رواية عائلة بالإكراه الفصل السادس 6 بقلم سلمى بسيوني
رواية عائلة بالإكراه الفصل السادس 6 بقلم سلمى بسيوني
رواية عائلة بالإكراه البارت السادس
رواية عائلة بالإكراه الجزء السادس
رواية عائلة بالإكراه الحلقة السادسة
_ها يا رشيد …من حرضك على اللى عملته
رشيد بص ليوسف بصه طويله ورد وافتكر وهم خارجين من المكتب ساعه ما واحد خبط فيه وسابله ورقه فى ايده ومشى الورقه كان فيها تهديد صريح بعمر اخته فرد وقال :انا اللى عملتها من نفسي يا باشا محدش حرضنى
يوسف فهم رشيد بيعمل اى وبص لوكيل النيابه بصه فهمها فقال وكيل النيابه:
هو مش انت يا بنى ادم لسه قايله ان سمير القاضى هوا اللى حرضك
_محصلش يا باشا
يوسف ببرود : طيب يا مؤنس باشا ممكن تسيبنى معاه شويه
وكيل النيابه لانه صاحبه وافق عادى
خرج وكيل النيابه ويوسف بكل برود حط رجل على رجل :هددك صح ..هددك بأيه ..اختك مش كدا
_هو مين دا اللى هددنى يا باشا
_انت هتصيع عليا انا يا روح امك ..ما تظبط ياض
_ مقدرش يا باشا
_تقدر بس تلعب فى اعمار الناس صح حط اختك مكان البنت اللى لسه ما فقتش دى ….احساس صعب صح .. خصوصاً لو واحد *** محرض حد عشان يعمل فيها كدا
_عندك حق يمكن انا بنى ادم *** وخاطرت بحياه بنتين ابرياء …بس دى اختى …انا استحاله اخاطر بيها …..فأنا اللى عملت كدا يا باشا
يوسف هدى شويه: يابنى انا هحميها بس كل واحد يشيل عملته
يوسف فضل معاه حاول كتير معاه بس منطقش وشال القضيه لوحده
يوسف خرج وكلم مدير شركه الامن “حازم” اللى اتعامل معاه واصبح صديق
حازم :هتعمل اى على كدا
يوسف :حراسه على كل فرد ….. كلهم حنان وساره واسلام وامهاتهم …..كلهم يعنى
حازم :انت ناوى على ايه يا يوسف
يوسف :كل خير ان شاء الله هخلص فيهم القديم والجديد
***********
_انت بتستهبل يلا ولا اى …مش قلتلى خلال شهرين هيبقى استوى وندخله المصحه ..اى فى اى
_والله يا سمير بيه انا كل مره بيجى بحطله المخدر فى القهوه وكلمنى كذا مره على الصداع اللى بيجيله فاضل البرشامه بس ..بسبب الحوارات وحادثه اخته ماعدش ينزل خالص
_مليش فيه ..تتصرف …مش عايزه متزن خالص ..عايز اشوفه بيطنطط ..مدمن بالمعنى الحرفى …يا تخلص يا هشوف غيرك وساعتها مش هيحصل خير خالص يا عماد
_امرك يا باشا
***********
اسلام فاضل على امتحاناته اسبوع وكتبه معاه فى المستشفى وبيذاكر بس بيجله صداع مش فاهم اى سببه وفى يوم
اسلام قاعد مصدع على الاخر ودماغه خلاص مش قادر يوزنها وقرر ينزل يجيب قهوه ونزل فعلا يجيبها وشربها بس مفيش اى مفعول ودماغه هتفجر فقرر يدخل لاخته يقعد معاها شويه عالله تخفف شويه وتلهيه
_مساء الرطوبه مرطبته ولا مخطوبه
_اهلا يا اخويا كدا سايبنى لوحدى هنفجر من القاعده لوحدى بجد …هى حنان فاقت ولا لاء
_لأ لسه …ادعيلها يا سوسو
_دا عدا ٣ او ٤ ايام يا اسلام …يارب تفوق بقا
_هتفوق يا سوسو انا متأكد بإذن الله تفوق متقلقيش
***********
يوسف راح لاخته وامه واتطمن عليهم وطمنهم على حنان
اسراء اخته :يوسف انا عايزه اطمن على حنان
يوسف :منا بطمنك اهو
اسراء :انا عايزه اشوفها يا يوسف …بقالى كتيير اوى مشفتهاش وبعدين انا بقالى سنين هنا ومخرجش غير للضروره …ف …يعنى ممكن اروح المستشفى
يوسف بص لاخته اللى من سنين هى اللى بتطلب تخرج ومش مصدق :اكيد …بس كدا ..عيونى يا سوسو
يوسف بص لامه اللى فرحت ببنتها اخيرا هتخرج من القوقعه اللى كانت فيها …باس اديها :احنا نازلين يا ست الكل
وفاء :فى رعايه الله يا حبيبى ..خد بالك من اختك ..
اسراء لبست ونزلت مع يوسف وطول ما هى ماشيه بتبص حواليها مع انها بتنزل غصب عنها اوقات فى المناسبات بس حاسه انها لاول مره عايشه بحريه
اسراء غفران :الاخت الوحيده ليوسف غفران ٢٤ سنه عندها مطعم كبير كانت بتديره قبل ماتقعد فى بيتها عندها ماضى هنعرفه قريب
***********
عماد اتصل على اسلام
_الو يا صاحبى عامل اى
_الحمدلله يا عم بس عندى صداع صعب اوى مفيش دواء بيحوق فيها وخلاص هنفجر
_يبنى انا معايا دواء كويس متأكد انه هيساعدك
انزل بس عندنا مراجعه جيلوجيا فاضل اسبوع بالظبط على الامتحان انت بتهرج يا بنى
_يعم اخواتى فى المستشفى مش هعرف انزل خالص
_امال بتذاكر ازاى
_جايب الكتب معايا هنا
_طب اسمع منى وانزل عشان الدواء دا هيريحك صدقنى
_طب ما تقولى اسمه وانا اجيبه من الصيدليه من هنا
_احم ..لاء ماهو مش مصرى ..ابويا بيجيبه من ايطاليا فمش هتلاقيه هنا ..
_طب تمام …مش لازم انزل المراجعه وتعالا انت قابلنى وهاته
منيره كانت جايه بتنده على اسلام وسمعته وهو بيقول انه مش نازل المراجعه قالتله:ليه كدا يا اسلام …امتحانك مفضلش عليها حاجه
_ما هو مش هينفع انزل واسيب ساره وحنان
_يا حبيبى احنا معاهم انزل يا اسلام …اكيد مراجعه مهمه
_حاضر يا منمن هنزل ومش هتأخر ..هرجع على طول ..
_ربنا معاك يبنى …متنساش تقول لعبير
_اكيد هقولها دى هتقتلني ..
بالفعل عرف امه ونزل للمراجعه مع عماد
*************
عبير كانت مع ساره فى اوضتها والدكتور على خبط على الباب :ممكن ادخل
ساره بصوت عالى نوعا ما:لحظه ….ماما معاكى طرحه
عبير بإستغراب :طرحه !! …. معيش غير اللى على راسي دى
ساره بسرعه :طب شال او اى حاجه
عبير:اه معايا شال ..ثوان
عبير اديتلها الشال وساره غطت دراعتها وشعرها بيه وسمحتله بالدخول
على بضحكه خفيفه :مالك عامله كدا ليه ..زى الهربانه من تار ..ههه
ساره :هوا انت كدا دمك خفيف بقا وحققت الكوميديا
على :يا ستى خلاص بهزر …تعالى اشوف الكسر وانتى شكلك زى جدتى كدا
ساره :دكتور خفه اوى ما شاء الله
فحصها وطلع برا ف عبير بصت لبنتها بإستغراب ..
_اى بقا في اى
_فاكره يا ماما لما كلمتينى كذا مره عن الحجاب
_اكيد فاكره
_وانا كنت دايما بتهرب واقول كلام ملهوش لازمه
_يعنى ايقنتى انه ملوش لازمه
_اه …عارفه يا ماما …لحظه ما العربيه بتتقلب عقلى وقف على نقطه كنت مهملاها
اللى هوا خلاص كدا ..هتموتى يا ساره ..هتقفى قدام ربنا ازاى …كدا ..وندمت على كل لحظه عدت من غير ما اخد الخطوه دى …وادينى اهوه اخدتها …ومبسوطه جدا رغم رخامه الدكتور اللى دخل دا
_ربنا يثبتك يا روح قلبى …ويبارك فيكى يا ساره
ومايعيد تعب تانى يارب
**************
اسلام مع عماد
_الدواء اهوه يا باشا
_ حقه كام دا بقا
_يا عم عيب عليك
_دانتا جايب ٣ علب يا بنى قولى حقهم كام
قاله حقهم ودفعله وأخد اسلام اول حبايه ..فى دقايق حس بفرق رهيب …وارتاحت دماغه على الاخر
*********
يوسف وصل المستشفى مع اسراء ودخلوا جوا
منيره وعبير كانوا قاعدين مع بعض
_هى اللى جايه مع يوسف دى اللى فى بالى
_معقوله اسراء ..
_ايوا يبت هى
قربت عليهم اسراء
وسلموا عليها بترحيب كبير اخيرا شافوها
بعد اللى حصل وقفوا يتكلموا شويه عن حاله حنان وفجأه دخل عليهم حسن وسمير
الكل تلقائي بص لاسراء ورد فعلها وعيونها اللى اتملت قهره وحقد فى نفس الوقت
حسن : …..
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)