رواية الفراق عنوان حبنا الفصل الثالث 3 بقلم فاطمة علي

رواية الفراق عنوان حبنا الفصل الثالث 3 بقلم فاطمة علي

رواية الفراق عنوان حبنا البارت الثالث

رواية الفراق عنوان حبنا الجزء الثالث

رواية الفراق عنوان حبنا الحلقة الثالثة

” لما كل هذا الفراغ في قلبي
أين هي إبتسامتي
رحلت مع من كان يرسمها على وجهى ”
بعدها مسحت الفيس والماسنجر وكنت مقررة ان اول ما هرجع القاهرة هغير رقمى مش عايزة اتواصل معاه ابدا …
خالتى وولاد.خالتى اصروا يفسحونى قبل ما امشى واسافر ونزلنا وقعدنا على البحر وكأنى كنت بشكيله من اشتياقى لحبيبى
_ بتحبيه ؟
= هو مين دا
_ اسامه
= ايه الى بتقوله دا يا ممدوح
_ ابرار انا عارف انك بتحبيه وكان باين اوى من معاملتك
= ودا يفيد بأيه دلوقتى خلاص يا ممدوح
_ بس مش خلاص فى قلبك
= لانه مش بأيدى
_ ابرار انا بحبك وطلبت ايدك من عمى وجاتلى وظيفه فى مصر وهكون قريب منك
= بصتله بصدمه ومكنتش عارفه اتكلم خالص
عدى على منقشتنا دى سنتين ورفضت وممدوح قدر موقفى .. اد ايه تعبت فيهم ومقدرتش انساه ابدا حبه لسه فى قلبى زى ما هو اد ايه جرحنى لما رجعت مصر وسالت ماما سال عليا ولا لا وكان ردها انها سكتت وبصت فى الارض من يومها وانا بحاول انساه بس مقدرتش عملت فيس جديد ومبقتش افتح القديم وكنت بدخل على صفحته اشوف صوره الجديدة وشوفته يوم ما اخد الماجستير ونزل صوره وكان زى القمر يومها جريت على طنط وورتها صورته يومها فضلت بصالى لحد ما بصتلها وانهرت من العياط ووقتها قالتلى ميستاهلش ضفرك اللزج دا وقتها ضحكت ونزلت وكنت فرحانه لفرحته الى باينه فى عيونه ووقتها اقتنعت انى عمرى ما هنساه ولا هحب غيره
” كيف يمكن ان تنحل عقدة حبك التى ربطها على قلبى ”
صحيت فى يوم على صوت دوشه وعرفت من الصوت ان خالتى جاتلنا هى وعيالها قمت لبست وجهزت وخرجتلهم وقعدنا نهزر وكدا
_ طب اقوم اجهز الغداء بقى
= انا نفسى اكل بيتزا يا جدعان كدا مينفعش فينك يا اسا……. ، كله سكت بعد الى قولته حقيقى طلعت منى عفويه لانه كان دايما يجبهالى ويجبلى شوكلاته وايس كريم ونقعد.ناكل انا وهو فى البلكونه
= احم ها هتجبولى البيتزا ولا لا
_ من عنينا هنزل اجيبها ومتعمليش غداء انهارده يا خالتى
= شكرا يا ممدوح مش قصدى اتعبك مش مهم نجيبها فى اى وقت تانى
_ مفيهاش تعب يا ابرار ولا حاجه هنزل اجيبها بسرعه
_ انزلى معاه يا ابرار
= ماما
_ قومى يا زفته
= طيب يخربيت التدبيسه دى انا لسانى دا عايز قطعه اصلا انى طلبت بيتزا … نزلنا وروحنا نجيبها وانا كنت شايله تلاته وهو شايل تلاته
_ انا هاخد.واحده من الى معاكى
= دول بتوعى التلاته وانتوا خمسوا بقى فى التلاته دول
_ هتاكلى التلاته لوحدك
= الله اكبر انت هتنق عليا ولا ايه
_ مهو مش باين عليكى بصراحه كمية الاكل دى
= مهو دا احلى حاجه يابنى
_ بردو هاخد واحده
= بعيييينك
سيبته وطلعت اجرى وهو طلع ورايا جرى وباب الشقه كان مفتوح دخلت بسرعه وانا بضحك
= بردو مش هتاخد من الى معايا
_ ابرار
= يا ماما هو الى ….
المفاجأة شلت لسانى وحركتى معقوله الى انا شيفاه دا
= اسامه !!
– ابرار
= اتحكمت فى فرحتى بشكل انا ذات نفسى مصدقتوش … حمدالله على السلامه وصلت امتى
– لسه واصل اخبارك ايه
= كان باين غضبه وغيرته فى عيونه … الحمدلله
_ حمد الله على السلامه يا دكتور
– الله يسلمك ياخويا
_ يلا يا حبيبتى علشان ناكل .. اتفضل معانا يا دكتور
– حبيبة مين يا بتاع انت متلم لسانك
= اسامه
– ايه مش سمعاه بيقولك ايه
_ هو عيب اقول لخطيبتى يا حبيبتى
– خطيبتك !!!؟
_ ايه دا يا برى انتى مقولتلهوش ولا ايه
= انا كنت مذهوله وساكته وهو باصصلى اول مرة الاقى فى عيونه نظرة رجاء انى اكدب الكلام دا واستغربت ممدوح وكان نفسى اضربه بالقلم بس بصراحه خليه يخلص تارى شويه
– مبروك عن اذنكم
= سابنا وطلع وانا كنت حاسه بغضبه واول ما قفل الباب … انت اتجننت انت بأى حق تقوله كدا هو انت خطيبى
_ اهدى يا ابرار
= اهدا ايه وزفت ايه ليه تقوله كدا
_ لانه بيحبك ومش هيفوق غير كدا
_ ممدوح معاه حق يا ابرار اسامه محتاج يحس انك ضعتى من ايده
= اسامه عمره ما هيحبنى افهموا بقى فات سنتين محسش بيا فيهم هيجى يحس دلوقتى
_ انا راجل واعرف الراجل اللى بيحب والى بيغير هو بيحبك يا ابرار بس غبى
= متشتموش انت فاهم انا بس الى اشتمه
_ والله انتى طقه الله يعينه عليكى
= انتوا بتحلموا لكن انا بقى فوقت .. انا داخله البلكونه وهاكل لوحدى
دخلت علشان خلاص هموت واعيط كمان هشحط حبه كمان والله عال يا سى اسامه انا قولت والله جبله .. فتحت البيتزا وقعدت اكل وانا بعيط عاده زفت والله دخل ممدوح وقعد.قصادى
_ تعرفى انك انتى الوحيده الى شوفتها بتاكل وهى بتعيط
= عادة منيله بعيد.عنك
_ معلش يا خالتى ربنا يشفيكى
= خالتك مين هنهزر ولا ايه
_ ابرار انا هساعدك انه يعترف بحبه دا اذا اصلا سابلى فرصه ومخطفكيش
= تفتكر كلامك دا صح
_ بكره الايام تثبتلك
عدى يومين ومشيت خالتى وماما نزلت تشترى حاجات وبابا فى السوق وفجأة لقيت الباب بيخبط لبست خمارى وفتحت لقيت اسامه
– ازيك يا ابرار هانم
= اذيك يا اسامه بيه
– بتتريقى كمان ليكى نفس
= وميبقاش ليا نفس ليه ان شاء الله
– ايه خطيبك المبجل سابك وسافر
= اه ليه
– انتى فعلا اتخطبتى ومن غير ما تبلغينى وتعالى هنا دا احنا بينا حساب عسير من سنتين
= دا الى هو ايه بقى ان شاء الله وتحاسبنى بتاع ايه
– لانى انا انتيمك وليا حق عليكى
= يعنى تحاسبنى علشان انتيمى انا اعرف الى يحاسبنى يبقى بابا او ماما او خطيبى حبيبى
– اخرسى حبك برص
= انتى بتغيرى يا بطه
– بغير فى عينك انا اغير من الديك الشركسى دا
= ليه دا حتى دوحه جنتل مان
– جنتل وخرا على دماغك لما اخنقك دلوقتى هيبقى كويس
= انت بقيت عصبى اوى يا اوس
– والله .. لسه فاكره اوس انتى انا مليش لازمه عندك
= زى ما انا عمرى ما كان ليا لازمه عندك
– انتى غبيه مين الى قالك كدا
= انا عارفه من غير ما حد.يقولى
– انتى كل حاجه فى حياتى
= انت قولت ايه
– مقولتش انا ماشى وقفتنا دى غلط اصلا
= هرب بس قالى احلى كلمه فى الدنيا قبل ما يهرب هو حاليا بيهرب من نفسه يارب صبرى ميروحش على الفاضى
– ايه الى انا فيه دا انا قولت انى مش بحبها بس طول السنتين مكنتش بفكر الا فيها بنات كتير كانت بتحاول تقرب منى بس مكنتش بقدر اتكلم حتى مع حد ايقنت انى بحبها وان ماما عندها حق .. ورجعت الاجازة دى علشان اتجوزها ونسافر ازاى ارجع الاقيها بقت خطيبة حد.تانى انا منمتش من امبارح وبفكر كام مرة قالها بحبك كام مرة مسك ايدها اااااااااه حاسس بنار مش قادر لا لازم يسيبها ابرار بتاعتى انا لوحدى ومش هسمحله ياخدها منى ابدا … كنت واقف فى البلكونه وسرحان فيها ولقيته نازل من التاكسى انا يا قاتل يا مقتول انهارده
_ الدكتور بذات نفسه بيستقبلنى
– اسمع يا جدع انت ابعد.عن ابرار احسنلك
_ ابعد.عن خطيبتى ازاى يعنى
– هى مش خطيبتك انا مش عيل مفيش حد منكم ايده فيها دبله وكمان فى مكان شغلك عندك زميلتك الى بتحبها وبتجهزوا لخطوبتكم بعد.شهر
_ احيك بصراحه ابهرتنى بس الشرع محلل اربعه
– ابرار عمرها ما هتوافق طبعا
_ بس هى موافقه
– بقولك ايه صبرى نفد منك حتى لو موافقه ابرار مش هتتجوز غيرى
_ وسيبتها ليه من سنتين
– كنت لازم اسافر
_ كنت غبى وضيعتها من ايدك
– كنت زفت وقطران وندمت ورجعت اتجوزها
_ مش لما تشوف رأيها هى الاول
– موافق وانا واثق انها اختارتنى من سنين
_ بلاش غرور
– خليك فى حالك
طلعوا فوق وخبطوا عليهم ودخلوا
– ابرار انتى مش هتتجوزى غيرى فاهمه
= كنت بصاله ببرود كلامه مأدهشنيش ابدا مغرور وجبله كمان كالعاده
_ هو مش مقتنع يا برى اننا مخطوبين لمجرد اننا مجبناش الدبل ميعرفش اننا بنجهز لفرح كبير وجواز عالطول
– متصدقهوش دا بيحب واحده تانيه وعايزك تكونى الزوجه التانيه انتى مينفعش تتجوزى غيرى
= انت غلطان يا دكتور اسامه .. ليه مينفعش اتجوز غيرك يعنى الحياة مش بتقف على حد وعمرها ما هتقف عليك ابدا
– يعنى ايه
= يعنى انا هتجوز ممدوح يا دكتور
نظرة عيونه وجعتنى بس هو غبى لو كان قالى بحبك كنت قولتله وانا بموت فيك لكن هو جاى يقولى انتى مش هتجوزى غيرى غرور وتناكه وكانه بيأمورنى زى الخدامه بتاعته وانا عمرى ما هسمحله بكدا ابدا سابنا ومشى .. وانا دخلت اوضتى مكنتش عايزة ادخل فى مواجهه مع ممدوح لانه هيقولى كلمته الشهيرة انتى خسارة فيه يا ابرار الكلمه دى بتوجعنى اوى بتحسسنى انى اخترت غلط واسامه عمره ما كان اختيار غلط بس هو الى غبى ومغرور ….. عدى يومين وكنا وقت صلاة الفجر وصليت وقعدت ادعى كتير اوى بس اتخضيت على صوت الباب بيخبط جامد روحت فتحت وبابا وماما صحيوا
= طنط الهام خير
_ الحقينى يا ابرار اسامه تعبانه اوى
= اسامه … طلعت جرى ومستنتهمش
= اسامه .. اسامه رود عليا
– ابرار انا بحبك اوى اوعى تسبينى
= اسامه انت سخن مولع مش وقت الكلام دا … مسك ايدى وحطها عند.قلبه
– شوفى بيدق ازاى كل دقه فيه باسمك
= اسامه
– والله بحبك يا ابرار
= قالها ونام من التعب جريت على تحت وجبت حقنه خافضه للحرارة وادتهاله وعملتله كمدات مايه سقعه انا عارفه الدور دا اسامه مش بيتعب كتير بالبرد بس زى ما بيقولوا الى مش بيتعب بيه كتير لما بيجيله بيكون شديد.اوى … اد ايه كانت ملامحه تعبانه واد ايه قلبى رفرف لما اعترفلى بحبه .. كنا قاعدين معاه انا ومامته وابتدا يفوق
– ابرار
= انا هنا يا اسامه الف سلامه عليك
– الله يسلمك
= الحمدلله الحرارة نزلت شويه
– شكرا مكنش لازم تتعبى نفسك
= اتاكدت انه رجع لغروره تانى خرجت وعملتله شوربة علشان يشربها وياخد العلاج وقولت لطنط الهام ونزلت .. كنت بطلع كل يوم اطمن عليه وهو نايم وانزل .. عدى اسبوع وجه ممدوح بلغنا بمعاد خطوبته وهتكون فى قاعه كبيرة اوى … وجه يوم الفرح وانا كنت لابسه فستان بنفسجى جميل وخمار ابيض وتاج ورد بنفسجى وكنت زى القمر وروحنا القاعه واول ما دخلنا الدنيا كانت ضلمه اوى
= ماما .. بابا روحتوا فين
فجأة اضاءة جامده اتسلطت عليا وسمعت صوته فى المايك اه هو الى تاعب قلبى معاه
– انا اسف مهما اعتذرت عمرى ما هكفر عن تعبك الى سببتهولك عمرى ما هكفر عن دمعه واحده نزلت بسببى انا مكنتش اتخيل انى اكون سبب وجعك .. انا اسف انا كنت غبى ومش شايف حبى ليكى وازاى محبكيش وانتى الوحيده الى شاركت معاها كل تفاصيلى الى شيلتها على ايدى والى كنت بذاكر ليها وسهرت الليل جنبى وانا تعبان … اسف يا اميرتى انى ضيعت وقت كبير من حياتنا بغبائى سامحينى .. تقبلى تتجوزينى
= كنت مصدومه وبعيط
– ابرار اوعى ترفضى انا والله بحبك اوى
= وانا كمان بحبك يااسامه
– اه ياابرار كان اسمه مات لو كنتي بقيتى لغيره
= بعد الشر عليك يااوس .. طول عمري وانا ليك بس انت ..
– انا غبي عارف اوعدك هعوضك عن كل حاجه وحشه شوفتيها بسببي
= وانا متأكدة من كدا .. أبرار حبيبة أسامه
– وأسامه عمره ما حب ولا شاف غير أبرار قلبه.
تمت.

لقراءة باقي حلقات الرواية اضغط على : (رواية الفراق عنوان حبنا)