رواية ألمي الفصل الحادي عشر 11 بقلم السمراء

رواية ألمي الفصل الحادي عشر 11 بقلم السمراء

رواية ألمي البارت الحادي عشر

رواية ألمي الجزء الحادي عشر

رواية ألمي الحلقة الحادية عشر

أروى: يا حسين معقوله هك وأنا الي وثقت فيك.
حسين: قتلك مش وقت حركات انتِ أصلا وحده
مش تمام تبي نجوزك ونخليك مراتي أصلا الي
تخون هلها كيف تبي إني نجيب منه اعيال؛!
أروى: حقير حسبي الله ونعم الوكيل فيك ربي
يخذك.
حسين بضحكه حقيره: ههههههههههههه مش محتاج تقولي يا حبي.. ها إمتى نجي نخذك.
أروى بدموع: خليني انفكر.
حسين: فكري بس عندك اسبوع بس وحتى لو
رفضتي الصور راح يكونن عند صقر وباتك وانتِ عارفه شن راح يديرو فيك.
اسماء: أروى وين رحتي.
أروى : ها… امعك كنك
اسماء: المهم اتفقنا
أروى: ان شاء الله خير بس كيف ما قتلك صقر
يسأل نا برا الموضوع فهمتي.
اسماء: خلاص فهمت زعمتي كبدي.
__________________
-نزلت نا وصقر تحت لقيت الصبايا وصلنا عمتي ومعاه اماني وهديل واريج وخوات عمتي وخوات عمي هههه واجد صاح المهم..
صقر : أسمعي.
– نعم

صقر: أنا راح نمشي لقسم الرجال.. بس العبايه ما تشيله إلا في الصاله تمام.
– صقر كنك بسم الله خلاص تمام
– طلع صقر لقسم الرجال ونا مشيت لصاله الي فيها الصبايا.
– السلام عليكم.
عمتي: مرحبا كنك ما نزلتي اليوم.
– ها.. محبيتش نزعجكم.
هديل: هلا.. ماشاء الله جميله كا العاده
– حبيبتي تسلميلي عيونك الجميلة
اماني بغمزه: ونا نقول كنك ما نزلتي اكيده صقر
الي ما خلك.
هديل: هههههه والله صدقتي.
– انحرجت ما قدرتش نرد ضحكت مجامله وخلاص.
اخت عمتي: ما في شي حاجه في الطريق يا ألمى.
– شنو الي في الطريق يا خالتي!
هديل بضحكه: قصدها بيبي يا غبيه.
– حي هذين ليش مستلمتني اليوم… لا مزال
اخت عمي: أن شاء الله ربي يرزقكم بالذريه الصالحه.
-اللهم امين..
__________________
– طلعت برا لقيت الدنيا زحمه سلمت عليهم.
آمين: وين يا عريس كنك ما نزلت.
صقر: اي عريس.. بعدين مشيت لشغل بعد روحت تغديت ورقدت شوي.
صادق: كيف مشيت اليوم.
صقر: اها.
انس: كنك ما قتلي راه مشيت معاك.
صقر: مفروض اصلا ما نسيوبش الشغل
امين: هذين امر من أمك.
صقر: ونا ما يمشيش عليا.

صادق بخبث: أكيد لأن مش أمك.
انس بصوت عالي: صادق
صقر: خلي عنك… خذيت تلفوني وطلعت مع رنت تلفوني طلع صلاح..
صلاح: ها صقر شخبارك يا عريس
صقر: عليك ليلة.. اكويس شخبارك انت!
صلاح: الحمدلله.. وينك
صقر: في الفيلا عليش؟
صلاح: جايك في الطريق..
صقر: تكذب صاححح
صلاح: وراس امي اقريب منك
صقر: اوووووووو بعد لك وحشه يا راجل هيا نستنى فيك.
صلاح: انا أكثر هيا.
صقر: محمد
محمد: نعم أستاذ
صقر: راح تخذني نا ومدام لي الصاله تمام
محمد: تمام
– طبعا بعد تميت بي الحاله هذي باتي جابلي سوقٌ خاص بي… شوي وسمعت صوت صلاح.
صلاح: هلاااا بي الغلاء
صقر: اوو الحمدلله على السلامه.
صلاح: الله يسلمك شخبارك وشخبار هلك.. ماشاء الله شكله عندكم فرح.. راه يقعد فرحك.
صقر بضحكه: حيوان فرح البنت الصغيره صفاء..
صلاح: ماشاء الله الف الف مبروك.
صقر : عقبالك.. المهم قولي امتى روحت من مصر وليش ما رنيت عليا.

صلاح: والله أمس كيف روحت في الليل قلت نخليه لك مفجأه.
صقر: والله اجمل مفجأه.. شخبار صحت أمك.
صلاح: الحمدلله يارب على كل حال ما روحت نين تطمنت على كل حاجه.
صقر : الحمدلله.
صلاح : شخبارك بعد الجواز متريح
صقر: نكذب عليك لو نقولك متريح.. لكن الحق بنت حلال.
صلاح: كل شئ نصيب شخبار علاجك.
صقر: الحمدلله أمس كيف كأن عندي علاج الدكتور قال في تطور لكن مليت لي أكثر من شهرين.
صلاح: متقطعش الأمل.
_____________________
– جاء وقت أن نمشوا لصاله..
أماني : هيا يا ألمى.
– أمشي انتِ صقر قال بعد نطلع نرن عليك.
هديل بضحكه: خايفه نخليك معش تجي لا انتِ لا صقر.
اماني : ههههههههههه
أريج : قصدك ممكن صقر يمشي ويسيبه
– مرديتش عليه طلع كل وحده مشت مع راجله رنيت على رتاج.
– هلا

رتاج: خيرات طلعتي
– لا مزال وانتِ
رتاج : أسمعي على ما اعتقد مش راح نقدر انجي.
– عليش
رتاج: الحيوان محمد فاتني وسياره امعاه
– خلاص اسألي باتك لو يوافق نجي ناخذك نا وصقر .
رتاج: لا منبيش نتعبك
– نزعل منك هيا اسألي توا
رتاج: اصبري خليك على الخط
– تمام… دقيقتين..
رتاج : أسمعي بابا وافق
– الحمدلله خلاص جهزي روحك بعد نوصل نرن عليك.
رتاج : تمام.
– قفلت من رتاج ورنيت على صقر.
صقر : الو
– وينك
صقر : السياره مبتش تشتغل
– يعني منقدرش نمشي
صقر : لا راح نمشوا مع صلاح
– باهي .. بس

صقر : بس شنو
– نبي نخذ رتاج
صقر : باهي تمام.. يلا اطلعي وتغطي كويس
– باهي
– طلعت جلست وراء صقر أول ما شفت السياره وصلاح جاء في بالي يوم فرحي..
– السلام عليكم
صقر وصلاح: وعليكم السلام
صلاح: كيف حالك
– الحمدلله
صقر: سوقٌ وأنت ساكت
– ضحكت وضحك صلاح
صقر: بس قبل نبي انجيوا معانا صحبتها
صلاح: وين باهي
– وصف صقر العنوان ل صلاح
صقر: رني عليها
-رنيت على رتاج شوي وانفتح الباب
رتاج: السلام عليكم
– صلاح وصقر.. وعليكم السلام
– وعليكم السلام وين الجمال هذا
رتاج: من بعدك طبعا.. المهم رايفت عليك
– وأنا أكثر
صلاح بصوت واطي: هذي مش صاحبتها الي جاءت امعاه في الفرح
صقر: اها
صلاح وعيون في مرايت السياره: اوف بس جميله.
صقر: عيب عليك يا راجل
رتاج: عليك قصه البرد هذا معكم
– اسكتي عيب
____________________

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)