رواية مطلقة وقعت أسيرته الحلقة السادسة عشر 16 بقلم ياسمين جمال

رهف :سفيان انا بحبك 

انصدم سفيان من جملتها ليلتفت لها قائلا 

سفيان:ايه الجنان اللى بتقوليه ده 

رهف:جنان علشان بحبك 

سفيان:رهف انتى تعبانة علشان ريناد ومش عارفة بتقولى ايه 

لتقترب منه خطوتان 

-بالعكس حاولت كتير انكر حبى ليك بس مقدرتش 

سفيان:بس انا مش بحبك يارهف ولا عمرى هحبك  وياريت تنسى حبك ليا لان مفيش منه رجا انسينى يابت الناس وبلاش تعذبى قلبك على الفاضى بلاش تحبى واحد مش شايفك اصلا ولا حاسس ولا هيحس بيكى لان الحياة بينى وبينك مستحيلة 

هبطت تلك الكلمات عليها كالصاعقه رغم بساطة كلماته الا انها كانت مثل الخنجر الذى يُطعن فى القلب مباشرة شعرت بأنسحاب انفاسها كادت ان تسقط ليحاول سفيان اسنادها لترفض مساعدته لتستند على الكرسى بجانبها لتأخذ نفسا عميقا لتستعيد قوتها ثم نظرت له نظرات لا يستطيع تفسيرها اهى حزن ام انكسار ام تحدى فهو لم يستطيع تحديدها. لتنسحب هى من امامه دون إضافة اى كلمة ليحاول سفيان ايقافها لترفع يدها امامه بأن يكف عن الحديث لتخرج هى من الفيلا وما ان غابت عن الانظار حتى سقطت على الارض باكية صارخه فهى احبته بل عشقته ولكن هو لا يريدها لا يراها فقد اهانها اشد اهانة لتمسح دموعها فى عنف ووقفت مرة اخرى بقوة وشموخ لتتوجه الى الشاطئ لتجلس على تلك الدكك الموضوعه عليها  تنظر الى تلاطم الامواج 

 ………………

عاد ادهم الى المنزل ليصعد لغرفتة ليفتح خزانته ليجد ملابسها قد عادت الى الغرفة مرة اخرى ليبتسم بأنتصار ثم اخذ بعض الاوراق من الخزنه الخاصه به وخرج مرة اخرى 

……

كانت تنظر الى تلك الامواج لتشعر بأحد يجلس بجانبها لتنظر له 

-لقيتك حزينة قلت يمكن محتاجه تحكى همك يمكن يخف 

رهف:لا شكرا  ثم اخذت حقيبتها وكادت تغادر ولكن اوقفها 

-جرح الحب صعب وبيقبى اصعب لما نحبسه جوانا 

رهف:افندم

-انا كمان اتجرحت زيك حبيتها وهى خدعتنى 

لتجلس رهف مرة اخرى  لتستمع له 

رهف:بتحب غيرك مش كدا 

-مش كل جروح الحب خيانة 

رهف:طالما مش بتحب غيرك سبتها ليه 

-لانها وخدانى وسيلة لمطامعها 

رهف:ازاى 

-اتعرفت عليها فى الشركة حبيتها وهى كمان مثلت عليا الحب كنت بديها كل اللى تطلبه بس هى كانت واخدانى وسيلة علشان توصل لجشعها فى الفلوس  والسلطه 

رهف: طماعه يعنى 

-للأسف قالتها فى وشى اول مالقيت الاغنى منى قالتها انها مش بتحبنى ولا عمرها حبتنى وانى كنت وسيلة تحقق بيها احلامها 

رهف:جرحك هيزول مع الايام لانها خدعتك وهتكرهها وهتحاول تنساها فى سبب هيخليك تكرهها ومتسامحش  وربنا هيعوضك بالأحسن اكيد  يلا هستأذن لان الوقت اتأخر  لتتركه وغادرت  

…………….

كان يستشيط غضبا مما عرفه لتدلف والدته اليه 

-وبعدين معاك ياعصام خلاص يابنى راحت لصاحب نصيبها انسى بقى 

عصام:مستحيل لازم انتقم منهم هما الاتنين 

-وهى زنبها ايه يابنى هى بنت واى بنت ممكن تتعرض للموقف ده وهما اهل وستروا على بنتهم  وبعدين لو كانوا رفضوا كنت انت هترضى بيها بعد اللى حصلها اكيد لاء يابنى يبقى ليه تدخل نفسك فى مشاكل وقرف خلاص هى اتجوزت وانت شوف حالك بقى وانساها 

عصام:مش هنساها غير لما ادفعها تمن اللى عملته غالى هى والكلب بتاعها قسما بالله لأدفعها التمن غالى  وترك والدته وغادر  دون ان يستمع الى ادنى كلمة   

….؟……………………….

دلف ادهم الى غرفته بعدما انهى اعماله ليجدها نائمة على الاريكه ليتوجه لها ليصيح بها 

-سهيلة اصحى 

لتتمتم فى نومها اعتراضا لأيقاظها ليقترب منها وحملها بين زراعيه وانامها علىى الفراش ثم تركها ودلف اخذ شاور وخرج بعد فترة ليجلس على الكرسى مقابل سهيلة لينظر لها بتأمل ثم قام بمد يده ليمررها بين شعرها ليهمس بصوت خافت 

ادهم:عملتى فيا ايه ياسهيلة مش عارف حبيتك امتى وازاى خلتينى اقع فى حبك يابت عمتى بس لازم اعرف مخبيه ايه عليا ايه اللى مخبياه وهيجرحنى انا وخديجه وهو كان قصده ايه بكلامه اول مرة اكون عاجز كدا ومش قادر اساعد مراتى ياريت لو تصارحينى ياسهيلة وتقوليلى مين بيهددك ليه مش قادرة تعقلى انى الكبير وانى راجلك وقادر احميكى ليه مش واثقة فى حمايتى يابت عمتى سامحينى اكيد النهاردة جرحتك بكلامى بس مكنش فى غير الطريقة دى علشان تطلعى الطلاق من مخك الجزمة ده بس اوعدك انى هعرف الحقيقة اللى مخبياها عليا قريب جدا وساعتها ممكن تخسرينى للأبد ياسهيلة ليتركها وخرج الى الشرفة ليستنشق بعض الهواء 

لتفتح سهيلة عينيها تنظر له لتجده يوليها ظهره لتبتسم فى فرح فهو يحبها كما تعشقه ولكن عندما تذكرت جملته الاخيرة عبثت ملامحها من الجزن ولكن سرعان مانفضت تلك الفكرة من رأسها لتفرح بحبه لها لتقسم بداخلها انها ستجعله يعترف بحبه بطريقتها لتغمض عينيها سريعا عندما شعرت بدلوفه الى الغرفة لينام ادهم على الفراش بجانبها 

……………….#####…….

فى صباح يوم جديد 

استيقظت ريناد من نومها على صوت انين  لتنهض سريعا لتجد احدى السجينات تبكى بحرقة  لتتوجه لها ريناد 

ريناد:مالك 

ساندى:مفيش 

ريناد:حاسه بألم انادم السجانة

ساندى:ابنى وحشنى اوى 

ريناد:معلش ياحبيبتى الزيادة قربت وهتشوفيه 

ليزداد بكاؤها اكثر من زى قبل 

ريناد:هو انا قلت حاجه غلط 

وهنا استمعت ريناد لصوت اخر من خلفها 

هدير:ازاى هيجى وجوزها خد ابنها وعطاه لضرتها ورماها فى السجن 

ريناد:انتى بتقولى ايه 

هدير:بصى ياستى جوزها ده اوسخ خلق الله اتجوزها علشان يخلف منها ومضاها على كامبيليات واول مولدت خد ابنها وسلمهم للشرطه وطبعا هى معهاش تدفع وهى مرمية هنا وهو خد ابنها علشان تربيه حبيبة القلب 

ريناد:طلع مش لوحده ***

ساندى:قصدك على مين وانتى ايه حكايتك 

لتنظر ريناد بحزن ثم اردفت بسخرية 

اى حكاية فيهم  ان جوزى طلقنى واتجوز اختى ولا الظلم اللى رمانى هنا فى السجن وانا معملتش حاجه 

هدير:ازاى يعنى ودخلتى هنا ازاى 

لتروى لهم ريناد قصتها لينظر لها الفتيات بحزن على حالتها 

ساندى:ربنا يفك كربك ياحبيبتى 

ريناد:ساندى هو انتى دينك كام 

ساندى:كتير ياريناد وانتى لسه قايلة انتو عيلة متوسطه 

ريناد:بس اعرف حد يقدر يدفع بس قوليلى وممكن نقدر ندفع 

ساندى:ميت الف جنية 

ريناد:تمام ياحبيبتى ان شاء الله هتخرجى قريب 

ساندى:بجد ياريناد 

ريناد:بجد انا اعرف واحد غنى جدا هطلب منه يساعدك 

ساندى:هتداينى علشانى وانتى هتدفعيهم ازاى 

ريناد:متشليش هم ياقلبى هو بيعمل خير ومش هيمضينى على اى حاجه هو كويس جدا ومحترم 

لتنكزها هدير بكتفها وغمزت لها 

هدير:ايه الموضوع الصنارة غمزت 

ريناد:لاء كدا كتير بجد 

لتبتسم عليها ساندى وهدير 

ساندى:مفيش داعى للأنكار 

هدير:عنده اخوات 

ليضحك الفتاتان بينما نظرت لهم ريناظ بغضب لتردف 

ريناد:انا هرجع مكانى احسن 

ساندى:خلاص خلاص خليكى هنسكت اهوه 

ريناد:اولا مينفعش يحصل بينا حاجه 

هدير:يعنى انتى بتحبيه بس مش هينفع يحصل بينكم حاجه ولا انتى مش بتحبيه اصلا 

ريناد:انا مش بحبه ومش هينفع يحصل حاجه اصلا 

ساندى:هو بيحبك وايه العائق القوى ده 

ريناد :اطلعوا من الموضوع ده بقى زهقت قلت مش هينفع وخلاص 

لتميل هدير على ساندى وهمست بصوت واطى حتى لاتسمعها ريناد 

هدير:بتحبه بس بتنكر. ليضحك الاثنان بخبث 

………………….

دلف ادم الى الفيلا ليجد الجميع فى انتظاره سواها ليقوم بتوديع الجميع بينما يبحث عنها بعينيه  ليربط عامر على كتفه 

عامر:اطلعلها ياادم  هى فى اوضتها 

ليصعد لها ادم وطرق على باب الغرفة ثم دلف الى الداخل فلم يجدها ليبحث عنها عنها فلم يجدها وكاد يخرج ولكنه لاحظها جالسه على ارضية البلكونة ليذهب لها سريعا 

ادم:رضوى 

لتنظر له رضوى وعيناها حمراوتان من كثرة البكاء 

ادم:حبيبتى ارجوكى متعمليش فى نفسك كدا 

رضوى:ارجوك اعتذر 

ادم:حبيبتى ده شغلى 

رضوى:طب قولى رايح فين وهتغيب كد ايه طمنى عليك 

ليحتضنها ادم وقال

حبيبتى دى مهمه سريه مينفعش اقولك اى حاجه عنها ومدتها كد ايه معرفش على حسب ماتنتهى بعد شهر اتنين سنة سنتين الله اعلم 

رضوى:وانا هطمن عليك ازاى 

ادم:طالما مجالكيش خبر استشهادى يبقى انا بخير 

رضوى بخوف وقلق ظاهران 

يعنى فى خطر عليك 

ادم:ان شاء الله لاء ياقلبى انتى 

رضوى:طب كلمنى 

ليبتسم لها ادم وقال 

ادم:حبيبتى مينفعش اتصل بيكى لان ده خطر عليا وعليكى 

رضوى بعصبيه:منا مش هقدر اقعد كدا من غير مطمن عليك 

ليضع ادم وجهها بين كفيه  

ادم:حبيبتى اهدى وانا هكلم القائد وهخليه يطمنك عليا من فترة للتانية بطرقه الخاصه 

رضوى:وعد 

ادم:وعد ياحبيبتى بس خليكى واثقه انى بعشقك وكل اللى يعمله ده علشان عيالنا يعيشوا فى امان خلى بالك من نفسك وقريبا فى مفاجأة حلوة ليكى هتفرحى بيها اوى 

رضوى:ايه هى 

ادم:لو قلت مش هتبقى مفاجأة لينظر مراد فى ساعة يده  ثم نظر لها مرة اخرى 

ادم :هضطر امشى ياحبيبتى علشان ميعاد الطيارة 

لتمسك رضوى يده وقبلتها بحب وشغف 

رضوى:خلى بالك من نفسك وارجعلى بخير وسلامه اوعدنى انك هتاخد بالك من نفسك 

ادم:اوعدك ياحبيبتى ثم قبل جبينها وتركها وخرج سريعا بل خرج من الفيلا بأكملها وبينما هو فى سيارته اتصل به الفهد 

الفهد :انت جاهز ياادم 

ادم:ايوا  يافندم هو انا هعرف حضرتك ازاى وهتيجى بأسم ايه انا لحد دلوقت معرفش غير انى طالع المهمه مع حضرتك بس معرفش  ولا شكل حضرتك ولا هتيجى بأى اسم وازاى كل المعلومات دى معرفهاش 

الفهد:هتعرف كل حاجه فى وقتها ياادم ومتقلقش هتعرفنى علطول يكفى دلوقت تعمل المطلوب منك 

ادم:تمام ياباشا 

الفهد:خلى بالك 

ادم:تمام. ليغلقا الهاتف ليسلم ادم جميع مستلزماته الشخصية والهاتف ليستلم كل ماهو متعلق بشخصيته الجديدة 

……………..

فى صباح يوم جديد 

استيقظ ادهم على اثر اشعة الضوء التى داعبت عينيه  ليجلس ادهم نصف جلسه على فراشه  ليجدها تجلس امام المرآة تقوم بتسريح شعرها 

ادهم:صباح الخير 

لتنظر له سهيلة ولم تجيبه لتكمل ما تفعله ليرفع ادهم حاجبه مستعجبا ردة فعلها ليبتسم ابتسامة بسيطه واخذ ملابسه ودلف الى حمامه لتنظر هى فى اثره غاضبه 

سهيلة:يخرب بيت برود حبك ياخى طب حتى اعتذر اعمل اى حاجه لتنهض من مكانها فى ضيق لتبتسم فى خبث وقامت بفتح باب الشرفه قليلا حتى يجذب الادهم واخذت طرحتها وهبطت للأسفل لتقف اسفل الشرفه الخاصه بغرفتهم وعندما شعرت به يفتح الباب الزجاجى للشرفه لتقوم بالنداء على ذالك الشاب الذى يهتم بالحديقه  لتتحدث معه مع وجود بعض الابتسامات وهى تعطيه بعض التعليمات بينما هو كان يراقبها من الاعلى وهو يستشيط غضبا مما يحدث  فهو كان يود ان يهبط لهم ويعلم كلاهما درسا لايمكن نسيانه ولكنه سيطر على مشاعره فهو الكبير ولا تليق به تلك الحركات الصبيانيه كالغيره وماشابه  فهى لابد ان سمعت حديثه بالامس فودت ان تثير غيرته ولكن على من ايعقل ان تفعل ذلك مع ادهم الذى اكتشف للوهله الاولى انها مستيقظه وتسطنع النوم  ليدلف للداخل وقام بلبس جلبابه وهبط للأسفل ليجدها جالسه على الاريكة تقطم اظافرها من الغيظ ليبتسم عليها ثم اقترب منها 

ادهم:مالك ياسهيلة مين ضايقك 

سهيلة:مفيش ياجوزى دا حد كدا بارد ومعندوش دم بس نعمل ايه عاد 

ادهم:بتحدتى على مين انتى 

وهنا جاءت خديجه 

خديجه:ايه ده بابا بيتكلم صعيدى فى البيت كيف عاد 

ليضحك ادهم على ابنته وقام بحملها وقبلها من وجنتيها 

ادهم:حبيبة قلب بابا  عايزة حاجه اجبهالم من برا 

خديجه:امممم عايزة شكولاته ليا ولماما سهيلة 

ادهم:مش احنا قلنا نقلل من السكريات ياخديجه 

خديجه:بس انا عحبها عاد يابوى 

ادهم:يابت بطلى لمادة بقى مفيش شكولاته يعنى مفيش حتى لو اتكلمتى هولاغريفى النهاردة مفيش 

خديجه:يبقى تيجى بدرى النهاردة ونلعب انا وانت وماما سهيلة وتيته عايدة 

ادهم:تمام ياقلب بابا انتى  ثم نظر لسهيلة ليجدها تستشيط غضبا اكثر من ذى قبل لينادم على الخادمه لتأتيه فورا 

-اوامرك ياادهم بيه 

ادهم:اعملى كوباية ليمون للهانم علشان تهدى اعصابها 

-الهانم الكبيرة ولا الصغيرة 

ادهم:انتى شايفه ايه الهانم الكبيرة طبعا 

لتنصرف الخادمه من امامه بينما نظرت له سهيلة بغيظ وصعدت الى الاعلى ليبتسم ادهم وحدث نفسه قائلا انتى اللى بدأتى واستحملى بقى يابت عمتى  

خديجه:بتقول حاجه يابابا 

ادهم:لا يحبيبتى يلا روحى افطرى 

خديجه:مش هتفطر معانا 

ادهم:عندى موضوع مهم ياحبيبتى لازم احله علشان ارجع بدرى  

…………..

خرج فهد من غرفته وهو مستعد للخروج ولكن اوقفه سقوط رهف فى صالة المنزل ليتوجه لها كثيرا ليحاول افاقتها ولكن دون جدوى لتخرج والدته من المطبخ لتصرخ  بأسمها فور رؤيتها بذلك المنظر 

هناء:اختك مالها يافهد 

فهد :معرفش انا خرجت لقيتها واقعه 

هناء:كنت حاسه فيها حاجه من امبارح 

فهد:ماما هاتى حاجه تلبسها بسرعه علشان اخدها المستشفى  

لتنهض هناء سريعا واحضرت الملابس والبستها اياها وذهبا الى المستشفى 

……..

كان فهد وهناء يقفون امام غرفة الكشف بقلق وخوف لتخرج لهم الطبيبة بعد فترة ليسألها فهد بقلق وخوف على شقيقته الصغيرة 

فهد:مالهايادكتورة 

الدكتورة:صدمة نفسية حادة ادت لأنهيار عصبى 

فهد:يعنى ايه 

الدكتورة:هى اتعرضت لأى خبر محزن او اى حاجه زعلتها مثلا انفصلت وكدا 

هناء:لاء بس اختها اتحبست ظلم من يومين واتحكم عليها 

لتنظر لها الطبيبة بجزن ثم اردفت 

وانتو سيبنها لحد دلوقت 

هناء:هى كانت كويسه لحد امبارح  

الدكتورة:ممكن توضيح 

لتنظر هناء الى ابنها لتلاحظها الطبيبة لتتفهم انها لاتريد التحدث امامه  لتوجه حديثها اليه 

الدكتورة:ممكن حضرتك تملى الاستمارة فى الرسيبشن 

فهد:تمام ليذهب وعندما ابتعد  نظرت الطبيبة الى هناء وقالت 

-اتفضلى فى ايه 

هناء:هو انا مش عارفه بس هى زعلت على ظلم اختها بس كانت حالتها عادية بس امبارح خرجت ورجعت بالليل على حوالى الساعه ٩ كدا بس كانت زعلانه ومكسورو جامد حاولت اتكلم معاها بس هى رفضت وقالت انها عايزة تنام وفى الصبح مرديتش تفطر معانا وانا دخلت المطبخ وخرجت على اخوها وهو بيحاول يفوقها 

الدكتورة :اممم طب متعرفيش ايه السبب 

هناء:لاء والله يابنتى معرفش انا كدا قولتلك كل اللى حصل 

الدكتورة:خلاص تمام ان شاء الله هتعدى المحنه دى وترجع احسن من الاول  انا عطتها حقنه مهدأة وهى نايمة دلوقت وهعدى عليها كمان ساعتين اطمن عليها 

هناء:كتر خيرك يابنتى 

لتنصرف الطبيبة ودلفت هناء الى ابنتها لتنظر لها بحزن وقامت بوضع يدها على وجنتها 

هناء:مالك بس يارهف ايه اللى زعلك كدا ياترى هو السبب ولا ملهوش دعوة فوقى ياحبيبتى وقوليلى يمكن اقدر اساعدك  وهنا دلف فهد للغرفة لتصمت هناء عن الحديث  

فهد:اهدى ياماما ان شاء الله هتقوم بالسلامة 

هناء:يارب لينظر لها فهد ثم قام بسؤالها 

فهد:هو ايه اللى حصل امبارح ياماما ؟

لتنظر له هناء بصدمه وحيرة فهى لاتعلم بما ستجيبه