رواية 30 يوم حياة 3 الفصل العاشر 10 بقلم أميرة أسامة
رواية 30 يوم حياة 3 الفصل العاشر 10 بقلم أميرة أسامة
رواية 30 يوم حياة 3 البارت العاشر
رواية 30 يوم حياة 3 الجزء العاشر
رواية 30 يوم حياة 3 الحلقة العاشرة
في ليله جميله مجتمع فيها كل عناصر البهجه والسعاده..
أجتمع أهل الحاره في منزل زين للأحتفال بشفاء روحيه ورجوعها تاني في وسطهم.
مديحه…كلوا ياجماعه يلا الاكل لسه بحاله
فاطمه…تسلم ايدك يا مديحه المحشي حلو اوي
مديحه…بألف هنا يا حبيبتي
سهير…تسلم ايدك يا مديحه
مديحه…ان شالله تسلمي يا سهير.
يوسف….تعبتي نفسك والله يا ديحه ايه كل الاكل ده بس
مديحه…تعب ايه بس يا يوسف هو انا عندي اغلي من روحيه دي حاجه بسيطه حلاوه خروجها من المستشفي بالسلامه ده انت متعرفش فرحتي بيها ازاي كانت واجعه قلبي وكنت مرعوبه عليها
يوسف….بص لروحيه وهي بتاكل ولا سأله في اي حد يوسف بابتسامه اه والله روحيه وجعت قلبي انا كمان
عامر…بضحك امك بريئه ياض يا يوسف ولا كأن الكلام عليها.
زين….ويارتها بتاكل زي الناس
ناريمان…هي هاديه في اكلها بطريقه ببقي نفسي اكتفها زي الاطفال وأكلها انا.
مديحه…سيبوها براحتها تاكل زي ما هي عايزه
مريم….اللكل حلو اوي يا ابله مديحه تسلم ايدك بجد
مديحه…بالف هنا يا مريم بصراحه وعد ساعدتني استغلتها يوم اجازتها.
وعد….حبيبتي يا خالتو تلميذتك
منار….برخامه وهي بتاكل ومندمجه مش اوي كده يا ابله مديحه دي فاشله ولا ليها نفس.
وعد….انا فاشله يابت امال مين اللي بيقولي بيحب البيتزا بتاعتي بيحب المكرونه بتاعتي بيحب اكله السمك بتاعتي.
منار….بحاملك وبجبر بخاطرك🤪🤪
وعد….يا سلام يا اختي يعني توجعي بطنك عشان تجامليني
منار…وهي ماليه بوئها النفس الحلوه ليها الجنه..
عادل…بصدمه جنه ايه وبتاع ايه يابت انا خايف لو أعدتي طولت جمبك شويه تاكلي دراعها
منار….بضحك اخس عليك يا عادل بتفرحها فيا
عادل…اه يا ظالمه الاكل حلو ميطلعش من ايدك
منار…نعم باماره الاطباق بتاعتي اللي بتتمسح وبعدين يا حبيبي انا خارجه من تحت ايد ست الكل يعني شيف في نفسي.
وعد…بضحك احسن احسن🤪
مديحه….انتوا علي طول ناقر ونقير كده.
فاطمه…لوعد يابت يا هبله كلي هي بترخم عليكي وتاكل انتي سايبه الاكل.
عامر….معلش بس ثانيه واحده نفس حلوه ايه اللي ليها الجنه😒😏 يابنتي انتي خلصتي طبقك ومسكتي في طبقي مشاركاني فيه ..ضحك الكل علي عامر
عادل…الله يكسفك يا مفجوعه بتاكلي اكل صاحبي.
منار…بضحك انت كمان بتفرح البت الرخمه دي فيا وبعدين يا اخويا انت باصصلي في الاكل.هو انا باكل أصلا🙄
عامر….هاااار اسود انتي كده حاسبه نفسك من الناس اللي مش أكيله وكده😳
لا معلش انا ساكتلك غولب وياريت باين ده انت تسأل اي اتنين مخطوبين بيروحوا فين وايه الاماكن اللي بيحبوها.والاماكن الحلوه بتاعت الناس المخطوبه دي. عارفها.
عادي…بضحك عارفها.
عامر…..انا وعهد الله ما اعرفها الخروج مع اختك يعني ماك يعني بيتزا يعني كنتاكي من الاخر اي اكل والسلام. وبعدين بقي ايه اقولها طب نروح مطعم حلو ينفع ناكل فيه ونأعد فيه
لا مفيش ومتحاولش تأعدك في ماك وانت متكدر سامع صوات وصريح وخبط وكلام تحس انك اعد في سوق الجمعه ماهو كله عيال بقي
منار….الله انا بحبه….
عامر…بضحك شوفت اهو حتي الشعار بتاعه مش رحماه😂😂😂😂
منار….انت بتعد عليا الاكل😒
عامر…لا مقدرش طبعا بألف هنا انا اطول تاكلي بس منكدبش وتفتري 😒
وعد ..بضحك شكلك وحش اوي😂
منار ..بس يابت بردو اكلك وحش.
وعد…طب متاكليش خلاص🙄ولا اقولك مش هتاكلي من الحلو اللي عملته🙄
زين…ايوه عشان تحرم تقول اكلك وحش تاني
منار….انت بتقوي صحبتي عليا يا زين دي اكلها قمر
عادل…متصدقيهاش ياوعد هي كل الحكايه عرفت ان في حلو
وعد…..بطيبه لا خلاص مقدرش دي صحبتي
منار….يالهوي عالكسفه اللي خدتوها قلبي يا ناس والله
منه…وانا ابه يابت
منار….انتي بلونتي😂😂
هيما…ضحك لمحته منه
منه…انت بتضحك علي شكلي🤨
هيما….انا اقدر ده انتي قمر
عامر…بضحك انا راجل في بيتي😂😂
هيما…اتلم ياض
يوسف….اهو شوفوا كل رغيكم ده وروحيه مش معاكم بتلاعب كريم واحمد وبتاكل
توته….اه مانا شيفاها اعده تأكلهم والنبي روحيه دي طيبه اوي ماسكه العيال تأكل فيهم احمد علي اخره من الاكل وكريم لسه مكمل وهي ياعيني فرحانه انهم بياكلوا منها.
يوسف….روحيه دي مفيش احن منها ابدا
روحيه….خدي يابت قربي
قربت منها توته ايه
روحيه…انتي مين
توته…انا توته
روحيه…اسمك حلو يا بت دول ولادك
توته…اه ولادي
روحيه….طيب انا اكلتهم وشبعتهم متأكليهمش تاني الوقت ينامو وترتاحي من خلقتهم😒
توته…بضحك يالهوي عالقلابه مانتي كنتي لسه طيبه معاهم حصل ايه
روحيه….وهي بتشاور علي احمد الواد ده عضني وانت بأكله😒
توته….حقك عليا انا هقطعهولك من الضرب
روحيه….بسرعه جاتك ضربه تقطعي مين يا بت هو ادك يابت
توته …ياختي انا الحق عليا قولت اجبلك حقك
روحيه…😏كسر حوقك
يوسف.بضحك بقول ايه يا اما هتأكلي ابني او بنتي لما يجوا
روحيه…بابتسامه ده انا هأكله وهحميه وانيمه في حضني مش هدهولك ولا انت ولا امه
يوسف…باس راسها يابخته بستو ❣️
روحيه….ولا يا يوسف قرب منها ياوسف وكمل بصوت واطي زيها ايوه يا اما.
روحيه….مين ياواد الراجل اللي هناك ده انا بشبه عليه.
يوسف….ده عم عيسي يا اما حمايا مش فكراه
روحيه….لا مش فكراه بس بيتهيألي اني شوفته مره
يوسف…مره واحده بس😒وجايه علي نفسك ليه ياروحيه
مديحه….معلش يا جماعه المكان ضيق
فاطمه…يا اختي ضيق فين ده بس ما كلنا اعدين اهو
حسني…هو في احسن من اللمه و الضحك والهزار والاعده علي ترابيزه واحده جمب بعض كده
خبط الباب في الوقت ده.
قامت وعد عشان تفتح.
زين…كملي اكلك انا هفتح
ابتسمتله وعد واعدت من غير ولا كلمه
فتح زين الباب..
زين…ااهلااااا بالاستاذه بوسي.
بص بسرعه صالح عليها
بوسي…ازيك يا زين
زين…الحمد لله ادخلي.
بوسي…السلام عليكم. جميعا
رد عليها الجميع تحيه السلام
مديحه…اهلا بالناس اللي مواعيدها مظبوطه عندك تأخير
بوسي….حقك عليا يا ديحه يا قمر والله الطريق وحش اوي
توته…انتي هتصديقها يا خالتي مديحه ده معروف عن بوسي انها اكتر واحده ملهاش في موضوع الوقت ده
شمس…بضحك هي متعرفش يعني ايه ساعه اصلا😂
بوسي…اتلميتوا علي بعض يا اختي انتي وهي طب والله الطريق وحش
ادهم….لا علي فكره الطريق انهارده صعب اوي
بوسي…ربنا يخليك ليا يا ادهم يا جوز اختي ياللي علي طول كاسف مراتك😂
حط صالح راسه في الطبق وهو بيعض علي سنانه بغضب وغيره
توته…كاسف مين ياللي تتكسفي انت كسفتني يا ادهم
احمد العربي اهي مسكت فيك يا سي ادهم حايل ودادي بقي
هيما…يابت ارحمي اخويا شويه يا مفتريه😒
توته….سامع اخوك هزعله😒
هيما….تزعلي مين يا ام كريم مالك فارده عضلاتك وقايمه بدور البلطجي ليه..
بوسي…اديها😂😂
توته…ام كريم في عينك لا بقولك ايه انا لا ام كريم ولا ام احمد انا اسمي توته وبس انا لسه صغيره😡
هيما…بابتسامه غيظ حاضر يا ام كريم🙄
مديحه…يابت يا سوسه انتي اعدي بقي كلي
سهير…لا ازاي لازم يسيبوا الاكل ويقفوا يهرجوا مع بعض كده
ادهم….بس يا بوسي انتي وهيما ملكوش دعوه بتوته حبيبتي.
توته…ضحكت وطلعتلهم لسانها
هيما….متفرحيش اوي كده ده عايز يخلص من زنك
احمد العربي…ياض بطل رخامه بقي
هيما…بضحك سبني عليها يا حاج دي مفتريه
توته…بصوت واطي ادهم انت بتقول كده عشان تخلص من زني 🤔
ادهم…يابت انا اقدر ده انتي الحته الشمال
توته…بفرحه وأبتسامه حب يا اختي انشالله يخليك
هيما….متفرحيش اوي كده ده بيثبتك
زين…ده انت عيل رخم
توته…خليك في حالك يا هيما بيثبتني بيثبتني راضيه وعلي قلبي زي العسل..🤨
عامر. اييييييه ايوا بقي😍 شكلك وووووحش يا هيما
هيما…بضحك طب والله انا بحب ارخم عليها بس هي عارفه غلاوتها عندي
توته…بردو شكلك وحش🤪
هيما…شايف يابا 🤨جر الشكل
احمد العربي…ملكش دعوه بتوته ياض يا هيما توته تعمل اللي هي عيزاه.
هيما….اشمعني
رحاب…ليه بقي ان شاء الله
توته…ياباي علي الغيره مالك يابت انتي كمان 🤨
رحاب….وانا قولت حاجه🙄
توته…ايوه كده
عادل…بضحك لا توته مسيطره
توته…طول عمري🤔
نعمه….والنبي انتوا اعدتكم ما يتشبعش منها والاعده من غير مناقرتكم وهزاركم مبيبقاش ليها طعم
ناريمان….عندك حق يا ست نعمه ربنا ما يحرمنا من الاعده الحلوه دي
حسني…الحمد لله
زين…ما تاكل ياعم حسني
حسني…اكل ايه تاني انا علي اخري والله
زين…اهو حاج فاروق كمان خلص
فاروق….الحمد لله اللهم دمها نعمه
زين…ما تاكل يا حاج فاروق
مديحه…الاكل مش عاجبك ولا ايه يا حاج فاروق
حاج فاروق…ده يعجب الباشا تسلم ايدك ياست ام زين ربنا يجعله عامر
حاج سعيد الف حمد وشكر يدو زين يدوم يا ام زين
مديحه…لا والله مينفعش كده كل يا حاج سعيد ميجيش بعد خيركم والله
سعيد…اكل اكتر من كده اودي الاكل فين بس
فاطمه….ده كده حاج سعيد كل كتير اول مره يطول عالاكل كده
مديحه…بألف هنا وشفا يارب.
خلص الجميع اكله ودخل البنات كلهم شالو مع بعض وظبطوا المطبخ مع وعد ومديحه
وعد….خالتوا بتسأل مين عايز شاي ومين عايز قهوه
زين…كلنا شاي يا وعد وبعد شويه نبقي نشرب قهوه
وعد…ماشي دخلت وعد تاني عالمطبخ.
توته…والله ما انتي واقفه اوعي بقس
مديحه…يابنتي روحي لعيالك انا هخلص المواعين دي في ثانيه
توته….والله مانا سايبه وبعدين العيال بيلعبوا بره مش كفايه وقفتك انتي ووعد في كل الاكل ده
وعد…طيب انا مش تعبانه اوعي هغسلهم انا
توته…يابت اسكتي بقي هجيبك من شعرك 😒 ما صدقت سكتها.
مديحه….قالولك هيشربوا ايه يا وعد
وعد…كلهم شاي يا خالتوا وشويه ويبقول يشربوا قهوه
بوسي…طيب وسعوا بقي انا اللي هعمل الشاي
مديحه…طيب تعالي ياستي
سهر…طيب انا هفضل واقفه كده مفيش اي حاجه اعملها
مديحه…تعالي يا دكتوره علبتين الحلويات دول والجاتوه اللي جيباهم بوسي فضيهم كده في الاطباق دي
وعد…وانتي ياست بوسي جبتي ليه الحلويات دي انتي عيزاهم مايكلوش من حلوياتي
بوسي….لا يا اختي انا عن نفسي هاكل من حلوياتك وبعيدن ماشاء الله احنا عددنا كبير
توته…متقلقيش يا اختي هيخلصولك اللي عملاه واللي بوسي جيباه
مديحه….بالف هنا عليهم يارب
منه….ماما انا نضفتلك الترابيزات بره انا ورحاب اعمل ايه تاني
توته…يافرحه امك بيكي لا موأخذه يا خالتي😒
منه…يابت انتي حاطه نقرك من نقرنا ليه
مديحه…بضحك دي توته عسل
توته…يالهوي والنبي مافي عسل غيرك
منه…ماما الشنك اللي فالارض دي ما تشيلوها بدل ما هي لاخمه الدنيا كده
مديحه…انا عارفه بس ايه اللي جابوه ده كله تعبوا نفسهم والله
فاطمه….تعب ايه بس ميجيش من بعد خيرك يا مديحه
مديحه….احنا فينا الكلام ده احنا اهل
توته…دي حاجات بسيطه يا خالتي يلا بقي لو سمحتم بره كلكم عشان ننضف المطبخ خدي يابت يارحاب يا طويله شيلي ورايا الاطباق دي كلها
رحاب….احتاجتيني اهو يا أوزعه
توته…اخلص بس وهعمل شعرك ده ممسحه انضف بيها المطبخ😒
شمس….يابت انتي مستقصده شعر العيال ليه
رحاب….سبيها هتروح من ربنا فين
بوسي…يابنات خد تاني عايز شاي
وعد…لا انا هشرب بيبسي
منه..وانا
رحاب..وانا
توته…كلنا بيبسي احنا ملناش في الشاي
بوسي…طيب انا هخرج اديهم الشاي
خرج بوسي حطت الشاي عالترابيزه
ادهم…تسلم ايدك
بوس…تسلم يا ادهم..بص ده الشاي بتاعك انت وزين وعادل ويوسف كلكم من غير سكر… ودول بمعلقه سكر واحده عامر وايهاب ولاحه وهيما صح كده
زين…الله ينور.
بوسي….ودول معلقتين بتوع حاج سعيد وعم احمد وعم حسني وعم عيسي وعم فاروق
ودي من غير خالص بتاعت صالح بصتله بوسي في نظره سريعه كان هو مركز معاها
احمد…تسلم ايدك يا ست البنات
بوسي…تسلم يارب ياعم احمد
روحيه….وفين الشاي بتاعي ياللي ما تتسمي
بوسي…بضحك انتي عايزه شاي والله البت وعد مقالتش
روحيه….وانتي يا اختي ما صدقتي😏
بوسي…وانا اقدر بردو يا روحيه حاضر عيني هعملك بس قوليلي احطلك سكر اد ايه
روحيه…بثقه سبع معالق سكر😒
عامر…ليييييه ما نحبلك عود قصب تحطيه في الكوبايه احسن
روحيه….اتلم يا واد
يوسف…بوسي طنشي هه قولي حاضر ومتعمليش خالص 🙄
بوسي…نهار اسود دي كانت روقتني دي جايه بالعصايه بتاعتها
يوسف…بضحك لا متخافيش بس متعمليش حاجه
روحيه…انت بتقولها ايه ياواد
يوسف…ابدا يا انا انا بقولها تعملك الشاي بسرعه
روحيه….راجل زي ابوك🤔
يوسف…شكرا يا روحيه😒
بعد دقايق بسيطه رجع الكل اعد مع بعض
سعيد….ياحسني لازم الناس كلها تتجمع وتشترك وتحل مشكله المجاري اللي بتتسد ديما دي
زين…انا شايف ان الحل بعد صلاه الجمعه تجتمع بالناس كلها وتقولهم
ادهم…فعلا زين معاه حق الكل بيبقي اجازه يوم الجمعه و بينزلوا يصلوا وده وقت مناسب وبعدين هي حاجه تخص الشارع كله ولازم الكل يتشارك فيها
عادل…اصلا لو الكل اتشارك شهرين ورا بعض الحاره دي هتبقي احلي حاره في السيده
عامر….وانا عن نفسي مني للحاره هجيب كام باسكت كبير يتوزعوا بطول الحاره عشان الكل يرمي فيهم
حسني…وانا هشارك معاك فيهم يا عامر
سعيد…ربنا يباركلك يا ابني ويباركلك يا حسني
زين….واحنا معاك في اي حاجه تخص الحاره يا حاج سعيد ان شاء الله
احمد العربي..اهم حاجه موضوع المجاري عشان لما الشتا تيجي ميحصلش زي اللي حصل في الشتا اللي فاتت العاصفه بوظت الدنيا
حاج فاروق….عندك حق واهو انان للناس كلها
سعيد…خلاص بامر الله يوم الجمعه بعد الصلاه هبلغ الناس
يوسف…بضحك وانا ليك عليا يا حاج سعيد اقف علي باب الجامع مخرجش حد خالص غير لما الكل يسمع اللي هتقوله
هيما…بضحك ابقي امسك عصايه روحيه😂😂
عامر….ياض بدل ما تمسك الباب ادخل صليلك ركعتين لله
يوسف…قوم يالا من جنبي 🤨 قوم يخربيت غبائك
ضحكوا كلهم
يوسف…عيل غبي ارسملك الصليب علي وشي😒
عامر…بضحك ياض انت بتضرب بايدك ولا برجلك.
احمد العربي….عامله ايه في شغلك يا بوسي
بوسي…الحمد لله يا عم احمد ماشي تمام ادعيلي
احمد العربي…بدعيلك والله يا بوسي
ادهم…عملتي ايه في حوار المحل
بوسي…كلمت صاحب المحل انهارده والمفروض بكره هشوفه
زين…محل ايه
بوسي….مفيش ده محل في مصر الجديده كان عندي شغل هناك وشوفته بالصدفه المحل مكان حلو اوي وهو نفسه من جوه حقيقي فظيع كنت بتكلم مع ادهم وتوته من كام يوم علي ان يعني بفكر اني اكون لوحدي يعني في اربع شهور قدرت اثبت نفسي شويه ويبقي ليا ناس بتجيلي مخصوص وبصراحه كمان صور منار وعامر عملت معايا شغل فظيع واسمي بقي عليه طلب اكتر ففكرت اني ابقي لوحدي وابتدي مشواري
زين…طيب حلو اوي لو حاسه ان الخطوه دي وقتها جه اعملي كده
احمد العربي…زين معاه حق بس لو انتي حاسه انك مش مستعده استني شويه
عادل….الاهم من كل ده تكوني عامله دراسه جدوي مظبوطه عشان تقدري تمشي شغلك صح
بوسي….بص انا مظبطه كل حاجه تقريبا هي بس الفكره عشان لسه جديده فا حاسه اني متاخده
زين…لو انتي واثقه ادخلي بقلب جامد متقلقيش
يوسف…بس محل في مصر الجديده يا بوسي بيتهيألي هيبقي تمنه ضارب في السما
بوسي…عندك حق هو معروض تمليك وايجار طبعا تمليك معدي مقدرش علي تمنه الايجار اسهل يمكن سعره بردو عالي شويه بس ممكن
عامر…معروض علي كام
بوسي…علي 15الف
يوسف…بس كتير اوي يا بوسي متنسيش انك هتجهزي المكان كله لسه
بوسي…انا معايا مبلغ مش بطال في البنك وكنت بفكر ابيع العربيه بصراحه
عامر….حرام عليكي عربيه ايه
زين…استحاله طبعا هتخسري فيها حوالي 30 الف عشان لسه عليها اقساط
احمد….متبعيش حاجه شوفي محتاجه كام وانا اديكي
ادهم….لا متشيلش هم الفلوس دي انا اتفقت خلاص مع بوسي ..ماخلاص يا لوسي قفلنا حوار الفلوس دي
فاروق….وانا كنان موجود يابت شوفي محتاجه كام وبكره يبقوا معاكي
بوسي…ربنا يخليك ياعم فاروق والله
صلاح…وانا معايا مبلغ هو اه مش كبير اوي بس يسد
صالح…كان اعد هيتجنن احاسيس كتير متلغبطه غيران ومضايق وفنفس الوقت عايز هو اللي يساعدها ويقف جمبها وخايف يتكلم تكسفه مش عارف يقول ايه.. فقرر يسمع باقي الكلام
بوسي…ربنا يخليكم ليا
سعيد…وانا كمان يا بوسي شوفي هترسي علي ايه مع الراجل ده وانا معاكي يا بنتي
بوسي….ربنا يخليك يا حاج سعيد كفايه وقفتكم معايا دي
يوسف…بس مش هينفع تقابليه لوحدك
ادهم…لوحدها ايه لا طبعا انا رايح معاها
عامر…خلاص وانا جاب معاكم معلش انا بقيت فنان بردو وليا جمهوري يمكن انزل السعر شويه
ادهم…طب والله هتنفع ياض
بوسي…بفرحه ربنا يخليك ياعامر
عادل…هتروحي تقابليه علي الساعه كام يا بوسي
بوسي….هروح علي الساعه 9 بليل ان شاء الله عشان مينفعش أستأذن من شغلي بدري عن كده
عادل…طيب كويس هكون خلصت شغلي ان شاء الله وهاجي انا كمان معاكي عشان لو خلصتوا اتفاق يبقي معاكي المحامي بتاعك مخلص كل حاجه😉😉
بوسي…بفرحه انا مش عارفه اقول ايه
سهير…قولي لا اله الا الله متسهله اهي يابت ان شاء الله ربنا هيكرمك
وعد…وانا بقي ياستي ليكي عليا اعملك احلي ديكور للمحل
بوسي….حبيبتي يا وعد🙈
وعد….لا ما انتي هتردهالي في فرحي وتخليني احلي عروسه عايزه ابقي احلي من البت منار🤪
منار…يابت اتلمي مالك ومال زفته الوقت
بوسي….طب والله يا وعد بأذن الله لو المحل خلص بسرعه قبل فرحك لا هتكوني انتي اول عروسه تخرج من البيوتي سنتر وهاخد احازه اريح فيها عشان يوم فرحك اعمل معاكي احلي شغل
منار…نعم يا ست بوسي اشمعني بقي
بوسي…يابت ما يوم فرحك انتي كمان هخليكي مزه
منار…اما نشوف وبعدين انا جاي معامي خطيبي واخويا يعني المفروض اشوف احلي شغل.
زين…ياسلام انتي جيتي في جمل طيب انا كمان رايح معاهم هي مورهاش رجاله ولا ايه بس بقولك ايه يابوسي اتوصي بوعد وبلاش منار عشان تبقي تتلامض اوي
منار…بضحك كده يا زين
عامر..اهو قلب عليكي 😂
بوسي…والله هخرجكم احلب عروستين في الدنيا
نعمه…ربنا يجعله فتحه خير عليكي يا بوسي يابنت سهير
بوسي….ربنا يخليكي ياخالتي يارب
سعيد….صحيح يا زين هنفرح بيك انت ووعد امته
زين…والله يا حاج سعيد المفروض علي العيد الكبير بس قول لوعد تشد حيلها شويه في شغل الديكور اللي بتعمله
وعد…طيب اعمل ايه هو لنا اللي شغاله بايدي
سعيد…لا شدوا حيلكم شويه العيد فاضله اقل من شهرين عايزين نفرح بيكم
وعد…لو بوسي مخلصتش المحل بسرعه هضطر اجل الفرح
زين…تأجلي ايه 🤨لا بقولك ايه مفيش تأجيل خلاص وبوسي بكره هتمضي العقد
بوسي…بضحك جادعه يا وعد سخنتيه😂😂
فاطمه…بس مش كنت شوفت شقه في الشارع هنا يازين
زين…مفيش هنا غير ادوار كلها تحت ولله يا بطوط ووعد عايزه حاجه في دور عالي وبعدين انا مش بعيد ده انا في اول الشارع يعني
ناريمان….بس ماشاء الله البيت حلو اوي
زين…بصراحه هو جميل اوي
احمد العربي…بس كويس انتوا مش بعيد بردو معانا في نفس الشارع
حسني…ربنا يكملكم علي خير يارب عقبال عامر ومنار
فاطمه…يارب نفرح بيهم هما كمان
ابتسمت منار باحراج وهي بتدعي من داخلها باليوم ده😍
………
خلص اليوم بسرعه الكل كان مبسوط وفرحان
لكن فضل صالح عقله مشغول وبيفكر ..
….عدي تاني يوم بسرعه
جهز ادهم وزين وعامر وعادل ونزلوا مع بعض عشان يروحوا يقابلوا بوسي
اتقابلوا مع بعض في الشارع ادام عربيه عامر.
كان صالح واقف وساكت
صلاح ..ايه رايحين خلاص
ادهم…اه هنمشي بقي عشان يادوب منتأخرش علي بوسي
صلاح….طيب تمام
زين…ايه ياصالح عامل ايه
صالح…بخير يا صاحبي
عادل…ايه يا شباب عاملين ايه
صالح…بخير
صلاح…كله تمام يا دولا
ادهم…طب يلا بقي احنا بدل ما نتأخر
عامر…يلا الطريق بيبقي زحمه في الوقت ده
زين…سلام يا رجاله نشوفكم لما نرجع
صلاح…ان شاء الله مستنيكم
ركبوا كلهم مع عامر وطلعوا بالعربيه…
عادل….حاسس ان صالح قافش يا شباب ولا انا بيتهيألي
عامر….فعلا واضح عليه عشان كده محبتش اتكلم
زين….مش من حقه يزعل علي فكره
ادهم….ده اللي قولته لبوسي يازين لما فتحت معايا حوار المخل وعرضت عليها اني اساعدها خافت صالح يزعل بس بصراحه انا مش شايف انه من حقه يزعل
زين….بوسي بعيدا عن موضوعها هي وصالح بنت حتتنا ومتربين سوا احنا بنقف مع الغريب مش هنقف معاها هي
ادهم…ومتنسوش ان بوسي اخت مراتي يعني مقدرش اسيبها ولا تروح تقابل الراجل لوحدها ولا ينفع تتفق ويضحك عليها ولا ينفع اعرف انها هتبيع عربيتها واسيبها
زين….لا طبعا معاك حق
عادل….عداك العيب يا ادهم هو بصراحه موقف محرج بس اللي عملناه ده الصح
عامر…هو من امبارح شكله مضايق وكان اعد طول الوقت ساكت
زين….صالح اللي عمل كده من البدايه يا عامر مدقرش اغلطه ولا اغلطها انا بالنسبالي الاتنين غلطانين بس الغلط الاكبر علي صالح
من البدايه واخد الدنيا قفش معاها وهو واثق من الاول انها مش هتوافق علي طلبه
ادهم…صالح عيبه انه مش بيعرف يسايس اموره عامل زي الدبش.
عامر…بس ان جيتو للحق هو صعبان عليا اوي
زين…صعبان علينا كلنا ياعامر خصوصا اني واثق من حب صالح لبوسي بس بردو هو غلط ايه المشكله لما يسبها تنجح وهو كمان ينجح
عادل…وبوسي بتحبه اوي علي فكره .
ادهم…انا شايف ان اللي حصل ده في مصلحتهم عشان يحسوا بقيمه بعض
زين…فعلا
عامر…طيب هنعمل ايه مع صالح هنكلمه او نقوله ان موقفنا ده طبيعي ولا ايه
ادهم…ولا هنكلمه ولا هنبررله اللي حصل ده شئ طبيعي مش هنسيب بنت حتتنا تروح تقابل حد غريب او تتفق علي رحاجه هي مش فاهمه فيها لوحدها.
عادل ..انا توقعت انه ممكن يقول هو كمان انه هيجي
زين…بالعكس انا توقعت انه هيسكت صالح كان مضايق وكان متلغبط مضايق ان بوسي لسه مكمله ومش باصه وراها ومتلغبط عشان كان نفسه يعرض اي خدمه لبوسي زي اللي عرض امبارح وخاف بوسي تكسفه
ادهم…جدع يا زين فعلا انا فكرت كده
عامر….يارب اللي بينهم ده يخلص بقي
عادل…يارب يهديهم ويرجعوا لبعض من تاني.
ادهم…سبها علي الله
بعد وقت بسيط قابلوا بوسي وطلعوا علي مكان المخل عشان يقابلوا المالك..
وفعلا وصلوا وقابلوه كان شاب واضح عليه الرقي عنده حوالي 37 سنه اتبسط بوجود عامر اتكلموا بخصوص المحل فرجهم عليه كله كان محل كل حاجه فيه مجهزه من مايه لكهربا لغاز كل حاجه متسجله..
اتفقوا علي السعر بعد مفاوضات كتير وافق بصعوبه الشاب علي 13 الف بدل 15 وكتبوا العقد مع بعض وخلص عادل كل حاجه وفضلت علي التسجيل في الشهر العقاري. سلمها المفتاح بوسي كانت طايره من الفرح خلصوا مع الشاب ومشي.
زين…مبروك يا بوسي
ادهم…مبروك يابت يابوسي
بوسي…بدموع وفرحه الله يبارك فيكم
ادهم….لا مش وقت الدموع دي خالص
عادل….ربنا يجعله فاتحه خير عليكي يارب بس بجد المحل من اول ميا تدخليه كده ماشاء الله تحسي انه مريح جدا
بوسي….فعلا عشان كده كان نفسي اخده
عامر…اي خدمه نزلتلك الفين جنيه
ادهم…اتوكس مكنتش قادر تنزل اكتر
عامر…ياعم انت شوفته قافل علي 15 وبيقول انه يعتبر هو اقل سعر في الايجارات اللي حواليه
زين…بقول ايه المحل يساوي اكتر من كده بكتير يا ادهم المفروض كان عدي العشرين اصلا ماشاء الله المحل مفيهوش غلطه يعني كويس اوي السعر اللي وصلتله
ادعم…يلا عالبركه ان شاء الله
عادل ..بكره بأذن الله هروح اسجل الورق كله وبعدين ابقي قابليه انتي وادهم اديله فلوس التأمين والايجار
بوسي….ان شاء الله تعبتكم معايا والله مش لاقيه اي كلام اقوله
زين…عين يابوسي انتي اختنا متقوليش كده
عادل….اهو قالك اهو يا ستي
بوسي ….انا مبسوطه اوي 😍
عامر….عقبال الافتتاح يارب وتحيه مني ليكي هعملك احلي شغل دعايه وهسيطك يابوسي
بوسي…..كمان دعايه لا كده كتير عليا
ادهم…تستاهلي كل خير يا بوسي…يلا بقي اقفلي محلك بايدك ياستي ويلا عشان نروح اختك هتنفخنا..
عامر….يلا يا بوسي عشان ادهم راجل في بيته😂😂😂
ادهم…امشي ابو شكلك يا شيخ
خرجوا من المحل راحوا عالعربيات
عادل…يلا بوسي اطلعي انتي ادامنا واحنا هنمشي وراكي
بوسي…طيب تمام
راحت بوسي بفرحه علي عربيتها وهي ماسكه المفتاح وحاسه انها طايره من السعاده.
بعد وقت بسيط وصلوا الشارع…
وفجأه😁😁😁😁
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 3)