رواية قلوب ضائعة الفصل الثالث 3 بقلم نور أشرف

رواية قلوب ضائعة الفصل الثالث 3 بقلم نور أشرف

رواية قلوب ضائعة البارت الثالث

رواية قلوب ضائعة الجزء الثالث

رواية قلوب ضائعة الحلقة الثالثة

كانت كل حاجه ماشيه تمام وكنت بدأت احب عمرو والحياه كانت مستقره لحد ما جه اليوم اللى قلب كل موازين حياتى
كنت قاعده فى بيتى وكانت ماما قاعده معايا لحد ما الباب خبط
رحمه:هقوم اشوف اللى على الباب
والدتها:قومى يا بنتى
قمت فتحت الباب وكانت الصدمه
رحمه بصدمه:انت
محمد:رحمه انا عايز اتكلم معاكى شويه
رحمه:هو فى حاجه نتكلم فيها
محمد:فى كلام كتير اوى لازم نتكلم فيه
والده رحمه بصوت عالى:مين يا رحمه

رحمه بأرتباك:مفيش يا ماما دا البواب
محمد بأستغراب:انتى ليه مقولتلهاش ان انا
رحمه:لو سمحت امشى من هنا
محمد: بس
رحمه:مبسش اى حاجه عايز تقولهالى قولها لعمرو وهو هيقولى
محمد:بس الكلام اللى عايز اقولهولك خاص بينا احنا
رحمه:طب امشي دلوقتى وهبقى اتفق معاك على معاد
محمد:تمام
وبالفعل محمد كلمنى واتقابلنا
رحمه:ها عايز ايه ايه المهم دا
محمد:احم انا سبت خطيبتى
رحمه:وانا ايه داخلى بالموضوع
محمد وهو بيمسك ايدها:رحمه انا بحبك يا رحمه
رحمه وهى تزيح يده:وانا حبيتك بس زى اخويا يمكن انا عرفت دا متأخر بس انا اكتشفت انى بحب عمرو بجد اما انت لا
محمد بدموع:بس انا بحبك ومقدرش اعيش من غيرك رح
رحمه مقاطعه اياه بإبتسامه:هو دا الفرق بينك وبين عمرو انت انانى إنما هو لا عن اذنك
وبتقوم رحمه وبتسيب محمد وبتمشى وهى اول مره حاسه براحه نفسيه
محمد بغموض:صدقينى يا رحمه مش هتكونى لغيرى
وبياخد حاجه وبيبتسم بخبث وبعدين بيمشى
______________________
عند عمرو كان فى شغله وفجأه جتله رساله على تليفونه وكان فيها صور لرحمه ومحمد مع بعض ومكتوب عليها اظاهر ان حبيبه القلب مش قادره تنسى حبها لدرجه ان هى مش هممها شعورك
عمرو اول ما بيشوف الرساله بيكون مصدوم وتايه
عمرو بدموع:ليه ليه يا رحمه دانا حبيتك بجد بس على العموم انتى اللى اخترتى
وبيقوم وبيروح عند رحمه
______________________
عند رحمه بتكون قاعده وبتحكى كل حاجه لوالتها
والدتها: انتى غلطتى يا رحمه
رحمه:فى ايه يا ماما

والدتها:انك مقولتليش من الاول كنت هاجى ساعتها معاكى وكنت انا اللى هنهى الموضوع
رحمه:انا اسفه يا ماما بس انا مكنتش قادره افكر كويس
والدتها:خلاص يحبيتى اللى حصل حصل
رحمه وهى تحضنها:انتى احسن ام فى الدنيا
والدتها: وانتى احسن بنت فى الدنيا
بيقاطعهم خبط على الباب
والدتها:استنى انا اللي هقوم افتح
وبتروح تفتح وبيكون عمرو وبتكون عنيه حمره من العياط
عمرو:فين رحمه
والدتها بخضه:مالك يبنى
عمرو بعصبيه: فين رحمه
بتيجى رحمه على الصوت وبتتخض لما تشوف منظر عمرو
رحمه: عمرو مالك
عمرو وهو باصص فى عنيها:ليه
رحمه بإستغراب:ليه ايه
عمرو:ليه خونتينى
رحمه:انا انا مخنتكش
عمرو وهو يريها الصور: امال ايه دا
رحمه:والله انت فاهم غلط
عمرو بسخريه:فاهم غلط وايه الصح بقي يا ست رحمه
رحمه:انا كنت معاه فعلا بس صدقنى انا نهيت كل حاجه معاه عمرو انا بحبك
عمرو:بتحبينى قولتى بتحبينى انتى اكتر إنسانه خداعه فى العالم وبيقلع الدبله وبيرميها فى وشها وبيمشي من قبل ما حتى يسمعها
رحمه بإنهيار:ماما ماما قوليله انى مظلومه قوليله انه فاهم غلط
والدتها:اهدى اهدى يا حبيبتى هو بس بيعمل كدا عشان متعصب لكن لما يهدى هيعرف الحقيقه ويجى يصالحك
______________________
عند عمرو بعد ما بيخرج من عند رحمه بيروح لمحمد وبيخبط على الباب واول ما محمد بيفتح الباب
عمرو:ليه عملت كدا دانت اقرب صديق ليا انا مكنتش بس بعتبرك ابن عمى دانت كنت اقربلي من اخويا وعارف انى بحبها بجد
محمد:وهى مبتحبكش وبتحبنى انا سبها انا هقدر اسعدها
عمرو:انا فعلا هسبها عارف ليه عشان انتوا الاتنين شبه بعض وهتليقوا على بعض وبيسيبه وبيمشى
___________________
بعد مرور اسبوع بتكون رحمه فى بيتها قاعده دبلانه وفى ايديها المحلول هى من وقت ما عمرو سبها وهى علطول تعبانه
ومحمد بيحاول يوصلها بكل الطرق بس مش بيعرف
عمرو بيكون بيجهز نفسه عشان يسافر تانى

___________________________
عند محمد بيقرر انه يروح بيت رحمه عشان يتكلم معاها وبيروح وبيخبط على الباب وبتفتح ام رحمه الباب
ام رحمه:انت بتعمل ايه هنا انت ليك عين تيجى بيتنا بعد اللى عملته
محمد:انا عايز اشوف رحمه
ام رحمه:ابعد عن بنتى بنتى كل اللى هى وصلتله دلوقتى دا بسبك انت
محمد:انا كدا كدا هشوفها وبيدخل البيت بالعافيه وبيروح على اوضه رحمه يفتحها وبتكون الصدمه رحمه واقعه على الارض لا حول ليها ولا قوه
محمد بيجرى عليها وبيمسكها:رحمه رحمه
ام رحمه بدموع:قومى يبنتى متقطعيش قلبي عليكى
محمد: احنا لازم ناخدها على المستشفى بسرعه وبالفعل بيروحوا المستشفى وبتدخل رحمه اوضه العمليات بعد ما بيعرفوا انها محاولة انت’حار وبيعملولها غسيل معده وبعد ساعه بتفوق وبتدخل والدتها ومحمد بيفضل برا وبيسمعها وهى بتقول لوالدتها انها بتحب عمرو وان هى متقدرش تعيش من غيره عشان كدا عملت كدا ساعتها بس بيتأكد من انه مالوش مكان فى قلب رحمه وبيقرر انه يروح لعمرو وانه يقوله الحقيقه وبيكون عارف انه هيسافر النهارده لانه متابع كل تحركاته بيوصل عنده بعد مده وبيقابله على السلم
محمد:كويس انى لقيتك
عمرو:انت جاى ليه
محمد: عمرو رحمه مظلومه
عمرو:دى لعبه جديده منكوا مش كدا
محمد:بص انا عارف انك مش هتصدقنى وبيطلع الموبيل وبيشغل تسجيل وبيكون دا لما كان مع رحمه
عمرو:وانا المفروض انى اصدق الكلام دا صح
محمد:صدقنى دا الحقيقه
عمرو:وانت ايه اللى صحى ضميرك فجأه كدا

محمد:رحمه حاولت تنتحر وهى دلوقتى فى المستشفى
عمرو بلهفه:طب هى كويسه
محمد:هتبقي كويسه بس لما تروحلها
وبالفعل بيروح عمرو ليها بسرعه
وبيدخل عندها واول ما بيشوفها بيتصدم لان رحمه بتكون خست جدا وفى هالات تحت عينها بيروح يقعد جنبها وبتكون هى نايمه وهو بيقعد يمسد فى شعرها وهى بتصحى على لمساته
رحمه: عمرو
عمرو:قلبه وروحه
رحمه بدموع :والله انا مخنتكش
عمرو:انا عرفت كل حاجه محمد حكالى كل حاجه
وبعد مده من الكلام والعتاب بتتصافى القلوب وبعد مرور شهر بتكون رحمه بتجهز عشان فرحها وبعد ما بتخلص بيدخل عمرو واول ما بيشوفها بياخدها فى حضنه ورحمه بتكون هطير من الفرحه وبعد ما بيبعد عمرو عنها بيتصدم
رحمه بصدمه:عمرو انت بتعيط
عمرو:مش مصدق انك خلاص بقيتى مراتى وبعدين دى دموع الفرحه انتى متعرفيش انتى كنتى ايه بالنسبه ليا انتى كنتى نجمه بعيده اوى بس الحمدلله وصلتلها
بتدمع رحمه من الفرحه
رحمه:بحبك يا اجمل من رأنه عينى
عمرو:بعشقك يا رحمه حياتى
تمت.

• لقراءة جميع فصول الرواية اضغط على (رواية قلوب ضائعة)