رواية جسد بلا روح الفصل الرابع 4 بقلم آية عبدالسلام

رواية جسد بلا روح الفصل الرابع 4 بقلم آية عبدالسلام

رواية جسد بلا روح البارت الرابع

رواية جسد بلا روح الجزء الرابع

رواية جسد بلا روح الحلقة الرابعة

عَليِ كان موجود في مكان شبه مهجور بليل ومعاه ناس وكانوا بيسلموا حاجات ومرة واحدة لقوا انهم متحاوطين من البوليس وسمعوا الجملة الشهيرة سلم نفسك المكان كله محاصر فالرجالة اللي معاه عملوا اشتباك مع الشرطة وكان صوت الرصاص في كل مكان وانتهت بفوز الشرطة وقبضهم علي باقي افراد العصابة وعَليِ كان خايف اوي والظابط قابض عليه وفجأة بيبص لقا تاج بتنزل من عربية الرائد وبتبصله بشماته كبيرة وانتصار قربت عليه وقالت حلال عليك المؤبد او الاعد*ام لانك مش بس مطلوب بتهمة الاتجار بالمخد*رات لا كمان بتهمة الاسل*حة اه صح هو انا مقولتلكش اني جبت كل الورق اللي كنت مخبيه في الخزنة يعني كل بلاو*يك دلوقتي بقت كلها عند الحكومة وكملت بكُره قولتك مش هسيبك وهاخد حقي منك تالت ومتلت وسابته ومشيت بس قبل ماتمشي نداها ففضلت واقفه من غير ماتلفله قالها سامحيني لفتله وبصتله بكُره اللي بيسامح ربنا مش انا وسابته وخرجت قابلت ادهم والرائد امير
تاج:انا مش عارفه اشكرك ازاي يا حضرت الرائد
الرائد امير بإبتسامة:دا انا اللي مفروض اشكرك انك ساعدتي في القبض علي اكبر تُجار الممنوعات في البلد دا انا هترقي بسببك استئذنك انا بقي عشان عندي مهمه وبص لادهم وقاله هبقي اعدي عليك لما ارجع انشاء الله
ادهم:تروح وتيجي بالسلامه يا صاحبي وبعدين بص لتاج
تاج بصتله باستغراب:في ايه
ادهم بفضول:ممكن تعرفيني ازاي انتي وصلتي للورق اللي يثبت طورته
تاج بثقة:مفيش كل الحكاية اني لما هكرت تليفونه اكتشفت بالصدفه ان في محادثات بينه وبين واحد وبيتفقوا علي تسليم شحنة بس مكنش مكتوب شحنة ايه

فبيني وبينك انا شكيت ان في مصيبة ورا الموضوع ده فراقبته اكتر لحد ما سجلتله مكالمة بينه وبين واحد علي تسليم شحنة مخدرا*ت والمكان والميعاد وكل حاجة كانت موجوده في المكالمة فهنا بقا اجه دور صاحبك فكلمته وسلمته تسجيل المكالمة فقولته هعمل ايه بعد كده قالي ده شغلنا احنا بقي متقلقيش فابتسمت لصاحبك وقولت في نفسي ورحمة امي مهسيبه في حاله ولازم ادفعه كل اللي عمله تالت ومتلت واذ*له اكتر فجيبت واحدة زميلتي جميلة جدا عشان تكب العصير بتاعها علي جاكت بدلته قبل ما يدخل الاجتماع بتاعه بلحظات و تعتذر منه وتحاوط بإديها علي كتافه عشان تقلعه الجاكت وتصمم انها تاخده وتغسله بسرعه وهو عشان قذ*ر و بيحب الستات كنت متاكدة انه هيوافق يديهولها وهينسي حتي انه ياخد المفاتيح قبل ما يديهولها اه صح نسيت اققولك اني اكتشفت انه بيحط كل مفاتيحه في جاكت البدلة وانا بقي كنت مستنياها في الحمام ومعايا عجاين طرية وطبعت فيهم كل مفاتيحه وحطيته تاني في الجاكت واتدهولها وهي عملتلي كل ده لانها كانت واقعة في مشكلة كبيرة اوي وانا الوحيدة اللي ساعدتها فبتردلي الخدمة، وروحت طلعت عليهم المفاتيح عند واحد ثقه وفي اليوم ده كان هيتاخر عشان عنده سهره مع صحابه فدخلت الفيلا من ورا لان المعروف دايما ان مبيبقاش فيها حراس ولو فيها فبيبقوا قليلين جدا ودخلت الفيلا واتسحبت لحد ما دخلت وكان معايا واحد صاحبي شاطر جدا في انه يفتح الخِزن اللي عليها باسورد من غير اي اثر دا حتي هو اللي معلمني ازاي اهكر تليفونات و لأن انا كنت عارفه ان في عادة عند بابا وهي انه بيحط اي حاجة مهمه تحت السرير عشان لو في حرامي ميجيش في باله المكان، وفعلا اول مكان دورت فيه كان تحت السرير ولقينا الخزنة ولحسن الحظ اني كنت عاملة حسابي عشان فعلا كان فيها رقم سري وفتحناها ولك ان تتخيل كمية المصايب اللي كان عاملها واللي اكتشفته انه بعد كل عملية بيسيب دليل معاه عشان لو اللي بيشتغل معاهم غدروا بيه هو كمان يغدر بيهم فاخدنا الادلة ورجعنا كل حاجة زي ماكانت وروحت وديتهم لصاحبك واصريت اني ابقي معاه لحظة القبض عليه عشان اشوف في عيونه نظرة الخوف والكسرة اللي كنت بشوفهم في عيون امي و الباقي انت عارفه
تاج خلصت كلامها وادهم كان بيبصلها بذهول وصدمة انها بالذكاء دا
تاج بتعب:عموما انا قولتلك علي كل حاجه عن اذنك انا همشي بقا عشان ورايا مشوار مهم وسابته قبل ما تسمع رده
راحت علي قبر امها ومعاها ورد بالوان كتير وقعدت

تاج بدموع:وحشتيني اوي يا ماما تعرفي ان انا انهاردة فرحانة اوي عشان عرفت اخد حقك انتي معنتيش بتيجي في احلامي ليه انا كل يوم بستناكي،انا عارفه انتي مبتجيش ليه عشان انتي زعلانة مني لانك كنتي علي طول بتقوليلي خلي قلبك ابيض وسامحيه بس انا مش قوية زيك يا ماما عشان اسامحه انا ضعيفه مقدرتش اشوفه قدامي كده بعد اللي عمله فينا بس انا عارفه انك قلبك ابيض وهتسامحيني عشان انا مهونش عليكي ابدا ثم اكملت بمرح:شوفتي انا جبتلك ايه ورد والوانه فاتحة عشان انتي كنتي بتحبي الورد الفاتح بس بصراحة انا كترت اللون الابيض عشانه نفس لون قلبك
-في وقت متاخر في الليل كانت تاج قاعدة علي الصخور وباصه قدامها علي البحر بشرود اجه ادهم وقعد جمبها بس هي ماخدتش بالها
ادهم:تعرفي انا قعدت اد ايه ادور عليكي
تاج بخضه:خضتني انت جيت امتي
ادهم بص قدامه وقال:كنت خايف عليكي
تاج بإستغراب:خايف عليا ثم اكملت انت مفكر اني ممكن انتحر
ادهم بصلها فاكملت بسخريه:لو كنت هنتحر مكنتش هنتحر دلوقتي..كان فاتي انتحرت لما ماما سابتني لوحدي في الدنيا
ادهم فضل باصصلها وقال مرة واحدة..تتجوزيني
-لحظة صمت غريبه مكنش فيه غير صوت البحر وهو بيضرب في الصخور دقيقة عدت دقيقتين لحد ما ادهم قلق واتكلم
ادهم بقلق:مالك بصالي بخوف كده ليه انا مقولتش حاجه انا بقولك تتجوزيني
تاج قامت بخوف وقالت بجنون:لا مستحيل انت فاهم مستحيل انا عمري مهعيش زيها عمري
ادهم بتهدئه وحنان:تاج انا مش زي ابوكي ولا عمري هكون زيه انا عمري مهأذيكي بالعكس انا هحطك جوه عيني وعمري مهزعلك وانتي كمان يا تاج انتي مش زي امك انتي بتعرفي تاخدي حقك يعني لو عملتلك حاجة وحشة ودا اللي مستحيل يحصل هتاخدي حقك مني

تاج قعدت علي الارض وكانت بتعيط جامد:لا مش هقدر مش هينفع صدقني مش هينفع انا معرفش اعمل بيت وأكوِن اسرة انت تستاهل واحدة احسن مني واحدة مليانة حنان ودفا مش زيي مفتقداهم واحدة لسة الحياه فيها وحباها مش زيي انا روحي ميته وكارهة الحياة انا لحد دلوقتي باخد منوم عشان الكوابيس مش هينفع
ادهم قعد جمبها ومسك ايدها وبص جوه عنيها وقال بصوت عميق:بس انا مش عايز حد غيرك انا عايزك انتي يا تاج انتي عملتي اللي غيرك حاولت تعمله بس فشلت انتي اخدتي قلبي وصدقيني انا معاكي في كل خطوه وهبقي دايما الضهر اللي تتسندي عليه وتتحامي فيه طول ما فيا النفس انا اول ما شوفتك وانتي مبطتلعيش من بالي واول ما بصيت جوه عيونك قلبي دق ليكي انتي
تاج بصتله بتردد وسكتت ادهم كمل:بس انا عايزك اقوي من كده يا تاج انا عايزك تروحي لدكتور نفسي متفهمنيش غلط بس صدقيني هيفرق جدا معاكي هتشوفي العالم بشكل جديد وانا هساندك في كل حاجه موافقه يا تاجي
تاج بصاله شويه وبعدين هزت راسها بالموافقه

-تلخيص الاحداث:روحت فعلا لدكتور نفسي لمده سنه تقريبا شوفت الدنيا بشكل جديد و بروح جديدة بقيت حابه الحياه وكل ده بفضل ادهم كان معايا في كل حاجه وعمره مامل لحظة قدر يخليني سعيدة وانا معاه وكتبنا كتابنا والفرح كان من شهرين كان فرح بسيط برغبة مني ودلوقتي انا جوايا روح في الشهر الاول من حبيبي ادهم
ادهم بحب وهو بيلمس بطن تاج:حبيبة بابي عاملة ايه اوعي تكوني بتتعبي مامي
تاج بضحك:وانت ايه اللي خلاك متاكد انها بنت
ادهم بحب:احساسي قالي كده ده غير اني نفسي في بنوته تكون شبهك بالظبط
تاج بحب: وانا اتمني ان تكون بنت واسميها علي اسم ماما وتبقي شبها
ادهم بحب:اكيد انتي جميلة شبه مامتك فهتبقي شبهكم انتوا الاتنين
تاج بحب: انا قولتلك قبل كده اني بحبك
ادهم بضحك:امبارح بليل واخدها في حضنه وفضلوا يضحكوا

تمت

لقراءة باقي حلقات الرواية اضغط على (رواية جسد بلا روح)