رواية تسنيم وحمزة الفصل الأول 1 بقلم ندى أبواليزيد

رواية تسنيم وحمزة الفصل الأول 1 بقلم ندى أبواليزيد

رواية تسنيم وحمزة البارت الأول

رواية تسنيم وحمزة الجزء الأول

رواية تسنيم وحمزة الحلقة الأولى

تسنيم : حمزه احنا لازم نسيب بعض
حمزه : ايه انتى بتهزرى صح
تسنيم بدموع : انا مش بهزر يا حمزه احنا فعلا لازم نسيب بعض عشان رضا الله سبحانه وتعالى عننا
انت عارف ان كلامنا مع بعض حرام وربنا سبحانه وتعالى مش هيرضى عننا ابدا ولا هنكون لبعض بالوضع ده
حمزه : يا تسنيم انا بحبك والله عشان خاطرى متسبنيش انا عندى وعدى ليكى وهتقدملك بس فى الوقت الحالى مش هينفع انتى لسه طالبه وانا بكون نفسى
تسنيم : حمزه افهم لازم نرضى ربنا دلوقتى عشان ربنا يراضينا ويرزقنا ببعض ومن هنا لحد ما تيجى تتقدملى مش هنتواصل ابدا بأى شكل من الأشكال وهفضل مستنياك لحد آخر يوم فى عمرى
حمزه : وانا هعمل المستحيل عشان اوصلك ومش هتكونى لحد غيرى
تسنيم بدموع : خلى بالك من نفسك يا حمزه مع السلامه
حمزه بدموع : وانتى كمان خلى بالك من نفسك مع السلامه
☆☆☆♡♡♡♡☆☆☆
إيمان : وبعدين يا تسنيم عدى 3 سنين وانتى بردو لسه عايشه على وهم حمزه مش هيجى
تسنيم : لا يا إيمان انا متأكده ان حمزه هيجى وهنتجوز وحشنى اووى بجد
إيمان : انا حبيبتى انا مش عايزاكى تعلقى نفسك بحاجه مش هتحصل

انتى عارفه كويس عيلتنا بتفكر ازاى انتى طالبه جامعيه وهو للأسف مش معاه حتى إعداديه حتى عيلته مش قد عيلتنا
تسنيم : انتى من امتى وانتى بتفكرى بالطريقه دى تعليم ايه وعيله ايه إلى بتتكلمى عنها
الرسول صل الله عليه وسلم علمنا ازاى نختار الزوج الصالح بقوله ‏ﷺ: “إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير”.
دول الأهم من الفلوس والتعليم والجمال وكل حاجه
إيمان : يا تسنيم يا حبيبتى انا والله عارفه كل ده بس مش انا إلى بفكر بالطريقه دى دول أهلنا
إلى بيفكروا بيها شوفتى لم كنت بترفضى كل
عريس يقولوا ايه ماله ده عنده جاه ومال وعيله بيبصوا دايما هو معاه ايه وعنده ايه مش جواه ايه
تسنيم : انا مش عايزه يا إيمان غير حمزه ومش هوافق غير عليه وهفضل استناه لحد آخر العمر
لأن قلبى بيحبه ومتعلق بيه مش بالساهل ينساه او يفكر يكون لحد غيره
إيمان وهى بتاخدها فى حضنها وبطبطب على ضهرها : ربنا يريح بالك وقلبك يا حبيبتى ويحققلك كل إلى بتتمنيه
تسنيم : يارب يا إيمان وبتكتفى بإنها تفضل فى حضن أختها
*مفيش أجمل من إنك تلاقى شخص حضنه دايما مفتوحلك وقت ما تحتاج تترمى فيه تلاقيه فاتحلك دراعاته وواخدك ويطبطب عليك ويقولك انه موجود دايما معاك*….♥️
تانى يوم تسنيم راحت الجامعه

اه ما انا نسيت أعرفكم : تسنيم 21 سنه كليه آداب قسم علم نفس بنوته شاطره ومتفوقه جدا فى مجالها قمحاويه عنيها سمراء مختمره ولبسها كله واسع وفضفاض…
إيمان اخت تسنيم الصغيره 19 سنه كليه صيدله افتح من تنسيم فى لون بشرتها وعنيها بنى فاتح بتحب دايما اللبس الكاجول والميكاج بس هى وتسنيم برغم من اختلاف شخصياتهم إلا أن هم دايما متفاهمين
مع الأحداث هتعرفوا باقى الشخصيات…*
راحت تسنيم هى وإيمان الجامعه وكل واحده راحت على كليتها
وبعد يوم دراسى شاق راحت تسنيم قعدت على الكورنيش وتشرب مشروبها الى بتحبه اللمون بالنعناع
بنوته..ورد ورد اتفضلى يا ورده
تسنيم : الله يا سكر دى جميله خالص بس انتى أجمل منها بكتير
بنوته..اتفضلى
تسنيم بتديها فلوسها
بنوته..انا خدت حقها خلاص انا بس جايه اديهالك
تسنيم : خدتى حقها منين يا سكر
بنوته..من طنط إلى هناك دى وبتشاور عليها بس تسنيم ملاقتش حد
تسنيم : هى فين ده
هى راحت فين البنوته دى كمان

فضلت قاعده تسنيم تفكر مين إلى دايما بيبعتلها ورد مع أطفال صغيرين فى كل مره بتقعد فيها هنا
روحت تسنيم البيت
تسنيم : السلام عليكم ورحمه الله وبركاته
الكل : وعليكم السلام ورحمه الله وبركاته
إيمان جت وراها على طول : يا أهل البيت انى جاااائعه عايزه أكل
الأم : صبرنى يارب
الأب : يا ام تسنيم أكليها بسرعه بدل ما تاكلنا
إيمان : حبيبى يا حج يا عسل انت
تسنيم والأب بيضحكوا
تسنيم : أساعدك فى حاجه يا ماما
الأم : وهى بتبص لإيمان شايفه بنتى حبيبتى بتساعدنى ازاى انما انتى
إيمان وهى فاتحه حله المحشى وعماله تأكل منها : ايوه يعنى هناكل امتى
الأم : هو الشبشب فين وبتحدفه
إيمان : هوبااا مجاش عليا
الأب بضحك : تعالى يا تسنيم يا بنتى يا عاقله هاا يا عاقله يارب ناس تانيه تسمع
عايزك فى موضوع مهم تعالى
تسنيم : حاضر يا بابا
قعدوا فى البلكونه
الأب : بصى يا بنتى انتى متقدملك عريس وانا موافق عليه……
تسنيم بصدمه…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تسنيم وحمزة)