رواية تغريدتي 2 الفصل الأول 1 بقلم ملك عبدالرحيم

في مكان تاني

~براء انت لازم تروحي بكرا الانترفيو دا انسي موضوع ورثك وان عمك ممكن يرجعهولك

=يعني انت عيزاني اروح اشتغل

~وانت هتشتغلي في اي شركه انت هتشتغلي اسيستنت لفارس الالفي يعني هتبقي مسؤوله عن كل حاجه غير انه عنده كذا شركه ومصانع وانت وشطارتك حاولي توقعيه

=تقي انسي عمري ما هعمل كدا كبيري اشتغل فارس كان عارف ابويا وعارفني واستحاله ابقي رخيصه كدا فاهمه

~يختي متعمليشزمن الحبه قبه احنا ضامنين انك تتقبلي اصلا المهم انك هتروحي معلش يعني انا فلوسي قربت تخلص

=طيب يا تقي ينفع انام بقي عشان اصحي

~نامي يختي دا الي انت فالحه فيه

تاني يوم كان فارس قاعد بيقرا ملف وواحده ورا التانيه تدخل وتبقي مش مناسبه لحد ما جه الدور عند براء الي دخلت وكانت بتبص بتكبر على كل حاجه ومشتنيه فارس يبصلها

_مؤهلاتك

=خريجه تجاره قسم بيزنس الاولي على دفعتي الاربع سنين معايا شهاده خبره 4 سنين وشهاده ICDL وبتكلم خمس لغات انجلش والماني وفرنساوي وايطالي وصيني

_مميزاتك ممكن تكون مبهره لاي شركه تانيه اي الي يخليني اختارك

ورمى الملف الي كان في ايده على المكتب بعشوائيه وبصلها

_بصي انا الشغل عندي مفيش فيه اي دلع وانا عارفك كويس يا براء وعارف ابوكي وعارف انك حد مدلع جدا وصدقيني معنديش مانع اساعدك

=استاذ فارس انت فاهم غلط انا جايه عشان اشتغل وبس مطلبتش من حضرتك مساعده ايا كان نوعها ايه عن اذنك مش محتاجه الشغل

_انت جيتي واتقدمتي وانا موافق

=وانا مش هشتغل

_بلاش شغل عيال

=فارس انا مش بعمل شغل اطفال انا مش محتاجه عطفك عليا او شفقتك

_بقي في واحده معاها كل شهاداتك محتاجي شفقه انا عارف انك متعينتيش عشان عمك يا براء وانا موافق واسف على اسلوبي البايخ معاكي

=تمام هنبدأ الشغل من امتي

_بكرا الصبح تطوني هنا في الشركه الساعه 8 وانا هخلي الي واخده مكانك انهارده تبعتلك مواعيدي

=تمام عن اذنك

رفع السماعه

_مدخليش حد تاني خلاص اتعينت رقمها في الملف ابقث كلميها اديها مواعيد الايام الجايه

عند براء كانت قاعده متعصبه من اسلوب فارس وبتحكي لتقي

~يختي ما كلهم بيعملوا كدا وبعدين يقعوا على وشهم بس شكلك عجبتيه

=عجبته اي بس انت هبله دا مبصش عليا لحظه

~هتلاقيه بص دا كلهم نفس الصنف

=مليش دعوه يا تقي هتلاقي متجوز ولا حاجه

~ولو يطلق عادي

=تقي افهمي اني راحه عشان اشتغل وبس

~برحتك يختي خليكي هبله زي ما انت

عند تغريد

‹تغريد بجد خلاص الراجل نفسه كلمك

›ماخدتنيش معاك ليه طالما مراته موجوده

‹ميمشيش معاكي اننا كنا متخانقين

›بقولك ايه انا مش هصدقك لو عملت ايه

‹انا ايه الي خلاني ارجع في قراري زمان بس

›قرار ايه دا كمان بقي

‹كنت ناوي اسيبك كان زماني مرتاح والله ولا حتي ان اتعالج ياريتني ما عملت كدا وخلصت من كل الضغط الي انت دايما حطاني فيه ومش مقدره اي حاجه اخوكي معايا طول الوقت وعارف كل حاجه عن شغلي بس ازاي لا بخونك انا تعبت يا تغريد ولو هيريحك اني ابعد هبعد انا مش هفضل عايش طول حياتي شاكه في كل تصرف ليا انا كان في ايدي اسيبك في كل مره قررتي تسبيني بس دايما مكمل بس طاقتي خلصت افهمي دا بقي

وسابها وخرج وهو بيرزع الباب وراه وتغريد دموعها مغرقه وشها هي مش قادره تفهم هي ليه مش بتثق فيه رغم ان امجد اثبتلها اكتر من مره انو بيحبها بس دايما هي بتشك فيه

عند فارس كان بيتمرن بوكس وبيفتكر كل حاجه حصلتله أبوه وبسمه الي سابوه مـ،ـوت امه كل حاجه كانت بتضغط اكتر واكتر عليه وغير زن تغريد دايما انو يجوز ومش مقتنعه انو مش عايز رغم انه عنده 35 سنه الا انو لسه مش مقتنع بالفكر دي ومش قادر يشوف حياته مع اي واحده تانيه غير بسمه الي حبها من كل قلبه بس قررت تسيبه في نص الطريق يكمله لوحده

‹براحه شويه يعم

_ايه الي جابك

‹هتزعل مني لو قلتلك هطلق اختك

_طلقها ولا تولعوا حتي انتوا الاتنين اخواتي يا امجد افهم دا كويس وفعلا تغريد كل مره بتزودها

‹افهمها ازاي اني بحبها واني عمري ما بصيت لاي كلبه حتي من اول ما دخلت حياتي ماشي كان عندي علاقات بس كل دا قبل ما اتجوزها

_انا فاهمك يا امجد انا عن نفسي بفكر اخلص منها بدل ما كل خمس دقايق الاقيها بعتالي صوره واحده تقولي اخطبهالك طب تراعي انهم متبرجين حتي ياخي بس ازاي لا تغريد لازم تجوز فارس

‹والله يباشا حتي معتز موافقنا الرأي لو سالته

_اقرار جماعي كدا بس خلي بالك لو اتجوزت بعدها هتقولك شوفت بقي انك كنت بتخوني

‹انا شايف انك تخلص مني احسن

فضل امجد وفارس يهزروا وفي الاخر راحوا شقه فارس الي لقوا معتز رايح عليهم اول ما شافهم

«سنه عشان تيجوا يعم الواحد جعان

_انت جوا بطنك ناس يبني ولا في ايه انا مش من ساعتين طلبتلك اكل

«الواحد بيشوفكوا بيجوع يخالو بقي

_ياريته باين حتي دا انت معضم

«بصولي في اللقمه بقي كنت قاعد مع امي مرتاح

_امجد شوف ابنك انا رايح انام

نام فارس على سريره وفتح موبايله الي فضل يقلب في الصور الي كانت بتجمعه هو وبسمه كلها كان متجبس فيها

_يعني اروح اكسر ايدي عشان اشوفك تاني ولا ترجعيلي طيب ولا اعمل ايه بس؛ليه شبحك ورايا ليه انت كملتي حياتك وانا مش قادر مكنوش ست شهور عرفتك فيهم والله بدفعهم دلوقتي 10 سنين

اتنهد فارس بديق وقفل موبايل كان يوم تقيل عليه من كل النواحي وفضل يفكر لحد ما نام

تاني يوم في الركه كانت براءه قاعده على المكتب بتاعها وفارس كان لسه هيدخل

_القهوه وتحصليني على المكتب

مدهاش فرصه ترد عملت فعلا القهوه ودخلت ورا فارس الي كان ماسك ملف باهتمام مبصش عليها حتي زي عادته دايما مع اي واحده

_عندنا مواعيد ايه النهارده وحضرتي اوراق الصفقه بتاعت المندور ولا لا وفي ملف رقمه 513 تدوري عليه ويبقي على مكتبي قبل معاد الغدا

=حاضر واحده واحده طيب

_انسه براء ياريت تفهمي ان لازم تشتغلي ب ايدك وسنانك هنا واتفضل مليني كل المواعيد وكل الي قلت عليه حالا

ابتدت براء تشتغل وهي بتقول في نفسها

“ياريتني ما سمعت كلامك يا تقي ياريتني”