رواية حكايات هدى الفصل الثالث 3 بقلم نورة محمد

رواية حكايات هدى الفصل الثالث 3 بقلم نورة محمد

رواية حكايات هدى البارت الثالث

رواية حكايات هدى الجزء الثالث

رواية حكايات هدى الحلقة الثالثة

-انتي كنتي فين وازاي يهانم تخرجي من غير اذني هو انا مش هوجود ولا اي هاااا
بصتلو واتخضيت من شكله اول مرة اشوفه كدا اول مرة يزعقلي بالشكل ده اول مره يزعقلي اصلا او انه يمسكني من دراعي كدا حاولت اكابر وارد عليه بس معرفتش معنديش طاقة للكلام او الخناق
= ممكن تسيب دراعي انت بتوجعني
فجأة ساب دراعي وبعد عني كام خطوة واداني ضهره وباين عليه انه بيحاول يكتم غضبه انا مش عايزه اكلمه ومش عايزه حتى ابصله سيبته ومشيت ودخلت الاوضة بتاعتي
شويا وسمعت خبط على الباب وعرفت انه هو ونزلت بسرعة في السرير وعملت نفسي نايمة غمضت عيني وهو بيفتح الباب وانا بدعي انه يمشي انا مش عايزه اتكلم انا تعبانه جدا ومليش طاقة للكلام
فتح الباب وحسيت بخطواته بتقرب مني كأنه بيشوف اني نايمة ولا لا
– هدى انا عارف انك صاحية قومي عشان انا عايز اتكلم معاكي
مردتش عليه وكملت في اني عامله نفسي نايمة
-يا هدى لو سمحتي الي عملتيه وخروجك بدون اذني غلط ولازم نتكلم
مردتش وحقيقي مش عايزه ارد انا تعبانه انا خلاص تعبت وحشتيني اوي يا ماما يريتك كنتي عايشة كنت اتدفيت في حضنك الي عارفة انه كان هيحميني منهم كلهم
فتحت عيني وبصتله شويا وقعدت
= بص يا يوسف انا مليش خلق للكلام لو سمحت سيبني في حالي انا خرجت اتمشيت ورجعت عشان كنت مخنوقة معلش عشان مقولتلكش بس مجاش في دماغي اقولك وقتها.

سكتت وهو مردش وكان في صمت في الاوضة كدا كئيب وحسيت بيه بيقرب من السرير وبيقعد عليه مبصتش ناحيته وفضلت باصة في ايدي لقته شدني وحضني انا من صدمتي منطقتش متكلمتش ومحاولتش ازقه انا سكتت وبس
دقايق وزقيته
– اوعي يا يوسف احنا اتفقنا اننا منقربش من بعض خالص لو سمحت ابعد عني
=ششششش اسكتي
اتصدمت من كلمته وهدوء نبرته وهو بيكلمني وكأنه بيهدي طفله فضل يطبطب عليا لحد ما غصب عني نمت ومحستش بالي حوليا
حلمت ب ماما وهي بتضحكلي وجات حضنتيني وكلمتني
-ازيك يا هدى وحشتيني اوي
=انتي الي وحشني حضنك يا امي ليه سيبتيني ومشيتي ياماما
-عمري وقدري يحبيبتي بس انتي تجاوزي ده وعيشي حياتك
=حياتي!! حياتي بقت جحيم يا امي
-ليه بس منا شايفة انك حلوة اهو وحياتك بقت كويسة دلوقتي
=اتجوزت غصب عني ياماما هو اي الي حلو
-بس اتجوزتي الانسان الي كنتي بتحبيه وانتي صغيرة ومش غريب ده ابن عمك
=كنت يا ماما كنت بحبه انا خلاص بقيت بكرهو من الي كان بيعملو
-افتحي قلبك ونسيه الي حصل يوسف مش وحش يوسف بيحبك يا هدى
=بيحبني! ازاي
لقيتها اختفت ومشيت تاني بصيت حوليا بدموع وغمضت عيني وانا بنام على الارض
صحيت وفتحت عيني لقيته في وشي على طول اي دا اي جابه هنا ده
حاولت اتقلب واقوم لقتني متكتفه اي ده
قليل الادب استغل اني نايمة ونام جمبي وكمان حاضنني طب مااااشي
-يوووووووووسفففففف يا يووووووووووسفففف
=اي اي حصل اي مين مات
-ههههههههه يالهوي شكلك هههههههه
=استغفر الله العظيم يبنتي حد يصحى حد كدا
-ههههههه اعمل اي يعني منت الي رخف ومكتفني كأني ههرب منك
ضحكت بصوت عالي على شكله كأن كأنه هيغرق يالهوي شكله يضحك اوي
=ضحكتك حلوة اوي
بصتله وسكتت عن الضحك ولاحظت اني لسا مخرجتش من حضنه حاولت اخرج تاني لما لاحظت ده بس هو مكنش راضي يفك ايدي

-اوعى يا يوسف
=لا
-يوسف اوعى لو سمحت
=ولو موعتش هتعملي اي
-هعمل زي المرة الي فاتت
قولت كدا وانا بضحك بشر لقيته فجأة سبني
-يساتر الواحد ميعرفش يبقى رومانسي معاكي
= لا وملكش دعوة بيا انا عن نفسي مش عايزه اكلمك اصلا وسيبته ومشيت
روحت المطبخ اشوف عندنا اي اعمله لقيت مكرونة وبانية
-سهلة مش محتاجة حاجة والكل بيحبها
انشغلت في عميل الاكل عشان كنت جعانه جدا ونسيت كل الهموم حقيقي صدق الي قال الاكل دوا الروح والله يجماعة
=الله الله اي الجمال والروايح الرائعة دي
سمعته وهو بيتكلم وحساه كدا غريب بيتعامل معايا بهدوء وحلو مش عارفة ليه مش متطمنة
جه واكل حتة بانية من الي في الطبق وبصلي بابتسامة جميلة كدا قصدي وحشة قصدي يعني عادية
حاولت اشغل نفسي في الاكل ومبصلهوش
شويا وسمعنا الجرس بتاع الباب بيرن والباب بيخبط
يوسف راح يشوف مين وسمعت بعدها صوت ناس كتير من ضمنهم بابا
بابا! اي الي جابه النهاردة يعني ربنا يستر
يوسف جه وقالي اهلنا جم برا عشان يباركولنا

بصتله بسخرية وخرجت بعد ما طفيت على الاكل وسلمت على الكل والي يقولي مبروك يعروسة والي يحضني ويقولي عامله اي وكويس معاكي ولا لا و و و وكلام مينتهيييش المهم قعدو وفجأة بابا ويوسف اختفو من قدامي معرفش راحو فين شويا وسمعت صوت بابا بيعلى واكنه بيتخانق مع وقولت في سري يا رب استرها من عندك انا مش ناقصة
بابا ويوسف جم وهما بيتكلمو بصوت عالي وبيتخانقو واول مره اشوفهم كدا لقيت بابا فجأة شدني من ايدي وهو بيقول:…..

يتبع …

لقراءة الفصل التالي : اضغط هنا 

لقراءة جميع فصول الرواية اضغط على ( رواية حكايات هدى )