رواية عائلة بالإكراه الفصل الثالث والعشرون 23 بقلم سلمى بسيوني
رواية عائلة بالإكراه الفصل الثالث والعشرون 23 بقلم سلمى بسيوني
رواية عائلة بالإكراه البارت الثالث والعشرون
رواية عائلة بالإكراه الجزء الثالث والعشرون
رواية عائلة بالإكراه الحلقة الثالثة والعشرون
يوسف دخل لقى حنان واقفه في بلكونه وضهرها للباب شعرها مفرود على لبس المستشفى قرب عليها وحضنها من ضهرها
فأتفزعت وزقته عنها برعب وهي بتصرخ : ابعد عني يا يونس ..ابعد عني
يوسف : حنان اهدي يا حبيبتي انا يوسف ..حنان اهدي
حنان فاقت وادركت انه يوسف وعيطت : انا اسفه ..انا اسفه يا يوسف
يوسف قرب واخدها في حضنه وهمس : اهدي يا حبيبتي محصلش حاجه ..اهدي ..اتنفسي يا حنان
حنان بدأت تاخد نفس منتظم وهديت وبعدت عنه شويه وبصت لوشه المليان كدمات لمست بإيديها عليه بخوف : اي دا ؟!!..دا من ايه يا يوسف؟؟ ..اي اللي حصل ؟!! انت كويس ؟!!
يوسف غمض عينه وقربها منه سند جبينه على جبينها وايديه على خدها وهمس : هششش ..انا بخير ..صدقيني انا كويس
حنان غمضت عينها فنزلت منهم دمعه : كل الجروح والوجع دا هيتداوى ازاي يا يوسف
يوسف اخدها في حضنه وهمس : هيتداوى طول ما احنا سوا وجنب بعض ..
حنان مسحت دموعها : وانا مش عايزه حاجه غير وجودك جنبي
بعدت شويه عنه وبتوتر : يوسف انا عيزاك في حاجه
يوسف : قوليلي يا حبيبتي
حنان : عمي حسن كان هنا
يوسف بصدمه : امتى دا
حنان : لسه ماشي حالا ..كان ..كان جاي يساومني ..بيقول انه يعرف مكان اسراء …ويا اتنازل عن كل الاملاك وألا هيبلغ عنها
يوسف : اوعي تكوني اتنازلتي عن حاجه
حنان عيطت : هيبلغ عن اسراء يا يوسف
يوسف : اهدي يا حبيبي انا لسه مكلم حازم من شويه
قبل ربع ساعه
يوسف خارج من المسجد ووراه حازم بعد الصلاه
حازم قرب عليه : ابشر
يوسف بقلق : افحمني
حازم بإبتسامه : كلمت محامين كتير ومستشار معرفه وكلهم قالوا ان اسراء مش هتتحبس
يوسف التمع امل جواه : ازاي
حازم كمل : لو يونس فاق واعترف عليها هيبقى جابه لنفسه ..بشهاده الدكتور المعالج ان الطلقه جت من ضهره والآثار الضرب والعنف اللي واضحه على حنان وطبعا الطب الشرعي ليه دوره وباللي عمله في اسلام فهو كدا لبس وش واسراء هتاخد برآءه دفاع عن الشرف دا لو اتكلم
يوسف : انت بتتكلم جد
حازم : ايوا والله بجد
يوسف حمد ربنا وشكره ومش مصدق اخته هتبقى بخير شكر حازم على البهدله اللي اتبهدلها معاهم واتكلم معاه شويه
في الوقت الحالي
حنان بفرحه : يعني اسراء مش هتتسجن
يوسف ابتسم : لا مش هتتسجن هتتعرض على النيابه وتطلع براءه
حنان اتنفست بإرتياح : الحمدلله …الحمدلله ..
يوسف : انتي رديتي على حسن بأيه
حنان :قولتله يسيبني افكر واداني مهله لبكرا بليل
يوسف : طول عمره زباله وبيستغل ضعف اللي حواليه ..حتى سمير سابه ومشي
حنان: مشي ازاي
يوسف : مش عارفةسلم من شره ازاي اصلا سابه ومشي وسافر ..جالي خبر انه عايش في نيويورك بعيد عن الكل
حنان :الحمد لله .. كان ممكن يبقى الوضع أسوأ من كدا بس الحمدلله انها جت على قد كدا الحمدلله
بصتله بإستغراب : بس هو اي اللي عمله لأسلام
يوسف بهدوء : تعبان شويه بس ..تعالي بقى وارتاحي عشان شكلك تعبان
حنان : خليك هنا جنبي متمشيش
يوسف : انا هنا جنبك ومش رايح اي مكان
نامت وهو جنبها مسبهاش لحظه
____________________________
عصام في اوضته بيكسر في كل حاجه حواليه ومتعصب على آخره وماهر قدامه على الارض متبهدل من كتر الضرب
_ يا باشا والله كله حصل صدفه ..مكنش في الحسبان ان اسراء تبقى معاها
_ انا مفيش عندي حاجه اسمها صدفه .. انت كان المفروض تتصرف ..اهو الكلب اللي اسمه يونس محجوز في المستشفى وحتى اسراء لو ظهرت مش هتتحبس ..ويونس لو فاق هتاخد في الرجلين وهيعترف وابسط حاجه هيقول على شكل الوشم اللي رجالتك راسمينه ..يعني كل حاجه راحت
ضربه برجله في بطنه : كل حاجه باظط بسبب غبائك وتخلفك ..مغفل ابن كلب زيك بوظلي مخططات بجهز فيها لسنين
اتحرك وسابه ومشي لما تعب كتر ضربه فيه
وقف في البلكونه وذاكرته اتحركت سنين لورا
فلااش بااك
عصام وهو بيخبط كاسه في كاس محمود: مبروك علينا يا شريكي
محمود القاضي : احنا لازم نحتفل بالمناسبه العظيمه دي
عصام : خلاص انت معزوم عندي انت ومنيره هانم النهارده على العشا ..واهي بالمره تتعرف على هاجر مراتي
محمود : تمام هقولها ونجهز ونجيلكوا
باك
_ كنت بنى ادم مغفل ..بس معدتش ..وهنتقم منك ختى وانت ميت يا محمود
______________________
الصبح طلع والكل راح يطمن على اسلام فاق ولا لأ وبعدها راحوا يطمنوا على حنان اللي اتحسنت في وجود يوسف وبقت تتكلم شويه
بدأ يفتح عينه واحده واحده للحظه مش فاكر حاجه وبعدها بدأ بفتكر آخر حاجه فاكرها انه كان مكتف حنان وبعدها حس بصدمه قويه في جسمه .. حاول يتحرك بس اتوجع جداا وقربت الممرضه( يمنى )عليه : حمدالله على السلامه يا استاذ ..دانت غلبتنا معاك ..لازم شغل الغموض دا
يونس بقرف : انتي مين ..وانا جيت هنا ازاي
يمنى بفضول : والله يا استاذ انا هموت واعرف زيك بالظبط ..الله اعلم بقى ..بس بيقولووا لقولك في ڤيلا القاضي ..(بصتله بريبه وبعدت عنه) اكيد مكنتش هناك بتغير السخان ..انا خارجه للدكتور ربنا يقومك بالسلامه
خرجت وشويه والدكتور دخل وكشف عليه
_حالتك كويسه وهتخف بسرعه بس هم مش هيسيبوا حقهم وهتروح في ستنين داهيه
_ ملكش دخل وقولي حنان عامله اي .. كويسه؟!!
_ دخلت في صدمه عصبيه ولسه بتتعافى منها ..الشرطه هتيجي كمان شويه تاخد اقوالك
سابه وخرج وهو مقروف منه
ويونس فضل يلعن في سره لانه لو اعترف على اسراء هيجب لنفسه البلاوي
شويه والشرطه جت ويونس قال قدامهم ان اللي حصل حصل بالصدفه اثناء تنضيف السلاح وان محدش له ذنب فيه
بعدها الشرطه راحت تاخد اقوال حنان واصرت ترفع عليه قضيه وبدأت في الإجراءات القانونية بمساعده يوسف وحازم
وعبير كمان رفعت دعوى بشكل رسمي على يونس بسبب اللي عمله في اسلام والإجراءات بتتم
حازم اتفق مع يوسف وراح يجيب اسراء وعملها مفاجأه لحنان
اسراء مع حازم في العربيه: اي ..هسلم نفسي ولا اي
حازم ابتسم : لا يستي مش هتسلمي نفسك ..هنرجع ..لان اصلا مش عليكي حاجه ..ولو المغفل دا اتكلم ولا قال بم هيبقى مفيش حاجه عليكي ..اساسا رفعنا عليه قضيه وهيتم نقله بعد التعافي عشان يتحقق معاه بشكل كامل في مركز الامن
اسراء اخدت نفس عميق وكأنها ما اتنفستش من وقت اللي حصل
اسراء : انا لحالا مش مصدقه اني مسكت مسدس اصلا
حازم : خلاص يا اسراء حصل خير ..كل اللي جاي بإيدينا ..وكل حاجه بتتحسن واحده واحده ..واهو فاضل اسلام ربنا يرده لينا بخير
اسراء : هو حالته اي
حازم : اسلام في غيبوبه
اسراء : لا اله الا الله ..يارب يقوم بالسلامه يارب وحنان عامله ايه
حازم : حنان كانت في صدمه عصبيه بس ربنا سترها وبدأت تتعافى واحده واحده مع الادويه وثائر اللي بيشرف عليها بنفسه متخافيش
اسراء بهدوء : طب الحمدلله .. هو احنا قدامنا كتير اوى
حازم : لا قربنا نوصل
__________________________
فيرديان بيزعق : سليم فوق ..مصر اي اللي ترجعها
سليم زعق : مراتي هتتسجن ولو ملقتش حل هخسرها للابد
فيرديان : وهو انت لسه مخسرتهاش
سليم بصله بكسره : انا خسرتها ..بس مش عايزها تخسر نفسها
فيرديان : ناوي على اي يا سليم
سليم : هرجع مصر
فيرديان: هيصفوك
سليم : هطلب نقلي في المخابرات العامه في مصر ..انما مش هبعد عن مصر واسراء تاني
فيرديان : هتبقى اصعب مهمه تعملها في حياتك يا صديقي
سليم : وانا مستعد ..عايز تفضل هنا دا مكانك ..مقدرش اقولك تعالى معايا ابقى بحجمك
فيرديان : انا بقالي ٧ سنين معاك يا رجل مش هسيبك وبعدين مش عايز افوت لحظه ما اسراء تشوفك ..
سليم : يعني هتنزل مصر لأول مره
فيرديان : على الحلوه والمره معاك يا صديقي
سليم فعل جهز طلب رسمي لنقله المخابرات العامه وبيجهز نفسه لأصعب فترات حياته
______________________________
ساره دخلت لأسلام بالعافيه
وقعدت جنبه ومسكت ايده وباست باطنها وهي بتعيط : هتقوملي بالسلامه صح ؟!!
واقعد اقرفك في عيشتك واقولك يا اوس اوس وانت تزعقلي ..ونقعد انا وانت نتخانق وبعدها نتصافى ثواني …هتقوم ونقعد نلعب بلايستيشن وتغلبني عشان انت جامد فيه ..ونفضل سهرانين للصبح على فيلم رعب واقعد اصوت وتقلس عليا ..متسيبنيش يا اسلام ..ما تسبنيش يا قلب اختك باسته باطن ايده تاني وخرجت لقت علي كان بيراقبها وهو واقف مع ممرضه،ابتسملها وطمنها بعيونه
حست براحه من ابتسامته ..مجرد ابتسامه ريحت قلبها وطمنت روحها ..وبعدين يا ساره ..وصلتي لفين
___________________
يمنى دخلت ليونس وهي مرعوبه منه بعد ما انتشر خبر رفع الدعوى بتاع حنان وانه حاول يغتصبها دخلت بسرعه حطتله الدواء وخرجت وهي خايفه
وهو فضل مكانه مش فاهم مالها دي ..
دلوقتي هو لوحده ..دلوقتي مفيش جنبه حد ..مفيش جنبه الرجاله اللي ودوه في داهيه ..مفيش حتى حد يقوله انت عامل ايه
______________________
حازم وصل بإسراء اللي اول ما وصلت دخلت اوضه حنان كلهم كانو متجمعين جوا بيصلوا جماعه ويوسف بيإم بيهم منظرهم خلى عنيها تدمع واتوضت ولحقتهم في الركعه التانيه وحازم كمان انضم ليوسف صلوا كلهم وكان جواهم امل ان اسلام يفوق والحياه ترجع لحالها تاني
واسراء طول السجود تبكي خلصوا صلاهوالتفتوا كلهم لقول اسراء وقربوا كلهم سلموا عليها وهدوها وحنان اخدتها في حضنها وطمنتها الكل كان حواليها اخوها وامها ونور وساره وحنان عبير منيره الكل كانوا جنب بعض بيواسوا بهض ويحاولوا يعدوا المحنه دي سوا
ثائر كتب لحنان خروج وكانت عايزه تفضل بعد معرفتها بغيبوبه اسلام وحالته بس الكل اصر ان عبير ومنيره بس اللي هيفضلوا والكل هيروح وفي وسط النقاش دخل حسن ومعاه الشنطه اللي فيها ورق الصدمه شلته لما لقى اسراء وسطهم وفضلوا كلهم يضحكوا عليه لغايه ما ضغطه على ومشي من قدامهم مش طايق نفسه
اسراء بفضول : ماله الاهبل دا في اي
حنان : البيه كان جاي يساومني عليكي كان عايزني اتخلى عن الاملاك والا هيبلغ عنك وكان حاي يحاول تاني بس لما شافك شكله جاتله زبحه صدريه
الكل فضل يضحك على الكشاف اللي اخده حسن واتحركوا يروحوا عشان لازم يروحوا النيابه الصبح عشان التحقق هيتفتح و حنان واسراء وثائر لانه الطبيب المعالج لحنان لازم يكونوا موجودين
الصبح طلع والكل من الصبح كان في النيابه حققوا مع حنان وثائر وجه دور اسراء اللي كانت متوتر ومرعوبه وانهارت قدام وكيل النيابه لغايه ما خلص التحقيق ووكيل النيابه برأها من اي تهمه وطلعت برا الكل قعد يهنيها ويبارك لها وفي وسط ما الكل حواليها
جت خطواته ببطئ ماشي واحده واحده خايف من رده فعلها لابس بدلته الرسميه ونضاره الشمس اسراء ضهرها كان ليه ثائر اول واحد شافه واتلوح معقوله دا سليم ..يوسف كان بيتكلم معاه بس شافه منتبه قدامه ورفع يوسف عينه ومش مصدق ان سليم قدامه
اسراء لفت تحضن يوسف لقته متسمر مكانه وكانت اصعب لحظه لما وجهت انظارها لنفس المكان اللي بيبص فيه اخوها توازن جسمها اختل فسندها يوسف فضغطت على ايده وهمست بوهن وعنيها بترمش: مش بيتهيألي صح
يوسف همس : يبقي بيتهيألنا كلنا معاكي
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)