رواية حب اخر الفصل الثالث 3 بقلم رنا سليمان

رواية حب اخر الفصل الثالث 3 بقلم رنا سليمان

رواية حب اخر البارت الثالث

رواية حب اخر الجزء الثالث

رواية حب اخر الحلقة الثالثة

_هو في حد يرمي ابنه ٤ سنين من غير ما يسأل عنه يا مريم
_انتي اكيد فاهمة الموضوع غلط يا رنا
_موضوع اية اللي فاهماه غلط يا مريم…….بقولك مامته جات وقالتلي ان من يوم ابنه ما اتولد وهو حتي مشافهوش……..انا مش قادرة اتخيل ان في بني ادم قلبه اسود كدة
_طيب انتي مقعدتيش معاه واتكلمتي ليه
_هنتكلم نقول اية يا مريم……..اية اللي هيقوله ويخلي اي بني ادم يتعاطف معاه علي اللي عمله……..دا انسان مريض يا مريم……..انا مش قادرة استوعب ان في انسان بيفكر بالطريقة دي……..يضحك عليا ويوهمني انه بيحبني ويتجوزني علشان افضل جمب فريدة علشان الصدمة اللي كانت فيها بسبب مامتها وميهتمش بيا ولا بمشاعري وبعدين اكتشف انه من يوم موت مراته وهو مفكرش حتي يشوف ابنه ……..دا انسان اناني يا مريم ومينفعش معاه كلام المشكله…….المشكلة اني حتي لو عايزة ابعد واطلق منه مش هقدر اسيب فريدة معاه …….هبقي خايفة عليها معاه
_لا يا رنا………اكيد هو مش هيعمل حاجة في بنته يعني
_طب مهو ساب ابنه ومبيسالش فيه حتي………انا حقيقي مش عارفة اعمل اية ولا اتصرف ازاي
_رنا انا هسألك سؤال وعايزاكي تجاوبي بصراحة………هو انتي حبيتيه ولا لا
_صدقيني يا مريم معرفش………يمكن اكون اه حبيته او يمكن وافقت علي جوازي منه لاني شوفت انه زيي ومر بنفس اللي انا مريت بيه واننا مناسبين لبعض………بس اللي انا فهمته دلوقتي انه ايا كان سبب جوازي منه اية مينفعش اني اكمل معاه ولا حتي اني اسيب فريدة معاه………انا في وضع صعب ومش قادرة اني اخد قرار
_بصي يا رنا……….انا طول عُمري بعتبرك اختي اكتر من فارس الله يرحمه وبحبك واتمني تكوني سعيدة في حياتك………وجود فريدة في حياتها غير حاجات كتيرة اوي وخلاكي ترجعي تضحكي من تاني ودا انا شوفته……..ولو دلوقتي انتي بعدتي عنها مش فريدة لوحدها اللي هتدخل في صدمة جديدة لا…….انتي كمان هترجعي زي حالتك الاولي اللي كُنتي فيها بعد موت فارس وقمر……..انا معاكي ان اللي اسمه اياد دا غريب شوية وتصرفاته غلط………بس هو عاش صدمة كبيرة بسبب موت جميلة مراته واللي واضح انه كان بيحبها……..انا مش بقولك انه صح ولا اللي بيعمله صح……..بس بردو انتي لازم تقفي جمبه وتساعديه انه يتخطي اللي هو فيه خصوصا ان انتي كمان حصلك نفس اللي حصله……..اقعدي معاه يا رنا واتكلمي معاه وفهميه ان اللي عمله مع ابنه دا غلط……..يمكن تكوني سبب انه يعقل ويفهم انه كان غلط
فضلت باصة ليها وساكتة…….كُنت بفكر في كلامها ومش عارفة اعمل اية ولا اتصرف ازاي……..لاول مرة اكون في موقف صعب زي دا ومبقاش عارفة اتصرف ولا اعمل اية……….سابتني ومشيت فضلت قاعدة مكاني مستنياه يرجع……….بعد ساعة سمعت الباب بيتفتح ………اتعدلت في قعدتي وفضلت باصة ناحية الباب………قفل الباب وبص ناحيتي وبدا يتكلم
_مساء الخير
_مساء النور…….احضرلك الغدا
_لا شكرا انا اتغديت………فريدة نامت صح!
_ايوة من بدري……..ممكن نتكلم شوية
_غيرتي رايك مش كدة
_اياد مامتك كانت هنا
_ماما! طيب……قالتلك حاجة!
_قالتلي عن كريم ابنك اللي نفسه يشوف باباه وانت رافض
_رنا……..لو سمحتي مدخليش نفسك في حاجة متخصكيش
_بس انا اكتر واحدة يهمني الموضوع دا يا اياد
_لا يا رنا……..انا اتجوزتك علشان تاخدي بالك من فريدة وبس معتقدش ان الموضوع دا يخصك ابدا
_انت اه اتجوزتني علشان اخلي بالي من فريدة اه………بس فريدة ليها اخ ومحتاج لام واب زيها بالظبط وطالما انا جيت هنا علشان اعوض فريدة عن غياب جميلة الله يرحمها حتي لو بجزء صغير ف انا لازم اني اعمل كدة مع كريم بردو وانت كمان لازم تعمل كدة يا اياد
_قولتلك بلاش تدخلي نفسك في حاجة متخصكيش يا رنا……..انا حُر مع ابني وعلاقتي بيه متخصش اي حد
_لا انت مش حُر…….مهو انت مش عايش في الحياة دي لوحدك علشان تاخد قراراتك لوحدك ومن غير ما حد يرجعك فيها……..هتتجوزني علشان فريدة بدات تتحسن وبقيت كويسة لما ظهرت انا في حياتها………هتبعد عن ابنك اللي ملهوش اي ذنب في اي حاجة حصلت ومش عايز حد يتدخل بس لا……..انت مش من عايش لوحدك علشان تاخد قراراتك ومتبقاش عايز حد يراجع وراك اللي بتعمله
_انتي مش فاهمة حاجة
_اية اللي مش فاهماه……..لو انا مش فاهمة انت فاهمني يا اياد……..فاهمني يمكن تكون انا صح وانا غلطانه ……..ساكت لية يا اياد اتكلم
بدا يتكلم بصوت عالي ويزعق
_علشان اديت ل جميلة قبل ما تموت وعد اني هحبه
ساكت وفضلت باصة لية…….قعد علي اقرب كرسي وبدا يتكلم وهو بيحاول يمنع نفسه من انه يعيط
_قبل ما جميله تولد قالتلي ان حملها صعب ومش هتخرج من العملية وانها كانت عارفة من الاول انها لو حملت هتموت بس هي خاطرت بحياتها علشان تجيب اخ لفريدة……..مش هنكر انها جابت كريم علشان انا كان نفسي في ولد كمان……..فضلت مخبية عليا طول حِملها علشان عارفة اني لو عرفت مش هخليها تكمل الحِمل………ساعتها لما قالتلي كدة مكنتش مصدق نفسي حاولت اني اكدبها وكان عندي امل انها هتخرج وهتكون وسطنا بس دا محصلش………قولتلها اني مش هقدر احب اللي كان السبب في اني اتحرم منها………طلبت مني ساعتها اني احبه ومفكرش بالطريقة دي بس ……..بس انا مقدرتش………لما الدكتور خرج من اوضة العمليات علشان يبلغني بموتها الدنيا اسودت في وشي والامل اللي كان عندي انها تخرج بالسلامة راح………مكنتش قادر حتي اني اشيل كريم في حُضني او حتي ابص في وشه وانا عارف انه السبب في موت اكتر انسانة انا حبيتها………هو انتي فاكرة انه سهل عليا اني اقعد اربع سنين مشوفش ابني ولا اخده في حضني!……..انا نفسي اني اروحله واخده في حضني بس انا عارف اني…….اني لو روحت وشوفته هفتكر جميلة وانه السبب في حرماني منها ومش بعيد اني……….انا حتي مش قادر اقولها………يمكن وهو بعيد عني من غير ما اشوفه هكون كدة وفيت بوعدي لجميلة وحاولت اني احبه حتي ولو من بعيد………انا مش هقدر اني اشوفه يا رنا مش هقدر
مسحت دموعي اللي نزلت……….اتنهدت بصعوبة وروحت قعدت قدامه وبدات اتكلم بعصبية وانا باصة عليه وهو باصص في الارض وبيعيط
_هو انت فاكر انك الوحيد اللي خسرت انسان بتحبه وانت الوحيد اللي من حقك تزعل بطريقتك……….انا عيشت حاجات أسوء من اللي انت عيشتها……..طيب انت مراتك ماتت وسابتلك ولادك اللي هيفكروك بيها وتقدر تعيش معاهم حياة سعيدة………لكن انا اعمل اية……….انا جوزي وبنتي ماتوا وابني اللي كُنت حامل فيه واللي لو كان فضل عايش كُنت هعيش معاه وهعوضه عن غياب فارس وقمر بس خسرته في نفس اليوم اللي خسرت فيه ابوه واخته………لو انت فاكر ان ربنا حطك في اختبار صعب ف انا ربنا حطيني في أختبار اصعب بكتير من اختبارك علي الاقل ان عندك ولادك اللي يفكروك بجميلة وهتشوفها فيهم طول الوقت لكن انا خسرت كل حاجة ومع ذلك واقفة جمب فريدة بنتك وبحاول اخفف عنها وهعمل كدة بس كريم كمان اللي انت هتروح تجيبه لحد هنا وتعوضه عن انك سيبته طول الوقت اللي فات دا……..ومش بمزاجك تقبل او ترفض………انت طالما اتجوزتني علشان اخلي بالي من فريدة يبقي البيت دا مش هيمشي بقراراتك انت وبس……….طول مانا شايفة ان في حاجة هتكون في مصلحة فريدة او حتي كريم هعملها ومن غير ما ارجعلك يا اياد………وخلي بالك انت لو مروحتش وجيبت كريم ابنك بكرة هترجع مش هتلاقيني ولا هتلاقي فريدة
سيبته ودخلت اوضتي……..يمكن اللي عملته دا الصح واللي كان لازم يحصل……..يمكن انا قولتله كلام صعب بس هو كان لازم يفهم غلطه ويصلحه قبل ما الوقت يفوت ويندم علي اللي عمله في حق ابنه

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب اخر)