رواية اشواك الورد الفصل الثامن عشر 18 بقلم ميفو السلطان

رواية اشواك الورد الفصل الثامن عشر 18 بقلم ميفو السلطان

رواية اشواك الورد البارت الثامن عشر

رواية اشواك الورد الجزء الثامن عشر

رواية اشواك الورد الحلقة الثامنة عشر

ظل الجميع ينهشهم القلق في انتظار الطبيه وخاصه بعد ان استدعت طبيبا اخر واخرجتهم بعنف خارج الحجره لتخرج اخيرا بعد ان احس عزيز ان روحه ستزهق لتقول. انا مش عارفه اجول ايه.. دي لو كلبه ماحدش يعمل فيها اكده.. ايه يا حاج عابد انتو بنات الناس بتموتوهم اكده عنديكو..
ليهتف عزيز بحرقه.. بجولك ايه جولي مرتي كيفها..
لتنظر اليه بسخريه.. ايه مالك محروج اكده عليها.. امال عملتو فيها اكده ليه..
ليقترب عابد.. الحديت ده مالهوش عازه يا بتي.. البيوت اسرار.. يا ريت تجولي بتنا فيها ايه..
لتنظر بغضب وتتحمل في نفسها.. بتكو كانت هتموت يا كبير البلد بتكو انضربت لما روحها كانت هتطلع.. بس جدر ربنا ماجاش لسه.. احنا لحجناها انا نضفتها وداويتها ونيمتها واديتها مهدئ ومسكن عشان الالم ماحدش يتحمله.. اه وبتكو حامل وكانت غرجانه في دمها..
ليهوي قلب عزيز ورد كانت حامل وراح ورد كانت هتجيبلي عيل وراح.. كان هيربط بينا وراح.. كان القهر قد وصل مداه..ورد خلاص راحت مني..
ليهتف مات خلاص مات العيل راح مش اكده..
لتهتف سعيده.. يا حبيبتي يا بنتي.. العيل راح يا مرك يابن جلبي..

 

 

ليصرخوقلبه ينخلع.. عزيز موت ولدي موت اللي كان هيخليهالي.. موت اللي هيربط بينا خلاص اكده راح العيل.. راحت َورد.. ايوه راحت امال هتجععد جاري تعمل ايه.. يا حزنك يا عزيز عيلك راح من جبل ما توعاله وتفرح.. عيلك راح وخد فرح امه وحط حزن علي ابوه وجلس ووضع يده علي راسه ويشعر ان دنيته انتهت..
لتقترب منه الطبيبه.. ولما انت مجهور اكده عملت فيها ليه اكده.. لما عايزها وعايز ولدها تعملو فيها اكده ليه.. بس اجول ايه ربنا رحيم بيها مش بيكو ونزل لطفه علي الدار دي
ليرفع وجهه وينظر اليها.. جصدك ايه ما تنطجي اني هتشل واموت محصور..
. لتكَمل الطبيبه الحمد لله انا وجفت النزيف وما خبراش ولا فهماش كيف العيل مانزلش بعد الضرب ده كلياته.. ربنا رايد ان العيل يفضل لسبب ماعرفوش.. بس هيا لو اتحركت من مكانها ماهيحصولش خير.. هيا دلوك واخده حجنه تثبت العيل عشان النزيف وعايزه راحه دا غير الله اعلم لما تفوج هيبجي حالها ايه.. دلوك يا حاج هيا زينه بس الخطر علي اللي في بطنها لسه موجود يعني ممكن ينزل في اي وجت اني جولت اجول عشان ماتحطوش امل ان العيل ممكن يكمل لاه.. دي حاجه بين يد ربنا وادعولها عشان اللي هيا فيه مش جليل..
ليقترب عابد ويشكرها.. الله يرضي عنيكي يا بتي ما حدا يعرف الا البلد تنجلب حريجه.
لتهتف حاضر يا حاج عابد بس بالله عليك دي روح هتحاسب عليها خلي بالك منيها..
لتنصرف تاركه الكل في حال ليقترب عابد من عزيز امسك نفسك اكده وارجع لحالك انا ما هحاسبكش دلوك.. البت اللي جوا دي مرتك وتاج راسك وهتجيب حفيد الجباليه لو جرالها حاجه ربنا مش هيسامحنا واصل.. مرتك من اهنه ورايح مسئوليتك يا ولدي تكون تحت رجليها وهمل اي حاجه مالكش صالح.. الَمهم البت تفوج وتتعافي واللي في بطنها يبجي زين.. الحمد لله ماتفضحناش وكانت البلد هتتجلب سلسال دم يا ولدي.. ربك رحيم وجدرنا نلموها ونخلصو من النصيبه.. عارف يا ولدي انك في هم وجهر بس ادعي ربك بصلاح الحال..وادعي ربنا يحنن جلب مرتك هيا طيبه وزينه بس. اللي حصلها مش سهل.

 

 

لينصرف عابد ويذهب لبدور وكانت بدور تنتحب بشده ليقول اهدي يا بتي.. ما حدش هيعرف حاجه وحجك هجيبه لحدك انت غلطتي بس الله بيتوب علي عباده وانت زينه انك وجفتي للكلب ده بس كت رحتي لعزيز مش مرت عزيز.. اتنين ستات لحالهم مايصوحش يا بتي..
لتهتف بدور مالجيتش طاجه نور يا جدي كت بموت وورد ماجصرتش همت تغيتني عشان عيلتي يا جدي..
ليهتف.. ماتخافيش انا هتصرف.. عمار.. روح لولد المحروج ده هات منه الورجه والتلفون وهات..
ليسمع عزيز بالخلف.. ماحدش هيروح في حته انا الي هروح اجيب حج مرتي وبت عمها..
ليصرخ عابد.. ماتهمد بجه انت عايز تجبلنا نصيبه..
ليهتف عزيز.. الله في سَماه ماهسيبه الا وانا واخد حجي.. جلبي هينشج نصين ولازمن اجيب حج مرتي وحج اللي عمله فيها لينصرف ليتهالك عابد.. روح يا عمار وراه ماتخليهوش يعمل مصيبه كفايه لحد اكده مصايب.. يا رب عملنا ايه لكل ده.
رحل عزيز والغل في قلبه ليذهب الي المخزن ليجد كارم جالس لينظر اليه ويرتعب.. ليهتف بخوف.. والله ماكت اعرف انها مرتك والله يا عزيز بيه َماعرف انا ماخبرش حاجه..
لينقض عزيز عليه.. اديك عرفت وانا جاي اخد حجها وحج اللي اتعمل فيها بسببك يا نجس.. وانهال عليه ضربا حتي احس ان روحه ستخرح ليبعده عمار ليصرخ طلع الورجه يابن الكلاب وطلع التلافون.. لياخذهم عزيز ويمزقهم.. ودلوك َما فضلش الا اني اعلم عليك عشان تبقي تتهجم عالنسوان يا مره يا عره الرجاله.. واخد مطوه و ضرب وجه كارم ليصرخ بشده لتتفجر الدماء من وجهه.ليهتف بغل ايوه اكده صوت زي النسوان ومد يده وشق وجهه من الناحيه الاخري ليصرخ كارم.. ليهتف عزيز بفحيح.. . كل اما تحط يدك علي وشك تفتكر اللي عملته يا واطي نفسي اجتلك بس جدي مانعني.. وهجم عليه وانهال عليه ضربا ورشق المطوه في فخده بغل حتي فقد وعيه.. ليصرخ… عمار.. الكلب ده داره تتحرج ويترمي برات البلد ولو دخلها يتجتل مالوش ديه.

 

 

 

فاهم.. عرف شباب الجباليه ان الواد ده عزيز له عنده تار ومالهوش ديه تاخده تحرجله داره جدام عنيه وتلم عليه الخلج وتعرفهم ان ليا تار عنده لو عتب جوات البلد. لياخذه عمار ويذهب ليجلس عزيز ويضع يده علي راسه.. جبتلك حجك يا نن عيني من الواطي ده.. لسه حجك مني لما تجومي خديه بمعرفتك ماهتكلمش. اعملي كيف مابدك.. يا رب انا غلطت بس غصب عني يا رب ارحمني وهون عليا..
عاد عزيز ليدخل البيت ليصرخ.باهتياج . جميله فينها جميله.. لتلطم جميله يا مرك يا بت زينات هيجتلتي هيجتلني.. لتصرخ امها فيه ايه يا محروجه عملتي ايه..
لتصرخ خبيني يامه هيموتني خبيني..
لتلطم زينات عملتي ايه انطجي.. لتجد عزيز يقف امامهم لتكلبش جميله في زينات التي اصابها الرعب ايه فيه ايه يا ولدي عامل اكده كيف العفريت مالك يا ولدي جلبي هيجف كان منظره مرعي يقف وينظر الي جميله بغل ..
ليهجم عزيز علي جميله ويسحبها من شعرها نزولا السلالم وهيا تصرخ غيتيني يامه هيموتني وهو يسحلها ويمسح بيها السلالم ليصل الي وسط الدار ويصرخ. انت ازاي وسخه اكده انتي ازاي قدرتي تعملي اكده..ميفوميفو
ليتجمع الكل وتصرخ زينات فيه ايه يا مرك يا زينات عملت ايه المحروجه دي..
ليصرخ عزيز الواطيه دي اللي جت وكدبت عليا وسخنتي وجالتلي انها راحت لحالها وبدور ماكنتش معاها.. ليه ليه يا زباله وانهال عليها ضربا.
لتلطم زينات هيموت البت هيموت البت. حد يغيتها.
ليصرخ عمه عاصم.. لاه سيبيه يربيها خلفه الشوم دي كانت هتولع العيلتين حريجه في بعض.. كنا هنعمل ايه لو اتفضحنا جبل مانلمها كان الهلاليه موتونا نفر نفر دا شرف منك لله الاهي تنحرجي بت سو يا خلفه الخراب ..

 

 

لتصرخ زينات وهيا تري عزيز وهو يضرب جميله عليها يا مراري خلاص هتموت في يدك..
.. ليضربها عزيز ويلوكها في الارض وكلما تذكر ضربه لورد هاج اكتر كان يضربها بابشع صوره.. ليه يا زباله ليه عملتلك ايه يا كافره توحيليها اكده.تجي تكدبي وتجولي راحت لحالها يا وسخه وبت عمها كت معاها ويخبطها في الحائط..جاي تجوليلي مرتي مع راجل يا وسخه واني مرتي اشرف من صنفك . ايه الشر ده بت سو ليه جلبك ده اسود ليه تعملي فيها اكده ليه مرتي يتعمل فيها اكده تخليني اموتها اكده ولدي كان هيروح منك لله انت ايه جادره وفاجره ليه لينزل بها علي الارض ويضع وشها عالارض ويخبطه بعنه وهيا تنزف بعنف.. اجتلك دلوك يا بت عمي ويجولو جتل مره.. اعمل ايه ابوكي ما هينطجش لو عملتها كان يدعك وجهها في الارض ويخبطها لتنفجر الدماء من انفها وتهالكت تماما كانت تلهث بشده.. اعلجك واجطع منك نساير لحد ما مرتي تجوم واخليها تجطع لحمك.. مرتي هخليكي تبوسي رجلها يا وسخه هخليكي تحبي علي رجلها وهعرفك مين هيا ورد الهلالي مرت عزيز.. انت اصلك خسيسه ولازم تعيشي خدامه تتربي ليقف ويضع جزمته علي وجهها ويدوس عليه بقوه وهيا تلفظ نفسها بصعوبه.. البت دي خلاص خرجت من طوع الجباليه وحمايتهم مالناش صالح بيها ياجي اي كلب خسيس ياخدها تبقاله خدامه. ان ماعيشتك عمرك كله تبكي دم يا بت عمي.. ليبتعد عزيز ويذهب الي الداخل ويخرح مهتاجا ويمسك شعرها وقد احضر مقصا لينتزع شعرها عن اخره وهيا تصرخ وتنتحب لتبدو بشعه وامها تصرخ بشده وتلطم وجهها ليصرخ انا لو طولت اجتلها كت جتلتها..ويرزع وجهها علي الارض ليغشي عليها
لتقترب زينات من ابنتها وتفيقها لترتعش وتكلبش فيها…

 

 

ليقترب عزيز بغل لسه يا وش الشوم ومسكها من هدومها وصعد بها لفوق ورماها علي سرير ورد.. وطي علي رجل ستك ورد بوسيها كانت تتشنج جميله من كتر الضرب والنواح وقلبها سيخرج من مكانه لتنظر اليه ليقترب ويمسكها من رقبتها هيا مش حاسه بحاجه وطي بوسي رجلها وهترجعي توطي تبوسي رجلها تاني هدعك وشك تحت جزمتها يا زباله ليرميها لتقوم مرتعشه وتاخذ قدم ورد وتقبلها وتنتحب قهرا ليقترب ويشدها مره اخري وينزل بها ويحدفها من عالسلم لتنزل ملقاه تحت رجل جدها في حاله من البؤس والذل الشديد… كانت انفها تنزف ووجهها ينزف وجسمها وَجهها متورم وشعرها ليس له وجود كانت بشعه..
ليقف عابد.. انت بت شوم.. كيف تعملي اكده في وليه زيك ما خفتيش يتعمل فيكي اكده.. طب ماخفتيش علينا ان الهلاليه نرجعو نموت بعضينا.. ماخفتيش من فتح سلسال دم وهيبقي شرف يعني هتبقي مصيبه واعره.. انت ايه شيطان ماشفتيش تربيه واصل.. طب يا جميله.. اسمع يا عاصم البت دي اي حد يطلبها تديهاله ماتجعدش في البيت واصل عندك فتاح طلبها كذا مره حد واعر يجدر عليها وعلي غلها.. هيتبلي بيها ويربيها..
لتصرخ جميله برعب وهيا تنزف دما.. لاه لاه ياجدي الله يخليك ماعايزاش فتاح لاه لاه الله يخليك هموت عنده اكده لاه يا جده.. وحياه ربنا هتربي وهبجي كويسه الله يخليك يا جدي.. غيتيني يا امه.. كانت زينات تنتحب علي ابنتها وحظها.
ليقف عاصم.. خلاص يا ابوي من بكره هتفج معاه واحدفهاله تغور في داهيه ما عايزنهاش خلفه الخراب دي تعيش كيف الكلبه يجطع فيها ماهنجفلهاش خلاص.. لتلطم جميله علي وجهها وتصرخ وتنتحب لما ستراه في حياتها من سواد يا مرك يا جميله اخرتها فتاح.. يكسرك ويجهرك يا مرارك وعيشتك الطين وظلت تنتحب وتلطم وهيا من وضعت نفسها في تلك المكانه من جراء غلها ومكرها..لتحاول ان تنقذ نفسها لتصرخ امي اللي وزتني علي اكده انا ماليش صالح.. .
ليتصنم الكل وتنشل زينات وتلطم زينات.. مين.. ايه… امك مين… يا مري يا مري .. بتجولي ايه يا بت المحروج انت بتجولي ايه.لتنظر حولها برعب . لتنظر الي عزيز برعب ليتراجع عزيز لتنظر الي عاصم الذي اصيب بالجنون.لتترتعب لاه لاه….
ليهجم عليها ويمسكها من شعرها.. بقي بتوزي بتك يا بت الكلاب علي البت تخليها خاطيه بقي بتوزي البت علي عفاشتكم يا محروجه..

 

 

لتصرخ زينات الله في سماه ما حصل…
ليهجم عليها عاصم ويبرحها ضربا كان مغلولا فهيا كانت ستجلب عليهم بحور دم.
لتصرخ هيا.. اتكلمي يا بت الجزمه منك لله انا ماعملتش حاجه وعاصم ينهال عليها ضربا..
ليصرخ انت مالكيش تجعدي اهنه انت تغوري من الدار دي خلاص اني لا ليا مره وولا ليا بت الاتنين ماتو…
لتمسك قدمه وتهتف الله في سماه ما حوصل يمين بالله ما حوصل خلفه الشوم دي كذابه وهو يلوكها في الارض ويصرخ فيها ثم يرميها ويرزع وجهها في الارض..
لتستدير وتهجم علي ابنتها بتخربي علي امك يا وسخه انا جولتك حاجه وظلت تضربها بغل وتخبط راسها في الارض ليتحول الاتنين لغالل ومغلول يغرزون في بعضهم سوادهَم ولكن ليس لهم الا ذلك السواد يتجرعوه.. لتلهث جميله خلاص ياماي اني كذابه لتظل زينات تخبط راسها بهستيريه ليغشي عليها لتقف وسطهم.. اهه سَمعتو ما عملتش حاجه والله ما عملت حاجه لتقترب من عزيز وتمسك فيه والله يا ولدي ماعملت ولا وعيت صدجني طيب يمين بالله ما عملت.. ليدفعها عزيز ويرَميها لتقع لتزحف لقدم عاصم احب علي رجلك والله ما حوصل دي تربيه العار اللي كذابه يمين بالله ماحوصل ليمسكها من شعرها اني هعرف كل حاجه بس لحد معرفتي تجعدي كيف الكلبه اهنه يا منجوع وساخه ماتنطجيش مربيالي عجربه تنهش في الكل مره سو هتطلع لمين عاد منكو لله كتو هتجلبو البلد حريجه ليدفعها بقدمه لترتمي علي ابنتها لتنهار بالبكاء وتظل تلطم وتدعي علي ابنتها ربنا ياخدك اشوفك محروجه بخت كت ميتي يا بعيده واستدارت لتكمل علي ابنتها ضربا من غلها ليتركهم الجميع يجنو شرور انفسهم.. ميفوميفو

 

 

اخيرا شعر عزيز بشئ من الراحه ليصعد حجرته واقفا متسمرا ينظر لحبيبته التي فعل بها السئ كله ليذهب الي الحمام يغتسل ليبقي بعض الوقت تحت الماء البارد ليهدي من جسده وتعبه ليخرج ويقترب بهدوء من تلك النائمه لا حول ولا قوه ليندس بجوارها ينظر اليها بحب ومد يده يتلمس وجهها وانحني وقبلها بحب ووضع يده علي بطنها يتحسس طفله لتنساب مشاعره.. يا رب احفظهولي يا رب دي الحاجه الوحيده االي مش هتخليها تبعد وتسيبني.. يا رب خليهولي عشان يقربني منها. عمري ودنيتي عارف اني عملت جريمه في حجك بس غصب عني.. طب هتعملي ايه يا جلب عزيز لما تصحي.. جلبي هيوجف خايف ابص في عينك خزيان ومجهور.. اتعريت جدامك يا جلب عزيز.. بس ربنا بيحبني انا عارف رغم اللي عملته العيل لساته جواتك يا جلبي.. ما مصدجش ان بعد دا كلاته يفضل موجود.. دانا خلصت عليكي بخت كانت يدي انجطعت يا روح عزيز.. ربنا كبير ورحيم خابر اني بعشجك وكت هموت والله كت هموت من جهرتي.. بس انا عارف اني هتعب وهنذل يا جلب عزيز.. بس انت مش هتهمليني انا عارف.. هتبعدي بس ما هتهمليني.. مافيه بيناتنا عيل رابطنا.. بحمد ربنا الف مره انه سابهولي.. كت هتهمليني ساعتها انا عارف.. اقترب منها والتصق بها واخذها في حضنه ياااه حاسس اني كنت ميت.. كنت في وسط نار وعتمه شجت جلبي نصين.. جومي يا جلب عزيز وهعيش تحت رجلك تامري بس وانا انفذ وخدتلك حجك منهم كلاتهم.. ولسه عزيز انت اللي تجومي وتاخدي حجك مني بس ماتبعديش واصل.. ما هجدرش يا عمري.. دا ايه المرار ده ليه يجرالي اكده انا عملت ايه في دنيتي عشان يتعمل فيا اكده..عشان طَور وحلوف ما بتتفاهمش منك لله.. منك لله يا جميله الاهي ينحرج جلبك. ظل ينظر اليها ويتلمسها.. شكلك صعب جوي يا عمري عم يوجعك جسمك عشان اكده نيموكي.. بيوجعك يا جلبي حجك عليا.. وشك الجمر مزرج ومش باين من ضربي فيكي كنت كيف الطور الهايج وانت كيف الملاك.. بس كتي بتبتسمي علي ايه يا عمر عزيز.. كت شايفه ايه وانت بين الحيا والموت خلاكي تبتسمي وماتحسيش بضربي.. كنت مبسوطه اني هموتك انا خابر كنت عايزه تموتي عشان ماعشتيش يوم فرح.. بلد كلت سمعتك واهل جهروكي وجوازه جبر وزوج قال فيكي العبر كلياتها والاخر وصمك بعار مش ليكي.. بخت كان لساني اتجطع.. انا ازاي جولت كل الحديت ده..

 

 

 

ازاي جولتلها بعد ما شفت دليل شرفها جبتي الدم عالفرش منين زي البنات المعيوبه. ازاي رجعت جولت ورد المعيوبه بت المعيوبه.. ايه الجرف ده.. انا جلبي هيوجف كنتي حاسه بايه وانا بجول اكده.لتسيل دموعه.. كت حاسه بايه يا جلبي بخت كت انحرجت جبليها.. جلبي هيموتني.. يا تري هتكرهيني جوي بعد ما حبيتي حضني.. كنت جبليها في حضني ومبسوطه وجولت خلاص جولها يا عزيز عرفها انك بتحبها.. بس لاه ربنا رايد يعذبك عشان تبجي تتمهل وتتوكد التهمه دي ماهياش هينه دا شرف وعند ربنا عجابه كبير.. خابر يا جلبي اللي هيجرالي بس الله في سماه لو جطعتيني بالسكاكين ما هنطوج.. اقترب منها وتلمس بشرتها وقبل شفتيها.. اني جارك اهه ما ههملكيش واصل ليشدها بهدوء الي احضانه.. شوفي خدتك في كضني ازاي اهه وهعملك اللي تعوزيه كوله يا جلبي الجمر يؤمر دانت حبيبي كان يقبلها وهيا تتأوه بلا وعي.. ليهمس عم تتوجعي يا حلبي.. عم تتوجعي بيوجعك يا جلبي طب والنبي خلاص ماجادرش.. بصي انت هتزعلي شويه مني وتعملي كيف مابدك ايوه واني هجطف خالص وبعدين احعد اصالحم وانت تطلعي روحي واني اصزلحك والاخر حبيبي هيصالحني ما هو جلبه طيب وابيض مش كده هتصالحيني صوح واخدك في حضني واحد احطعك بوس واحب فيمي لما تموتي في يدي.. ليهتف تموت ايه يا طور خدم ربنا.. لاه لما تجولي بكفياك عشج يا عزيز هجلك ماحادرش اوجف عشجي اوجفه ازاي عاد وحبيبي جاري.. كان يتلمسها بخنان.. شوف حبيبي حلو ازاي.. جمر نجمه نازله من السما.. كان يتلمس شفتيها بحب.. انت هتصالخيني مش اكده ايوه انا جلبي مايستحملش يا جلبي ايوه هاخدك في حضني واصالحم.. هتتمني عني هتغفلجيها بس هصالحك حبيبك راجلك .. اي والله حبيبك وراجلك يا نن عيني.اه يا جلبي اللي بينحرج . واخذها في احضانه ونام من تعبه..

 

 

عند بدور كانت قد عرفت مافعله عزيز وكيف ارجع لها ورقتها وقضي علي كارم لتحمد ربها وتتوب اليه فقد رحمها من موت اكيد لتعود الي البيت وتصعد لتختفي من امام الجميع وكانت تبكي بشده لما مرت به وما حدث لابنه عمها المسكينه لتدخل عليها امها.. ايه خلاص فلت عيارك وخلاص ورد بجت اللي عالحجر دلوك.. الحب رفرف جوي اكده..
لتقوم بدور بغل وتنظر الي امها.. اصحك تتحدي عن ورد جدامي تاني ورد دي ستي وتاج راسي فاهمه..
لتصرخ جليله انت اتجنيت يا بت مين دي اللي تاج راسك اتخبلتي اياك..
لتهتف بدور.. لاه ماتهبالتش يا حاجه جليله.. ماتهابلتش بس وعيت وعرفت بس بعد ما كت هتفضح.. بتك كانت هتتفضح وورد اللي شالت فضحتي بتك كات هتجبلك العار وورد هيا اللي سترتني.. ورد كات هتموت بسبب بتك اللي انت ماربيتهاش.. ايوه ماربتيش حد ماكتيش فاضيه الا للغل اللي مالي جلبك علي نعمات وبتها سيبتيني اروح اترمي في النار واتذل واتفضح..
لتخبط جليله علي قلبها.. تتفضحي ازاي يا بت بطني عملتي ايه يا مرك يا جليله ماتجولي يا بت..
لتهتف اجولك ياماي ايه اني استاهل الجتل اجولك اني اتجوزت من وراكو.
لتلطم جليله علي وشها يا مري يا حزني يا فضحتي انت بتجولي ايه.. دا ابوكي واخوكي يجتلوكي.. يا دي السواد هعمل ايه دلوك..
لتهتف بدور.. ماتعمليش يام شاكر فيه غيرك عمل وشال شيله بتك.. ماتعمليش ورد شالت فضحتي وسترتني واتحطت مكاني.. لتبهت جليله لتكمل بدور وتحكي لها لتحس بان قلبها سيخرح من مكانه.اتهتف جليله. يا حزن الاسود كل ده جرا.. دا لو حد جاله خبر البلد هتولع حريجه والعيلتين هيجتلو بعض اخوكي شاكر هيجتل عزيز وعيله عزيز هتجتل ولدي.. يا مرك يا جليله اصلك ناجصه.. طب يا بت بطني ياللي فضحتيني.. اروح فين دلوك لو اتعرف هنعملو ايه..
لتصرخ بدور.. خلاص ماحدش هيعرف الحاج عابد جفل عالخبر ورمو الواد برات البلد.. بس الغلبانه نايمه ميته بسببي كان هيجتلها بسببي.. واجهشت بالبكاء..

 

 

لتجلس جليله غير مصدقه ان ورد فعلت ذلك.. ليه تعمل اكده دانا وريتها المرار الطافح..ورد تحوش عنك الفضيحه.. لتقول بلا وعي ليه دانا اللي طلعت عليها انها معيوبه..
لتنتفض بدور.. يا مري يا حزن الحزن انت يامه اللي جولتي عليها اكده في البلد كانت تصرخ انت اللي فضحتي ورد وجولتي عليها معيوبه. سرحتي النسوان تجول ان بت عمي معيوبه . كانت تصرخ لتهجم عليها امها لتجعلها تصمت اخرسي يا بت المحروج هتفضحيني..
ليدخل عليهم وهدان وعيونه حمرا فقد سمع كلام بدور الاخير.. ليهجم علي جليله بجي يا مره يا سو سنين والعيله شرفها اندعك في الارض وانت السبب.. بقي يا وش الشوم تفضحي البت اللي كيف النسمه.. بجي يا جادره يا فاجره تعملي اكده.. سنين وانا دلدول ليكي وساكت سنين وانا بعدي وساكت واجول خلاص كبرت يا وهدان مشي عيشتك الروبه. سنين وانا جاطم وساكت وشايل الطين من مره غلاويه.. تذل في مرت اخوي وبتها ولا نتكلم.. بس ما كتش اعرف انك فاجره اكده.. عشان غلك تفضحي الهلاليه ليشدها من شعرها للاسفل سحلا يمسح بها الارض وهيا تصرخ وهو ينهال عليها ضربا.. تعالي يا ابوي تعالي شوف التعبان اللي لابد في دارك.. تعال يا صابر يا اخوي شوف بتك مين اللي فضحها وسط الخلج.. لينصدم جابر وصابر.. ليكمل وهدان مرتي.. مرت وهدان الهلالي فضحت الهلاليه وطلعت علي ورد انها معيوبه مشت النسوان يجولو ان بتك معيوبه يا صابر.. مرتي الحيه اللي نايمه تلدع فينا كلياتنا.. ايه الفجره ده انت ايه شيطان وانهال عليها ضربا ولم يقترب احدا فتهالك جابر الهلالي وصابر ينظل اليها بغل وبدور تنتحب بشده.. ليهتف وهدان بس لاه خلاص اكده لحد اكده والحيه رجبتها تنجطع من الدار ده وتترمي برات..
لتصرخ جليله. لاه لاه يا وهدان لاه يا اخوي انا مرتك ودي داري لاه يابن عمي حجك عليا حجكو عليا كلكو.. ابوس يدك ماترمنيش بره انا ماليش حد يا بو عيالي.. جوله ياحاج جابر جوله يرحم شيبتي اروح اترمي عند للناس اتذل واهمل داري.. ابوس يدك..ميفوميفو

 

 

ليصرخ وهدان ارحم شيبتك وما رحمتيش البت ليه مارحمتيش فضيحه عيله بحالها سنتين والبت محبوسه كيف الكلبه مافيه راجل جرب يطلبها بسببك يا فاجره.. ايه ده.. دانت عندك بت ماخفتيش يجر الها اكده. لتنكمش بدور فقد اصابها فعلا وكانت ستتفضح لولا ورد..
ليكمل الله في سماه ماهتجعدي فيها ولا هتتسميلي مره بعد اكده وهرميكي رميه الكلاب برات الدار.. يا محروجه يا جوازه الشوم يا جهر السنين.. انت طالج يا جليله طالج.. جلبي ارتاح ويلا بره خلي البيت ينضف بجه الا الجرف عشش والتعابين سرحت بسببك مره سو ربنا ياخدك يا بعيده.. شاكر خد المره دي من اهنه ارميها في دارهَم تخدم عنديهم كيف الكلبه بعد ما عملناها ست الدار لسنين.. روحي يا بت حمدان هتشوفي ذل السنين علي كبر.. كولي بجه غلك في حته تانيه عيش فجر وذل عيشي في داركو نسوان اخواتك يذلوكي كيف ما ذلتيهم.. غوري من اهنه اشحتي اللجمه الحاف منيهم.. روحي دار كلها ذل بعد ما كتي ست دار الهلاليه.. بره يا وش الشوم .. لتسقط جليله عالارض يا مري يا خراب بيتي اروح فين يادي الخراب اللي حط عليا ابوس يدكو هملوني اهنه ماهنطوجش ولا هتكلم هشتغل خدامه بس في داري.. يا مرك يا جليله ليتركها الجميع ويرحلو لتشعر بالقهر وان هناك ايام ذل تنتظرها ليترد لها كل ما فعلته بورد ونعمات لتخرج بعد ان كانت ست دار الهلاليه لتخرج مذلوله منبوذه من الكل.. فالله يمهل ولا يهمل.. وان ربك لبلمرصاد…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اشواك الورد)