رواية كسرة القانون الفصل الأول 1 بقلم أودي الفرجاني

رواية كسرة القانون الفصل الأول 1 بقلم أودي الفرجاني

رواية كسرة القانون البارت الأول

رواية كسرة القانون الجزء الأول

رواية كسرة القانون الحلقة الأولى

 

رواية (كسرة قانون)
رواية واقعيه 100% صارت في مدينة بنغازي
عام 1992 تحكي علي بنت حجرها ولد عمها لكن كسرة
قانون عيلتها عشان خاطر الحب تابعوها
وعطوني رايكم…
للكاتبه: أودي الفرجاني##

________
رواية (كسرة قانون)

الحلقه الأولى…(1)

 

 

خليفه: آيات هيا وقت يا بنتي
آيات طالعه من الدار تجري????‍♀️: هيا هي
سهام اطلعت من المطبخ: أيوته انسيتي شنطتك
آيات: ييييييي????‍♀️ عليك قصه
وعدت آيات تجري خذت شنطتها و حبت امها علي راسها
آيات: ادعيلي ماما????
سهام: ربي ايوفقك و يعطيك لعند يرضيك و إجازيك علي قيس نيتك الطيبه يا حبيبتي????
آيات حبت امها: نجك ليا
خليفه ايعيط????: يا ابقره يالي أسمك آيات تي هيا تأخرنا
آيات: هيا جايه و اطلعت تجري و هي تلبس في ويشاحها
فريحه اطلعت من الدار اتحك في شعرها: تي شنو هالأزعاج ع صبح
سهام ابنص عين????: صبح انتِ شايفه الساعه كم
فريحه تثاوب????: عرفتها الساعه 11
سهام: يعني خلاص وقت ظهر بدل ما اتنوضي اتساعديني لالا امكملتيها نوم و تكليم ع فون
فريحه????
سهام: اها اسهوكي تحسابيني مش زارقه عليك كل ليلة ضاربتيها سهرايه مع سي نادر
فريحه: توا هزبتيني و قلنا ما علينا لكن تغلطي في دودي لا مش ح نسمحلك????
سهام طبسة خضت السباط و عزقاته في فريحه
فريحه????
وعدت تجري????‍♀️ خشت للحمام(حشاكم)
…….
عند آيات
اركبت في السيارة و باتها كان راقيله منها
خليفه ابصوت عالي و ايخبط ع دومان????: كل يوم نفس الحكايه تأخير تأخير انا منك خلاص
آيات: آسفه بابا????
خليفه: انتِ هضا يالي شاطره فيه اتأخري وبعدين اتأسفي
آيات: بابيتي خلاص عاد واللهي عندي امتحان و خايفه و انت اتزيد فيا
خليفه بحت فيها و سكت????

 

 

 

( آيات دلوعة باتها و ما ايتحمل فيها شي)
بعد نص ساعه و صلت آيات للجامعه و نزلت لقت نسرين ترجى فيها
آيات: صباحؤؤؤ ع حلو
نسرين: صباح النور وين يا حنه ع تأخير المحاضره اشويه و تبدى
آيات: هيييييي???? اسكتي حصلتك هزيبه من بابا ع صبح و كذبت عليه بيش سكت
نسرين: شن كذبتي عليه????
آيات تضحك????: قتله انا خايفه عندي امتحان و انت اتزيد فيا خوف بالهزايب
نسرين تضحك????: خزي عليك اين امتحان و ما لناش اسبوع بديين
آيات: يلا مشت عليه و صدقها
نسرين: باهي هيا خلينا انلحقو ع محاضره قبل ما تبدى
آيات: هيا
و عداً آيات و نسرين خشاً لي قاعة المحاضره

تعالو انتعرفو على عيلت آيات
الأب خليفه
الأم سهام
فريحه الأخت الكبيره 22 سنه
هي محجورة لي ولد عمها من سنتين
وقصة حجرها طويله ح تعرفوها من خلال الحلقات
فهمي الأخ الأكبر 27
متزوج بنت عمه حور يالي يحجرها خمس اسنين
و عنده ابنيه (جود)
مراد الأخ الصغير21
آيات بنوته اكيوت بكل تقرى ف جامعه كلية الأحصاء
وهذي كانت أول سنه عمرها 19 سنه

 

 

…….
عند هيثم
وعى من نومه و كله نشاط
هيثم رفع فونه لقى خمس مكلمات فائته من رانيا
هيثم: اوووووف???? شن تبي هذي ع صبح تؤ عليك قصه
فاطمه ادق ع باب????: هيثم يا أمي نضت
هيثم: اها اشويه تو نطلع
فاطمه: باهي فيسع نبيك في موضع
هيثم: باهي دقيقه بس
وجا يبي ايصبي رن فونه لقاها رانيا
هيثم خبط يده علي راسه????‍♂️و خضى الفون و رد عليها
رانيا: صباح العسل????????
هيثم: الصباح صباح الله????
رانيا: كنك نفسيه ع صبح
هيثم: رانيا بلا كثرة دوه راني دوبي واعي احكي يالي عندك فيسع نبي نمشي اندوش
رانيا: لا غير نبي نسألك
هيثم: اسألي
رانيا: شن صار في موضوعنا
هيثم: رانيا كم مره انقول فيها لكِ و مزلت انعاود فيها لكِ انتِ بنت عمي و علي عيني و راسي لكن انا معتبرك كيف اختي و اساساً انا مش امفكر في موضوع الأرتباط
رانيا: هيثم ربي ايخليك رد فكر فالموضوع باهي على الأقل خلينا انجربو مش خسرين شي
هيثم: يا بنت الناس انا توا تفكيره كله فالقرايه و الشهاده و الزواج مش في بالي بكل لأن هو اخر اهتماماتي
رانيا: باهي علي شان خاطري رد فكر و انا مش طالبه منك شي غير تمنحني فرصة عشان انخليك اتحبني❤
هيثم و جعاته رانيا و حسها تجدى فيه ف قرر ان ايجرب
هيثم: خلاص تمام
رانيا ابفرحه????: يعني ح انخشو في علاقه
هيثم: اها بس ابشرط
رانيا: اشرط يالي تبيه
هيثم: عبارة عن فترة انقضيها امعاك حبيتك كان بيها حسيت نفس الشعور انك كيف اختي خلاص انفوتو الموضوع
رانيا: تم اموافقه
هيثم: خلاص توا نبي اندوش و نفطر و نطلع للشباب بعد نفضى انرن عليك
رانيا: تمام في انتظارك

 

 

هيثم: سلام????
رانيا: بيباي????
و سكرو هما الأثنين و عدى هيثم ايدوش
…….
عند أهل آيات
سهام كانت تنشر في الدبش برا الجنان خش عليها مراد
مراد: خير يام
سهام: خير يا أمي كنك امروح بدري
مراد: شي امغير العمل امكسد بكل
سهام: باهي تعال اندزك نبي اشوية حاجات من المحل
مراد: ييييييي????‍♂️ عليك قصه القنه فوتي يا أمي نبي انخش نرقد
سهام: هيا سلم اوليدي بكره جيين عيت عمك ابراهيم و جدتك و جدك يبو ايتغدو عندنا و لعند توا ما جبت شي
مراد: باهي انخش ناكل حاجه بعدها تو نمشي
سهام: باهي علي ما كتبتلك شن نبي في ورقه
و خش مراد جوا و سهام كملت نشر الدبش
……..
عند آيات
بعد ساعتين كملت المحاضرة و اطلعت هي و نسرين
نسرين: اليوم افتحو سكن الطلاب
آيات: صاح
نسرين: اها علي اساس في وحدين من برا بنغازي يبو يقرو و ماعندهمش الأمكنيات عشان ايأجرو هنا
آيات: اها عليك جو تسكني فالجامعه????
نسرين????
آيات: هيا تعالي نشربو حاجه قبل ما ايجيني بابا
وعدت آيات و نسرين شور الكفتيريا
……
عند هيثم
دوش و بدل و طلع لقى امه و خواته ايديراً في حلويات

 

 

هيثم: صباح الخير
كلهن: صباح النور
هيثم: نعم يا أمي شن تبي
فاطمه: نبي نحكي امعاك في موضوع
هيثم جا و قعمز جنب امه: شنو احكي
فاطمه: انت عارف عرس اختك اقريب
هيثم: باهي
فاطمه: ف نبيك تأجل قصة القرايه في بنغازي لعند بعد الفرح
هيثم صبى: أمي انتِ عارفه موضوع القرايه شن رايي فيه ساد الجامعه فيتتني ب أسبوع علي خاطر الأوراق مزال ما وصلاً
فاطمه: انا ما منعتكش لكن نبيك تقرا هنا قدام عيني
هيثم: انا ماصدقت افتحو سكن طلاب في بنغازي عشان نمشي انكمل القرايه غادي أمي انتِ عارفه حلمي من أول ما بديت الجامعه و انا في خاطر نقرى في بنغازي لكن للأسف الظروف ما سمحتش وسنتين قريتهن هنا عشانخاطر المواصلات لكن توا الحمدالله فتحو سكن طلاب ف فرصتي اقعدت اكبر عشان انحقق حلمي
فاطمه: وكنها القرايه هنا ولا مش عاجبتك????
هيثم غمتله????: أمي خلاص فوتي الموضوع و سكري عليه مانبيش انتعارك امعاك ع صبح
وعدى هيثم طلع????‍♂️????‍♂️
فاطمه راقيلها????: رِتيه كيف يحكي و شكله مش ح ايطلع الموضوع من راسه بكل
أيه: ماما انتِ عارفه هيثم بعد ايسكر راسه علي حاجه خلاص معش حد ح ايرده
فاطمه????

تعالو انتعرفو علي عيلت هيثم
الأب سعد
الأم فاطمه
احلام الأخ الكبيرة 30 سنه
متزوجه حمد و عندها عيل (طاهر)
اسماء الأخت المتوسطه 29 سنه
أيه الأخت الصغيره 25 سنه
يعقوب الأخ الكبير 35 سنه
متزوج نعيمه و عنده عيل (سعد)
هيثم شاب شخصيته اتهبل ايحب روحه واجد و برضو كان ايحب القرايه كان يقرى كلية الهندسة و مزاله سنتين ع تخرج عمره 23 سنه
…….
عند آيات
رن فونها بحتت لقاته فهمي

 

 

آيات: نعم????
فهمي????: جلم ان شالله وين قاعده
آيات: فالجامعه وين يعني
فهمي: باهي هيا اطلعي
آيات: كيف انت تبي اتروح بيا وين بابا
فهمي: باتي مش فاضي و بلا كثرة دوه و هيا
آيات: طالعه طالعه????
و سكرت آيات و سلمت علي نسرين و اطلعت لقت فهمي يرجى فيها الركبة و روحو للحوش
……
عند هيثم
طلع من الحوش و هو غمتله من كلام أمه و كيف كانت ماتدعمش فيه و قطع عليه فونه يالي ايرن
هيثم: ايوا زيدان
زيدان: ايوا هيثم شن جوك
هيثم: تمام انت شن داير
زيدان: الحمدالله وين قاعد
هيثم: فالطريق
زيدان: وين ماشي
هيثم: واللهي ماني عارف توا تعاركت انا و أمي وطلعت راقيلي و مانيش عارف وين ماشي
زيدان: باهي تعالي فالحوش
هيثم: باهي خمسه و انكون عندك
زيدان: تم
هيثم: شن صار في موضوع الأوراق
زيدان: تعال تو نحكيلك
هيثم: هيا جايك
وسكرو

هيثم شاب طموح ايحب يقرا و كل تفكيره كان شهاده و بس هو من مدينة القبه(محافظة درنه) كان حلمه ان ايكمل ثانويه و ايتخصص هندسة و فعلاً لأن انسان طموح كمل ثانويه و تخصص هندسه لكن كان عنده حلم اكبر يالي هو يقرى في جامعة بنغازي لكن كان الحلم صعب لأن مدينة القبه كانت بعيده ف كانت المواصلات هي العائق قرى سنيتن في جامعتهم و بعد سمع ان في بنغازي في سكن طلاب طول كلم صاحبه
زيدان و تواصلو مع الجامعه و قدمو الأوراق و قالو ان بعد أسبوع يقدر ايباشر القرايه أم هيثم كانت امعارضه لأن هيثم كان غالي عليها و مش هاين عليها ايعدي و ايسيبها و هيثم كان مضايق من خوف أمه الزايد عليهعند آيات
روحت خشت دوشت و بدلة دبشها و اطلعت لقت هلها يقعدين ايتغدو جت وقعمزة اتغدى
خليفه ياكل: سهام راك تنسي غداء بكره
سهام: لالا ما انسيتش حتى امبدري دزيت علي الحاجات النقصات جابهن ليا مراد
خليفه: باهي تمام
آيات: من يالي متغدي عندنا
سهام: عيت عمك ابراهيم و جدتك و جدك
آيات: اها و عليش كنهم
سهام????: كيف عليش حوش ولدهم و يبو ايتغدو عنده
آيات: لا قصدي شن المناسبه
سهام: ما فيش مناسبه
آيات????
وقعدو ايكملو في غداهم
……
عند هيثم
وصل عند زيدان نزل وخش جوا لقى زيدان يستنى فيه
زيدان: مرحبا
هيثم ايسلم: مرحبتين
زيدان: خش حماتك اتحبك الغداء واتي
هيثم: تي اين غدا يا راجل حتى فطور مزلت ما فطرت
زيدان: باهي خش تو انديرلك قهوه
هيثم: تي غير قولي شن صار فالأوراق
زيدان: انت غير خش بس
وخش هيثم و زيدان للمربوعه و عدى زيدان جاب قهوه و قعدو يشربو

 

 

زيدان: خلاص يا معلم كلها كم يوم وتقعد في بنغازي
هيثم شرق فالقهوه و ايكح????
زيدان: صحه صحه
هيثم ايكح: شن صار ردو عليك
زيدان: اها قالولي تم تسجيلك و الأحد فالصبح لازم تقعد غادي
هيثم: باهي الحمدالله ياربي
زيدان: زيط ي خويا و هضا حلمك يبي ايتحقق
هيثم: اوووووو مش غير حلم يا زيدان
زيدان: مبروك
هيثم: الله ايبارك فيك
وقعدو ايهدرزو و تغدو مع بعضهم
…….
مشى الوقت فاليل تحديداً الساعه 11
عند آيات
كانو عندهم خالتها بنات خالتها و امقعمزين فالصاله ايهدرزو
أمل: فريحه شن جو نادر
فريحه: اكويس الحمدالله
سهام: 24 ساعه الفون علي وذنها و طق حنك مع عمك نادر
كلهم????
عفاف خالة آيات: خليها يا خيتي اتعيش اللحظه
سهام: مش مسكتها لكن اتحشم اشويه حتى الحوش
وراسك انتِ انضم فيه ابروحي
عفاف: لا عاد مش للدرجه هذي احكي يا حنه لكن ساعدي أمك عيب عليك
فريحه: حاضر ي اخويله
عفاف: سلم بنيتي ياخيه
هند: أيوته شن جو القرايه
آيات: تمام الحمدالله مزال دوبنا بدينا انتِ شن صار في موضوعك مع فارس
هند: قاعد مزال مافيش اي تطور فالموضوع
آيات: ونبي نبي نسأل حاجه
عفاف: شن اسألي
آيات: انا خاطري نعرف امنين جا القانون يالي ماشيه فيه عيلتنا
سهام: انا تو نحكيلك الموضوع من البداية
البنات كلهن قدماً شور سهام و اقعداً يسمعاً
سهام: يا حناتي بداية الأمر من جد خليفه ويالي هو في نفس الوقت جدي
(معلومة أن خليفه و سهام أعيال عم)
حجر بنت عمه و اجوزها وخوته خضو بنات عمامهم و يالي مش بنت عمه بنت عمته ع عموم قرر جدي ان لو جاه اعيال ولا بنات مش ح ايجوزهم من برا العيله و حتى خوته وافقو على القرار هضا و فعلاً بعد اكبرو اعيالهم ما زوجو حد من برا العيله و جدكاً مسعود يالي هو عمي بعد خضى بنت عمته يالي هي واخضه ولد عمها
آيات: من يالي واخذه ولد عمها????
سهام: عمة عمي واخذه ولد عمها
البنات: اها
سهام: اها واخذه ولد عمها و عمي مسعود خضى بنتها
و أنا من أول ما جيت ع الدنيا و هما ايقولو سهام لي خليفه و خليفه لي سهام و دارو قانون ثابت للعيله ان ممنوع البنت تزوج برا العيله و لا العيل يزوج برا العيله و قعد القانون ثابت ماشيه فيه العيله كلها و كيف ما شفتاً نادر و لد عمك كيف حجر فريحه و فارس ولد عمتكاً طلب هند و خوكاً فهمي حجر حور بنت عمكاً و اجوزها ومن هذك الوقت و القانون هضا ماشي
آيات: بس هضا أسمه تخلف مش قانون
عفاف: واللهي من صغرنا ويعنا ع تخلف هضا و تعودنا عليه
آيات: انا مش مقتنعه بالقانون هضا
عفاف: اساع تقتنعي كيف ما اقتنعنه نحن
آيات: لالا مستحيل
فريحه: ونبي سكرو ع موضوع راه نفسيتي اتعبت منه
وسكرو كلهم ع موضوع و اقعدو ايهدرزو في غير موضوعيالي نبيكم تعرفوه ان عيلت آيات عندها قانون ان البنت مستحيل تزوج واحد من برا العيله و نفس القصه ع شاب حتى هو مستحيل يزوج بنت برا العيله هضا قانون كان يمشي ع كل ف لذالك كانت عيلتهم متشابكه خوال في عمام من نفس القبيله و من نفس العرق فالأصل جدهم متزوج بنت عمته و خوته كلهم و خذين بنات عمامهم و عماتهم طبعاً حتى عماتهم
كانن وخذات اعيال العم ف لذالك كانت العيلة من طرف الخوال هي نفسها من طرف العمام

(ان شالله تقعدو فهمتو قصدي????)
………
عند هيثم
قعد ساهر مع اصحابه للساعه 2 فاليل روح للحوش لقى أمه ترجى فيه حطتله عشاء تعشى و اقعدت تقنع فيه علي موضوع القرايه بس هو مزال مصر علي رأيه و خش دوش و بدل و ولع الTv وقعد ايتفرج و اخطرت عليه رانيا خضى الفون يبي ايرن رنة هي رد طول
هيثم: ابنية حلال توا جاي نبي انرن عليك
رانيا: راجيتك واجد ما رنيتش قلت بالك ناسي خليني انرن
هيثم: لا واللهي هضا وين روحت من الشباب
رانيا: اها شن جو عمتي و البنات
هيثم: اوكيسات كل صبح نوعى علي بنت الحلويات
رانيا: اها خلاص فرح سوما قرب

 

 

 

هيثم: اها خلاص كلها شهر
رانيا: نحن بكره جيينكم من الصبح عمتي كلمتنا تبينا انساعدوها فالموالح هيثم: اها يعني بكره انشوفك ف صبح
رانيا: اها????
هيثم: بس نبيك اتذوقيني قهوتك????
رانيا تضحك????: حاضر من اعيوني
هيثم: يسلماً اعيونك
رانيا: بس اقعد ما تطلعش بدري
هيثم: لالا قاعد بكره جمعه ماعندي وين متحرك
رانيا: بيش نشبع منك????
هيثم يضحك????: ح اتملي منِ صدقيني
رانيا: لا مستحيل انمل منك
هيثم حس ان رانيا فعلاً شايله شعور اتجاها و فرح لأن فرح قلبها وحسها لما تضحك تضحك من وسط قلبها و هذي الحاجه يالي كان ايتمناها هيثم ان ما ايزعل حد منه وقعدو ايهدرزو للفجر كملوها ضحك
و لعب و بصاره و بعد أذن الفجر سكرو و كل واحد صلى ورقد????
……..
صباح يوم جديد
عند آيات الكل وعى بكل نشاط طبعاً خالتهن كانت بايته عندهم افطرو و بداً البنات ايضماً و عفاف و سهام خشاً ايديراً فالغداء و علي قيس الساعه 11 ونص جت حور مرات خوهن فهمي و بدت حتى هي اطيب امعاهن
………
عند هيثم
وعى علي حس هرجة هله برا بحت للساعه لقاها 12
وعى دوش وبدل و طلع لقى عيت عمه قاعدين قعد ايسلم و اعيونه ادور في رانيا
هيثم: عمتي كيف حالك
مريم: الحمدالله يا اوليدي انت كيف حالك
هيثم: الحمدالله كيف حال عمي و الشباب
مريم: الحمدالله قاعدين
رانيا اطلعت من المطبخ و ماسكه سفره فيها قهوه
رانيا: صباح الخير????
هيثم برم بحت فيها: صباح النور????
رانيا ابتسمت????: تفضل قهوه
هيثم غمزلها????: صحيتي
رانيا تحشمت☺و عطتهم كلهم قهوه وقعمزة و اقعدت هي و هيثم يعزقو في نظرات لي بعضهم
……
عند آيات
جو عيت عمهم ابراهيم

عمها ابراهيم مراته رجعه
عنده بنتين حور يالي هي متزوجها فهمي خوها|ميسون
وعيل واحد
شاهين
وجا عمها خالد اصغر واحد في عمامها مش متزوج
جدها مسعود
جدتها نوارة
بس عمها سليم ما جش
حطو الغداء اقعدو ايتغدو كلهم مع بعضهم و حتى راجل خالتها يالي هو يقعد ولد عم باتها و أمها أسمه عيسى جا و اقعدو ايتغدو و كلهم ايهدرزو
مع بعضهم شاهين غمز لي أمه
رجعه طبسة علي ابراهيم وشوشتله ابراهيم ضحك و طبس وشوش لي باته مسعود
مسعود: ????????
كملو الغداء و غسلاً البنات الماعين و اطلعاً كلهن برا و آيات فالمطبخ ادير في شاهي خضر
…….
عند عيت هيثم
حتى هما تغدو و غسلو الماعين و بدو ايديرو في الموالح هيثم كان برا الجنان ايدخن علي رنة فونه بحت لقاها رانيا
هيثم رد: ايوا رانيا
رانيا: وينك معش شفتك
هيثم: برا اندخن
رانيا: باهي انِ جايتك
هيثم: تعالي نرجى فيك
رانيا: دقيقه بس
و سكرت وبعد اشويه جت رانيا اطلعت لقت هيثم
امقعمز ايدخن جابت الكرسي و جت امقابلته
رانيا????????
هيثم يضحك????: كنك اتبحتي هكِ
رانيا: شي فرحانه بس
هيثم: خطرتي عليا الفرحه نبي نحكيلك حاجه
رانيا: شن احكي
هيثم: …….
…….

 

 

عند آيات
كانت فالمطبخ اتصب فالشاهي فالطواسي
و حطتهن فالسفرة و جت اطلعت طبعاً الكل كان فالصاله امقعمزين آيات افطنت ان البنات منصدمات من حاجه لكن ما عرفتش من شنو منصدمات
آيات قدمت تبي اتقدم الشاهي و قبل ما اتقدم
ابراهيم: ما شالله عليك كابره يا أيوته
آيات ابحشم☺: تسلم ي عمو
مسعود: عند الحق شاهين يحجرك
خليفه: اكيد ولد العم اولى بيها
آيات بعد اسمعت كلامهم معش اقدرت اتشيل روحها
و هب اطيح منها السفره و الشاهي انكب
كلهم????????
آيات ابصدمه????: حجرني من يالي حجرني
مسعود: اها شاهين ولد عمك ابراهيم حجرك
آيات????????

يتبع….

 

• لقراءة الفصل التالي : اضغط هنا
• لقراءة باقي حلقات الرواية اضغط على (رواية كسرة القانون)