قالت حور بتوعيد وهى تزيل ما وضعته  : بقى كده يا جيمى ..ماشى هبوظلكوا الزينه اللى انا علقتها اهو وهبوظ الجوازه ..الجوازه باظت الجوازه باظت 

ضحك  كريم وهو يتقدم منها ويقول : سبنى انزلها عشان دى مجنونه 

امسكها من خصرها ينزلها من فوق السلم المتحرك لتقول : يخربتك يلا انت طولت ليه كده 

نظر لها يقول بغرور : انتى اللى بتقصرى يا ختى 

قلدته بسخريه تقول : انتى اللى قصرتى نينينينى 

ديما  بملل : امم رجعنا للتفاهه بتعتكوا تانى 

قالت جميله بتفكير : عارفه يا بت يا حور لو مكنتوش راضعين على بعض والله كنت جوزتكوا 

نظرت له حور تقول باستفزاز:  نعم يا ختى اتجوز ابو طويله  ده 

لينظر لها باستفزاز : انتى تطولى اصلا … مطمرش فيكى الشيكولاته اللى ببعتها ليكوا 

نظرت لهم ديما بدقه : مين ليكوا 

كريم بجديه : انتى وهى 

جزت حور على اسنانها بخوف  : ازيك يا كريم ..تسلم اووى على اللى انت عملته دلوقتى … طلعنى فوف تانى ابوس ايدك 

ركضت ديما خلفها سريعا : ده انا هطلعك للى خلقك دلوقتى 

ضحكت جميله عليهم وهى تتجهه نحو المطبخ مره اخرى بينما ضحك كريم وهو يتجهه للداخل يسحب حقيبته وهو يقول : ربنا يجعله فى ميزان حسناتى …

وبعد مرور وقت من انتهاء ركضهم خلف بعض كانت ديما  تقف  امام المرأه ت نتظر لنفسها بقلق لتقول : حور وهو كده حلو 

ردت حور بملل : لا وحش …سابع الف مره تسألينى واقولك مزه 

نظرت لها بغيظ تقول : يتعافى المرا باصدقائه …اوباا ايه يا بت الجمااال ده 

نظرت حور لها تقول : فين 

اشارت ديما لها تقول : انتى 

ابتسمت حور سريعا تقول : احلفى 

ردت ديما بانبهار : والله قمر .. انتى كنتى  مخبيه الحلاوه  دى فين 

تحدثت حور وهى تمد يدها لتجمع شعرها : اقل حاجه عندى 

لتشعر بصفعه  ديما ع يدها تقول : لا ..متلمهوش يا ماما 

قالت حور بعناد: لا هلمه اش دراكى انتى 

لتقول ديما باصرار : ع الطلاق ما هيتلم 

شهقت حور بدارميه : طلقتى الواد قبل ما تتجوزيه

قالت ديما : متوهيش ..شعرك مش هيتلم 

حور : هييح ادهم جيه 

ضحكت عليها وهى تتركها وتغادر الغرفه سريعا لتقول ديما : يا مهزئه 

وقفت حور فى منتصف الشقه وهى تسحب شعرها للخلف بقوه ..ثم عدلت من هيئتها ..وهى تتجه نحو الباب تفتحه ..وجدت ادهم الذى كاد ان يطرق الباب لتقول وهى تضحك : القلب بيحس يا جدع ..اش اش يا واد يا ادهم ..ورد وبدله وحاجه عسل كده ..ايه انت رايح تتجوز ولا ايه 

نظر لها ادهم باشمئزاز ليدفعها بخفه ثم دخل لتقول حور : ربنا يخليك يا محترم يا متربى 

جائها صوته يقول : شدى بلستر يا بت انتى 

ليدخل زين وزياد ايضا بعشوائيه 

حمحمت باحراج تقول. : اهم شئ فى الدنيا الاحترام يا خى 

دخل ادهم ليجد كريم يجلس ع الاريكه يلعب بهاتفه ليقول ادهم: يا جدع.. طب قولى كنت جيت خدتك من المطار 

ترك كريم الهاتف ليصافحه وهو يقول  : ابو نسب واحشنى يااراجل والله 

قال ادهم وهو يحتضنه بمزاح : كدااب 

رد كريم يقول بضحك  : حصل والله 

بينما كانت حور تقف على الباب بشموخ تسال اى احد قبل دخوله عن هويته ..:  اسمك ..ومين اللى عزمك ..وتقرب للعريس ولا العروسه 

نظر لها الرجل بتعجب : هو احنا ف تحقيق 

ردت : ايواان اعتبره كده .،قولى بيناتك قبل ما تدخل اما مش هتدخل 

جاءت جميله سريعا تقول : اتفضل يا استاذ متولى..

لتكمل وهى تجز على اسنانها : حور كده بتحب تهزر 

دخل متولى بدهشه ل تقول حور  وهى تكتب  فى دفترها : واحد دخل عشان واسطه من جيمى 

ضربت جميله كفا فوق كف وهو تتركها وتغادر قالت حور : اللى بعده 

تقدم منها ليث بتعجب : انتى بتعملى ايه 

تحدثت حور وهى تسجل فى دفترها: زى مانت شايف قوانين شغلى ..بأمن الحفله . ..يلا قولى اسمك ومين اللى دعاك ..واقلع ..قصدى شيل القناع ده 

نظر لها ليث بمكر لتقول حور :يووه بقى  ..متخوفنيش يا عم بعينك دى 

تقدم منها وهو يطلق شعرها لينساب امامه بنعومه ..شعرت بالخجل لتقول بغضب :  وانت مالك انت 

نظر لها قائلا : كده اجمل ..2

ثم دخل وتركها تضع يدها على شعرها تتذكر كلماته

: بحب شعرك مفرود  ..متربطهوش كده تانى 

ابتسمت بهدوء وهى تتجه الى الداخل ..

بدأ الاحتفال فى وسط الزغاريد والاغانى والفرحه والضحكات المنطلقه من الحشود ..خرجت ديما بشكلها الساحر الذى سيكون ملك شخص واحد فقط ..وبعد قليل ستكون ملكه رسميا امام الجميع ..

وقفت حور تستمع المأذون بهدوء وهو يضع يد ادهم وكريم معا 

وقفت حور تستمع المأذون بهدوء وهو يضع يد ادهم وكريم معا ..تنهدت بضيق تتذكر هذا اليوم جيدا ..اليوم الذى كان اسعد ايام حياتها ..نظرت لها ديما بعيون متسائله ، ابتسمت لها بهدوء منطمئنه لها .. ظلت عيون ليث عليها يتابعها بحرص شديد ، لينهض خلفها  عندما رأها تترك الجميع متجهه الى الشرفه .. دخل خلفها بهدوء يقف بجوارها يقول محاولا المزاح  : ايه اضايقتى منى 

ابتسمت حور تقول : لا انا كله بيهزقنى هى جت عليك 

ضحك ليث لتقول حور : اضحك على احزانى يا باشا اضحك 

قال ليث بتساؤل : حزينه ليه 

قالت حور بمرح : لا حزن ايه انا بتكلم فى تفاهه تعيش لاخر العمر 

كاد ليث ان يتحدث حتى قاطعه صوت الصراخ فى الداخل ..لتركض حور سريعا ….