رواية ملحد سرق قلبي الفصل الخامس عشر 15 بقلم لؤلؤة محمد
رواية ملحد سرق قلبي الفصل الخامس عشر 15 بقلم لؤلؤة محمد
رواية ملحد سرق قلبي البارت الخامس عشر
رواية ملحد سرق قلبي الجزء الخامس عشر
رواية ملحد سرق قلبي الحلقة الخامسة عشر
لم يكذبِ الليلُ حينَ الليلُ أخبرني
أنّ الذي غابَ دهراً لن يعودَ غَدا
مر إسبوع ومفيش أي أحداث تذكر غير إن عبدالهادي أصر على صبر يقعد معاهم في البيت بغرض إنه ياخد باله من حور
كان كلهم قاعدين على السفره بيتغدوا
عبدالهادي/ جمال ابن عمنا كلمني امبارح وقالي أنه قرر يسيب أمريكا ويرجع بقى يستقر هنا
صابر / والله خير ماعمل بس هيعمل ايه في شغله اللي هناك
عبدالهادي/ ماهو قال انه صفى شغله اللي هناك كله وبعت مدير أعماله من حوالي تلات شهور كده يتابع الفرع اللي هنا ويكبره لأنه مكنش مهتم بفرع شركته اللي في مصر وقال بما إنه هبقى الفرع الوحيد ليه هيكبره ويوسعه ويخليه أحسن ويهتم بيه وده طبعاً مش أفكاره
رسلان / أومال أفكار مين
عبدالهادي/ رائد ابنه هو اللي ماسك شغل أبوه بقاله خمس سنين وهو المسؤول عنه جمال بقى كان بيكلمني أشتريله بيت جنبي عشان نرجع نجمع شملنا زي زمان والأولاد يتعرفوا على بعض
صابر / هو عنده ولاد ايه دلوقتي
عبدالهادي/ بيقول عنده رائد الكبير وعمران وفاطمه
صابر / ربنا يباركله فيهم يارب
عبدالهادي/ يارب … أنا بقى بفكر أبيع البيت ده ونشترك أنا وانت وجمال وعامر أخوه ونجيب عماره ونقعد كلنا مع بعض ونجمع شملنا زي زمان صعبان عليا أوي فراقنا يا صابر ده حتى العيال متعرفش بعضها
صابر / ربك يصلح الحال ياخويا وعامر عامل ايه صحيح اتجوز والا لسه مقتنع أن الجواز فقر
عبدالهادي/ لااااا ده اتجوز وعن حب كمان بس مراته ماتت وهي بتولد بنتهم الوحيده سماها عشق على اسم أمها
صابر / ياحول الله يارب ربنا يرحمها
خالد / ياعمي مفيش حاجه اسمها يا حول الله ( يا ) أداة نداء فلما حضرتك تقول يا حول الله ده معناه إن حضرتك بتستعين بما هو حول الله عز وجل والصح إنك تنفي وجود شيء حول الله أو غير الله يعني حضرتك تقول ( لا حول ولا قوة إلا بالله العلي العظيم ) ( لا ) أداة نفي وده الصح عشان لو حضرتك قولت زي ماكنت بتقول في الأول إذا أنت أشركت بالله عز وجل
بقلم أمل محمد
عبدالهادي بص لإبنه بفخر بيه وبتربيته وإنه فهم عمه الصح بكل أدب وقمر بصتله بحب شديد وعيون بتطلع قلوب والكل بصله بتفهم واحترام ليه ولأسلوبه في الكلام
صابر / يعني يابني أنا كده أشركت بربنا
خالد بهدوء / لأ طبعاً ياعمي حضرتك مكنتش تعرف إنها غلط وكده حضرتك مش عليك ذنب لكن بما انك عرفت الصح وعرفت انها غلط فتبدأ تاخد عليه ذنب …. اتنهد خالد وبص لعمه بهدوء / ياعمي ربنا سبحانه وتعالى من رحمته بينا مش بيحاسبنا على اللي احنا مش عارفينه لكن من أول مابنعرف ده حلال وده حرام وقتها ربنا يحاسبنا
بقلم أمل محمد
حور بصوت عالي وفرحه / أخويا ده يا جدعاااااااااان جرجس انت أسلمت
الكل ضحك على حور وعلى مشاكستها لخالد
خالد / طول عمري مسلم الدور والباقي عليكي انتي
عدى اليوم مابين هزار وضحك وفرحه وبدأ عبدالهادي وصابر وعامر يدوروا على عماره فعلاً بعد ما اتفقوا على أنهم يتجمعوا واشتروا عماره عباره عن ٦ أدوار فيها أسانسير بسعر حلو وكويس وجمال قالهم انها كويسه عشان لما الأولاد يتجوزوا هتنفعهم وبالفعل نقلوا حاجتهم وقعد عبدالهادي في الدور الأول لأنه ميقدرش على السلالم بحكم السن والتعب وفي الدور الثاني جمال ومراته وأولاد والدور الثالث صابر وحور والدور الرابع عامر وعشق بنته والدور الخامس رسلان وخالد قرر يستقر مع رسلان في شقته وكمان محمد بعد ما الكل سامحه وكانت العماره كبيره جدا وواسعه ومحاوطها حديقه منزليه كبيره والدور شقه فيها ٥أوض غير الريسيبشن والحمام والمطبخ الأمريكي الواسع
بعد مرور شهرين
خالد / احنا عملنا جنب العماره يا بابا صاله بمطبخ بحمام زي ماحضرتك قولت عشان كلنا نتجمع فيها مع بعض
عبدالهادي/ كده كويس أهو نقعد مع بعض فيها طول النهار ونطلع الشقق على النوم بس
عمار / فعلاً يا عبدالهادي فكره كويسه ربنا يباركلنا فيك ياخويا
الكل أمن على دعاءه
صابر / يلا يا شباب اجهزوا عشان عمكم زمان طيارته على وصول روحوا قابلوه في المطار
محمد / حاضر يا عمي
جهزوا محمد وخالد ورسلان وخالد ركب مع محمد في عربيته ورسلان وراهم بالعربيه بتاعته وصلوا المطار وهما واقف مسنيين عمهم محمد كان واقف ساند على عربيته فجأه عدل وقفته وبص بزهول وإعجاب شديد
خالد / هو ماله تنح كده ليه
رسلان بسخريه / لأ الأستاذ بيبدي أعجابه بالحلوه بس
خالد بغضب / ماتتلم يا محمد وغض بصرك أومال لو مكنتش متجوز
محمد بسخريه / متجوز اه ما أنا واخد بالي بقولك ايه يا خالد متعكرش مزاجي سيبه مظبوط من الملاك اللي واقف هناك ده
شخص / انت بتعاكس بنتي يالا !!؟😡
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ملحد سرق قلبي)