رواية زينه و السوشيال ميديا الفصل الثالث 3 بقلم زهرة عصام

استيقظت زينة صباحاً أدت فردها ثم اتجهت إلى الخارج
زينه يا أهل المنزل يا اهل البيت
حازم اي عامله صياح على الصبح لي
زينة انا نازلة افطر مع الواد محمود خطيبي
حازم في داهية يا قلبي و القلب دعيلك احنا اصلا مش عاوزينك خليه هو يشيل مصايك شوية بقي
كادت أن تتحدث زينة و لكن قاطعتها والدتها قائلة بعيد الشر عليها انشالله اللي يكرهها .. البيت دا بيتها و اللي مش عاجبة يروح يشوفله حته تانيه يقعد فيها
حازم خليكي انتي مدلعاها كدا .. مهو أخرت دلعك دا هو اللي جايبها ورا
زينه بحزن مصطنع اجادته جيدا شكراً يا زوق .. ثم التفت إلي والدتها و قالت انا نازلة يا ماما محتاجة حاجة
لا يا حبيبتي خدي بس بالك من نفسك
زينه حاضر .. و أسرعت باتجاه الباب و اغلقته خلفها .. ثم ابتسمت و ظلت تردد واحد اتنين ثم تكمل رقم ثلاثه الا و كان أخاه يفتح الباب بسرعة مناديا إليها
حازم زينه
التفت إليه و قد اتقنت دور الحزينة جيدا و قال بحزن مصطنع خير لسه في حاجة تانية عاوز تقولها
اتجه حازم لديها ثم مال علي رأسها مقبلا إياها و قال أنا آسف انتي عارفه اني بحب انكشك و مش قاصدي
ابتسمت و قالت عارفه و مش زعلانة منك خلاص
حازم بجد
زينه ايوه و يلا بقي هتخليني أتأخر علي محمود
حازم روحي يختي قال محمود قال
ذهبت زينة إلي المكان المتفق عليه مسبقا مع محمود وجدته جالس باتنظارها
زينة اتاخرت عليك يا محمود
محمود اه اتاخرتي
نظرت له بغيظ قائلة مش المفروض تقول لا ولا يهمك انا اصلا لسه داخل
محمود اكدب عليكي يعني
زينة فين الرومانسية يا عديم الرومانسية

محمود لا هو انتي بينفع معاكي رومانسية يا زينة دا انتي لسه مطفشة العريس امبارح بالفخدة يا قلبي
زينه بس اي رايك خطة جميلة فتاكه متلقهاش عند حد زي كدا
محمود بجدية زينه انتي مش ناوية تبطلي اللي بتعملية دا
زينة بهدوء و انا بعمل اي يعني يا محمود
محمود انا مش ضد السوشيال ميديا بس تقدمي محتوى هادف مش اللي انتي بتعملية دا
زينة و انا حابه اللي انا بعمله دا يا محمود و مش هتغير لا عشانك ولا علشان اي حد انت عارفني من زمان و خطبتني و انا كدا
محمود يا زينة افهميني انا بس عاوز اقول اا
قاطعته زينة قائلة لا تقول ولا تعيد كلامك بعد كدا مع بابا إذا كان و احنا مخطوبين عاوز تخليني أبطل حاجة بحبها اومال لما نتجوز هتعمل اي .. قبل ما امشي عاوزه اقولك أن اللي انا بعمله دا بيخفف عني كتير اووي .. للأسف انت مش هتفهم معناه انا مش تافهه للدرجادي انا بعرف افرق ازاي اكون تافهه و ازاي اكون عاقله بعد اذنك تركته زينه و غادرت المكان سريعا و لكن قابلها علي باب المطعم احدي معجبيها تريد التقاط صورة معاها
تتبعها بعينية و كيف استطاعت رسم ابتسامة بسرعة على وجهها و هي تلتقط عدة صور مع معجبيها .. تابع فرحتها و فرحت الناس بها و أيقن أنه كان علي خطأ في تفكيره
ذهبت زينة إلي المنزل و الابتسامه على شفتيها تحاول اخفاء ما بداخلها تحت تلك الابتسامة المتصنعة .. دلفت الي المنزل قائلة أنا منمتش كويس امبارح هدخل اريح شوية
حازم هي مالها دي
ردت عليه والدتها شكل في حاجة بينها هي و محمود و كالعادة بتكتم في نفسها و مش بتقول
حازم استر يا رب
دلفت الي غرفتها و اغلقتها بالمفتاح ثم نظرت إلي انعكاس صورتها بالمرأة و سمحت حينها لدموعها بالانطلاق .. و بعد مده دلفت الي الفراش تستريح قليلا ثم نامت بعمق
دلفت الساعة الثامنة والنصف مساء خبط علي باب غرفتها ادي إلي فزعها من نومها
فتحت الباب بسرعه قائمة اي في أي التتار دخلوا مصر تاني
حازم انتي لسه نايمة اللايف بتاعك كمان نص ساعة يدوبك تجهزي
زينة هو انت مبسوط باللي بعمله يا حازم
حازم بجدية علي قد ما اللي بعمليه مصايب علي قد ما بيخفف علي الناس و الاهم من دا كله انك مبسوطة
زينه ربنا يخليك ليا يا حازم ولا يحرمني منك ابدا
حازم طب يلا يختي روحي شوفي متابعينك
زينه معاك حق .. اتجهت بسرعة الي المرحاض تبدل ملابسها و امسكت بهادفها ابدا اللايف
زينة مساء النور علي عيونكم يا صحابي الحلوين النهاردة اللايف بتاعنا عن الثانويه العامه زي ما طلبتم طبعا قبل ما نبدا لازم ننبه أن الكلام اللي بقوله الهدف منه الترفيه عن النفس و بس و اللي ميعرفنيش انا زينه مصطفى بقدم لكم حلول فتاكة لكل المشاكل .. مفهومنا عن الثانويه العامه غلط و انا بعون الله هصحح المفهوم دا
– بصوا بقى اللي يقولك احنا نذاكر أربعة و عشرين ساعة دول فكك منهم كدا كدا الامتحان هيجي اختيارات و هنختار بالحب .. دا اللي بيذاكر الأيام دي بيسقط يا بنتي

– اهم عنصر من العناصر النوم مش بيقولك و من نام و ارتاح اتاه النجاح و من سهر الليالي بات العالم التالي
اللي هيجي يقولي من جد وجد و من زرع حصد دا هبطحة دا مفهوم خاطئ جدا
– صحصحوا معايا كدا الزرع بار اصلا اهم حاجة النوم تنامي على قد ما تقدري علشان تريحي خلايا مخك
– بعدين انتوا ناسين حاجة مهمه اووي .. هتسالوني اي هي يا زوزو هقولكم
– عمو مارك الله يكرم أصله هيعملنا عالم افتراضي نبقي نيجي نفتح الكتب في البيت و نغش منها و احنا في الامتحان و طبعا محدش هيشك احنا بنمتحن علي التابلت
و طبعا الهري اللي فوق دا غلط و انتوا عارفين الصح اللي هو من نام و ارتاح اتاه النجاح اطفوا النور بقي
هبدا اقرأ الكومنتات يا حبايبي
زينة بجد انتي عبقرية و ليكي حلول لكل المشاكل
ردت عليها زينه متصنعة الغرور انا مبحبش اتكلم عن نفسي كتير
زينة انتي كنتي جايبة كام في الثانوية العامة
– دا اي الإحراج دا بقي يا جدعان كنت جاية ٨٥%
زينة بعد نتيجة الثانوية العامة نعمل اي ؟!
ردت زينة قائلة لا استوب بقي ناخد لحظة جد يا صحابي .. الثانوية العامة مش نهاية المطاف يعني جبتي مجموع كنتي بتتمنيه يبقي دا تعبك و نصيبك.. مجبتيش يبقي برضوا ربنا شايلك حاجة حلوة ليكي … ربنا بيحط كل واحد في المكان المناسب ليه .. انتي تعبتي و ذاكرتي هتلاقي علي قد تعبلك .. كان نفسك في كلية معينة و ملحقتهاش يبقي ربنا يعوضك بدلها حاجة احلي منها بكتير. خلي دايما املك في ربنا كبير و هدف قدام عينك و قولي هوصل و هتوصلي في الاخر .. ذاكروا يا صاحبي كويس و ربنا معاكم يا حلوين يلا اسبكم بقي متنسوش كل يوم لايف الساعة تسعة سلاموز
اغلقت زينة الهادف و ما أن أغلق حتي وجدت صوته يصدح برنين عالي نظرت إليه وجدته محمود لم ترد و لكن اتظرت حتي انتهي الرن و اغلقت الهاتف و اتجهت لتأكل شئ ثم تنام

يتبع…