رواية التضحية الفصل السابع 7 بقلم آية حسن

رواية التضحية الفصل السابع 7 بقلم آية حسن

رواية التضحية البارت السابع

رواية التضحية الجزء السابع

رواية التضحية الحلقة السابعة

عبدو: الروشن مفتوح واغاني قالبة الدنيا ومش ساترين روحكم، امي وين ترا قوليلي، معقولة هدا لبس انتي واللي هربت التانية، هدا البسوه فوق مش هني عالشارع 🤬🤬
شهد: باهي هدي روحك، ها سكرته الروشن اسكت صوتك عالي، امك فوق لاهية بالغدي 🤨
عبدو: نهدي روحي؟ صوتي في الشارع؟ هدا خير من منظرك هكي ع الشارع، معقولة هكي لابسة؟ تخيلي احمد اللي جي مش اني ولا حد شافك من الروشن بدل مني اني؟
شهد: كنا نضمو اهو كملنا لبست هكي لاني سخنت لما ضميت ماقصدي شي انت تعرفني مش ليا الجو هدا😔🥺
عبدو حط يده علي كتف شهد لقاه ثلج وجبهتها سخونة زي النار وخشمها احمر 🤧🤒
عبدو: شفتي كيف مرضتي، بري اركبي لحمام داري والبسي لان عندي تلات حاجات معاك اليوم وبلا عناد تمام؟ ☺️❤
ركبت شهد لدار عبدو دوشت في حمامه وبدلت في الدار وعبدو مع امه في الكوجينة يفهم فيها شن بيدير 💛
عبدو يتكلم: ليلة امس فكرت هلبا وقلت لازم ما نقول لشهد علي اللي ادير فيه روبين لانها طيبة مرات تزيد اضرها وبعدين قلت خلي نرضيها باي شي ومانزعلهاش بالموضوع 🥺❤
كملت شهد وهي تمشط في شعرها طقطق باب الدار
شهد: كملت نمشط في شعري خش نعرفك عبدو 😁
عبدو: دوش الهنا، اسمعي نبيك في موضوع سكري الباب وتعالي (وحكالها موضوع روبين)
شهد عيونها دموع: مادرتلها شي اني وتقول عليا كلام زي هدا معقولة هكي 🥺💔

عبدو: حشرة هادي واليوم حنحطلها حد توا تشوفي، اسمعي امسحي دموعك وافتحي الدولاب تلقي كيسة سوداء شوفي شن تبي منها خودي ☺️❤
شهد: خلي بعدين ناخد توا ماخاطريش ناكل شي فوتها 😔
عبدو: مزال الحاجة التالتة، نوضي معاي انتي مزال ما ركبتيش شفتي حوشنا ولا؟ 🤨
شهد: لالا ماركبتش علاش انت بنيته وكملته؟ 🤔
عبدو: مقدمك بانيه وندعي ربي يرزقني بيك لانك انتي نصيبي وقسمتي في هالدنيا 💍ماتزعليش روحك اهم شي سمعتك عندي اني وعيلتي القريبين كويسة كله يهون
ركبت شهد شافت الحوش هو مزال مش كامل لكن مفصل فيه تلاتة ديار وحمامين وكوجينة مشرحة وضاوية 💛
شهد: ربي يهنينا فيه ويتمم علينا بالخير حلو هلبا مشالله 🥺❤
نزلت شهد وعبدو تغدو وعبدو خش رقد بعد الغدي ندى دارت كيكة وشهد بدلت حوايجها وبعدها ندى ونورية نزلت لوطة صلت العصر وفتحت حوش احمد وبدت تستقبل في الناس 💕💕
شهد: اني نتوتر من الزحمة خايفة ننزل بري بروحك ضيفيهم العصير 😰
نورية: شهد، يا شهد تعالي نبيك، ما تتحشميش انزلي ☺️
ندى: بري انتي ضيفيهم العصير واني وراك هي نقسموا 😁
نزلت شهد وكانت متوترة ضيفتهم ولما جت طالعة كانت عينا في عين روبين 😶
نورية: نعرفكم كلكم بخطيبة عبدو ولدي صاحبة ندى وبنتي التانية بعد خنساء 💕
روبين: شهودة الف مبروك الخطوبة 😈

ام روبين: تعرفو بعض،؟، روبين تعرفيها؟ 🤔🤔
نورية: اي يعرفو بعض والكلام ياروبين اللي قلتيه وصلني😒
روبين: كلام شنو يا مرت خالي مافيش كلام صاير 🤨
ام خنساء: شهودة تعالي قعمزي عنده حق عبدو بسم الله مشالله عليك مع انه كان ماعاجباته وحدة تتفكري يانورية البنت اللي في العيادة 😂😂
نورية: اي ياناري تنمر عليها وعلي لبسها هي حق لبسها ضيق 😂
قعمزت شهد شوية وبعدين استأذنت منهم ركبت فوق ❤
عبدو كيف ناض شعره مشفشف من النوم وشهد راكبة في الدروج متوترة😰
عبدو: تعالي هني… خيرك متوترة؟ دوشة الناس هلبا تعالي 😁
شهد: مش مهم اني خيرني، علاش شعرك هكي بس وطالع بكت صقع راهو 🥺
شهد تواسي في شعر عبدو وعلي ركبت روبين شافها عبدو وشهد عاطية بالظهر، لول ما لمحها راكبة شد شهد من وجهها وباسها بالقوية 💋
روبين قعدت مصدومة من المنظر وبعدها نزلت تجري 😰🏃‍♀️
شهد نفسها سابق كلامها: خيرك عبدو شن جاك قطعتهم شوية ولقيت شفايفي مهناش☺️
عبدو: انتي متوترة قلت نريحك شوية بس 🤤🤤
شهد: تريحني؟ هني في الدروج؟ برا خش البس حاجة برا وانت ديما ب عارك 😒
خش عبدو لداره وشهد بتخش تلفتت لقت روبين وراها 😯

شهد: بسم الله الرحمن الرحيم خلعتيني، من امتا انتي هني؟ 🤔
روبين: توا كيف جيت، بنسلم علي ندى مانزلتش 😈☺️
شهد تتكلم: لما قالتلي الكلام هدا زبطت علاش عبدو باسني بالقوة هادي وفجاة معناها قاصد تشوفنا روبين لان نبرة صوتها واضحة متع راهو شفت ونعرفكم تعشقو بعض😶
خشت روبين سلمت علي ندى وقعمزت علي صالون وسط الحوش بجنب شهد، عبدو في داره يدوش تستنى فيه شهد ينادي عليها 😁
روبين: عادي نقعمز هني ولا في حد غيرك انتي وندى؟
شهد: قعمزي عادي خودي راحتك بنمشي نشوف ندى ☺️
شهد لابسة سماعات لكن مافيش اغاني 🥴🎵
روبين: في حوش خالي وتقولي خودي راحتك
شهد سمعتها لكن دارت روحها طرشة لان عارفاتها من غيض البوسة 🥴😂😂💋
ندى: باللهي عليك بريله عبدو يلعلع الجيران كلهم عرفو ان بنتكم ندى طرشة وهو يعيط 😂😂
شهد: خلي نمشيله احسن ماتنوضله اللصقة هادي😂
عبدو: باهي جيتي انتي خشي وسكري الباب نبيك 💕
شهد: روبين هني فكنا من دوتها الزايدة 😒

عبدو: وعادي، اصلا نبيك تحدديلي التيشيرت بس شن يعني؟ 🤔🤔
طلع عبدو قعمز عالصالون وين ماكانت روبين، لكن هي مهناش لما شافت عبدو جت قعمزت جنبه، شهد خشت للكوجينة مع ندى وتشوف فيهم من بعيد
عبدو: شهد نبي قهوة راسي صداع ديريلي منغير سكر ☕
شهد: ماما تتصل نرد عليها ونديرلك لحظات بس 😘
روبين: نديرهالك اني ؟ قنينة قهوتي راهو 😈
عبدو: لالا شكرا طارت منها النية، اقعدي فيها 😒
وناض خش لداره مايبيش يشبحها، لكن هي لحقاته 😯
روبين: خيرك تعامل فيا هكي ولاعلي خاطر شهد هني؟ 😏
عبدو: فكيني من شرك احسنلك، ولا نسيتي كلامك
روبين: علاش كلامي كدب؟ فاسدة، كنهادة ما تجي لحوش حبيبها وتقعد فيه، وبوسات وحب وغرام قدام عيلته 😏
عبدو شدها من شعرها: خير منك يادحناسة عالاقل هي مرغوب بيها معانا مش زيك ماطايقك حد 😏وتعرفي لو تضايقيها وربي عارك مع ولد جيرانكم الخامر اللي جاك في حوشكم يوم فضانية احمد يتحدد للكل بعدين 😒ينتشر في العيلة زي ما شوهتي سمعت البنت، واني مش كلام بس راهو، الحمد لله كاميرات المراقبة اني اللي عدلتهم وشفت كل شي وسجلته عارفك وحدة رخيصة واحتجتله 😏
روبين مصدومة: كيف، امتا، وين عرفت؟ 😯😯
الكاتبة تتكلم 💕

لهني روايتنا مزال حلوة وسعيدة، لكن بتصير حاجة بتغيرها تغيير جذري لكن لا ياس مع الحياة والدنيا مستمرة 🥀
روحت روبين خايفة من عبدو معش كلمت شهد ولاجت جيهتها، ارتاحو منها الفترة هاديكا وجوهم تمام ❤
مرت الايام وكل شي قاعد زي ماهو، طبعا الحكاية شتي وصقع، شهد قرايا وامتحانات ماتمشيش لعبدو هلبا لانها تقرا ومكتئبة من الامتحانات، جي اخر يوم الامتحانات طلعو هي والبنات مشو لمدرسة ندى لقوها تستنى فيها 🥀
ندى: معقولة اسيوعين يا ظالمة؟ استاحشتك هلباا😘
شهد: وحتى اني هاتي بوسة 😂💋
طلعو وهيجو وفسحو روحهم بين المحلات والكافيهات وبعدين كل حد روح الحوشه
خطمت شهد علي عبدو لقاته مسكر المحل كان في الجامعة يبي يكمل قرايته بيسجل في كلية القانون 🥀
روحت لقت امها جوها مش حلو بكل ووجهها احمر 🥺😶
شهد: خيرك ي ماما؟ في حاجة؟ خيره وجهك كنتي تبكي؟ 🥺
امل: ولد عمك الصغير عيط عليا وطول لسانه وامه كان مافي شي😔
شهد بكل غلها ركبت فوق لحوش عمها بتكلم مرت عمها 🤬
شهد: ولدك قليل الادب كيف يكلم امي بالطريقة هادي وانتي ساكتة كانه يطبطب عليها وهي اكبر منك حتى انتي اسمعي ربي ولدك كويس وبعدين ارخيه عالناس 😡
امل لحقت شهد ولما سمعتها تعيط ضربتها كف قدامهم 😶

امل: لسانك طول عيب مرت عمك هادي تعيطي عليها 😡
شهد شادة خدها: تضربيني اني وعلي خاطر منو؟ عللي مزال يقعدلك فيه، وانتي وولدك توا تعرفي حسابك 😒🥺
نزلت لبست عبايتها وطلعت كلمت عبدو مايردش في الاول بعدين رد عليها وهي تبكي كلامها مش مفهوم 🥺🥺
شهد: انت جست للمحل ولا؟ سكر المحل وافتح باب المخزن اني جاية مانبيش من يضايقني 😔
عبدو: باهي تعالي غر اهدي ومعش تبكي في الشارع 😞
عبدو يتكلم: خفت علي شهد لانها لما تزعل ولاتضايق تجيها ضبابة قدام عيونها معش تقدر تشوف سكرت المحل ومشيتلها جبتها معاي لانها ماتشوفش خفت عليها من السيارات وكانت حالتها منهارة عمري ماننسى شكلها 😔
لما خشو للمحل طول حضناته وقعدت تبكي وهو يهدي فيها
عبدو: اهدي وفهميني خيرك قوليلي علاش هدا كله؟ 🥺💔
حكت شهد اللي صار لعبدو والعبرة خانقتها من البكي 😔💔
مزال العبرة بتخنق شهد في الحلقة الثامنة اكتر واكتر 🥀