رواية هادي ومريم الفصل الثالث 3 بقلم مريم سلامة
رواية هادي ومريم الفصل الثالث 3 بقلم مريم سلامة
رواية هادي ومريم البارت الثالث
رواية هادي ومريم الجزء الثالث
رواية هادي ومريم الحلقة الثالثة
ـ هادي بغضب: مريييييم
مريم بإنتفاض: نع نعم
هادي بغضب: ايه اللي موقفك معاه
مريم: هو كان عايز الملخصات وانا قولتله هبقا اديهاله يصورها
هادي: طيب روحي ومتتكررش
مريم: حاضر
حنين بضحك: يالهوي شكلك كان مسخره وانت عامله زي الكتكوت المبلول هههههه
مريم: حنين هسيبك وامشي وبعدين اسكتي ده انا اعصابي سابت والله
حنين: ههه طيب يلا يا ختي ندخل بدل مايطردنا
مريم: يلا
ـ دخلت وقعدت في اخر ديسك
اخيررا خلصنا انا هروح انام
حنين: ايوه ما انا عارفاكي غيبوبه
مريم: ماشي يا ختي سلام
هادي: يلا يا مريم تعالي اركبي
مريم: لاا روح انت وانا هاجي وراك
هادي: يلا يا مريم احسنلك
مريم:مش هينفع والله
هادي: ماشي انتي هتركبي مع السواق والسواق مش غريب يعني اركبي بقا
مريم بتنهيده: حاضر
ـ اول ما وصلت طلعت اجري علي فوق
هادي بضحك وهوبيكلم نفسه: اه يا بنت المجانين بس ماشي اهربي اهربي
مريم: يا اهل البيت انا جيت
حنان: يااهلا يا ختي ادخلي غيري عبال ما احطلك الاكل
مريم: حاضر يا ست الكل
دخلت غيرت هدومي و اتوضيت وصليت و وطلعت
مريم: هو بابا جه ولا لسه
حنان: ايوه كل ودخل ينام شويه
حنان: ما تكملي اكلك يا حبيبتي
مريم: الحمدلله يا ماما شبعت
حنان طيب البسي وروحي ودي الطبق ده لابن عمك هادي
مريم: اه يا ماما وانا اقول ماما عامله محشي ورق عنب عشاني ماشي يا ست الكل
حنان: يلا يا بت اخلصي
مريم: حاضر
روحت خبط الباب وانا اتمني ان هو ميفتحش بس سبحان الله هو اللي فتح
هادي: الله ده البيت نور اتفضلي
مريم: ماما بعته ده لحضرتك
هادي: حضرتي من امتي الاحترام ده
مريم:” بص يا استاذ هادي مينفعش تعاملنا مع بعض الا في خلال الدرس بس
هادي: نعم انا دلوقتي في حكم خطيبك
مريم: لا انت لا اتقدمتلي ولا فيه رابط شرعي تمام وحتي لو اتخطبنا مش هنتعامل مع بعض الا في الضروره عشان هتكون لسه اجنبي عني
هادي بفخر: يسلم تربية عمي تمام يا مريم روحي ذاكري عشان الامتحانات
عدت الحمدلله فترة الامتحانات علي خير وانا عملت اللي عليا وكله بتوفيق الله
وطول فترة الامتحانات لسه الرقم الغريب بيبعت رسايل اني ميأسش وإن شاءلله خير وربنا هيجازيني
جاء موعد اليوم المنتظر موعد ظهور النتيجة وفي وسط وانا مستنيه الموقع يفتح اتبعتت رساله من الرقم الغريب
ـ متتوتريش وثقي في ربنا ومهما كان مجموعك ارضي باللي ربنا كتبهولك
حقيقي الرساله دي كنت محتاجها
الموقع فتح يا حبيبة بابا مليني رقم جلوسك
مريم:*****
ها يابابا جبت كام
ـ حبيبة بابا جابت 95٪
حنان زغرطت
سجدت سجدة شكر احمد ربنا علي مجهودي اللي مضعش
ـ تعالي في حضني يا روح بابا
حضنت بابا جامد وانا ببكي من كرم ربنا
حنان: احنا لازم نعمل عزومه بقي نعزم العيله كلها
ـ وهو ده اللي حيحصل كنت ناوي علي كده
جرس الباب بيرن روحي افتحي يا مريوم
روحت فتحت لقيته هو
هادي: ها جبتي كام
مريم بإبتسامة: الحمدلله جبت 95٪
هادي بفرحه: كم اود ان افعل شئ بس نأجله لبعد كتب الكتاب
دخلت جري علي الاوضه رنيت علي حنين اطمن عليها
مريم: هاا جبتي كام
حنين بفرحه: الحمدلله جبت 95٪
مريم بفرحه: اشطر كتكوت وانا جبت برضو 95٪
مريم: طيب هقفل معاكي عشان عمو ومرات عمو جم بره سلام
حنين: سلام
طلعت بره عمو نده عليا
ـ تعالي يا قلب عمك في حضني
هادي بصوت واطي: يا بختك يا بابا
قمر بهمس: بس يا زفت
وجاء يوم العزومه وكانت العيله كلها موجوده
حنان: تعالي يامريم ساعدينا انا ومرات عمك
مريم: يا ماما المفروض انا اقعد وكل حاجه تجيلي
حنان: المفروض عند المكوجي يلا يابت
مريم: حاضر جايه
بعد الاكل لميت الاطباق وغسلتهم انا وطنط قمر وعملت الشاي
ـ روحي يا مريم ودي الشاي ده لهادي ويوسف في البلكونه
يوسف: تسلم ايدك يا مريوم تعبتي نفسك ليه بس كنت نادي عليا اجي اخده
مريم: ولا يهمك تعبك راحه
هادي بغيره: بس يا زفت اسكت وانت ادخلي جوه
مريم: استغفر الله العظيم واتوب اليه
يوسف بضحك: بتحبها صح
هادي: ايوه وتعال ورايا شوف هعمل ايه
هادي بهدوء: بمناسبة اللمه الحلوه دي يا عمي انا طالب ايد مريم
ـ والله يا بني معنديش مانع بس الرأي رايها
ها يا مريم موافقه
مريم بكسوف: اللي تشوفه يا بابا
ـ خلاص علي بركة الله
هادي “خلاص الخطوبه وكتب الكتاب بعد بكره
ـ ليه مستعجل كده يا بني
هادي: عشان نعرف نتعامل مع بعض يا عمي
محمد ابو هادي: ما تسيب العيال يا عم
ـ خلاص علي بركة الله انا موافق
هادي: تمام هنروح بكره نجيب الدهب
يوسف: الله يسهله يا عم
هادي: بس يلا
عد اليومين بسرعة الهوا
جاء يوم كتب الكتاب
حنين: بسم الله ماشاء الله يا حبيبتي عقبالي بقا انا كمان
مريم: بجد شكلي حلو
حنان: قمر يا حبيبتي
بعد شويه بابا دخلي عشان امضي وبعديها طلع وسمعت جملة المأذون” بارك الله لكما وبارك عليكما وجمع بينكما في خير “ببص لقيت كله طلع من الاوضه وهادي دخل
مريم في سرها: اه يا اندال
هادي: مبارك عليا انت
مريم: الله يبارك فيك
هادي: طيب ايه فين حضن كتب الكتاب
مريم: لا ده خرفات
هادي: خرفات خرفات ووضمها ليه
هادي: بحبك يا مريومتي
مريم بكسوف: وانا كمان
هادي: وانت كمان ايه
مريم بكسوف: وانا كمان بحبك
هادي: انت كان نفسك تحققي حاجه ايه هي
مريم بإستغراب: حاجه ايه
هادي: حاولي تفتكري كده حاجه كنت هتموتي وتعمليها مع قرة عينك
مريم بدموع: متهزرش
هادي وهو بيطلع تذكرتين من جيبه: ايوه والله ههزر ليه كنت عايز افرحك وكنت ناوي اعمل كده الغي الفرح واحجز تذكرتين للسعوديه عشان نعمل عمره
مريم: ربنا يحفظك ليا بجد
هادي: ويحفظك ليا ياقلبي
هادي:انت عارفه مين الرقم الغريب
مريم: اوعا تقول انت
هادي بضحك: ايوه انا هو انا كنت هسمح لحد تاني يبعتلك
بعد مرور تسع اشهر
هادي: يا بنتي قومي ذاكري عندك اخرامتحان في الكليه
مريم بهدوء: عادي يعني هاكل بس عشان حساني هفتانه ومش هعرف اركز في المذاكره
هادي: مش عارف جايبه البرود ده منين انت عارفه ايام مكنت في الكليه مكنتش ببطل مذاكره
مريم: انت بقي مش انا
هادي: مريم بجد هزعل منك لو مقومتيش تذاكري
مريم بضيق: حاضر قايمه اهو
هادي: انت لحقتي
مريم: ايوه لحقت انت ايش عرفك انت عن المذاكره
هادي بتنهيده: مفيش فايده نامي يا مريم نامي
في الصباح
هادي: قومي يلا يا مريم الامتحان هيفوتك
مريم: طيب سيبني شويه صغيرين
هادي: هعد من واحد لتلاته لو مقومتيش هقومك زي كل يوم واحد
مريم: خلاص والله قومت اهوه
هادي: انا طلعتلك هدوم
بعد ما لبست وصليت
مريم بهدوء: يلا
هادي: متخافيش إن شاءلله الامتحان يبقا سهل
مريم: إن شاءلله
بعد الامتحان طلعت لقيته مستنيني ابتسمت عليه وهو واقف ساند علي العربيه
هادي بقلق: هاا الامتحان كان سهل
مريم: ايوه الحمدلله
هادي: بمناسبة اخر امتحان هعزمك انهارده
مريم بحماس: ماشي يلا
اتغدينا بره وبعد كده اتمشينا شويه وروحنا
هادي بقلق: مالك يا مريم بقالك كام يوم تعبانه اوديكي للدكتور
مريم بتعب: لا انا كويسه شوية تعب وهيروحوا
هادي متأكده
مريم: اه يا حبيبي روح بقا هتتأخر علي الشغل
هادي مشي وانا نضفت البيت وزينت اوضة النوم وحطيت جزمة بيبي علي السرير
بعد مرور الوقت هادي وصل البيت
ودخل الاوضه شاف الجزمه بتاعت البيبي ومسكها
مريم: احضرلك تاكل
هادي بفرحه: ايه ده
مريم بإبتسامة: هتبقي احلي بابي
هادي بفرحه ضمها: بحبك
مريم: وانا بموت فيك
“مرحبًا أيُّها العالم : لقد وجدتُ ضالّتي
وجدتُ الرَّجل الذي كنتُ أبحث عنه طيلة حياتي🧡😊”
تمت
لقراءة باقي حلقات الرواية اضغط على : (رواية هادي ومريم)