رواية لقد وقعت في الفخ الفصل الثانى 2 بقلم آلاء عوض

اسيل /انت مين

مكنش بيرد كان بيبعت فيديوهات ليا بردو مره وانا بسقف مره وانا برقص مع إياد مره وانا بغني وصور كتير ليا في الفرح اتجننت عايزه اعرف مين اللي مصورني كل الصور والفيديوهات دي كنت هطلع اقول لماما بس خوفت معرفش ليه 

فضلت ابعت رسايل كتير وحاسه اني هتجنن بجد

بس هو مكنش بيرد وقفل الواتساب خالص

قفلت انا كمان الواتساب فضلت طول الليل افكر مين اللي كان في الفرح وممكن يعمل كده

اسيل/ انا هنام الوقتي احسن وبكره هسال اللي راحو معايا الفرح ده

????????????????????????

تاني يوم الصبح

كريمة / اصحى يا بنتي هتتاخري على الكليه يلا قومي

اسيل / حاضر يا ماما هقوم اهو

قومت ولبست هدومي وجهزت كل حاجتي وطلعت

سالم / تعالى افطري يا بنتي

اسيل / معلش يا بابا هتاخر خالص هنزل وهفطر مع سما

سالم / ماشي خلي بالك من نفسك 

اسيل نزلت بسرعه عشان تلحقهم وهما رايحين الكليه اصلا هما كلهم في سن بعض بس في كليات مختلفه 

اسيل / يا ميااار استنى

ميار / اي يا اسيل في حاجه

اسيل في سرها / يارب انا هعرف ازاي مش عايزه اقولهم أن حد بعتلي مش عايزه أكبر الموضوع بس انا هعرف يعني هعرف

اسيل / انتي صورتين في فرح حنان

ميار بضحك / هو انا كنت فاضيه عشان اصورك يا بنتي انا كنت برقص

اسيل حبت تغير الموضوع

اسيل / عندك حق كلنا كنا بنرقص مش فاضيين

ميار / بتسالي على الصور لي

اسيل / لا مفيش نسيت اصور نفسي بالفتسان الجديد فقولت أسألك لو صورتين تبعتي

ميار / لا والله مصورتش اي حد همشي انا بقا عشان هتاخر على الكليه سلام 

ميار بعدت وكلمت في التلفون 

ميار / حول حول الضحيه سألتني وعملت كل المطلوب 

شخص / حول حول تمام كده الخطه ماشيه حلو اوي 

اسيل / بقولك يا أمير انت صورتني في فرح حنان 

أمير / لا والله اصلا انا مقعتش كتير في الفرح 

اسيل / تمام ماشي ومشيت 

أمير / حول حول الضحيه سألتني وعملت كل المطلوب والخطه ماشيه تمام بس الضحيه شكلها هتموت وتعرف 

شخص / حول حول متضعفش يا عم الحنين احنا لسه في الأول انا عايزها تتجنن 

اسيل سألت كل اللي في العماره الكبير قبل الصغير بس محبتش تبين حاجه بس بردو محدش يعرف حاجه كانت هتتجنن راحت الكليه 

سما / مالك يا بنتي مش على بعضك لي النهارده 

اسيل قالت كل حاجه لسما 

اسيل / يا سما انا تعبت عايزه اعرف مين بقا 

سما / الصراحه حاجه تجنن ليكون هاكر يا بت ولا يكون حد مراقبك وعايز يخطفك   

اسيل/ لا والنبي انا بخاااف  ????

سما / استنى هروح الحمام واجيلك

سما / حول حول  الخطه ماشيه تمام بس يا حراام الضحيه خايفه اوي دي كانت هتعملها على نفسها ????????

شخص / حول حول ???????? احسن 

اسيل روحت واتغدت وأخذت شور ونامت شويه صحيت على صوت مسج من التلفون

 كانت المره دي رساله

(كنت عارف انك هتسالي كل اللي عندك في العماره متتعبش نفسك يا اسيل مش هتعرفيني) 

اسيل اتخضت جدا لاااا لااا ده اكيد عفريت ومراقبني لاا مش معقول ليكون عايز يخطفني ويعزبني لاااا والنبي يا عمو الحرامي متخطفيش

(البت دي يا جماعه خياليه جدااا???????? )

بعت رساله تأني اسيل فتحتها بيد مرتعشه

(علفكره سما صحبتك مش هتفيدك بحاجه)

اسيل / لااا كده كتير بقا  ده اكيد عفريت ده ناقص يقولي دخلتي الحمام كام مره 

اسيل بتكلم نفسها / مش لازم ابين اني خايفه لازم أبين أن انا قويه ومش خايفه لاازم 

اسيل / انت لو راجل تعرفني نفسك بدل اللي انت بتعمله ده

مجهول / متعمليش نفسك قويه يا اسيل لأنك الوقتي  ميته من الرعب

اسيل / لااا لاااا في حاجه غلط في الموضوع هو في أي هو عارفني اوي كده ليه انا تعبت تعبت فوقت من شرودي على صوت مسدجات كنت بفكر مفتحاش عشان موجعش قلبي اكتر من كده بس الفضول هيموتني فتحتها كانت مجموعه صور ليا في أماكن مختلفه الصراحه يعني هي الصور جميله لاالاا جميله أي يا اسيل فوقي كده جاب الصور دي منين صوره وانا ماشيه مع سما وبضحك وصوره وانا مع إياد وصوره وانا في كافيه وصوره وصوره صور كتير جدا 

اسيل / انا مينفعش اسكت اكتر من كده لازم اشوف حد يساعدني بس ميين انا هخاف اقول لحد 

اسيل نامت من كتر التفكير 

????????????????????????????

كريمه / قومي يا حبيبتي يلااا هتتاخري 

اسيل / سيبيني شويه يا ماما 

كريمه / يلااا يا اسيل بلاش كسل قومي 

قامت اسيل وجهزت نفسها وفطرت ونزلت طول ما هي ماشية في الطريق بتبص حواليها عشان تشوف حد مراقبتها ولا لاء بس مبتلاقيش حد

شاب ماشي شكله مش على بعضه

الشاب / هو القمر بيطلع الصبح ولا اي

اسيل / غور يلااا من هنا

الشاب / ما تيجي نغور سوا

اسيل / لااا انا مش فضيالك يا حيليتها

مشت اسيل بسرعه وبعدين جالها مسج 

مجهول / مترديش على حد وانتي ماشيه ولو الموقف ده اتكرر معاكي اضربيه علطول