رواية التضحية الفصل الثامن 8 بقلم آية حسن

رواية التضحية الفصل الثامن 8 بقلم آية حسن

رواية التضحية البارت الثامن

رواية التضحية الجزء الثامن

رواية التضحية الحلقة الثامنة

شخصيات الحلقة الثامنة 🔥
مع كل مما سبق 🥀
مريم: بنوتة عمرها 20سنة أمها متوفية وهي راس بنت الصغيرة في عيلتها، قريبة من خالتها هلبا لدرجة ان خالتها تسكن في الحوش اللي جنب حوش بوها وماتحبش كترة الصاحبات، عندها وحدة بس ومكتفية بيها بالإضافة ل حبيبها اللي ليهم سنين مع بعض متحبش كترة الناس والزحمة 💕🥀
معاذ: شاب عمره 23سنة يقرا في كلية IT مرتبط ويحبها هلبا لدرجة الهوس بيها، راس ولد مع تلاتة بنات حوشه كامل عنده مرة مرة نزوات شرب مع صحابه لكن يرجع علي خطواته، يتعارك مع حبيبته هلبا وعلي خاطر نفس الموضوع، لكن معاذ شن حيصيرله هو وحبيبته؟ 💕🥀
مؤيد: شاب عمره 26سنة، يخدم في وزارة الخارجية موظف محترم ويحب اخته اكتر من اي شي في حياته لدرجة انه رافض الارتباط لبعد ما تتزوج اخته مع انها اصغر منه يشوف فيها امانة في يديه بعد وفات امه ديما واجعاته لانها ماحستش حنان الام، وحتى حبيبها يعرفه وموافق 💕🥀
نورة: بنت عمرها 19سنة تكره الانجليزي وتحب النت والهبال عندها اكتر من علاقة في نفس الوقت، خبيرة تهكير ايميلات، انطوائية وفاقدة الام والبو وعاشية عند عمتها 💕🥀
محمد: من ابطال روايتنا عمره 21سنة طرف واسلوبه جذاب مايحبش يقرا لكن خدوم ويحب الناس عنده مستقبل ودماغه نظيف 💕🥀
الحلقة الثامنة 🔥

 

 

عبدو: اشربي امية ومعليشي امك هادي الله غالب توا تروحو لحوشكم بعد الصيانة، وباهي اللي جيتيني ماقعدتيش بروحك، مافيش شي صعب مدامني معاك، اني حنقعد ديما معاك ومش حنسيبك مهما صار، نوضي نمشو لحوشنا غيري جو واني تعبان نبي نومة طويييلة تعرفي🥺
شهد: لالا منبيش نمشي حتى انت مش لازمك النوم ما تروحش 🥺
عبدو: لاوالله تعبان من الصبح هايم في الجامعة نبي نسجل
شهد: براحتك اني بنشوفك لين تركب السيارة وتمشي وبعدين نروح 🥺خلي نخش للمحل اللي جنبك نشوف
عبدو كتب رسالة لشهد وركب السيارة شهد تشوف فيه وهو لما بيقطع الاربعة شوارع جت سيارة مصفحة تجري ضربت سيارته من جيهته 💔💔
شهد: عبدووووو، يا ناس الولد في السيارة شوفوه 😓💔
مشت للسيارة تجري الباب من الضربة ماينفتحش والمرش كله مكسر في وجهه وعيونه وهو كله دم 💔
شهد: عبدو، عبدو تسمع فيا، واحد منكم يجي يفتح الباب تعااالو
شهد منهارة من اللي صار توا كان قدامها وفي حضنها وبعد لحظات تشوفه كيف المرش شوه وجهه وكله دم 💔🩸
طلعوه الناس من السيارة وجي احمد وجت الاسعاف ركبت معاه شهد وهو فاقد الوعي مش حاش بشي لان راسه كله دم ومرش💔🩸💔

 

 

 

وصلو للمستشفى جي احمد وكانت خنساء معاه من لما سمع الخبر طول شهد طاحت من طولها لما شافتهم 💔
الرسالة قرتها شهد هدا علاش طاحت من طولها وكان محتوى الرسالة (شهد ماتزعليش روحك مهما صار وسامحيني لو غلطت معاك في اي شي وردي بالك علي روحك وقرايتك والله الله امي واختي ماتنسيهمش مهما صار سلام) 💔
عبدو في العمليات وبعد 4 ساعات يسمعو خبر وفاته 💔💔
كان حاس انه بيموت من كلامه في رسالته 😔😞💔
شهد: انت اكيد تبصر، مستحيل يمشي، ويخليني هو وعدني
خشت شهد شافاته لقت وجهه مغطي نحت الغطاء وشد يده اللي عمرها مالقتها باردة الا توا
شهد: نوض وقولي انك تبصر زي عادتك انت وعدتني ماتخلينش بروحي 💔
احمد: نوضي نروح بيك المغرب اذن والعشي قريب، عالاقل بري مع خنساء لحوشنا باتي وغدوة روحي😞
خنساء خدت شهد روحت بيها لحوش نورية والكل سامعين بالخبر الا ندى كانت في حوش خالتها وصلت بعد شهد ولما وصلت ندى كانت سامعة وهداكة الوقت الكل صدق ان عبدو مات حق وبالاخص نورية لانها كانت هادية ومش مستوعبة لكن لما وصلو شهد وخنساء وبعدهم ندى صدقت وقعدت تبكي وندى عيطت لكن شهد سكتتها ومنعتها
شهد: ماتعيطيش عليه هو مؤمن مايزوجش عليه العياط💔
كانت الساعة حوالي 9ونص خشت شهد بروحها لدار عبدو ولاول مرة تلقاها مرتبة وفراشه مرتب مش من عادته، سكرت عليها الباب بالمفتاح وقعمزت عالسرير حضنت المخدة وتبكي، مرة تنوض تصلي ومرة ياخدها النوم وللصبح هي هدا حالها، ناضت الصبح ضمتها الدار وفتحت الروشن ورتبت الحوايج وطلعت لاحمد وراقي المرحوم وطلعت وسكرتها 💔
جت في جنب نورية وحطت راسها علي كتفها وتبكي منغير صوت لين الناس بدو يجو وجت روبين، سلمت علي نورية وعزتها وسلمت علي شهد وحضنتها

 

 

 

روبين: الله يرحمه ويصبركم، لكن الحمد لله مات ريحني وريحك، لا خداك ولا خداني، احسن 😈💔
شهد: ربي يتقبله برحمته مزال حتى ماندفنش وانتي متشمتة حسبي الله فيك 😔💔
ناضت شهد لخنساء تجري للكوجينة وتخبط وتعيط قعدت
شهد: احمد وين توا تناديلي عليه توا نبيه 😭💔
خنساء: بطلي بكي مش كويس ليك توا يجي برا مع الشباب
اهو توا نكلمهولك يجيك اصبري دقيقة
احمد: خيركم؟ شهد شن صايرلك من مضايقك قوليلي؟ 😒
شهد: يا اني يا روبين اختارو من بيناتنا يقعد هني معش قدرت نتحملها لدرجة تقولي احسن مات ريحني وريحك شن مزال تبي اكتر من هكي ترا قولي ؟ 🥺💔💔
احمد مشي لروبين وقاللها: تعرفي تلمي حاجاتك وتروحي والا اللي قالهولك المرحوم يتنفذ وعارك انتي والوسخ ولد جيرانكم يوصل لخوك وبوك راهم برا في جنبي 😏
روبين: قبل ما توصل عاري اني غر نظف عار خوك اللي مات وخلالكم الفاسدة هادي عندكم ومتحكمة فيكم كلكم 😏😏
وتسمعها ندى وتجيها من شعرها طول شدتها وهجمت عليها
ندى: تروحي توا وتنسي حوشنا وقولي حوش خالي لزوني لان وحدة زيك انتي ماتشرفنيش تكون من عيلتي ولو ماروحتيش ورحمة خوي نلحقك بيه 😡
ناضت روبين روحت زي المهزبة وشهد انهارت بالبكي بعد كلامها واللي صار مع بعضه كانها في كابوس💔
خنساء: معليشي انتي مزال صغيرة ووراك عمر بطوله والحي ابقى من الميت، عندك زوز بنات جايين ليك انتي 🥺
طلعت شهد لقتهم زينب وبنوتة تانية ماتعرفهاش (مريم)

 

 

زينب لما شافت شهد قعدت تبكي ومريم قداش ليها تبي تتعرف علي شهد من كلام زينب عليها عزو شهد وندى وقعدو معاهم شوية وواسوهم وروحو 🥺💔
بعدين ام شهد بتجي وشهد ماتبيش امها تعرف ان العيلة كلها عندها علم بعلاقتها مع المرحوم 💔🥺
جت خنساء للكل في الخيمة تنبه فيهم علي موقف شهد 😶
خنساء: اسمعوني كويس، ام شهد جاية بتعزي مانبيش كلام علي شهد وعلاقتها بالمرحوم باللهِ عليكم منغير احراج للبنت 😔💔
جت ام شهد عزت نورية وروحت اما شهد فقعدت تلاتة ايام العزي عند نورية وندى وكل ليلة تخش لداره وتصلي فيها وتبكي وترقد شوية وتنوض لماتجيها نورية مع اذان الفجر
نورية: انتي اخر من كلمتيه واخر من شافه وشم ريحته ماتباعديش عليا ردي بالك تفكري تطلعي من عيلتي😔💔
شهد: انشالله وربي مانسيبك ولا نخليك لانه وصاني بيك ياخويلة، ربي مايغيبك عليا ويصبرنا علي فراقه 🥺💔
ثالث يوم في الليل العيلة كلها حاضرة لما شهد بتروح ولحظة وداعهم باست راس نورية وحضنت ندى وودعتهم وطلعت بالسيف ماتبيش تسيبهم لكن الله غالب لازم تروح وتكمل حياتها لان هادي سنة الكون 😔💔
…
قعدت شهد تستقبل في التعازي بالتليفون لان في الاخير مايجمعها بيه شي رسمي كانو في علاقة بس مش مخطوبين
ومرو اسبوعين علي شهد وهي مش مصدقة حتى بكي مافيش بالعكس جافة لا دموع لا شي كانت زينب ومريم كل يومين تلاتة يخطمو عليها يطلعو ييجو وهما الوحيدين اللي وقفو معاها وحاولو يواسوها، لدرجة انها لدت تمشي من قدام محله ببرود لا تبكي لا شي شهد حرفيا جفت دمعتها😢

 

 

مريم كانت مرتبطة بولد اسمه معاذ وتحبه حب ماصارش قبل وديما تنزل عليه في كلام حلو وهو كان ولد جيرانها لكن في الشارع اللي وراهم يعني بعيد شوية
ديما تصور وتطلع معاه ويحبو بعض لدرجة الهوس ببعض🤤
شهد حبت مريم ومريم حبتها وغيرتلها جوها ومزال تبي تقرب منها لانها تشوف في شهد محاربة بعد اللي صار💔
..
وفي يوم من الايامات بو مريم سافر وخوتها كل واحد في خدمته، مريم كان صوتها حلو فاتحة مكالمة مع زينب تغني وفجاة طقطق الباب خلت زينب ع الخط وفتحت الباب طلع معاذ هو صح يجيها لحوشها من قبل لكن المرة هادي كان سكران 😔
مريم: معاذ، يامعاذ خيرك مداير في روحك هكي معاذ فيق علي روحك، الف مرة نكلم فيك ع الهم اللي تشرب فيه😡
معاذ دف مريم طيحها وللاسف اعتدي عليها واغتصبها 💔😔
زينب تسمع في مريم تعيط سكرت الخط وكلمت شهد 😰
شهد: كيييف؟ معقولة اغتصبها؟ مرات ضربها مدايرة معاه حاجة مش قصت اعتداء 😱😱
زينب: ياشهد نسمع فيها تقوله لا ماادمرنيش لا معاذ فيق علي روحك اني مريم معاذ حول من عليا مانبيش😔😔
ياشهودي تصرفي خوتها بيقتلوها وربي مريم انتهت 😰
شهد: سكري توا نشوف كيف نكلمها، ماعندي ماندير اني لو المرحوم حي لمشيتلها لكن مافيش في ايدي شي🥺😔
فوتت شهد ساعة واتصلت بمريم لكن ماتردش للاسف

 

 

 

قعدو اليوم هداكا مشغولين علي مريم مايعرفو عليها شي🥺
ثاني يوم….
اتصل بشهد رقم غريب ردت شهد مع ان مش من عادتها 🤔
المتصلة: شهودة اني مريم هدا رقم خالتي اني عندها 💔
شهد: غر قوليلي شن صار معاك بس شن دارلك معاذ ضرك؟
مريم: الحقير الكلب كنت واثقة فيه اغتصبني وجسمي كله ضرب مقدرتش نقعد في حوشنا خوتي ح يعرفو 😢💔
شهد عيونها دمعو: وانتي شن باديري توا؟ وهو وين؟ 🥺💔
مريم: حكيت لخالتي كل شي، هو هرب لمصراته الواطي😔
شهد: هدي روحك، خالتك جنبك؟ اعطيهالي 🥺💔😔
الخالة: ايوا السلام عليكم، بنتي كيف حالك انشالله بخير💕

 

 

 

شهد: وعليك السلام، الحمد لله، انتي كيف حال صحتك؟
الخالة: من ربي الحمد لله لكن هالمصيبة اللي جتنا معش عرفت شن ندير اني بنقول لخوها (مؤيد) وهو مش حيديرلها شي لانه خوها مش حيرضى فيها اني نعرفه 🥺
شهد: هو في الاخير خوها قوليله وانشالله خير، سلامات
شهد سكرت الخط وتفكرت ان كان في زوز معاها في قروب ع الفيس مرتبطين (نورة ومحمد) من مصراته طول كلمت البنت ماتبيش تخش للشاب طول عيب مرا تسببله احراج مع حبيبته 💛
شهد تتكلم: لما نشوف مصايب الناس تهون عليا مصيبتي لا خاني ولا خداته غيري خداته سنة الحياة وبس لكن مريم اللي خان ثقتها وهرب وخلاها كيف حلها توا؟ لازم ما نلقى حل، مريم طيبة وحرام اللي صارلها 🥺💔😔
زعما شهد حتقدر توصل في معاذ؟ هدا اللي بنعرفوه في الحلقة التاسعة بعون الله 🥀