رواية أميرة الصعيد الفصل الخامس عشر 15 بقلم سما حسين

رواية أميرة الصعيد الفصل الخامس عشر 15 بقلم سما حسين

رواية أميرة الصعيد البارت الخامس عشر

رواية أميرة الصعيد الجزء الخامس عشر

رواية أميرة الصعيد الحلقة الخامسة عشر

وفجأة فيروز سمعت صوت حد بينادي عليها من بعيد
فيروز :……….. بابا
الحاج سعيد قرب : في ايه حسكم عالي ليه خليتوا الناس تسمع بينا
فيروز : انا أسفة يا بابا بس ….
اول ما فيروز قالت بس …ليلي هربت والحاج سعيد ماشفهاش
الحاج سعيد : بس ايه
فيروز : اصل …….
زين قاطعها : اصل يا عمي فيروز كانت تعبانة شوية فكلنا اتخضينا عليها عشان كده كان صوتنا عالي
فيروز بتمثيل أنها تعبانة : أيوة يا بابا بس مش هقدر انزل انهاردة
الحاج سعيد بخوف علي بنته : الف سلامة عليكي روحي انتي ارتاحي ونشوف الموضوع ده بعدين شرين
شرين : نعم
الحاج سعيد : وصلي فيروز اوضتها
شرين : حاضر تعالي يا فيروز
الحاج سعيد لزين : معلش يا ابني بقا احنا هنأجل الموضوع ده شوية لحد ما نطمن علي فيروز اصل شكلها تعبان
زين : لا يا عمي ولا يهمك المهم فيروز تبقي مرتاحة
الحاج سعيد : الله يريحك يا ابني

في غرفة فيروز
شرين : تعالي يا حبيبتي ارتاحي
فيروز بحنية : ما خلاص بقا يا ماما ما انتي عارفة أن انا مش تعبانة
شرين : مش مهم تعبانة والا لا المهم عندي انك تكوني مرتاحة
فيروز : ربنا يخليكي ليا يا ماما
شرين وعينها تلمع بالدموع : ماما انا كنت فاكرة اني مش هسمع الكلمة دي تاني
فيروز : لا طبعا انتي هتفضلي امي وانا بنتك ومش الام اللي تولد وترمي لا الام هي اللي تعلم وتربي وتصاحب بنتها تكون ليها ام واخت صديقة وانتي نجحتي في كده وانا بحبك علي عكسها انا اطيق العمي ولا اطيقها
ليلي : ايه يا فيروز في حد يكره امه
فيروز قامت من علي السرير وراحت في اتجاه ليلي
فيروز : انتي بتتصنتي علينا
ليلي بحزن مصطنع : لا دا انا كنت معدية وسمعتك بتتكلمي كده واتضايقت لما سمعت الكلام دا من بنتي نور عيني
فيروز بعصبية : ما تقولين بنتي انا بكرهك
ليلي : مش مهم المهم اني جمب بنتي حبيبتي و هتتعودي عليا مع الوقت
فيروز : انتي تستمتعي بآخر ايامك هنا في البيت عشان كلها ايام معدودة وتشوفي البيت ده واللي فيه في احلامك هخليكي تتمني الموت بدل من اللي هعمله فيكي هعيشك تعيسة أن عيشتي اصلا
ليلي : هنشوف

فيروز : هنشوف ايه
ليلي بخبث : هنشوف مين اللي هيعيش تعيس
وخرجت ليلي وفيروز لسة مصدومة وخايفة من الكلام اللي ليلي قالته
شرين : تعالي اقعدي هنا يا بنتي
فيروز : انتي ليه ما اتكلمتيش
شرين : انا آسفة يا حبيبتي بس انا لو اتكلمت هتحصل مشكلة
فيروز : لا انتي مش عايزة تدافعي عني وانتم كلكم بتكرهوني
شرين : انتي بتقولي ايه يا بنتي ده الكلام اللي لسة كنتي بتقوليه
فيروز بحزن وايدها بين رأسها وجالسة علي الارض وساندة علي سريرها : ارجوكي سبيني لوحدي
شرين : بس انا ……
فيروز بعصبية : سبيني لوحدي
شرين خرجت من الاوضة وهي بتبكي
زين قابلها
زين : ايه يا طنط في ايه فيروز مالها شرين بانهيار : فيروز مش كويسة خالص يا ابني خليك جنبها
زين : فيروز مالها حصلها حاجة
شرين : ليلي زعلتها بالكلام وهي قافلة علي نفسها ومش راضية تفتح لحد ومش عايزة تتكلم مع حد ولا تشوف حد
زين : ما تقلقيش فيروز هتبقي كويسة روحي انتي ارتاحي وكل شيء هيبقي كويس

شرين : ارتاح ازاي وبنتي بالحال ده زين : فيروز ما فيهاش حاجة فيروز كويسة بس هي محتاجة شوية وقت عشان تهدي المهم عمي ما يعرفش حاجة نهائي
شرين : ازاي لازم يطمن علي بنته
زين : عشان ما يعملش مشكلة وفيروز هي اللي هتتضر ف حضرتك تروحي دلوقتي وترتاحي زي ما يكون ما حصلش حاجة
شرين هزت راسها وقالت بانهيار : حاضر
شرين راحت وزين مسك موبايله
زين : الو
هند : الو
زين : هند بصي بدون مقدمات فيروز محتاجة حد جنبها دلوقتي وانتي اقرب شخص ليها
هند بخضة : مالها فيروز ما كانت كويسة
زين : لما تيجي ابقي احكيلك
هند : مااهووو
زين : ما اهووووو ايه في ايه
هند : اصل انا مشيت من البيت من غير ما استأذن من حد ولا حد عرف أن انا مشيت ازاي ارجع تاني
زين : ي سلام ايه الاحترام اللي نزل عليكي فجأة دا
هند : أنا مش بهزر دلوقتي هرجع تاني ازاي

زين : بصي انتي ترجعي علي اساس ان اخوكي كان واخدك عنده تقعدي معاه بس انتي ما ارتحتيش ورجعتي وتعتذري منهم وشوية دموع علي شوية انا هتقل عليكم
هند : انا عارفة كل الكلام ده
زين : وبعدين
هند : ولا قبلين هلبس وهاجي علطول
زين : بس استني في مشكلة
هند: هو انت يا بني بؤك مش بيطلع منه غير المشاكل والمصايب
زين : معلش استحمليني
هند : افندم مشكلة ايه
زين : فيروز مش راضية تفتح لحد هتدخلي عليها ازاي
هند : يا ساتر
زين : في ايه
هند : يا ساتر
زين : في اييييييه

هند : بقي هي دي المشكلة اللي واجع دماغي بيها من الصبح دي احلها بصباع رجلي الصغير
زين : لا والله انتي عظيمة للدرجة دي
هند : امال يا بني انت بتكلم اي حد والا ايه
زين : أيوة يعني هتعملي ايه
هند : فكك بقي انت دي شغلتي انا
زين :فكك… اقسم بالله انا شاكك انك بنت
هند : أيوة بنت وست البنات كمان
زين : طب تعالي يا ست البنات وخليكي عارفة أن مفيش حد في البيت عارف ايه اللي حصل غير طنط شرين
هند : تمام انا جاية اهو
زين : تمام
في غرفة فيروز
فيروز لنفسها : انا ليه بيحصل معايا كل دا انا عملت ايه عشان كل دا ليه ياربي كده ليه يا ربي ليه ………. استغفر الله استغفر الله انا قولت ايه انا قولت ايه استغفر الله العظيم استغفر الله
ورمت نفسها علي الارض وفضلت تبكي لحد ما عينها غفلت بس ما نامتش قامت عشان تصلي اتوضت وصلت وهي بتسجد سمعت صوت خبط قوي علي بابا غرفتها

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أميرة الصعيد)