رواية نور الفصل الخامس والعشرون 25 بقلم سماح عزت

رواية نور الفصل الخامس والعشرون 25 بقلم سماح عزت

رواية نور البارت الخامس والعشرون

رواية نور الجزء الخامس والعشرون

رواية نور الحلقة الخامسة والعشرون

احمد ببكاء: امي
نور: مالها
احمد ببكاء وفرحه مع بعض: امي فاقت انتي وشك حلو عليا اووي
انا مش عارف اعمل ايه انا….. انا هروح المستشفى…… انا عايز ازين لها البيت ….. عايز اعملها مفاجاه.. انا..
نور: احمد اهدى أهدى كده
احمد: في حاجات كتير عايز اعملها انا مكنتش متخيل أنها تقوم من اللي هيا فيه
نور: اول حاجه هنعملها هنروح نطمن عليها وخليك انت معاها وانا وريم واياد هنجهز كل حاجه… يلا بينا نمشي
احمد وهو يهز رأسه بالموافقه: اهه فكره حلوه
“ذهب الجد ومحمد وحامد بعربيتهم واياد ركب الموتسيكل وريم ركبت وراه ونور وأحمد ركبوا عربيه احمد”
احمد: انا مش عارف اقولها ايه ولا اعمل ايه…. انا بقالي تلات سنين متكلمتش معاها ولا سمعت صوتها.. صوتها وحشني اووي
نور: ربنا يطول في عمرها….. ومتقلقش انت لما تشوفها هتعمل وهتقول كل حاجه
… اي حاجه كان نفسك تقولها في السنين اللي فاتوا هتقولها قلبك هيقول كل حاجه وهيقول احساسك كنت بتحس بايه وحاسس بايه
احمد: بحبك
نور بكسوف: ااااااا … انا …

 

 

 

 

 

 

احمد وهو يمسك يدها: انتي ايه
نور: ا.. أن.. انا
احمد وهو يشدد على يدها بحنيه: انتييي ايه يا قلبي
نور: احمد…..
احمد: مكسوفه ….. والله العظيم بتحبيني
نور: مين انا لا طبعا
احمد: ماشي بس بحبك برضو
في المستشفى
احمد دخل وهو يركض باعلى سرعة ووقف أمام غرفة امه وأخذ يتنفس وفتح الباب ببطئ شديد وكان هناك شئ يخاف منه ولكنه لم يكن الخوف بل كان اشتياق
احمد: ماما
صفاء بتعب: احمممد
احمد وهو يرمي نفسه في حضن أمه ويبكي: اخيرا فوقتي … وحشتيني … اوقات كتير كنت بحتاجك جنبي وعايز اشوفك عشان ارمي نفسي في حضنك … وحشني انام على رجلك ….مش عايزك تبعدي عني تاني…. انا اسف اني معرفتش احميكي
صفاء: أهدى يا روحي انا بقيت كويسه ..هو انا بقالي كتير
احمد: كتير ….. انتي بقالك تلات سنين حسيتهم تلاتين سنه … التلات سنين دول حسسوني اني كنت عايش معاكي يوم او اتنين مش اني قضيت عمري معاكي …. فراقك صعب يا امي
صفاء: تلات سنين ؟؟؟

 

 

 

 

 

 

الجد عبدالله: ايوه يا صفاء بقالك تلات سنين وقالقه الولد عليكي
صفاء: عمو ازيك وحشتني
ملحوظه(صفاء تبقى اخت سعاد ام عامر تقبلوها زي ما انتو عايزين 🙂😂😂
ومن هنا نعرف ليه احمد بيقول يا جدو)
الجد عبدالله: انتي اللي وحشتينا وقلقتينا
صفاء: هو فين فهد
سعاد: مش الاولى تسالي على اختك الاول
احمد: من الفرحه نسيت ارن عليه أقوله هرن عليه
صفاء: الام بتسال على اولادها الاول
سعاد: ومن امتى وهو ابنك انتي متعرفيش أنه عايز يبوظ فرح ابني
ريم: طنط مش وقته الكلام ده طنط صفاء تعبانه
صفاء: لو فهد عايز يعمل كده يبقى في حاجه ورا الموضوع انا معلمه فهد ميعملش غير اللي هو شايفه صح
سعاد: وهو أنه يبوظ فرح عامر يبقى ده الصح
احمد: لو سمحتي متتكلميش مع امي في اي حاجه ممكن تتعبها انا امي لو تعبت ولا زعلت هيبقى تصرفي وحش اووي ومش هيعجبك

 

 

 

 

 

 

سعاد: شوفتي تربيتك بيكلم خالته ازاي
صفاء: امشي من هنا يا سعاد
سعاد: انا جايه اطمن عليكي وانتي بتطرديني
صفاء: عمو بعد اذنك خليها تمشي من هنا
الجد عبدالله: اهدي يا روحي .. سعااااد خدي بعضك وعلى بيتك
سعاد: يا عمي انا
الجد عبدالله: انتي سمعتي انا قولتلك ايه ولا لأ
نور: الف سلامه عليكي يا طنط
صفاء: يا حبيبتي وحشتيني اووي
نور: وانتي اكتر
احمد وهو ياخد نور على جنب : نور هتلاقي فهد في البيت قوليله أن ماما فاقت وسالت عليه عشان انا برن عليه غير متاح
نور: تمام يلا يا ريم يلا يا اياد
اياد: الله على الأخلاق الحميده … انا هسلم على بنت عمي الاول
الجد عبدالله: امشي بنت عمك مينفعش تتكلم كتير شوف انت رايح فين
اياد: تمام يا حج
عند بيت احمد
نور: يلا ننزل عايزين نظبط الدنيا
ريم: متقلقيش هنعمل كل حاجه وهنعمل احسن حاجه كمان
نور وهي تفتح بمفتاح احمد: يلا ادخلوا

 

 

 

 

 

 

ريم: ايه ده هو البيت متروق كده ازاي ده عايز عشره عشان يعملوا كده أما احمد طلع نضيف بشكل
فهد وهو يخرج من المطبخ: انت كنت فين يا احمد….. انتو بتعملوا ايه هنا
ريم: انت اللي بتعمل ايه هنا في بيت احمد
فهد وهو يقترب منها: وانتي مالك
اياد وهو يبعد فهد: لا بقولك ايه لم نفسك
وبعدين احنا جايين ننضف البيت ونظبطه
فهد: انا بنضف بنفسي مبسيبش مكان انا قاعد فيه وسخ …
ريم: انت اللي منضف البيت كله ده قصر مش بيت
فهد: متفتكرييش اني بعد الجواز هنضف معاكي
ريم: جواز مين انت لو اخر واحد في الدنيا
مش هتجوزك
فهد لسه هيرد: ..
نور: طنط صفاء فاقت
فهد: اييه… ازاي وامتى .وأحمد مقليش ليه
نور: احمد بيرن عليك وانت غير متاح
فهد بحزن : طب هسيب البيت وامشي انا بقا
اياد: ايه ده هو راح فين

 

 

 

 

 

 

نور: باين كده رايح يلم هدومه
ريم: بعد اذنك يا عمو انا طالعاله
اياد: ماشي يا روحي..انتي متستاذنيش لاني واثق فيكي
ريم وهي تفتح غرفة فهد: انت رايح فين
فهد: اممم ماشي انا هاخد بعضي وامشي من هنا
ريم: انت اتجننت ازاي تمشي انت لازم تروح لها
فهد ببكاء: مش هقدر ابص في عنيها
واكيد هي دلوقتي بتكرهني
ريم: هتكرهك ليه يعني
فهد: اكيد قالولها على الحاجات اللي انا عملتها
ريم: محدش قال حاجه وبعدين هي اللي سالت عليك وطلبتك بالاسم
فهد وهو يبكي: خايف لما حد يشوفني معاها يحكي ليها حاجه وهي لسه تعبانه
ريم: بصراحه باللي انا شوفته أنها مستحيل تزعل منك دي حتى وهي تعبانه لما طنط سعاد اتكلمت عليك وحش طنط صفاء طردتها
فهد وهو ينظر في عينيها ويمسك يدها: يعني اروح
ريم: اكيد

 

 

 

 

 

فهد: مش مصدق اني هشوفها واكلمها وانها تاخدني في حضنها وحشتني اووي بحس انها امي انا كنت يتيم ولما جم الناس اتبنوني محستش معاهم بالحب ولا العيله ولا حتى حنان الام والاب كنت بعملهم كل حاجه نفسهم فيها عشان ده واجب عليا وبرد الجميل بس ماما صفاء من يوم ما قابلتها وهي عوضتني عن كل حاجه انا اليوم اللي كنت ببات معاها فيه كان بيبقى اسعد يوم في حياتي واليوم اللي كنت بروح فيه عشان ابات في البيت كنت بحضن المخده على اساس انها ماما صفاء عشان اعرف انام
ريم ببكاء: قوم يا فهد غير وخد بعضك وروح لها
فهد وهو يمسح دموعه: هروح انا قايم رايح
ريم وهي نازله عند اياد بقى كويس وهيلبس ويروح المستشفى
اياد: انا اعرف فهد من بعيد كده لكن هو طيب وقلبه نضيف
ريم: مش كل حاجه حلوه بتبقى كامله
اياد: عشان احنا بنكمل بعض
ريم: لازم كل واحد يكمل نفسه ميستناش حد يكمله
فهد نزل وهو خارج من البيت: ريم
ريم: امم
فهد: شكرا … ومشي
نور: ايوه بقا ده الواد حلو وبقا بيضحك اهو
ريم: يلا عشان نشوف هنعمل ايه اخلصي

 

 

 

 

 

 

عند المستشفى
وصل فهد ودخل المستشفى وهو واثق في نفسه ولكن من داخله صراع وخوف وقلق
بداخله خوف الولد الصغير عندما يرتكب خطأ ويخاف أن تعاقبه امه ….اول ما قرب من غرفتها بدأت قدمه تقدم رجل وتأخر رجل .واول ما فتح الباب … شعرت به صفاء وهي لم تراه من كمية الناس الموجوده عندها في الاوضه
صفاء: فههد
نظر الكل خلفهم وكأنهم فتحوا الطريق بين فهد وصفاء… ضل فهد ينظر بصفاء وعيونه
تبكي لوحدها
صفاء: تعال في حضني يا حبيبي
فهد وهو يبكي ويرمي نفسه في حضنها : انا اسف سامحيني متزعليش مني
صفاء: على ايه يا حبيبي وبعدين هو انا أقدر ازعل منك
فهد: عايز احكيلك حاجات كتير اووي

 

 

 

 

 

صفاء: هنحكي يا حبيبي هو انا هسيبك انت وأحمد غير لما تحكولي كل حاجه حصلت في التلات سنين دول
فهد: هحكيلك كل حاجه بس اهم حاجه متزعليش مني ولو زعلتي مني عاقبيني لكن متبعدنيش عنك ارجوكي
صفاء: في ايه يا فهد
احمد: مفيش يا ماما اصل فهد اتبرعلك بكليته وخائف تزعلي منه عشان عرض حياته للخطر
صفاء: متزعلش يا روحي انا وبعدين يلا بقا خلص انت وأحمد عشان عايزه اخرج من هنا بقا
عند بيت احمد
نور واقفه على سلم تعلق انوار خفيفه
وبدأت تدوخ وترى اشياء بسيطه أمام أعينها وتشاهد نفسها تقع في البحر…. ووقعت من على السلم
ريم: نووووووور

يتبع..

لقرءاة الفصل التالي : اضغط هنا

لقراءة باقي حلقات الرواية اضغط على (رواية نور)