رواية ألمي الفصل السابع 7 بقلم السمراء

رواية ألمي الفصل السابع 7 بقلم السمراء

رواية ألمي البارت السابع

رواية ألمي الجزء السابع

رواية ألمي الحلقة السابعة

لحظة صمت واخيرا تكلم صقر..
صقر: معليش بس هلي وصلوا معنديش نيه نشوف حدا
-لا عادي بس هذي غرفتك… بس دبشي وين
صقر: توا انرن على ميرا
صقر: الو.. وينك… تمام وين شنطي المدام.. بسرعه
صقر: شوي وتجيبهن
-تمام
-جلست على السرير وهوا قالب وجه لي الساس مع طقت الباب.
صقر: تفضل
ميرا: اسف مدام تأخرت
– عادي حبيبتي.. بسس ممكن اتساعديني
ميرا: حاضر.. بس في ايش
-الفستان
صقر: راح نكون قدام الغرفه
-طلع صقر ساعدتني ميرا في الفستان وطلعت بيجامه لونه أبيض كانت طويله و مستوره حسيت ميرا في عيونه سوأل.
-أيش فيك؟

ميرا: مدام أنت عروس البسي شئ مكشوف
-هههههههههههه ضحكتني وانا معنديش نيه.. حبيبتي انا عروس موقت بس
ميرا: ما فهمت
-مع الايام راح تفهمي.. المهم ممكن اتحطي الفستان في الكيس…
________________
عند صقر..
-طلعت برا وقعدت جنب الباب نسمع في صوت هرجه تحت أوف رأسي يوجع في نبي نرقد بس سمعت صوت ضحكه في الغرفه استغربت مع طلعت ميرا..
ميرا: تقدر تدخل استاذ
صقر: ميرا نسألك؟
ميرا: تفضل.
صقر: ليش ضحكت البنت
ميرا بحيره: اقول عادي.
صقر استغرب: تي قولي
ميرا: العروسه لبست شئ مستور.. فا انا قلت ليش هيك انت عروس البسي شئ مكشوف ضحكت وقالت أنا عروس موقت..
صقر : ماشي أمشي توا وما تقوليش ل حدا الكلام هذا.
ميرا: حاضر
– مشت ميرا أوف تريحت انا بروحي مكنتش نبي نعامله معاملت زوجه ليا طقيت الباب.
-تفضل
صقر: دخلت للغرفه شفته جلست على كرسي الزينه ومعها شنطه صغيره وتمسح في المكياج قلت اكيده الجمال راح يختفي.. بعد ما شفتني دخلت صبت من الكرسي شفت اية من الجمال شعرها الي وصل لي ظهره ولون احمر وعيونها العسليه وكانت كيف بيض الثلج ولبسه بيجامه بيض حسيت حوريه نازله من السماء..
-حسيت صقر مصدوم في معش فهمت في حاجه غلط حسيت نظرات يحرقن في حسيت ب وجي تم أحمر فا هوا حس بروحه.
صقر با احراج: اسف معليش
– ليش تعتذر
صقر: ها…. قصدي تبي اتعشي
-مسكت ضحكتي.. ياريت والله
صقر: هيا راح نرن على ميرا

– تمام.. بس نبي نرتب دبشي.. وين انحطه لو مفيش مكان عادي راح نخلي في الشنطه.
صقر : لا تعالي
-لحقت صقر دخلني لغرفة ملابس شكله كيف الي في المسلسلات وكانت فيه دبش لصقر…
صقر: القسم هذا فاضي تقدري اتحطي هنا.. والقسم هذا ليا.. بس
– بس شنو؟
صقر: خلي ميرا راح هي اديره.
– اسفه بس منحبش حدا منعرفش يلمس حاجات
صقر : براحتك
– طلع صقر وسيبني رتبت دبشي كله وسكرت الشناطي.. اوف وأخيرا تعبت سمعت طقه على الباب عرفت ميرا جات.
صقر: تفضل.
أم صقر: ها وليدي شخبارك تبي حاجه.
صقر بصدمه: ها لا شي سلامتك
– بحتت في ام صقر كأنه اتقول كنك لبس هك حسيت با احراج من نظراتها فا رديت لغرفة الملابس.
صقر : لي حاجه آخر يا أمي.
أم صقر: متريح
صقر: قتلك اكويس يا أمي.. بس خليهم يستعجلو في العشاء.
أم صقر: تمام.. تبي حاجه رن عليا
صقر : ان شاء الله يا أمي.
– سمعت صوت طبقت باب قلت خليني هنا معنديش ليش نطلع بعده سمعت صوت طق يوم سعيد ضحكت في عقلي.
صقر بعصبيه: من
ميرا : أنا ميرا
صقر: تعالي
ميرا: هذا عشاء انت ومدام
صقر: تمام.. بس كلمي مدام من دخل غرفة ملابس
ميرا: حاضر… مدام تعالي عشاء
– ميرا أسمي ألمى مش مدام
ميرا بضحكه: تعالي ألمى عشاء.
– ههههههههه يلا جايه

– طلعت ميرا و لقيت صقر سرحان.. اكيده كأن حاسب ل شيء وصار شيء ثاني جبت كرسي وقعدت جنبه عشان الطاوله..
– متبيش تأكل
صقر : لا مش جيعان كولي انتِ
-حطيت الكشيك كيف ناكل بروحي منحبش حسيت من عيونه عرفني إني مش راح نأكل
صقر: كنك ما تاكلي؟
– مش جيعان.. ونا نكذب ميت جوع
صقر: مش انتِ قلتي نبي عشاء
– بس مش بروحي
صقر: براحتك
-انقهرت تميت نشوف في يدي عشان منبيش نبكي قعدت نلعب با اظافري ومقهوره اصلا من البدايه كنت عارفه أن يبي ايصير هك يارب امتى تكمل اليلة هذي
صقر : ممكن تأكلي
– امم.. ممكن تاكل معايا
– بدون ما يتكلم معايا خذا الكشيك تعشيت الحمدلله وصقر رن على ميرا خذات الصفرا حسيت ان شن في بعدها ونا نعسانه بس منبيش نكون قليله ذوق ونرقد وصقر مزال لبس البدله…
– متبيش أتغير.
صقر : اها نين يروح خوي
– نقدر انساعدك عادي
صقر : لو سمحتي عارف انك تزوجتيني عشان الفرح بس الباقي خلي عليا.
-حسيت بغصه بس مقدرتش اني نسكت قربت منه ونزلت على ركبي وحكيت بصوت هادئ..
– عارفه إنك متبينش وهذا من حقاتك بلعكس وتفكر في خطيبتك بس وعد منى لم ترد تمشي راح نطلق منك وترد ل خطيبتك… عارفه إني مش محتاجه نقولك الكلام هذا بس اعتبرني صديقتك وخليني نساعدك في كل شيء..
حسيت أن بدأ يقتنع… وعلى فكره انت الشلل الي فيه موقت يعني ممكن شهر ثلاث سنة
صقر بصدمه : من قالها لك انتِ ان موقت؟!
– بصراحه استغربت كيف محدش قاله له او الدكتور يكذب عليا…. الدكتور قاله لي كيف ما سمعتش
صقر : لا
– باهي شن قلت

صقر : ل شنو
– في شنو كنت نحكي توا
صقر : بصراحه متردد وانا عارف إني نخذ في ذنبك
– مش مهم الكلام هذا الي صار صار منقدروش انصلحو شي.
صقر : لا حول ولاقوة الابالله العلي العظيم.. طلعيلي بيجامه.
– أوف تريحت يعني أكيد اموافق… حاضر تبي شي آخر
صقر : لالا
– مشيت وجبت بيجامه لونه اسود أصلا أغلبية ملابس صقر غامقه.. طلعت.. شن رأيك تجلس على السرير
صقر: أحسن لأن نعسان بكلل.
– تمام… حولت اني نساعده بس ما خلنيش رفع روحه بروحه بجدا فرحت أن يحول حتى لو بشئ بسيط بدأ يسلح في الجاكيت ويفك في إزرار القميص حسيت بتوتر عضلاته وجسمه يمكن كان رياضي من جسمه..
صقر : هاتي البيجامه
– هيا… تفضل… لبس جاكيت البيجامه وفك حزام السروال.. عرفت ان مش راح يقدر يسلح..
-ممكن انساعدك
صقر: اممم
– لو منحرج مني راح نغمض عيوني
صقر: ها.. تمام
– غمضت عيوني وبديت أنزل في السروال قلبت وجي وخذيت سروال البيجامه رديت غمضت عيوني ولبسته بشويش… تمام
صقر : اكويس
– يعني انفتح
صقر بضحكه: أفتحي
– واخيرا ضحكت

صقر: المهم بكرا عندي مراجعه عند الدكتور.
– الساعه كم
صقر : 9
– تمام.. نمشي معاك والله لا
صقر : لالا راح يمشي معاي خوي امين
– تمام براحتك.. مشيت للحمام (اكرمكم الله) توضيت وغلست وجي وطلعت صليت في غرفة الملابس ورديت طلعت وين نبي نرقد فتحت الدولاب وطلعت بطنيه وخذيت المخده وحطيته على صالون صغير كأن في الغرفه..
صقر : أسمعي
– نعم
صقر: ممكن اتجيبلي تلفوني..
– هيا
صقر ولوسمحتي نبي ميه و دواء في الشنطه هذي
– عطيت الدواء.. تفضل وهذا التلفون
صقر : شكرا
– ضحكت في وجه طفيت الضي.. صقر لو تبي شي قولي تمام
صقر: ان شاء الله

– خذيت حتى نا تلفوني وجلست على الصالون وفتحت البطنيه وغطيت نص جسمي لقيت اتصلت واجد من أمي شفت الساعه لقيت 12 قلت اكيده راقده دزيتله رساله «اسفه ماما التلفون مكنش جنبي»
شوي وترن عليا امي يا روحي مقدرتش ترقد
– حكيت بصوت واطي: الو.. ماما
ماما: ألمى ليش ما رديتي؟
– اسفه والله مكنش جنبي.. المهم شخباركم.
ماما: الحمدلله.. وانتِ شخبارك وشخبار صقر
– الحمدلله روحت تعشيت وصليت وتوا صقر راقد.
ماما : بس!
– بس يا ماما
ماما: تمام حبيبتي المهم تصبحي على خير سلميلي على صقر.
– يوصل يا روحي سلميلي على بابا.
ماما : يوصل
– قفلت من ماما وفتحت نت شوي شفت صقر لقيت حتى هوا تلفون مضوي..ثبتت المنبه على الساعه 8 و سكرت وحطيت راسي على المخده وطحت في سابع نوم…….

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)