رواية تخاتيخو الفصل التاسع 9 بقلم فاطمة طلال

رواية تخاتيخو الفصل التاسع 9 بقلم فاطمة طلال

رواية تخاتيخو البارت التاسع

رواية تخاتيخو الجزء التاسع

رواية تخاتيخو الحلقة التاسعة

جينا رغم غرورها الا انها بتنجذب لاي ولد بيحب التحدي والمغامرة ويرضي غرورها فقالت بضحكة مليانة تحدي:
– هههههه يبقى وريني شطارتك بقى
– وااااااو !! اما نشوووف ’ بس خلي بالك انا زهقت من الاماكن هنا فعايزة تغيير جامد فالمهمة هتبقى صعبة عليك
– وانا هعيشك لحظات عمرك ما عشتيها ومتأكد من ده كويس فالمهمة هتبقى سهلة Don’t worry
جينا بإعجاب لتحدي ثامر:
– Ok let’s see

**********************************************

تاني يوم في الصبح بتصحى جينا على رنة موبايلها بترد وهي صوتها نعسان خالص:
– هالوو
– هالوو Good Morning انا ثامر
– Oh hi .. ايه مصحيك بدري كده
– عشان نبتدي
– نبتدي ايه ؟
– The challenge
– WOW from now! 8:00 am?!
– يس يدوب على فكرة .. يلا هسيبك نص ساعة عشان تصحي وتحضري شنطة كده فيها هدومك وحاجتك
وكل حاجة انتي هتحتاجيها لمدة تلت ايام !
– What !
– زي ما سمعتي كده
– Wait انت هتعمل ايه؟!
– انا قلتلك هخدك في مغامرة معشتهاش قبل كده عشان اكسب الرضا ومش عايز كلام كتير .. يلا نص ساعة بالظبط وهجيلك .. باي
ويقفل ثامر في وش جينا قبل ما تستوعب كويس كلامه او حتى تفهم ’ بس تبتسم بكل غرور وتقوم بسرعة
من سريرها رغم ان جسمها مكسر وكل حاجة فيها بتوجعها ’ الا انها تكون متحمسة جدا .. وبعد نص ساعة
كانت رافعة شعرها الكيرلي لفوق بطريقة عفوية وكانت لابسة تي شيرت ابيض بنص كم مكتوب عليه
“Yes I am Free” ولابسة شورت جينز تحته وعلى وسطها لافة قميص جينز بكمام طويلة والنضارة فوق شعرها وكانت حاطة ميك اب خفيف عبارة عن كحل فوق عينها وروج بينك .. ونزلت بشنطة سفر صغيرة اوي فيها لبس يكفيها لتلت ايام وحاجات بتحتاجها وقبل ما تخرج من البيت قلعت دبلة خطوبتها ورمتها في درج من ادراجها .. لقت ثامر جاي بعربية فيراري لونها احمر فصعقت لانها كانت عارفة ان ثامر غني بس متوقعتش انه غني اوي كده .. دخلت العربية بحماس اكتر من قبل كده بعد ما اعجبت بروعة العربية وقالت:
– هااااي
ثامر كان لابس تي شيرت اسود على جينز ازرق ولابس سلسلة فضة في رقبته ونضارة شمس وريحة
البرفيوم بتاعته كانت مالية العربية .. ابتسم بكل تحدي وغرور و قال:
– هالوو برينسس
– ايه بقى هتوديني فين كده!؟
– هوديكي ولاية وايمينغ
– واو هنعمل ايه هناك ؟!
– سمعت انهم بيدلعوكي يقولولك جيني صح؟
– يس؟!
– ويا ترى شفتي بحيرة جيني قبل كده؟
– ايه ! هو فيه هنا بحيرة اسمها كده؟
– طبعااا يا بنتي أمريكا مليانة أماكن كتير لانها كبيرة وانتي اكيد مشوفتيش كل مكان هنا
جينا بفرح :
– اوووك
وفجأة تلفونها يرن فتشوف رقم راجح

*******************************************

في الوقت اللي صحيت فيه جينا كان راجح مخلص شغل لان فرق التوقيت بين أمريكا ومصر مختلف وراح
لمحل تلفونات واشترى موبايل جديد بدل اللي اتكسر وكلم جينا ..
فضلت فترة طويلة عقبال ما ردت بكل برود:
– ها ؟
– ايه ها دي يا جينا؟! يعني رغم انك غلطانة وانا اللي متصل تقوليلي ها!
– عايز ايه دلوقتي انت ؟!
راجح يزفر بقوة وبعدين يحاول يتكلم بهدوء:
– جيني جايز اكون اتعصبت عليكي امبارح بس مقصدش ومقصدش اتحكم فيكي بس حبيبي انا بحب اكون عارف كل حاجة عن خطيبتي وانتي بقيتي تتعاملي وكأن ملكيش راجل تستشيريه ؟! جيني انا عارف كمان ان البعد اكيد مضايقك زي ما مضايقني ’ لاني مش عارف اتعامل وانا في مكان وانتي في مكان بس اكيد هنلاقي حل للموضوع ده واكيد مش هنفضل بعاد عن بعض بالشكل ده …
– طيب راجح معلش ممكن نتكلم بعدين … انا محتاجة وقت اكون لوحدي فيه وافكر براحتي اووك
راجح باستغراب:
– ليه يعني كل ده؟!
جينا بضيق وفي نفس الوقت مش عايزة تبين لثامر حاجة:
– انا محتاجة ده
راجح بعدم رضا:
– اوك على راحتك
يقفل راجح وهو قلبه مليان شك … اما جينا فتكون متوترة وقلقانة ليكون ثامر حس ’ يبص ثامر عليها
ويقولها:
– مالك؟
– هممم لا عادي مفيش ..
– اوك ’ المهم انا مبحبش النكديين .. احنا خارجين نعيش مغامرة
– صح .. قولي صحيح يا ثامر هو انت بتشتغل ايه بقى؟
– يا ستي انا بابا الله يرحمه كان بيزنسيس مان كبير اووي وسابلي ثروة تقدر ببلياردات ودلوقتي انا ماسك
مكانه ..
– ااه عشان كده انت بقى اليوم اللي بتحب تاخد فيه اجازة بتاخد
– بالظبط كده .. قوليلي صحيح انتي بقى ’ سمعت انك مخطوبة ده صح؟!
تبلع جينا ريقها بصعوبة لانها مكنتش عايزة ثامر يعرف حاجة زي دي فقالت بسرعة:
– كنت
ثامر بابتسامة مليانة خبث:
– ودلوقتي؟!
فشاورت جينا لتي شيرت بتاعها وقالت بمياصة:
– I am free

*******************************************
في مصر كانت هبة قعدة في بيتها في البلكونة وأمل برة بتتفرج على

التلفزيون وفجأة سمعت صوت جرس الباب .. بصت أمل من العين السحرية لقت راجح ومعاه عزيز فجريت تلبس اسدال الصلاة وجريت هبة على اوضتها عشان تغير البيجاما عقبال ما امل فتحت ليهم الباب .. وبكل ترحاب وابتسامة :
– ياااااا أهلاااااا وسهلاااااااا اتفضلوااا اتفضلواااااا والله زمن يا عززيييييز
عزيز بكل فرح:
– انتوا اللي والله زمان .. وحشتووونا والله اووووي يا أمل ونادين كانت يامااااا تحكي عنك وعن صحوبيتها
معاكي وانها ملقتش صاحبة زيك ابدااااا ..
– وانت كمان والله يا عززيز ’ مدحت كان دايما يشكررر فيك
فضلت أمل وعزيز يفتكروا زمان وراجح قاعد بعينه يدور على هبة .. وبعد دقايق خرجت هبة وهي لابسة
فستان لونه اسود طويل وشعرها منثور على كتفها وابتسمت ابتسامة ظهرت فيها غمازتها اللي في اليمين وقالت:
– ازيك يا عموو
بص عزيز بشوق وحب ليها وقام حضنها جامد وقال:
– يااااااااااااه يا مفعوووووصة والله كبرررررتي ماشاااااء الله وبقيتي عروسة حلووووة
تضحك هبة بخجل ووشها يحمر وتقول أمل بعفوية:
– مفعووصة ايه يا عزيز كفا الله الشر على نظرك ! قول بقت كعبورة مش مفعوصة
يقول راجح بسرعة وبدفاع:
– يا طنط هبة مش كعبورة ولا حاجة !
هبة تشعر بالاحراج اكتر وتتضايق غصب عنها ’ رغم انها عارفة ان كلام مامتها بعفوية شديدة بس رغم
عفويته الا انه بيدوس على الوجع …
قامت هبة بسرعة بحجة انها هتجيب حاجة ساقعة وهربت .. وبعد دقايق جابت واستئذنت انها هتروح
تقعد في البلكونة ’ فطلب راجح انه يقعد معاها …

********************************************

في البلكونة كان القمر بدر كامل قعدت هبة سرحانة وراجح قعد جمبها هو كمان سرحان .. كل واحد بيفكر
في دنيته ومشاكلها .. وبعد صمت طويل شوية فاق راجح من سرحانه وبص لهبة وقالها:
– مالك؟
– ها … لا مفيش
– حد ضايقك تاني في الشغل النهاردة؟
– ممم لا
– على فكرة انا لاحظت ان اكتر تلاتة بيضايقوكي هما مروة ويارا ومصطفى
هبة بضيق:
– مصطفى مبيضايقنيش
راجح بيبص باندهاش لهبة ويسألها فجأة:
– بتحبيه؟
هبة خدودها تحمر وتتوتر وتبص لبعيد وتقول:
– مبحبش حد
– امال ليه دايما بتدافعي عنه؟!
– وانت لييييه دايما واخد منه مووووقف عدائي
راجح وهو بيجز على سنانه:
– قلتلك قبل كده وهفضل اقلك عشان مرتحتلوش وعشان بحسه شخص انتهاااازي! ده غير اني مرة بشوفه
مع مروة وكأنهم اتنين حبيبة ومرة بيحاول يوضحلي ان انتي وهو في حاجة بينكم !!!
هبة بخذلان:
– معرفش اذا فيه بينه وبين مروة حاجة بس انا كمان بحس بكده .. اما بيني وبينه حاجة فأكيد مش اكتر
من اتنين بيشتغلوا مع بعض في نفس الشركة وانا كنت بساعده في حجات كتير…
– طب تسمعي بقى نصيحتي عشان الخطة تظبط
هبة بكل حواسها:
– ايه؟
– من هنا ورايح كل ما يطلب منك متساعدهوش ’ هو طبعا هيحس بتغيير وفي ايه وبتاع ..
– اه
– لما يحصل كده هيجي يزنق معاكي في الكلام ساعتها هتقوليله عشان راجح بيغير عليا ودي هتبقى اول
ضربة..
هبة ترجع خدودها تحمر من تاني وقلبها يدق بسرعة وتقول:
– لالالالا اناااا مش هقدر اقول كده
– ليه؟!!!!
– مم ممعرفش هخاف اا او هتوتر …..
يمسك راجح ايد هبة بكل حنان ويضغط عليها برفق:
– متخفيش انا جمبك
هبة تقوم بسرعة من مكانها وتحس ان كأن الدنيا بتلف بيها وتقول:
– اا اانا اا انا لازم امشي اا انا هشوف عموو يمكن محتاج حاجة ….. ا ااو م مم ماما ماما اكيد نادت
عليا و وانا مسمعتهاش …
يمسك راجح ايد هبة تاني ويقعدها على الكرسي ويقولها:
– محدش نادى وهما لو محتاجينك هيجوا لحد هنا ينادوا عليكي … متهربيش مني !! واكسري الحاجز
اللي انتي حطاه بيني وبينك ده ..
هبة تبص لبعيد وتحس بضيق متعرفش ايه سببه :
– مفيش اي حواجز
– لا فيه! اللحظة اللي بعتبر فيها انك اقرب حد ليا هي اللحظة اللي انتي بتعتبريني فيها غريب
هبة تبص ليه بعيون حزينة:
– عشان انت فعلا بعيد عني ! انت مجرد كام ذكرى للطفولة مدفونة جوة عقلي الباطن ’ مع الايام بتتسرب
وتروح للقاع !
راجح بتحدي :
– انا الظل اللي باقي معاكي وهيفضل وراكي لحد اخر عمرك ومحدش بيعرف يهرب من ظله !
هبة بنرفزة:
– وانااااا مش عايزة قربك ده يا اخي !!! هووووو انت ايه ؟!!!!!
راجح بحزن:
– هبعد عن حياتك يا هبة بس مش قبل ما اصالحك ع نفسك ووقتها هتأكد انك بقيتي تمام وتقدري تكملي حياتك من غير ما تحتاجي لحد ’ بس لحد الوقت ده ما يجي زي ما قلتلك هكون ظلك اللي مهما حاولتي تهربي منه هيكون وراكِ ’ في ضهرك .. حمايتك ..
ويسيبها في قمة عجزها وضعفها ويمشي يخرج لبرة في الصالون مع عزيز وأمل

**************************************

في أمريكا عند جينا بتكون وصلت هي وثامر لبحيرة جيني وبيكون ثامر مأجر كوخ هناك خمس نجوم من برة شكل كوخ لكن من جوة متجهز بأفخم الاثاث ..
– وااااو انا اول مرة ادخل كوخ !
ثامر وهو بيقرب منها :
– قلتلك هعيشك مغامرة جنان
جينا بدلع ومياصة :
– ههههه اوك وانا سايبة نفسي للمغامرة دي
ثامر بخبث:
– يعني هتكوني ملكي تماما؟
جينا بغرور:
– انا مش ملك حد
ثامر بضحكة مليانة اعجاب بجينا :
– انا كمان مبحبش اكون ملك حد بس احب لما اكون مع وحدة تكون خاضعة ليا
جينا ترفع حاجبها:
– خاضعة ازاي ؟
ثامر يحط ايده على وسط جينا ويقربها ليه بشكل مفاجىء:
– يعني تكون تابعة ليا بمعنى اوضح متكنش مع اتنين رجالة في نفس الوقت
جينا تبلع ريقها بصعوبة وتفهم المغزى اللي بيحاول ثامر يوصله ليها :
– اهااا فهمت
– وموافقة؟
– امممم ……..
– بصي خلي الـ 3 أيام اللي احنا فيهم دول دلوقتي برة اي اتفاق وبعدين نعمل Deal جديد تمام؟
– اوك بس بشرط
– ايه ؟
جينا بهمس كله دلع بتشيل ايد ثامر بقوة من على وسطها:
– حدودك متتعدهاش
ثامر يضحك ضحكة بصوت عالي تملى الكوخ كله:
– ههههههههه شقية وذكية اوي
– طبعا ماهو انا خدت بالي من اول ما دخلنا الكوخ ان مفيش غير سرير واحد!
– لا متخافيش My princess حدودي مبتعدهاش طالما لسه مفيش اي اتفاق بينا
جينا بكل تحديد وغرور ودلع في نفس الوقت:
– اوووك يبقى يلا نبتدي مغامرة جديدة في حياتنا هههههههه

…………………………………………..

– ايه الاتفاق اللي ثامر عايزه من جينا؟
– ردة فعل الشركة لما تعرف عن راجح وهبة؟
– هبة هتقدر تتحكم في الخطة ولا سلبيتها هتغلب؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية تخاتيخو)