رواية الصفقة الفصل الرابع 4 بقلم مريم خالد
رواية الصفقة الفصل الرابع 4 بقلم مريم خالد
رواية الصفقة البارت الرابع
رواية الصفقة الجزء الرابع
رواية الصفقة الحلقة الرابعة
شادو:انت اتجننت؟!!!… انت سامع نفسك.. انا مستحيل اوافق.. يبني اتخطبلك ايه.. دانا اتخطب للسواق ومتخطبلكش
يونس: انتي ليه محسساني اني بتحايل عليكي مثلا.. هو انا بقولك مبنامش الليل من حبك؟!!… دي لعبة.. كدا وكدا يعني… انا هخلص من زن سارة وانتي هتخلصي حوارك مع الشركة الاجنبية… قولتي ايه؟!
شادو: طبعا لا… يونس.. شوفلك حد غيري.. ومتقلقش مش هقول لسارة حاجة. انا كدا كدا مبطيقهاش
يونس:غريبة.. اول مرة اعرف انك مبتحبيهاش
شادو: عادي بس هي مواقفها مبتعجبنيش..وبعدين هي اللي بتكرهني اصلا
يونس: عالعموم هسيبك تفكري
شادو: يونس.. متديش لنفسك امل… انسى..
-في اوضة شادو-
شادو: الوو… ايوا يا داليا
داليا: ايه يا بنتي الشبكة بتقطع ليه كدا
شادو : الشبكة في اوضتي وحشة استني هطلع اكلمك من البلكونة.. ها كدا كويس؟!
داليا : ايوا كويس
شادو:طيب تمام.. ها ردوا عليكي؟!
داليا:ايوا.. وللاسف رفضوا تاجيل المعاد.. ومصممين على الالتزام بالعقد وتطبيق شروطه او دفع الشرط الجزائي
شادو:اوووف…. وبعدين بقااا… هعمل ايه دلوقتي؟!
يونس:توافقي عالعرض بتاعي طبعا.
شادو:انت بتعمل ايه هنا
يونس:واقف فبلكونة اوضتي ..
شادو:هو انت كمان اوضتك جمب اوضتي
يونس:اخلصي… هتوافقي ولا لا
شادو:عن اذنك
-بتدخل شادو الاوضة-
داليا: هو في ايه… هو دا صوت يونس ولا انا بيتهيألي؟!!
شادو:ايوا صوت يونس الزفت
يونس:سامعك على فكرة…
شادو:بقولك ايه يا داليا اقفلي دلوقتي وانا هفهمك بعدين
-بتخرج شادو للبكونة-
شادو:اسمع.. انا هوافق.. بس بشرطين!
يونس:ايه هما؟!
شادو:الاول انت عارفه… المحصول يبقى بتاعي..
يونس:والتاني؟!
شادو:ان الخطوبة محدش يعرف بيها غير عيلتنا وبس.. وبرا البيت دا انا معرفكش.. انت مجرد ابن عمي اللدود زي ما انت
يونس : هيبقى جميل مش هنسهولك… انا فعلا اخاف على سمعتي لو حد عرف اني خطبتك
شادو:والله؟!! ليه ان شاء الله؟! ناقصة ايد ولا رجل؟!!
يونس:لا بس معقدة… كل الناس اللي يعرفوكي عارفين انك مكلكعة ومبتحبيش حد يقرب منك.. حتى عمرنا ما سمعنا انك اتخطبتي ولا في حد جه قرا فاتحة ولا دعا عليكي حتى
شادو:.. فعلا عندك حق.. عن اذنك
-بتدخل شادو الاوضة وبتدمع من الحزن من الكلام اللي سمعته وهي بتفكر هو يونس فعلا عنده حق ولا لا-
-يونس في نفس الوقت بيحس انه ضايق شادو بالكلام وبيحس انه مينفعش يضايقها دلوقتي لانه مصدق وافقت عالخطة بتاعته.. فبيقرر يروحلها ويعتذر-
يونس:ممكن ادخل؟!
شادو:لا
يونس:شادو… انا آسف.. مكانش قصدي.. بس انتي عارفة انا متعود ارخم عليكي.. بس انا بعترف اني زودتها.. حقك عليا
-بتفتح شادو باب الاوضة-
شادو:انت اهبل؟!!… انت فاكر الكلمتين دول من واحد زيك هيضايقوني؟!
يونس:ايه واحد زيي دي؟!
شادو:.واحد زيك.. اناني ومغرور… مبتفكرش غير في نفسك
يونس:جايز يكون عندك حق.. لمرة تانية انا اسف
شادو:استنى… يوووه… انا اسفة…. انا كمان دلوقتي بوظت الدنيا
يونس:ولا يهمك.. كدا خالصين
شادو:طيب… انت بما انك وافقت على شروطي.. انا موافقة … بس قولي.. حد يعرف اننا بنلعب اللعبة دي؟!
يونس:ديما بس.. ليه؟!
شادو:يعني عشان اعرف اتعامل اني خطيبتك قدام مين!
يونس:عندك حق.. انا مش هستحمل جو التلزيق دا 24 ساعة برضو
شادو:والله انا مش هستحمله خالص.. احنا هنتعامل عادي قدام الكل.. وقدام سارة بالذات هنتعامل احسن شوية.. لحد ما تحل عنك.. وساعتها انت توفي بوعدك وتديني المحصول… وهي كدا كدا مش هتستحمل وهتمشي على طول
يونس:يا ريت والله عشان انا معرفش هستحمل قد ايه
شادو:هو انت يبني مختل؟!!.. انت اللي كنت هتبوس ايدي عشان اوافق وفالاخر تقول مش هتقدر تستحمل؟!.. خلاص بلاش خالص
يونس:خلاص خلاص.. انا اسف
شادو: هزود شرط تالت… انت هتعاملني باحترام قدام الناس و واحنا لوحدنا كمان
يونس:والله؟!!… حاضر.. عايزة حاجة تانية
شادو:no… لو عوزت هقولك.. يلا روح اوضتك
يونس وهو بيعض على سنانه من الغيظ:…. حاضر
-بتطلع شادو البلكونة-
شادو:ايوا يا داليا
داليا:ايه يبنتي؟؟! في ايه بيدور عندك؟!
شادو:انا ويونس هنتخطب
داليا:نعم؟!!!
شادو:متتخضيش كدا.. دا تمثيل وقصاد دا هيديني المحصول عشان اخلص ال deal
داليا:وهو هيستفاد ايه؟!
شادو:لا دي حكاية طويلة هبقى احكيهالك لما تيجي بكرة
داليا:ايه دا هو انا هاجي؟!
شادو:ايوا انتي ومراد كمان
داليا :ليه؟!
شادو:بصراحة مش متطمنة ليونس… خايفة يغدر بيا بعد ما انفذله اللي هو عايزه.. فا عايزاكي انتي ومراد تيجوا… هكلمكوا لما هو ينزل…هتجولي هنا بعيد عن الشركة اللي مليانة جواسيسه.. وتشوفولي اي حاجة اقدر احفظ بيها حقي
داليا:خلاص.. ماشي.. هستنى منك مكالمة بكرة… باي
شادو:باي
يونس:كدا يا شوشو… بتشكي فيا… مكانش العشم
شادو:انت مش هتبطل تتصنت ولا ايه؟!
يونس:انتي اللي صوتك عالي… على فكره.. انا مبحبش الصوت العالي
شادو: طب كويس طلع بينا حاجات مشتركة… انت بتكره الصوت العالي.. وانا بكرهك.. لا كدا اتطمنت
يونس:لا بقولك ايه… من هنا ورايح لازم تمسكي لسانك شوية… انا هبقى خطيبك والمفروض اننا بنحب بعض… فياريت يعني نخف دبش عشان الناس تصدق
شادو:انا عارفة من الاول ان الحكاية دي هتقرفني… بص انت اللي ليك عندي معاملتي ليك قدام الناس… غير كدا متكلمنيش… وبعدين متقوليش شوشو دي.. انا بكرهها
يونس:موافق.. وانتي كمان متقوليش يا يويو… تحبي اقولك ايه…
شادو:اصحابي بيقولوا ديشا
يونس:ايه الاسم دا… طب والله شوشو احلى عالاقل بناتي.. انما ديشا دا اسم واحد صاحبي اسمه احمد درويش وبندلعه ديشا
شادو:ششششش خلاص كرهتني في الاسم… قول اللي تقوله… وانت عايزني اندهك ب ايه؟!
يونس:لا انا مبحبش الدلع.. بحب اسمي عادي
شادو:احسن برضو
يونس:طيب.. اسيبك انا بقا عشان لو هتتكلمي مع اصحابك عليا تاني
شادو: يربي عالرخااامة
-بالليل عالعشا.. –
صالح:سفرة دايمة يا حجة
خديجة:الف هنا وشفا.. ربنا ما يحرمنا من لمتنا دي ابدا
فؤاد:لمتنا دي كانت حلوة قبل ما ناس معينة تشرف
سلوى :فؤاد.. مينفعش كدا
فريال:سيبيه يا سلوى… اخويا وانا عارفاه.. من ساعة ما شافني وهو في كلمتين محشورين في زوره عايز يقولهم.. اتفضل سامعاك
فاروق :خلاص يا فريال بقى.. بلاش مشاكل
فؤاد:لا يا فاروق… هي عندها حق… انا مش طايقك يا فريال.. لا انتي ولا بنتك… بنتك اللي كسرت قلب ابني..
سارة:لا يا خالو… انا مليش ذنب… يونس اللي سابني.. هو اللي قرر انه يسيبني لاني وافقت عالشغل اللي اتعرض عليا
فؤاد :والخطوبة…؟!!!
سارة:كنت مجروحة ساعتها.. و.. و.. ومكنتش عارفة اخد قرار مظبوط… ورامي لما اتقدملي كنت فلحظة ضعف.. فوافقت
فؤاد:وافقتي فلحظة ضعف… وبسببك ابني مش عارف يعيش حياة طبيعية وفاقد الثقة فكل البنات
يونس:من فضلك يا بابا… الكلام دا مش حقيقي…. انا بحب.. وقررت اني اتقدملها
سلوى:بجد يا حبيبي
يونس:ايوا…
فؤاد:مين دي بقى سعيدة الحظ؟!
خديجة:حلوة يا يونس؟!
يونس:ايوا… كلكوا عارفينها
فؤاد:متخلص يبني وتقول مين.. احنا هنتحايل عليك؟!
يونس:.. عمو فاروق… تسمحلي اطلب ايد شادو؟!
فاروق:نعم…. لا طبعا… مستحيل
يتبع …..
لقراءة الفصل التالي : اضغط هنا
لقراءة جميع فصول الرواية اضغط على (رواية الصفقة)