رواية خادمه البرق الفصل الثامن 8 بقلم آلاء محمد

رواية خادمه البرق الفصل الثامن 8 بقلم آلاء محمد

رواية خادمه البرق البارت الثامن

رواية خادمه البرق الجزء الثامن

رواية خادمه البرق الحلقة الثامنة

بصلي جامد ف عيوني وقالي_عايز اقولك حاجه
باهتمام =قول فيه حاجه حصلت ولا ايه
_لا انا
=اخلص ياعم مبحبش الفضول ده
_انا جعان
=جعاان بعد كل ده جعاان امشي ياعم قدامي ننزل نشوف حاجه نأكلها لحسن انا علي لحم بطني من امبارح
ضحك_وانا كمان يلا بينا
نزلنا تحت سوا لقينا مي جريت حضنتها-وحشتيني يابت
=انتي اكتر ياعمري عامله ايه
-تمام الحمدلله وانتي
=بخير ياقلبي
_اخلصوا بقي أنا جعان
-حاضر ياباشا هشوف الاكل جهز ولا ايه
وجريت علي المطبخ
=حرام عليك خضتها
_مبحبش حد ياخد عليا
=ما انا خدت
_انا ربنا يعيني عليكي والله

=يارب ياخويا
-ضيي انا عيزاكي
=حاضر جايه
فيه ايه يا مريم
_الاكل لسه مجهزش
=الله اكبر ماشي تمام هقوله
طلعت =تووب الرجوله معمول عموله علي قد جسمك اه يا برق لو غبت حتي ف اي حته كفايه اسمك اه يابرق
_انجزي فيه ايه
=الاكل لسه قدامه شويه
_ده ازاي يعني
=معاد الاكل مش دلوقتي اصلا يلا نروح ناكل بره عارفه واحد واقف بعربيه كبده إنما ايه حوااار
_كبده ف الشارع
=يالهوي علي المحن مالها الكبده ف الشارع يعني دي جمدان
_بس بس ايه رايك نروح اسنكدريه ناكل سي فوود ونيجي
بفرحه=فكره رائعه بس هنتاخر كده ده غير أن انت جعان
_يلا ياست نجيب اي حاجه نأكلها عقبال ما نروح
=يلا ياباشا دي اسكندريه هقول لا يعني
طلعنا تحت نظرات مريم ومي المصدومه
-اللي شوفته ده حقيقه
_علمي علمك ياختي انا اول مره اشوفه بيضحك
-وانت كمان ده غير أنه مزعقش علي موضوع الاكل
_ايوا هو سخن ولا ايه
-باين كده
*************

ركبنا العربيه وهو اللي بيسوق اشترينا حلويات نتسلي بيها طول الطريق
وصلت الكاسيت بالفون بتاعي وغنيت مع الاغاني
=وانتي جايه من الأرض ولا جايه من السما ده اللي زيك بيجي مره كل ميت سنه من نظره روحت فيها وانتي بردوا مش هناااا ياويلي اناااااااا ويحلم بعيييد ياجايز نفسي يبقي اكييييد
وهو باصص عليا ومبتسم _صوتك حلو
=كنت بغني زمان ف المدرسه قبل ما بابا يتوفي بعد كده اشتغلت وبطلت الغنا
_ربنا يرحمه
=يااااارب
عايز اشغلك اغنيه ايه انت صاحبي بردوا
ابتسم _مشكلتي ف عينها
=ياولا ياجامد تصدق عندي ثانيه
جت الحته قولنا ف صوت واحد _نتمشي معاها ونتكلم اضحك واحكيلها وتحكيلي لحد الدنيا إما تضلم اسكت ف تقول طب غنيلي ،اغني ف شوف لمعه عينها القيها تصلي وتدعيلي تتوشوش كده بيني وبينها عن سهر الحب ولياليه وطمن كل اللي شاغلها مانا صايع اصلي ف حواريه تضحك وتقول عارفك شاعر تلعب بالكلمه وتفاصيلها تسلك ف متاهه ياواد شاطر تحبكها وترجع تلايمها انا اصلا مشكلتي ف عينها تاخدني بلاد وتوديني
=الله يا برق جامده دخلتني ف مووود جامد
_عيب عليكي كنت بسمعها أيام الروقان
بصتله بحب=ربنا يجعل ايامك كلها روقان يابرقوق
بصلي بقرف_يارب ياختي
ضحكت =والله برقوق حلو مش وحش

_حلو علشان منك انتي
=اهااااااا هنا سأسكت قليلا
ضحكنا وكملنا الطريق نزلنا اتغدينا سي فود علي البحر كان يوم جميل عمري ما هنساه قد ايه اليوم بيعدي بهدوء وبحب وهو معايا قد ايه هو جميل ف نظري رغم كل اللي الناس بتقوله عليه فيه حنيه وطيبه وخفه دم بتدخل قلبي يمكن انا تفكيري محدود ولسه مش عندي الخبره الكافيه بس هو فعلا مختلف معايا فعلا عمري ما حسيت بخوف من ناحيته يمكن ف مواقف بس لكن دايما هو بيطمني وبيحن عليا استحاله يكون وحش كل واحد فيه كده وكده بس هو الحلو بتاعه اكتر
=ماتيجي نتمشي علي البحر قبل ما نمشي
_تحت أوامر ضي هانم
بتناكه مزيفه=ميرسي برق باشا
ضحك _يلا ياحجه
بيعاملني بطيبه وإحساس اوي بقي
=متغنيلي كده
_هي الاغنيه ضربتها ف دماغك ولا ايه
=الصراحه اه غني بقي ياعم
_بس صوتي وحش
=عادي علي قلبي زي العسل
_انتي اللي طلبتي انتي حره
=يلا بقي مفيش حاجه فيك وحشه
بصلي وضحك _مغيبه
=تقدر تقول كده
_في عشق بيستناناااا وعشق بنستناه وعشق بينسينا العشق اللي عشقناه والقلب اللي بيجرحنا في حاجه اكيد جرحاااه وجرحنا بتفكرنا بالقلب اللي جرحنااااه
بعياط=يخربيتك يا برق صوتك احلي واقوي واحن من صوتي
ضحك_بتعيطي ليه دلوقتي
=الاغنيه جت علي الجرح معلش
_حصل
مسحت دموعي وقولت بتريقه=صوتي وحش انتي حره انتي اللي طلبتي
قعد يضحك_اعمل ايه مبحبش اغني قدام حد
بصتله بصه حب_بس انتي مش اي حد بردوا

=جدع
مسكني من ايدي ووقفني قدامه وقالي_ضيي انا بحبك
بصدمه=ايييه
_ايوا بحبك من اول يوم شوفتك فيه عيونك سحروني خوفت احبك خوفت اتعلق بيكي بس غصب عني كل اللي خوفت منه حصل انا اتعلقت بوجودك جيتي ليا علشان تنوري العتمه جيتي نورتي قلبي وحببتيني ف حياتي ف يومي بقيت بصحي كل يوم علشان اشوفك علشان انكشك باي طريقه علشان تتعصبي ونتخانق مع انك صغيره وقد عيالي بس انتي فعلا ادتيني الامل امل انك تبقي معايا ف يوم من الايام بحبك قد الكووووووووون قد الأيام والساعات اللي مكنتيش موجوده في حياتي فيهم بحبك قد البحر والسمك قد السما والسحاب قد القمر والنجوم قد كل حاجه حلوه قد وجودك ف حياتي
قعدت اعيط معلش يا جماعه اصلي عيوطه
_خلاص ياست اهدي بقالك نص ساعه بتعيطي كده كتير
ضحكت وسط عياطي=كلامك جميل
_عارف ياست اصلي بقالي كتير محوشه جوايا
مسحت دموعي =وانا كمان بحبك يابرق
برق كده _احمم احمم لا اله الا الله ده ايه الحلاوه دي علي المسا
=هيهيهيهيهييييييييي
_بس بقي يخربيتك يلا علي العربيه مفيش وقت للتفسير
قعدت اضحك ركبنا العربيه واحنا مشغلين اغاني وعمالين نغني قد ايه يوم مميز قد ايه وجوده مميز قد ايه هو مميز اصلا بحبه قد العالم الولا الحليوه ده
=الا بقولك يا برق انت جايب الحلاوه دي منين
_من امي
=سفاله مش عايزه
_ههههههه لا والله فعلا انا شبه امي
=يالهوي علي الغمازات ياناس اكاد من فرط جمالك اذوووووب
_الله يكرم اصلك ياحبيبتي
=يكرم اصلي غور يلا أنا غلطانه كنت بجاملك اصلا ده انت كبه
_حبيبت قلبي تسلميلي وانا كمان
=باااارد يارب باااااارد
قعد يضحك وصلني للبيت اليوم كده خلص لااااا انا مش عايزه اسيبه بحبه الولا اليوم ده مش عايزاه ينتهي كده عايزاه يفضل معايا طول العمر
_تصبحي علي خير

=وانت من اهل الخير
_خلي بالك من نفسك
=وانت كمان
_انهارده احلي يوم ف حياتي علشان انتي فيه
=اليوم اتحفر ف قلبي زيك كده
_الله الله علي الكلام الحلو ده
=حلو علشان ليك
بصلي ف عيني جامد وقالي _بحبك
بكسوف=وانا كمان
_ياختي كسوفه بتتكسف يا ناس
قلبت وشي =مش وش كسوف ولا ايه مش فاهمه
قعد يضحك _ابدا ياقلبي ده الكسوف متفصل عليكي تفصيل
=ايوه كده سلام بقي
_سلااام
دخلت البيت وانا طايره من الفرحه اخيرا بقينا مع بعض اعترفنا لبعض بقيت حبيبه الولا الحلو ده ياخراشيييي ياناااس
سلمت علي ماما ونور ودخلت علشان اغير
بعد شويه -ضيييييي ياضيييييي
=نعم ياماما
-عندنا ضيوف تعالي
مين اللي عندنا ف الوقت ده اكيد خالتو
خرجت وانا بالبيجامه لقيته ف وشي =ايه اللي جابك هنااا
بصلي من فوق لتحت _لقيت ماما بتقولي -برق باشا طالب ايدك
=ايييييه
_******

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية خادمه البرق)