رواية أين سماء حزني الفصل الخامس 5 بقلم عزيزة طه

رواية أين سماء حزني الفصل الخامس 5 بقلم عزيزة طه

رواية أين سماء حزني البارت الخامس

رواية أين سماء حزني الجزء الخامس

رواية أين سماء حزني الحلقة الخامسة

دفع*ها كريم للداخل وقالت : هو ايه اللي بيحصل هنا
كريم : أعتقد ان مهمتي خلصت
حسام : تسلم يا كيموووو … أنا وصيت ليك علي الشحنه وهتوصل في معادها .
سما بدموع : انا مش فاهمة حاجه
حسام : مش فاهمة ايه … هو وصلك ليا وخد المقابل
سما : ايييييه .
حسام : صدمة مش كده
سما بدموع : أكيد دي كدبة قول حاجه يا كريم
ظل كريم صامت ولكن نظراته كانت جامده لم تفهمها فقالت بهيستريا: ليه الكل بيدوس عليا ليه مصريين تبهدلوني أنا عملت ليكم ايه
قالتها ثم صف*عت كريم واتجهت نحو صحن الفواكهة الموضوع علي الطاولة وأخذت منه السك*ين وتوجهت نحو حسام .
حسام بخوف : انت بتعملي ايه يا سما
سما : هق*تلك يا حسام … زي ما قت*لت كل حاجه جوايا .
حسام وهو يعود للخلف : لو علي اللي انا عملته انا مستعد أصلح غلطتي .
سما : انت بتسمي تض*يع شر*في واغتص*ابي غل*طة … دي مش غلطة .
نظرت لكريم بسخرية وقالت : دي نقطة نهاية السطر .
قالتها ثم رفعت يدها لتتطعنه ولكن وجدت من يمسك يدها ويبعدها وعندما التفتت وجدته كريم ولكنها وجدت بعض الضباط يدلفون ويقمون بتقييده
سما بقلق: هو في ايه
التفتت لها كريم وقال : انتي فاكرة اني ممكن ابيعك
سما بدموع : ليه كده
كريم بحزن : كان لازم اعتراف وكان لازم تنهي القصة بس بدل متق*تليه هو يتع*دم بعيد عنك وترتاحي انتي .
انخرطت في بكاء حاد ووقعت أرضا ثم ضمت قدميها وهي لا تشعر بما حولها … فقط بعض اللقطات تمر أمامها … ضر*ب والدها لها .. حرمانه له من ان تكمل دراستها … تض*حية أختها لها … وذلك الحق*ير وما فعله لها وابنها الذي ذهب … كل شئ ضاع وانتهي .
أغمضت عينيها لتذهب بعالم آخر وهي تري كريم يركض نحوها ويصرخ طلبا للأسعاف .
___________
استيقظت سما وهي تتأوه بألم .
رحمة بحب : حمد الله علي سلامتك يا حبيبتي
ابتسمت سما بألم : الله يسلمك يا طنط
رحمة : تاني طنط … احنا قولنا ايه
سما : اسفة يا ماما .
اقتربت منها رحمة : انا اللي آسفة اني شكيت فيكي كان لازم اسمع منك الاول
سما وهي تربت علي يدها : ولا يهمك انا طول عمري واخده علي كده .
رحمة : لأ بلاش كلام في اللي راح خلينا في الوقت الحالي .
سما بدموع : كل حاجه ضاعت .
رحمة وهي تنغزها بكتفها : بس يا بت احنا لسه جانبك
سما : ابنك كريم ده بني آدم مغرور
ضحكت رحمة وقال ساخره: ابني كريم
نظرت لها سما بعدم فهم فقالت رحمة بحزن : كريم ابني ده اطيب خلق الله … عارفة لما ابو كريم مات كان كريم لسه ١٩ سنة ساب كلية هندسة ومسك شركة والده اللي وقعت بسبب الف*ساد اللي كان فيها
سما : طب وباباه كان فين لما الف،ساد ده كان موجود
رحمة : عمر الله يرحمه فضل راق*د سنتين في السرير وكان عم كريم اللي ماسكها
سما : قصدك بابا مني
رحمة : أيوة طول عمره كان بيغير من عمر لدرجة ان است*غل مرضه وبقي يسرق الشركة من وراه وكمان بيتاجر في المخد*رات بإسمه .
شهقت سما وأكملت رحمة : ولما كريم مسك الشركة اضطر يسيب كليته علشان يفضي ليها ورسم الوش الخشب ده لحد ما اتعود يتعامل بيه مع أي حد بس برضو اللي بيتاجروا في المخد*رات معرفهمش .
سما : وهو اتجوز مني ازاي
رحمة : كانت وصية باباه والبنت عمرها مأذيتنا في حاجه علشان كده وافق امال انا بقولك انه اطيب واحد ليه
سما : طب هو مين قالك
رحمة : هو اللي حكي لينا .
كادت سما تتحدث ولكن قاطعها دلوف كريم وهو يقول بابتسامة : صباح الخير .
لم تجيب سما ولكن قالت رحمة : صباح النور .. يووه نسيت تليفوني بره هروح أجيبه .
قالتها زرحلت لتترك لهم مجالا للحديث … حمحم كريم وجلس بجانب الفراش وقال : حمد الله علي سلامتك
سما : الله يسلمك
كريم بتوتر : أنا كنت عايز اتكلم معاكي في موضوع مهم
نظرت له سما بضيق وقالت : مش هينفع
كريم باندفاع: ليه
سما : علشان انت متجوز .
كريم : أنا طلقتها
سما بصدمة : ايه
كريم : بعد ما عرفت انها اللي زقتك وكمان كان ليها دخل مع ناس كانت بتأذيني في شركتي .
سما بحزن : وانا مالي
كريم : ازاي … يا سما انا بحبك من ساعة لما شوفتك من ساعة لما جريتي واستخبيتي ورايا حسيت ان انا لازم اكون سندك .
سما بدموع : وانك تستغل حملي لصالحك هي دي الحماية والسند
كريم بندم : كنت تعبان وكان كلمها بيطعني في قلبي وحبيت أرد ليها الوجع في كرامتها .
سما : علي حسابي
كريم : عارف اني غلطان بس دي غلطتي الوحيده
نظرت له بلوم فقال : انا عارف ان انا خبيت عليكي موضوع التسجيل كان علشان علشان اثبات التهمة بس انا زي ما حبيت انت*قم حبيت اشيله من قلبك .
سما : انت وجع*تني .
كريم : أقسم لك بالله عارف بس متنكريش انك طلعتي اللي في قلبك ورميتي الن*ار الي وجعاكي .
هبطت دمعه ح*ارة وقالت : عندك حق بس أنا لسه منستش .
كريم : وأنا مستعد أعمل اللي تطلبيه علشان تسامحيني
سما بحزن : ابعد
كريم : ايه
سما : زي ما سمعت يا كريم انا تعبان ومحتاجه ابعد
كريم : بس ..
قاطعته سما : مبسش … ان قولت انك مستعد لأي حاجه وانا بطلب منك انك تبعد علشاني
كريم : لو ده هيريحك فأنا ماشي
توجه نحو الباب وفتحه ولكنه التفت قبل ان يرحل وقال : بس لازم تعرفي انك مش هتلاقي حد يحبك زيي .
______________
بعد مرور سنة
هبط كريم الدرج وتوجه نحو المائدة
كريم : صباح الخير
رحمة : صباح النور … ايه اخبارك في الشغل
كريم : كويس
قالها ببرود تام وهو يرتشف الرشفة الأخير بكوب القهوة الذي أصبح رفيقه هذه الفترة .
كريم وهو ينهض : متعملوش حسابي في العشا
قالها ورحل فقالت رحمة لرامي : هو هيفضل كده كتير
رامي بضيق : ادعيله
رحمة بحزن : أنا عارفة انك اتعلقت بيها بس مش كل حاجه بنحبها بنخدها .
رامي : بس أنا حبيتها بجد
رحمة وهي تحتضنه : بكرة تلاقي اللي تنسيك حبها
رامي بدعاء : يارب يا أمي
دلفت هدي بصراخ : الحقوا … ايه ده خي*انهههه
ضحك رامي وقالت رحمة : تتلبسي يا بعيده .
هدي وهي تجلس بجانبها : كده يا أمي .. تنسي حبك الاول
رحمة : بس يا بت
هدي : كمان مش بس بتحض*نيه لوحده كمان بتقولي ليا بس .
ضحك رامي وقال : مالك يا مجنونة داخله تسرخي وكمان
قاطعته هدي وقالت : صحيح عندي ليكم خبر بمليون جنيه
رحمة : ايه يا أخرة صبري .
هدي : سما نزلت القاهرة
رحمة بفرحة : بجد
هدي : أيوة هي قالت ليا كده
رامي : طب يلا نروح لها
هدي : لأ هيا قالت هتروح لكريم .
رامي : طب نروح لها
رحمة : يا غبي لازم يكون عندك سنس (احساس )
ضحك الجميع وقال رامي : اوبااا علي الأوروبي
كان كريم ينظر بالأوراق التي أمامه قبل ان تطرق السكرتيرة الباب .
كريم : ادخل
دلفت السكرتيرة : في واحده عايزه تقابل حضرتك
كريم : هي مين
السكرتيرة : قالت انك عارفها كويس
كريم بانشغال بتلك الأوراق : طب دخليها
نظر للأوراق مرة اخري وانخرط بالعمل قبل ان يسمع صوتها تقول : انا ممكن آجي وقت تاني .
نظر أمامه بصدمة ثم التفتت وقال بصدمة : سما
سما بابتسامة : ازيك يا أستاذ كريم
كشر وجهه فضحكت وقالت : لأ انت حالتك بقت صعبة
نهض وقال : وحشتيني
سما بمشاكسة : عيب كده
كريم بابتسامة : احلويتي اوي
سما بمزاح : أنا طول عمري حلوة
كريم : لأ انا مقصدش … أنا أقصد انك اتغيرتي
سما : ازاي
كريم : طريقةومشيتك وعينيك وشكلك كل حاجه
جلست سما علي حافة المكتب : قولت لك يا كريم اني لازم ابعد علشان انسي واتغير
كريم : ونسيتي
سما : كل حاجه
كريم : طب ها
سما : ها ايه هو انت طلبت حاجه ما بقولك نسيت
كريم بغيظ : يووه سما
سما بضحك : مالك عامل زي العيال كده ليه
كريم بحب : قدامك بنسي نفسي واسمي وسني وكل حاجه
سما : بتحبني يا كريم
كريم : أنا بعشقك يا قلب كريم .
سما : طب خلاص انا موافقة
كريم : يعني اروح اجيب المأذون
سما : علي ايه … نسيت
كريم بضيق : سماااا
ضحكت سما فقال كريم وعيونه تلمع : ضحكتك جميله
سما : بحبك يا كريم
كريم : ايه قولتي ايه
سما : نسيت
ضحك الإثنان وقالت سما بمشاكسه : ها بقي هتجبلي هدية جوازنا ايه
اقترب منها كريم وقال : هديكي قلبي
سما بحب : وأنا موافقة
” لمعة العين عند رؤية من نحب هي الآبجدية التي لا تنطقها أي شفاه”

تمت

• لقراءة باقي حلقات الرواية اضغط على (رواية أين سماء حزني)