رواية المعلمه صباح الفصل الثاني 2 بقلم يارا عبدالسلام

رواية المعلمه صباح الفصل الثاني 2 بقلم يارا عبدالسلام

رواية المعلمه صباح البارت الثاني

رواية المعلمه صباح الجزء الثاني

رواية المعلمه صباح الحلقة الثانية

_احسنلك يا صباح تبعدي عن اختى واخويا والا قسما بالله هتزعلى منى وجامد اووي
_وان مبعدتش
_انتى عوزا اي
_عوزاك
_انتى بتقولى اي انتى اتجننتى دا انتى اكبر منى في السن وغير كدا انتى ولا شبهى ولا انا شبهك ..
صباح بصتله واتكلمت بهدوء:أنا عارفه انى مش شبهك ولا انت شبهى بس اعمل اي في دا…
وشاورت على قلبها
عامر اتنهد وبص للسقف وبصلها:بصي يا ست صباح أنا واحد ولا عندى حاجه اقدمهالك وحالتى زي مانتى شايفه فانتى واحده عوزا معلم زيك علشان تعرفوا تتكلموا مع بعض أنا مش هنفعك…
_انا عندي استعداد اديك اللى انت عاوزه عندي استعداد اخليك معلم واللى رايح واللي جاي يضربلك تعظيم سلام …
_وانا مش عاوز كدا أنا راجل في حالى وقافل على اخواتى وحالتنا على قدها وانتى لازم تفهمينى وتقدري دا علشان انا مش بحب المشاكل ومش هستنى منك اي موقف ميعجبنيش تاني..

صباح حطت ايديها في وسطها واتكلمت:شكلك مش هتيجي بالحنيه والطيبه بص يا اخويا خير في سلامه وسلامه في خير وانتو دلوقتي ساكنين عندى في بيتي ..
_نعم بيتك ازاي دا بيت المعلم عزوز..
_وانت متعرفش ولا اي أنا اشتريت البيت دا من المعلم عزوز امممم وكنت ناويه يعنى لو اتجوزتني اكتبهولك باسمك بس خلاص ملكش في الطيب نصيب ف اي تتفضل انت وأخواتك تلم هدومك وتمشو من هنا وقدامك يومين ياما توافق تتجوزني ياما ترفض وتتكل على الله …
عامر يصلها بصدمه قد اي هى رخيصه وقد اي هى زي الحربايه بتتلون وقت ما هى عوزا …
طلع البيت وهوا بيفكر ومحتار وبيفكر في رحمه اللي لو وافق هيكسر قلبها وفي نفس الوقت هيتطرد هو وأخواته في الشارع …
قعد على الكرسي واسماء قربت منه..
_مالك يا اخويا مالك يا عامر..
_المعلمه صباح بتهددني ياما اوافق واتجوزها يا اما هترمينا في الشارع وفى نفس الوقت أنا واعد واحده بالجواز أنا مش عارف هى لى بتعمل كدا..

اسماء زعلت على اخوها والدموع اتجمعت في عينيها:اول مره اعرف انك بتحب يا عامر واول مره اشوفك كدا وبحالتك دى ..
_تعبت يا اسماء الموضوع لو عليا أنا وانتى كنت قولت ماشي بس سامر سامر اعمل فيه اي مش هيستحمل كل دا ..
سامر خرج ببراءه:بتتناديلي يا عامر ..
عامر رفع رأسه ليه ووقتها نسي كل همومه قدام براءته وضحكته اللي تخطف القلب تتنهد وقام وقف قدامه..
_اه بناديلك كنت عاوزك تجهز نفسك علشان نخرج سوا أنا وأنت واسماء..
فرح جدا وحضن عامر ودخل بسرعه يلبس..
اسماء قربت من عامر:عندك حق يا عامر احنا مش هنقدر نسيب هنا علشان سامر..
عامر حضنها وباس راسها وقال:سيبيها على الله..
تانى يوم …
عامر نزل ودخل على محل المعلمه صباح ..
_عاوزك يا معلمه
صباح ابتسمت وقامت وقفت قدامه :انت تؤمر يا سى عامر
عامر غمض عينيه واستجمع قوته وقال_انا موافق اتجوزك

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية المعلمه صباح)