رواية حب غير متوقع الفصل الأول 1 بقلم سولييه نصار

رواية حب غير متوقع الفصل الأول 1 بقلم سولييه نصار

رواية حب غير متوقع الجزء الأول

رواية حب غير متوقع البارت الأول

رواية حب غير متوقع الحلقة الأولى

-يارب ما يشوفوني يارب ما يشوفوني
قولتها وانا قاعدو مستخبية ورا الحيط وماسكة قلبي بإيديا….
-هايدي انتي؟!!
-يادي الحظ …
قومت الأرض وانا ببتسم ببرود وقولت :
-اهلا يا أسامة .
بصلي أسامة بخبث وقال:
-ليه مستخبية كده
-واستخبي ليه يا حبيبي عادي فيه حاجة وقعت مني وبجيبها
-سمعت ان بقا ليكي شركة تصميم خاصة بيكي مبروك …من بنت الراجل البسيط لسيدة أعمال تقدم هايل …
بصيت علي اللي ماسكة في ايده وبتبصلي بق*رف وقولت:
-بصراحة يا أسامة بعد ما خلعتك سبحان الله طاقة القدر اتفتحتلي ده انت كنت نحس عليا يا اخي
-سيم يا هايدي سيم …بعد ما اتطلقنا انا وانتي
-خلعتك لو سمحت متبوظش الحقايق
بصلي بغيظ وقال:
-واهو من وقت ما خلعتيني محدش عبرك وعاملة زي البيت الواقف …لكن انا اتخطبت لمي وجوازنا بعد شهرين …
وبعدين باس ايديها …بصتلها بقرف فقالت بإستفزاز
– هي دي مراتك القديمة يا اس اس يااي ذوقك وحش اووي عموما انا اخدتك خلاص وهدلعك
-وماله يا حبيتي ما هي اللي سابته الهانم تاخده مساحة السلالم
-لسه لوكال زي ما انتي …عشان كده بعد ما انا سيبتك محدش عبرك
ضحكت بتريقة وقال:
-مين قالك انا كمان هتخطب
-بجد
-ايوة هتخطب الاسبوع اللي جاي
-طيب اعزميني
ارتبكت وقولت:
-لا..ميصحش
-ليه بس يا هايدي اعزميني علي خطوبتك دي ده لو كان فيه خطوبة اصلا
-اصلها علي الضيق
– مش مشكلة احضر
اتضايقت وقولت بصوت واطي:
-ابو تقل دم امك …
– الخطوبة في بيتك صح ولا …عموما رقمك معايا ابقي ابعتيلي وقولي هي فين وهاجي انا ومي …يالا باي يا هايدي …
مشي وسابني …يا وقعتك المطينة يا هايدي هعمل ايه انا يا ربي ….اجيب عريس من فين يا ربي!!!
….
-يخربيت امك يا هايدي انتي يا بنتي عبيطة اللي خلاكي تقولي كده
قولتها صاحبتي فقولت وانا بعيط :
-استفزني يا نورا ….فوق ما خان*ي الند*ل يتجوز وانا اقعد كده زي النسناسة
-هنعمل ايه دلوقتي
-معرفش …معرفش …خليني اكل دلوقتي عشان افكر
-والله ما عنديكي دم
-عارفة …
…..

تاني يوم كنت في الشركة بشتغل ومطلوب اعمل انترفيو لمهندسين ديكور ….
…..
– انت متأكد يا عادل ان هايدي هانم هشتغلني
-اكيد يا احمد انت تقديراتك حلوة وانا موصيها عليك …بس مالك شكلك تعبان
-منمتش ولا اكلت كويس بقالي كذا يوم كنت بشتغل عشان اجيب مصاريف جمعية تقي
-ربنا يقويك يا صاحبي
…….
جه الدور علي احمد ودخل عشان يعمل الانترفيو…
بصيت علي الشاب اللي دخل واللي وصاني عليه عادل …عيوني وسعت وانا ببصله ولسه هيتكلم قولت بسرعة :
-تحب تتجوزني
-افندم!!
-بقولك تتجوزني
فجأة اوقع واغمي عليه
-يالهووي الراجل مات

يتبع..

• لقراءة الفصل التالي : اضغط هنا
• لقراءة الرواية كاملة اضغط على : (رواية حب غير متوقع)