رواية صدفة غيرت حياتي الفصل الثاني 2 بقلم نشوه عادل

رواية صدفة غيرت حياتي الفصل الثاني 2 بقلم نشوه عادل

رواية صدفة غيرت حياتي البارت الثاني

رواية صدفة غيرت حياتي الجزء الثاني

رواية صدفة غيرت حياتي الحلقة الثانية

اتكلم كريم بحزن: لان كنزى ماتت واللى بيموت مبيرجعش للحياة تانى ابدا ي ميرال
ميرال: لا حول ولا قوة الا بالله ماتت ازاى وانت عرفت منين؟!
كريم: الشخص اللى اتجوزته طلع ع خلاف مع العصابة اللى شغال معاها وهما قدروا يوصلوا لشقتهم ودخلوا عليهم ضربوهم بالرصاص جوة الشقة وطبعا الشرطة عرفت كنزى وكلمونى عشان اروح استلم الجثة وادفنها وانا دفنتها بايدى بس مكنش عندى جرأة انى اقول حاجة زى دى لعمى ومراته واكسر قلبهم وخاطرهم مرتين
ميرال: ايوة بس دى واحدة سايبة اهلها من سنتين اثنين بس يعنى مش معقول ميقدروش يميزوا ما بين بنتهم الحقيقية والشبيهة بتاعتها!
كريم: متخافيش انا معاكى هعرفك كل حاجة عن حيات كنزى من الالف للياء اسلوبها وكلامها ومشيتها ولبسها و………..
ميرال: لا اهدى ع نفسك كده لبسها ايه دى كانت بتلبس كات وبناطيل وانا مبلبسش كده انا محجبة وهى كانت بشعرها
كريم: عادى ممكن تقولى ان بعد اللى حصل انتى التزمتى بالحجاب وحبيتى تقربى من ربنا وعموما ده هيسعدهم جدا لانهم كان نفسهم ان بنتهم تتحجب
ميرال: طب واهلى؟
كريم: تانى هتقوليلى اهلك متخافيش انا هتصرف
ميرال: هتعمل ايه يعنى؟

كريم: هخليكى ميتة ف نظرهم
ميرال بصدمة: ايه😳 هتقتلنى 😳
كريم: يخربيت الذكاء اكيد لا طبعا انتى هتكلميهم وتقوليلهم انك اتجوزتى وهتسافرى برة مصر مع جوزك وهتتنازلى عن البيت ليهم وبس كده
ميرال بحزن: بس البيت ده الحاجة الوحيدة اللى فاضلة ليا من ريحة بابا وماما
كريم: معليش صدقينى هعوضك بالاحسن ها قوليلى ايه قرارك النهائى؟ وتأكدى انى هكون معاكى مهما كانت رغبتك سواء وافقتى او رفضتى
غمضت ميرال عيونها بقلة حيلة وافتكرت انها ملهاش حد لا اهل يحبوها ويفتقدوها وتفتقدهم ولا حبيب ولا اصحاب فتحت عيونها واتنهدت بخنقة وقالت: موافقة
ارتسمت الابتسامة ع وش كريم وقال: الحمدلله انا متشكر ليكى جدا
ميرال: ممكن سؤال؟
كريم: اكيد اتفضلى
ميرال: انت شوفتنى فين وازاى عرفت عنى كل الحاجات دى!
ابتسم كريم وفكها وقعد قصادها: شوفتك صدفة وانتى خارجة من المصنع اللى كنتى شغالة فيه ورايحة تركبى الباص وتروحى وكنت انا ساعتها جاى اخلص صفقة مع صاحب المصنع ولما شوفتك حرفيا اتصدمت وفكرتك كنزى مشيت وراكى لحد البيت وليا واحد صاحبى ظابط طلبت منه يجمعلى معلومات عن حياتك الشخصية وهو كتر الف خيره جابلى كل المعلومات دى ف اقل من اسبوع

ميرال: وملقتش طريقة احقر من دى تجيبنى وتتكلم معايا بيها😒
ضحك كريم بشكل هستيرى ووشه احمر وتاهت ميرال ف ضحكته اللى خطفتها للوهلة الاولى وقال: ما انا عارف انك قوية ولمضة ومش هتقبلى تسمعينى ومكنش ادامى حل تانى الا ده
ميرال: ماشى ي استاذ قمر
كريم: استاذ ايه؟!
ميرال بخجل: احم كريم
كريم عمل نفسه مش واخد باله وقال: طيب انا هقوم اروح عشان اكيد عمى قالب عليا الدنيا واه عندك هنا هدوم ممكن تغيرى وفى التلاجة اكل وعصاير وكل حاجة انتى عايزاها
ميرال: بس انا بخاف انام لوحدى ف الشقة🥺
كريم: انتى بتخافى ده انتى تخوفى بلد قال بتخاف قال سلام😂
نزل كريم وقابل فخر والرجالة اللى معاه وقاله: بقولك ي فخر خلى حد من الرجالة يفضل هنا عشان لو حاولت تهرب او عازت حاجة وحاسب الباقى
فخر: اوامرك ي كريم بيه
كريم: وحسك عينك ي فخر حد يعرف باللى حصل ده
فخر: عيب عليك ي ريس سرك ف بير
ركب كريم عربيته متجه لفيلا العوامرى ف الزمالك وهو ف الطريق جاله اتصال من رقم خاص
كريم: الو ……. الو ما ترد ي حيوان
…………… :والله عال ي كريم بيه بتقول لابوك ي حيوان
كريم بغضب مكتوم: يحيى باشا بنفسه بيكلمنى هو انت لسه فاكر ان ليك ابن تسأل عليه وبعدين انت جيبت رقمى منين؟
يحيى: احترم نفسك وانت بتكلمنى ي ولد ومتنساش انى ابوك
كريم: هه ابويا ايه دليلك؟

يحيى: يعنى ايه ي ولد؟!
كريم: يعنى مفيش حاجة بتجمع بينى وبينك غير ان اسمك بعد اسمى ف البطاقة لكن مفيش ما بينا لا ابوة ولا بنوة
يحيى: ما شاء الله واضح انك طالع نسخة من عمك يونس واخد منه نفس الطباع
كريم: يارتنى اكون ذرة من عمى ف احترامه واخلاقه وحب الناس ليه مش زيك
يحيى: قصر الكلام ابعتلى فلوس محتاجهم ضرورى
كريم: فلوس …. فلوس ايه اللى بتتكلم عليها هو انت تكلمنى كل سنة مرة من رقم خاص تقولى ابعتلى فلوس وبعدها تختفى انا مش هبعتلك حاجة واقولك انا هكسر ام الخط ده خالص سلام ي يحيى باشا
قفل كريم الخط من قبل ما يرد عليه يحيى وكان بيدمع والدموع قلب ببكاء حار ركن ع جنب وسند راسه ع الكرسى وكمل عياطه بصمت وهو بيفتكر امه اللى ماتت بحسرتها بعد ما عرفت بخيانة ابوه ليها وكان كريم وقتها عمره 18 سنة طلع منديل ومسح دموعه وهو بيمسح شاف حاجة ف ايده وابتسم وكانت عضة ميرال وفى نفسه: مجنونة والله مش عارف هكمل معاها ازاى دى😂😂
بعد ما هدى كمل طريقه للبيت واول ما وصل وفتحتله الدادة
كريم: مساء الفل ع عيونك ي احلى زهرة
زهرة: انت فين ي ابنى من الصبح عمك قالب الدنيا عليك ولا راضى ياكل ولا يشرب
كريم: ي خبر ابيض مأخدش علاجه
زهرة: لا
كريم: طيب هو فين؟!
زهرة: ف المكتب مستنيك
كريم: طيب جهزى العشا وهاتى العلاج وحصلينى ع المكتب
زهرة: من عنيا ي ابنى

دخل كريم ع عمه يونس ف غرفة المكتب وكان رايح جاى بالكرسى ف عصبية واول ما شاف كريم ………………..
نيهاهاهاهاهااااااا البارت خلص ي قمراتى قبل اى حاجة كده حابة اشكركم من قلبى ع التفاعل الجميل اللى شوفته ع البارت اللى فات حقيقى لسانى عاجز عن الشكر اتمنى يفضل التفاعل ع الرواية بنفس الاقبال والتحفيز😍
البارت الجاى ان شاء الله هيكون فيه اجابات لكل الاسئلة اللى بدماغكم واللى مش فيها 🤍
******ولسه الجاى دمار بحروف وكلمات من نار 🔥******

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفة غيرت حياتي)