رواية 30 يوم حياة 3 الفصل التاسع 9 بقلم أميرة أسامة
رواية 30 يوم حياة 3 الفصل التاسع 9 بقلم أميرة أسامة
رواية 30 يوم حياة 3 البارت التاسع
رواية 30 يوم حياة 3 الجزء التاسع
رواية 30 يوم حياة 3 الحلقة التاسعة
سعيد…يا ابني اهدي بس في حاجه مهمه لازم تعرفها امك الوقت ممنوع عنها الزياره
يوسف…ليه؟؟ يعني ايه ممنوع عنها الزياره؟؟
هي اصلا هتتحجز هنا؟؟
سعيد امك سكرها عالي يا يوسف وللاسف دخلت في غيبوبه سكر
يوسف….🥺ايه غيبوبه طب
انا عايز اشوف امي.
زين….اهدي يا يوسف امك بخير والله
يوسف…بخير ايه يا زين بيقولك دخلت في غيبوبه انا عديت عليها الصبح والله بس لقتها نايمه وكانت بتحلم بابويا…امي كانت بتخرف وسخنه وانا فاكرها بتحلم
ادهم….يوسف متخافش روحيه هتبقي بخير ويومين تلاته وتخرج معانا
يوسف….حط ايده علي راسه انا السبب انا اللي حطيت المضاد الحيوي أدامها ومعملتش حساب انها بتنسي امي لو جرالها حاجه مش هسامح نفسي
مديحه…يا ابني وحد الله يعني انت هتقصد تأذيها يا يوسف
يوسف….لا بس كان لازم اعمل حساب انها ممكن تاخد الدوا
احمد العربي …متحملش نفسك ذنب يا ابني كلنا عارفين ان عمرك ما قصرت مع امك في اي حاجه
عيسي….هتبقي زي الفل يا يوسف يا ابني
مسح يوسف دموعه محرف ايده …انا لازم ادخل لامي مشي من ادامهم
زين…استني يا يوسف
سعيد…روحوا ورا يا ولاد
دور يوسف عالدكتور اللي ماسك حالت روحيه.
يوسف….دكتور انا ابن الست اللي حضرتك مسؤول عن حالتها انا عايز اشوف امي ارجوك
الدكتور…..اطمن متقلقش هتبقي بخير هي بس محتاجه تأعد معانا كام يوم لحد ما تفوق ونقدر نظبط السكر والحراره اللي عندها
يوسف…طيب هي فين
الدكتور….نقلناها العنايه الوقت
يوسف…طب انا عايز اشوفها مش هتعبها ولا هعمل اي حاجه اشوفها بس دي ملهاش حد غيري انا ابنها الوحيد
الدكتور…بحزن علي حاله يوسف للأسف الوقت مش هينفع خالص استني حتي نظبط الاجهزه ونعلقلها المحاليل وصدقني هخليك تدخل تشوفها اديني بس شويه وقت
يوسف…حاضر بس خليني اشوفها
الدكتور….هرجعلك تاني اطمن استناني بس في الاستقبال عشان ممنوع الوقفه هنا
ادهم…تمام يا دكتور يلا يا يوسف يلا يا شباب
راح يوسف والشباب وقفوا مع الباقي في الاستقبال عدي حوالي ساعه الكل اعد قلقان يوسف ساكت خالص..
وفالوقت ده كان الكل عرف في الحاره وراحلهم عادل بسرعه
اتصلت منار بعامر تطمن علي روحيه..
منار….يعني مافقتش لحد الوقت
عامر ..بقولك في غيبوبه سكر ادعيلها انا خايف عليها اوي ويوسف صعبان عليا حالته وحشه اوي
منار….ان شاء الله هتبقي كويسه ربنا يكون في عونه يا عامر ده ملوش حد غيرها
بقولك ايه يا عامر انا هجيلكم
عامر…تيجي فين يا منار لا طبعا متجيش لوحدك وبعدين هتيجي تعملي ايه
منار…هاجي اشوفها واطمن عليها
عامر….احنا كلنا واقفين بعيد عنها محدش فينا دخلها حتي يوسف متجيش يا منار
منار…حاضر بس طمني أول باول
عامر…ان شاء الله يلا سلام الوقت
منار….سلام.
……..
طلعت منه ورحاب أعدو مع توته وكان معاها شمس اختها..
توته….ياواد اسكت بلاش زن بقي خنقتني
منه…براحه عليه يا توته هاتيه انا اشيله
توته…تشيلي ايه بس وانتي حامل كده هيتعبك انا هدخله الاوضه يلعب مع اخوه.
خبط الباب في الوقت ده
توته…افتحي يا شمس الباب
شمس..طيب…حاضر ياللي عالباب.
شمس….تعالي يا وعد
وعد…بقلق شمس هي خالتو هنا
منه…من جوه تعالي يا وعد
دخلت وعد علي طول
وعد…منه خالتو فين وزين قافل الورشه وموبايله غير متاح والمحلات كلها مقفوله في حاجه حصلت ولا ايه
توته….يابت خدي نفسك في ايه مفيش حاجه هما بخير
منه…مفيش يا وعد هما كويسين بس روحيه تعبت وهما معاها من بدري في المستشفي.
وعد….تعبت ازاي
حكتلها منه اللي حصل.
وعد….ياخبر غيبوبه ربنا يستر انا قلبي وقع بكلم زين وانا جايه في الطريق وخالتو الموبيلات غير متاح وجيت لقيت الكل قافل اترعبت
وملاقتش حد في الشقه فكرتهم هنا.
توته…اكيد الشبكه وحشه ادهم بردو مش بيجمع خالص رن جرس الباب تاني
توته….ايوه جايه اهو ياللي عالباب.
راحت فتحت لقتها منار
منار…ازيك ياتوته
توته…ازيك يا بت يا منار تعالي البنات كلهم جوه
دخلت منار معاها.
منار….عاملين ايه بابنات
رحاب…تعالي اعدي
منار…شوفتوا اللي حصل لروحيه
منه….اه والله مضايقه عشانها اوي
منار…شوفتها الصبح وزين شايلها وخارج بيها في دنيا تانيه خالص
توته…ياعيني عليكي يا يوسف متشحطط بيها علي طول
شمس…يابت مش امه هو ليه غيرها
وعد….الفكره مش في الشحططه يا توته يوسف متعلق بروحيه اوي بيعاملها علي انها بنته الصغيره بيخاف عليها اوي لما بتبقي اعده معانا بيفضل كل شويه يطمن عليها
منه…ولا لما كانت بتتوه كان بيبقي هيتجنن يا عيني
توته…ربنا يطمنه عليها يارب
منار…يارب
…………
ناريمان…يابنتي تروحي فين انتي اتجننتي
مريم….ماهو انا مش هعد هنا وهو يوسف لوحده انتي مش عارفه زمان حالته عامله ازاي الوقت
ناريمان…لا عارفه بس كمان عارفه انك تعبانه انتي عايزه يحصلك حاجه انتي ولا اللي في بطنك وتزودي همه همين
هو ناقص يا بنتي
مريم…انا رايحه يعني رايحه و يحصل اللي يحصل بقي بس مش هسيب يوسف لوحده
ناريمان…بلاش تنشيف دماغ يا مريم.
مريم…وهي بتلبس ماما انا خلاص لبست يا تيجي معايا يا تسبيني انا كده كده راحه لوحدي
ناريمان…بقله حيله امري لله بس لو حصلك حاجه انتي ولا اللي في بطنك مش هسامحك ابدا يا مريم.
مريم…انا كويسه يا ماما يلا بس بسرعه
وقفت ناريمان تهز راسها بعدم رضا و استسلمت لتنشيف دماغ مريم.
…………
في المستشفي..
اعد عامر جمب يوسف..
عامر…متزعلش مننا يا صاحبي والنبي والله الموضوع جه فجأه وكان لازم نجري بيها
يوسف…كان لازم تعرفوني يا عامر
عامر…كنا فاكرين ان الحوار مجرد شويه سخونيه وهيروحوا لحالهم مرضناش نقلقك قولنا هيظبطولها السخونيه و يكتبولها علاج ونرجع بيها علي طول منعرفش ان الحوار هيطول كده
اعد زين جمبهم…يعني كنت عايزنا نقولك وانت علي طريق وشغال يا يوسف
يوسف…كان لازم تعرفوني يا زين حتي لو امي عندها شويه برد كان لازم اعرف مكانش ينفع تخبوا عليا وتعملوا عليا الحوار ده كله ولا كان ينفع اجي الاقيكم كلكم هنا معاها وانا اخر من يعلم.كنتوا هتعملوا ابه لو امي كان جرالها حاجه يا زين كنتوا هتخبوا عليا برده ولا كنت هعرف.
زين….افهم يا يوسف
يوسف…افهم ايه يا زين اللي حصل ده مكنش ينفع يحصل حتي لو كانتوا خايفين عليا ده مش مبرر انكم تخبوا عليا تعب امي وتسبوها لوحدها من غيري
عامر….ماحنا معاها
يوسف…بس انا اللي ابنها يا عامر
زين….بطل ياض عبط وتخريف روحيه مش امك لوحدك روحيه ام كل واحد فينا كلنا بنحبها زي ما انت بتحبها ووجودك مكنش هينقص او يزود اي حاجه من اللي هنعمله عامر ساب شغله وجري انا سبت الورشه مفتوحه وجريت ادهم وهيما سابو الصاله لاحه وصالح سابو شغلهم كلنا سبنا اللي ورانا وجرينا عشانها قبل ما يكون عشانك خوفنا عليها وسبنا حالنا كله عشان خاطرها وعشان نلحقها روحيه متخصكش لوحدك يا يوسف
يوسف…بدموع بس بردو ده ميدكوش الحق انكم تخبوا عليا يا صاحبي افرض كن جرالها حاجه كنت هفضل طول حياتي شايف انكم السبب فانكم تحرموني اني اودعها واشيلها بايدي.
قام يوسف من جمبهم وبعد عنهم كلهم
عامر….هنعمل ايه يا زين
زين…متقلقش هيطمن علي روحيه وهينسي كل ده
هيما…سيبوه يا جماعه الوقت خالص
جت سهر في الوقت ده لوحدها.وهي بتمد بمجرد ما عرفت اللي حصل سابت اللي في ايدها وراحت جري علي المستشفي.
سهر….سلام عليكم ياجماعه ست روحيه عامله ايه طمنوني.
سعيد…ايه اللي جابك بس يا بنتي الوقت
سهر…ازاي بس يا حاج سعيد ده واجب.
عامر….ازيك يا سهر
سهر…بخير يا عامر …شد حيلك يا يوسف هتقوم بالسلامه ان شاء الله.
يوسف….ادعيلها يادكتوره
سهر….ان شاء الله هتبقي بخير طيب هي حالتها ايه
زين….عندها غيبوبه سكر وحرارتها عاليه خدت كميه مضادات حيويه
سعيد…بقولك ايه يابنتي بقالهم اكتر من ساعه قالوا انهم هيدخلوها العنايه ويطمنونا متعرفيش تطمنينا يا بنتي انتوا دكاتره زي بعض وهتقدري تفهميهم
عامر….سهر تخصصها ملوش دعوه بيهم يا حاج سعيد
سعيدد….يا ابني انا فاهم بس بقول هي تقدر تستفسر منهم اكتر.
سهر….اطمن يا حاج سعيد انا هروح اشوف الدكتور واشوف التقرير بتاعها وابعته لدكتور زميلي هو استشاري ودكتور كبير هو يطمنا اكتر عن حالتها
يوسف…بلهفه طيب يلا بالله عليكي
سهر…اطمن يا يوسف تعالي نروح نشوفه
راح يوسف وزين وعامر وسهر للدكتور.
………
عدت نص ساعه كمان كانت سعر اتكلمت مع الدكتور وفهمت حالتها وصورت التقرير واتصلت بالدكتور زميلها عرفته كل حاجه وبعتتله نسخه من التقرير.
سهر…لزميلها..طيب يا دكتور محمود هي ممكن تطول في الغيبوبه دي
محمود…ان شاء الله لا ممكن اي وقت تفوق بصي يا دكتوره سهر هي حالتها مش اوي وبردو مش خطر يمكن الخطر كله هو عشان سنها بس ان شاء الله هتعدي..
سهر…طيب معلش يا دكتور محمود سؤال هي المريضه عندها الزهايمر و دي غاليه عندي اوي لو في اي خطر علي حالتها قولي
محمود…مرض الزهايمر ملوش علاقه بحالتها خالص يا دكتوره اطمني وكمان بما انها غاليه عندك لو تحبي تجبيها عندي المستشفي هنا وانا اباشر حالتها بنفسي هطلب منهم حالا يجهزولك غرفه في العنايه
سهر…..ربنا يخليك يا دكتور طيب هو حضرتك شايف ان حالتها تستدعي الخطوه دي
محمود…بصي هي مش مستدعيه بصراحه انا بس عشان اطمنك لكن اللي انا هعمله الدكاتره عندك هتعمله انا عارف كذا دكتور هناك ممكن اعملك توصيه بنفسي علي حالتها انا ممكن اجيلك انا مخصوص بس انتي فاهمه الموضوع ده هيكون حساس شويه لان الدكاتره عندك ممتازين صدقيني
سهر….ربنا يطمن حضرتك يا دكتور بجد
محمود…ان شاء الله تبقي بالف خير اطمني وانا هقفل معاكي حالا وهوصي عليها توصيه حلوه
سهر…والله ما عارفه اقول لحضرتك ايه شكرا بجد يا دكتور محمود
محمود…علي ايه بس يا دكتوره ده واجبي
سهر….مع السلامه
محمود…مع السلامه..
يوسف..ايه قالك ايه
سهر قالتلهم كل اللي الدكتور قاله.
سهر..يعني متقلقش لو هو شايف ان حالتها حرجه كان قالي ولو شايف ان حالتها مستدعيه اننا ننقلها بردو كان قال هو هيوصي الوقت عليها وان شاء الله هتلاقي عنايه بيها الضعف كمان
يوسف…براحه بسيطه ربنا يخليكي يادكتوره مش عارف اقولك ايه والله
سهر…متقولش اي حاجه انت اخويا يا يوسف
عامر…الحمد لله تعبناكي ياسهر
سهر…تعب ايه بس يا عامر ميحيش بعد تعبكم ووقفتكم معايا انا معملتش اي حاجه ولو في ايدي حاجه اكبر كنت عملتها
زين…تسلمي يا رب دكتوره تعالوا طيب نروح نطمنهم
سهر…يلا.
راحوا كلهم مع بعض وبلغوهم باللي حصل واتفاجئ يوسف بمريم ووالدتها.
يوسف…ايه اللب جابك يا مريم وانتي تعبانه كده
مريم…بدموع روحيه عامله ايه
يوسف…هتبقي كويسه
ناريمان…ربنا يطمنا عليها يارب
يوسف…جبتيها ليه
ناريمان….قولتلها كتير يا يوسف صممت ونشفت دماغها ومرضيتش ابدا
يوسف…طيب اعدي يا مريم ارتاحي
مديحه…تعالي يا بنتي اعدي بلاش تقفي كده ..
بعد دقايق بسيطه جه الدكتور ياخد يوسف يشوف روحيه
راحوا معاه كلهم وقفوا ادام الاوضه
الدكتور….انا اسف يا جماعه طبعا مش هينفع كلكم تدخلوا حفاظا علي حالت المريضه بس تقدروا تشوفها من بره هنا
كانت روحيه نايمه ادامهم من الازاز نايمه علي سرير ومتوصله بسلوك في كذا جهاز وقف يوسف من بعيد وهو الدكتور بيتكلم باصص عليها وعينه كلها دموع
الدكتور….اتفضل معايا حضرتك الممرضه بس تجهزك عشان لازم تتعقم قبل ما تدخل
هز يوسف راسه وراح مع الممرضه.
ودقايق بسيطه كان يوسف جهز ودخل الاوضه ..
راح بخطوات بطيئه وقف جمبها ودموعه بتجري علي وشه..
يوسف…روحيه روحيه ام يوسف انا عارف يا اما ان انتي مش هتردي عليا بس انتي حاسه بيا وسمعاني اقولك علي سر يا روحيه عارفه يأ أما.. كل مره كنتي بتوهي فيها وتخرجي ومبقاش عارف انتي فين ولا روحتي فين ولا جرالك ايه كنت ببقي هتجنن بس وانا بجري في الشارع كنت ببقي مطمن وحاسس اني هلاقيكي رغم الخوف اللي كان بيبقي جوايا بس انهارده يا اما اول ما عرفت انك تعبتي اول مره قلبي يتقبض واخاف عليكي اوي كده..لأول مره يا روحيه اتمني انك تتوهي بس متناميش النومه اللي انتي نيماها دي..فوقي يا اما انا محتاجلك ولسه مشبعتش منك اصحي يا اما ودوخيني معاكي مش هقول تعبت جننيني زي ما انتي مجنناني علي طول ياروحيه مش هشتكي عمري عايزه تسبيني لوحدي ياروحيه هو انا عمري ضايقتك او قولت انك تعبتيني عشان تسبيني وتمشي ياروحيه…قومي عشان خاطري وبعدين مين هيرقص ويهد الدنيا في فرح زين ياروحيه..فوقي عشان انا وانتي نرقص مع بعض لحد الصبح وكمل بدموع ومش هقولك اعدي ياروحيه ولا هقولك تعبتيني والله هفضل ارقص معاكي لحد ما تقولي كفايه..تعبت طيب يا اما مش هتشوفي حفيدك انا وعدتك اني لو جبته ولد هسميه علي اسم ابويا ابراهيم ياروحيه حبيبك ..عارفه ياروحيه لما دخلت الصبح وشوفتك قبل ما اروح الشغل سمعتك بتضحكي مع ابويا قولت ياض متبقاش رخم وسيبها تحلم بحبيبها ومتبقاش عزول….بس مكنتش اعرف انك تعبانه….اوعي ياروحيه يكون ابويا كان ياخدك مني اوعي تروحيله يا اما انا مليش غيرك انا يمكن ابان مسؤول عنك وشايل همك بس انا من غيرك زي العيل الصغير انا قادر اكمل عشان انتي معايا يا اما متسبنيش يا اما فوقي ياروحيه خلينا نروح من هنا وهجبلك البسبوسه اللي انتي بتحبيها روحي معايا ياما مش هعرف انام وانتي بعيد عني انتي مش هتسبيني يا اما صح..
روحيه. روحيه فضل يوسف يعيط ومنهار وهو ماسك ايدها وهما كلهم باصين عليه من الازاز في حاله حزن كبيره والشباب بيحاولوا يدارو دموعهم
وفجأه حس يوسف بايد روحيه بتضغط علي ايده.
يوسف..بصدمه…روحيه روحيه انتي فوقتي صح انتي حاسه بيا طيب. روحيه
دكتووووووووور دكتور بسرعه
جه الدكتور والممرضين وراه بسرعه
يوسف…امي حست بيا يا دكتور والله حست بيا حسيت بايدها بتمسك ايدي
الدكتور….طيب ان شاء الله خير اتفضل بس بره هنشوفها
يوسف…امي روحيه قوليلهم انك فوقتي ياروحيه
روحيه….بتعب يوسف يوسف
يوسف….امي فاقت فاقت انا سامعك يا اما
زين راح خده هو وهيما.
هيما…تعالي يايوسف سيب الدكتور يشوفها
يوسف…امي فاق يا هيما والله انا سمعتها وحسيت بايدها
هيما….بابتسامه طيب هير الحمد لله سيبهم يشوفوا شغلهم وبطمنونا
زين…تعالي يايوسف هنا سبهم
مديحه…يارب يقومك بالسلامه ياروحيه.
عامر…الحمد لله يارب
الدكتور….ست روحيه انتي سمعاني ست روحيه ست روحيه.
روحيه…يوسف واد يايوسف
الدكتور….حمدالله علي سلامتك ياست روحيه
روحيه….انت مين
الدكتور…انا الدكتور ياست روحيه
روحيه….الف بركه انت بقيت دكتور ياواد يا يوسف
الدكتور.بابتسامه شاور ليوسف يدخل
جري عليها يوسف.
يوسف…امي انا هنا يا اما
الدكتور…فكراني انت يا سيدي الف حمدالله علي سلامتها
يوسف…الله يسلمك يا دكتور يعني هي ممكن تخرج
الدكتور…لا تخرج ايه دي حتي مش هتخرج الوقت من الرعايه خالص يوم ولا اتنين نطمن عليها اكتر الحمد لله انا فاقت الاول
يوسف…امي روحيه انتي سمعاني.
روحيه….انت مين ياواد
يوسف…بدموع وضحك يااااااه ياروحيه اخيرا انا يوسف ابنك يا روحيه
روحيه….ابني ايه ياواد انت ايش جابك لابني انا ابني دكتور
الدكتور….بضحك طبعا يا حاجه انا زي ابنك
روحيه…حاجه في عينك بدل ما تقولي يا اما مستعر من امك يا يوسف
يوسف…متاخزهاش يا دكتور معلش هي عندها زهايمر وبتنسي
الدماور…لا ابدا مفيش حاجه ربنا يخليهالك ويطمنك عليها يارب.
يوسف…بفرحه شكرا ليك يا دكتور مش عارف اقولك ايه
الدكتور…ولا اي حاجه كفايه اننا اطمنا عليها.
يوسف…ربنا يخليك يا دكتور
الدكتور…هستأذنك بس تخرج عشان اكشف عليها واطمن علي الضغط والسكر واشوف كل حاجه ماشيه طبيعيه ولا لا.
يوسف…حاضر حاضر شوف شغلك يا دكتور
خرج يوسف بسرعه.وكانه أتبدل
يوسف….امي فاقت
مريم…الحمد لله
حاج سعيد….الحمد لله الف حمد وشكر ليك يارب مبروك يا ابني
احمد العربي…حمدالله علي سلامتها يا يوسف يا ابني
ادهم….مبروك يا چو
يوسف….الحمد لله الله يبارك فيكم امي فاقت ياعامر
عامر…حضنه الحمد لله رجوعها لينا بالسلامه يا چو
صالح…وربنا تخرج بس من هنا والبوكس ده هردهولك عشره.
راح عليه يوسف حضنه حقك عليا يا صاحبي غصب عني والله
صالح…حضنه صالح بحب فداك ياض ميت بوكس انت وروحيه
زين….لا ياراجل واحنا ايه مفيش حقكم عليا
حضنه يوسف….انت عارف غلاوتك عندي انا وسطكم ببقي مطمن عليها بس غصب عني حقكم علي راسي
زين…ياض انا بهزر
عادل….انا مليش دعوه انا مكنتش اعرف
هيما…ماتهدي يا حريقه 🤨احنا مصدقنا ان هو اللي جاي يصالحنا
عادل…لا بس ان جيتو للحق هو حقه يزعل
ادهم….انت عايز ياض تضرب ما تسكت ابنك يا حاج سعيد🤨
حاج سعيد بأبتسامه…اهو ادامكم اهو اعملوا فيه الانتوا عايزينه يستاهل
عادل…بتبعني ياحاج
سعيد…انا مع الحق
يوسف…لا والله حقكم عليا يمكن اضايقت عشان مكنتش مع امي بس عارف انكم مقصرتوش معاها سبتوا كل حاجه وحريتوا وراها جميلكم ده فوق راسي العمر كله
عامر….جميل ايه يااهبل انت
نعمه….روحيه دي غاليه عند الكل يا يوسف احنا اهل وعشره عمر يا ابني
يوسف…طبعا يا خالتي
فاطمه…وجعت قلبي ياواد يا يوسف
يوسف..باس راسها ربنا مايوجع قلبك ابدا يا خالتي
مديحه…واقفه ساكته وبتعيط
يوسف….خلاص بقي يا ديحه فاقت اهي ومروقه الدكتور جوه ومبهدلاه
مديحه….خوفت عليها يا يوسف وجعت قلبي وهي رايحه في دنيا تانيه
راح يوسف طبطب عليها وباس ايدها.
يوسف….اول ما قلقت عليها كلمتك عشان عارف انها بتحبك وعارف انك بتحبيها ربنا يخليكي لينا
مديحه…ويخليكم ليا يارب..
بوسف…امسحي دموعك دي بقي دي هتصحي تروقنا اصلا
مديحه….بضحك من بين دموعها هي عاملت ايه في الدكتور صحيح
يوسف…مسخرته هتكون عملت ايه دي روحيه😂
ضحكوا كلهم واتبدل الحزن بفرحه اخيرا..
عدي كام يوم عرفت بوسي بتعب روحيه راحتلها زارتها وكانت بتحمد ربنا ان المرتين اللي راحتهم صالح مكانش موجود…اما روحيه كانت لسه الزياره ممنوعه عنها لحد ما حالتها اتحسنت تماما نقلوها اوضه عاديه..
اعدت فيها يوم كامل وتاني يوم كتبلها الدكتور علي خروج وطول المده دي يوسف مكانش بيروح الشغل ورايح جاي عليها هو والشباب طول اليوم.
راح عامر ويوسف ومديحه و فاطمه..خدوها من المستشفي…رجعت اتلمت الحاره كلها تسلم عليها لكن بهدوء مراعاه لحاله الحزن علي موت الظابط حسام
مشي الكل وفضلوا هما مع بعض.
مديحه….بالمناسبه الحلوه دي انا عزماكم بكره عندي كلكم حلاوه خروج روحيه حبيبتي من المستشفي.
😍😍😍😍😍😍
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 3)