رواية أميرتي الصغيرة الفصل الثاني 2 بقلم نجلاء

رواية أميرتي الصغيرة الفصل الثاني 2 بقلم نجلاء

رواية أميرتي الصغيرة البارت الثاني

رواية أميرتي الصغيرة الجزء الثاني

رواية أميرتي الصغيرة الحلقة الثانية

هنا :الصراحه كدا ي بني انت عارف ان هنا متعلقه بيك جامد بعد اهلها الله يرحمهم فهي خايفه بس انك لما تخطب تبعد عنها لكن هي فرحنالك جامد وكويسه مفيش حاجه
زين : لا طبعا يا تيتا رنا دي حته مني انتي عارفه اني بعتبرها اكتر من اختي استحاله ابيعها علشان خاطر حد مهما كان
هنا : واثقه فيك ي بني ومتاكده انك الوحيد اللي هتقدر تحافظ عليها
زين : اميرتنا الحلوه جات اهي
رنا : مش كنت تسيبني ارتاح انا وروحت انت وخطيبتك
زين : مقدرش اشارك الفرحه دي مع حد غير لما يكون نصي التاني
هنا : يلا علشان تفطروا
زين : لا لا نفطر اي دا احنا اتاخرنا اوي هنفطر احنا بره بقا
هنا : يعني هتسيبوني افطر لوحدي
زين : معلش بقا ي جميل تتعوض مره تانيه
نزل زين ورنا وهي قلبها واجعنا وبتحاول تسيطر علي مشاعرها واعصابها علشان خاطر متزعلش زين وتضيع فرحته زي ما جدتها قالتلها ….
زين : قوليلي بقا الحلوه زعلانه من اي
رنا : مش زعلانه تعبانه شويه
زين : مقالولكيش ف الحضانه ان الكذاب بيروح النار ولا اي
ابتسمت رنا من طريقه زين اللي عامله زي الاطفال…”)
زين : شوفتي الدنيا بتنور ازاي لما بتضحكي ، بص ي رنا ي حبيبتي انتي بجد اغلي حاجه ف دنيتي لا انتي دنيتي كلها بجد واكتر من اختي اعتقد لو كان ليا اخت مكنتش هحبها واخاف عليها كدا وبدعي ربنا دايما ان نفضل مع بعض طول العمر بس لازم نكون فاهمين ان كل واحد فينا هيكون ليه حياته الخاصه انتي هتتجوزي وانا هتجوز عارف ان الموضوع صعب شويه علشان متعوده ان محدش يشاركك فيا بس صدقيني غلاوتك ف قلبي عمرها ما هتقل حتي لو اتجوزت وخلفت انتي بنتي ي هبله انتي وحياتي مش هتكمل غير بيكي
رنا والدموع ف عيونها : اكيد
زين : الدموع دي بقا مش عاوز اشوفها تاني بدل ما احلف مفيش ايس كريم تاني
رنا : حاضر
زين : يلا وصلنا
نزلت رنا وزين وزين كالعاده بيمشي قدام رنا وهما بيعدو الطريق لانها بتخاف من العربيات ودخلو محل البدل …”)
زين: اي رايك ف البدله دي
رنا : لا دي …..
زين : ثواني روان بترن ، الو ايوا ي حبيبتي انا بجيب البدله اهو
روان : اي دا من غيري
زين : سيبتك قولت انتي اكيد مشغوله
روان : طب في شويه حاجات لازم نجيبهم سوا فهجيلك محل البدل نختار البدله مع بعض وبعد كدا نروح نجيب الطلبات الباقيه
زين : اتفقنا ، خدي بالك من نفسك بقا ومتتاخريش
رنا : في حاجه ولا اي
زين : لا روان بس جايه تختار معايا البدله علشان عاوزانا نروح بعد كدا نجيب شويه طلبات
رنا : طب سيبني امشي انا بقا علشان مش قادره وكدا كدا روان معاك اهي
زين : ينفع تسيبي اخوكي ف وقت زي دا ، اهون عليكي يعني
رنا : بس تاكلني ايس كريم بعد ما نخلص
زين : بس كدا عيوني يا ست البنات
دخلت روان واتفاجئت جدا من وجود رنا وغارت لان زين قبل حكالها عن رنا وغارت منها علشان حست انها قريبه منه عنها …”)
زين : اخيرا وصلتي ، دي رنا يا ست اختي وكل حاجه ليا في الدنيا حكيتلك عليها قبل كدا ، رنا دي روان خطيبتي وهتبقا زي اختك ان شاء الله

رنا مدت ايدها علشان تسلم علي روان: ازيك يا روان عامله اي
روان من غير ما ترد علي رنا ولا تسلم عليها : مقولتليش يعني انك معاك حد
رنا زعلت ولفت وشها وعملت نفسها بتتفرج علي البدل علشان متعيطش قدام زين…..
زين : اي يا روان الاسلوب دا مينفعش تعملي كدا في اول مقابله ليكم
روان : دا بدل ما تتاسفلي المفروض يا استاذ انا اللي اكون معاك في يوم زي دا مش السنيوره
زين : انا مش هتكلم علشان نعدي اليوم اللي باين من اوله دا
مشي زين وراح لرنا واتكلم معاها علشان ميزعلهاش ….
زين : اي الجميل اختارلي بدله ولا لسه
رنا : دي جميله اووي ومتاكده انها هتكون جامده عليك
روان بقرف : يععع اي القرف دا زوقك بلدي اوي ، لا طبعا دي ي حبيبي هتكون جامده اوي مش القرف اللي ف ايدك دا
رنا زعلت من اسلوب روان وخدت شنطها وكانت هتمشي بس زين مسك ايدها …
زين : انتي رايحه فين مش هتمشي طبعا واكيد دي البدله اللي هاخدها ، اما انتي يا روان ف كلامنا بعدين والبدله عاجباني ودا زوقي لو شايفاه بلدي او مش عاجبك ف دا شئ يرجعلك انا اللي هلبس مش انتي
سكتت روان واتكادت من اللي حصل ….”)
رنا بزعل : خلاص يا زين مش عاوزه اعملكم مشاكل اختارو مع بعض وانا هستناكم علي الكرسي هنا علشان مش قادره اقف
زين : لا خلاص هناخد دي مش هنختار حاجه تانيه
اشتري زين البدله وحاسب وطلعو من المحل وهو مدايق من اسلوب روان وحاسس انه اختار غلط بس عدا الموقف علشان ميحصلش مشاكل ورنا تزعل وتحس انها اللي عملت مشاكل بينهم
روان : كدا خلصنا يلا علشان توصلني وعلشان بابا عاوزك في موضوع
زين : هناكل الاول علشان رنا مفطرتش. وهناكل ايس كريم واوصلها وبعدين اوصلك
روان ب كهن : بس انا تعبت اووي ومش هقدر نلف اكتر من كدا
رنا : زين انا صحبتي بعتتلي ماسدج انها هتجيلي ناكل سوا ونتمشي شويه فهستناها في الكافي دا
زين : طب يا قمر متتاخريش وكلميني اول ما توصلي او رني عليا اجيلك اوصلك
رنا : حاضر
روان بغيظ : يلا يا حبيبي اتاخرنا
ركبت روان وزين العربيه وزين مش طايق يتكلم معاها …….”)
روان : حبيبي عاوزه فون جديد وعاوزه اجيب عربيه علشان بتبهدل في المواصلات وانت رايحه الكليه
زين : بس انتي عارفه اني مضغوط الفتره دي علشان تجهيزات البيت والفرح
روان : بس من حقي انك تجيبلي هدايا وانا نفسي تجيبلي الحاجات دي
زين : وصلنا يا روان انزلي ونتكلم بعدين
روان : مش هتيجي تسلم ع بابا وماما
زين : يوم تاني علشان رايح مشوار
نزلت روان بتكبر ومشي زين ب العربيه وهو مدايق وعمال يفكر وحاسس ان مش دي الشخص المناسب ليه وانه اختار غلط في نفس اللحظه وفي مكان تاني رنا اللي كذبت علي زين وقالتله ان صاحبتها جايه علشان خطيبته متزعلش منه وركبت تاكسي ورجعت البيت وهي زعلانه ومش قادره تبطل عياط…”)
هنا : يالهوي مالك في اي بتعيطي جامد كدا لي
رنا حضنت جدتها وهي مش قادره تتكلم …
هنا : اهدي يا حبيبتي اهدي ياريتني ما خليتك تروحي حقك عليا يا عيوني بس اهدي مش قادره اشوفك بتعيطي كدا
رنا بعياط : تيتا انا موافقه علي سليم
هنا : ازاي بس واي اللي حصل خلاكي توافقي فجأة كدا
رنا : مفيش يا تيتا بس خلاص لازم افكر في نفسي شويه واشوف مستقبلي وخلاص زين ربنا يوفقه
هنا مش مفتنعه بكلام رنا وعارفه انها موافقه بس علشان تشغل نفسها عن زين بس في نفس الوقت هنا وافقت علشان عارفه ان سليم هيقدر يسعد رنا ويكون كويس معاها…
هنا : ربنا يوفقك يا حبيبتي ويسعد قلبك
في بيت زين …”)
منال : مالك حاساك مش مبسوط لي
زين : مش عارف ياماما حاسس اني مش مرتاح وحاسس اني اتسرعت في خطوبتي من روان حاسس ان اللي كان عندي دا اعجاب مش اكتر

منال : اي اللي خلاك تفكر في كدا دلوقت بعد ما بقت خطيبتك خلاص
زين : مش عارف يا ماما مش حاسس معاها باي مشاعر ، هو ينفع الصحاب يحبو بعض ؟
منال : اه ينفع طالما مشاعر الاتنين اتغيرت من صداقه لمشاعر حب عادي
زين : طب ازاي الواحد يعرف انه مشاعره اتغيرت
منال : لما يحس انه عاوز يشارك معاه كل حاجه وانه بيغير عليه وميقدرش يستغني عنه، لما يحس ان حياته من غيره ملهاش اي معني يحس ان هو بينور حياته كدا ونفسه يشوفه دايما ويتكلم معاه ويبقا قادر يغير نفسه علشانه
بدأ زين يتخيل كل حاجه مع رنا ويفتكر كلامهم مع بعض وغيرتهم علي بعض واتخيلها في كل حاجه مامته قالتها …..
زين : الو
رنا : ايوا يا زين
زين : اي دا دا احنا بطلنا نقول توينزي والكلام الحلو دا
رنا : خطيبتك تقولك بقا ، المهم عاوزه اقولك حاجه
زين : قوليلي حاجات
رنا : انا هتخطب
زين بصدمه : انتي بتقولي اي
رنا : وافقت علي سليم اللي قولتلك عليه قبل كدا كويس وبيحبني وتيتا موافقه ف انا كمان وافقت
زين : بس ….طيب خلاص المهم تكوني مبسوطه
رنا : ان شاء الله
قفل زين مع رنا المكالمه وهو حاسس ان مشاعره متلغبطه وزعلان ان رنا هتتخطب وبيتمني ان دا يكون حلم …
زين ل نفسه : هو معقول انا بحبها انا لي زعلت كدا مش المفروض ان كل واحد ليه حياته الخاصه وكل واحد هيتجوز مش دا الكلام اللي اقنعتها بيه ،دلوقت لي انا زعلان كدا
ياتري زين بيحب رنا بجد ، طب وخطيبته ، طب ياتري رنا هتتخطب وهتبعد عنه ….

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية أميرتي الصغيرة)