رواية عمياء بين يد مختل الفصل الخامس 5 بقلم منصور سيد

رواية عمياء بين يد مختل الفصل الخامس 5 بقلم منصور سيد

رواية عمياء بين يد مختل البارت الخامس

رواية عمياء بين يد مختل الجزء الخامس

رواية عمياء بين يد مختل الحلقة الخامسة

هدى:انت عايش انت وهى بس
مازن:مالناش غير بعض بعد ما توفى والدى ووالدني فى حادثه عملناها بسيارتنا ونجينا انا واختى وتوفوا هما الله يرحمهم
هدى لم تجد حل آخر ذهبت معه لشقته
واول مادخلوا من باب الشقه وجدت من يشدها من يديها
هدى:اده في ايه مين اللى بيشدنى من ايدي
مازن:دى اختى
هدى:اختك وهى ساكته ليه
اخته:مين دي يا ابيه دى حلوه اوى
اكيد دي الجو بتاعك صح
مازن:عيب كده يا نسمه خدي هدى للحمام خليها تغسل وشها او تاخد شاور
ودخل مازن غرفته
نسمه:حاضر يا ابيه
هدى:ازيك يانسمه واضح انك عسوله خالص
مشيت نسمه أمام هدى :تعالى ورايا اوريكى مكان الحمام
مشيت هدى على صوتها لكن اتصدمت فى قطعة اثاث أسقطت زهريه كانت عليها فانكسرت
رجعت نسمه :ايه ده معقوله مشوفتهاش
هدى:ايه اللى وقع انا اسفه ماقصدش
خرج مازن على الصوت
ولما شاهد ماحدث
مازن:خدى بأيدها يانسمه عشان ابله عينها تعبانه شويه ومش شايفه كويس
نسمه:هو انتى مش بتشوفي
هدى:ايوه يانسمه ادعى لى ان بصري يرجع تانى
نسمه:يارب يرجع بصرك يارب
واخدتها من ايدها وادخلتها الحمام
وبعد أن حضر مازن الطعام وجلسوا واكلوا
واستريحوا
هدى:عاوزه نذهب لاقرب مستشفى عاوزه اتطمن على عينى
مازن:حاضر
انا هدخل البس وننزل وفعلا نزلوا وراحوا على أقرب مستشفى
ودخلت لدكتور عيون
وجلست معاه وحكت له كل حاجه وبدأ الدكتور فى الكشف عليها
وهدى كل اللى على لسانها طمنى يادكتور بصري هيرجع تانى ولا فقدتى بصري للأبد
الدكتور:والله الحاله مش مطمئنه انتى لازم تبلغى عن الدكتور المجنون ده وتوديه فى داهيه
هدى:يعنى ايه بصري مش هيرجع تانى
الدكتور:انا مقولتش كده بس الامل ضعيف بس مافيش حاجه بعيده عن ربنا انا هكتبلك علاج هتمشي عليه وان شاء الله خير
خرجت هدى لمازن وهى تبكي
مازن:ايه مالك الدكتور قال ليكى ايه ياهدى
هدى:بيقول لى الامل ضعيف
لم يشعر مازن بنفسه الا وهو يضمها لصدره ويقول سبيها على الله ان شاء الله بصرك يرجعلك واحسن من الاول كمان
رجعت هدى خطوه للخلف ومسحت دموعها
انا مش قادره أقف يالا نمشي
رجعوا على الشقه ودخلت هدى غرفة نسمه التى اخدته نسمه إليها وجلست تبكى على ماحدث لها وفقدها لوالدها وبصرها مره واحده
ونسمه تجلس بجانبها وتطبطب على ظهرها بكفها وتقول مالك بتبكي ليه ان شاء الله يرجع ليكى بصرك بس ماتبكيش عشان عينك ماتوجعكيش وتخف علطول
دفست هدى وجهها فى المخده الموضوعه على السرير
وظلت تبكي حتى نامت
واستيقظت فى الصباح على صوت نسمه اصحى يا ابله
استيقظت هدى وهى تقول انا فين
نسمه :انتى فى غرفتى يا ابله مالك
هدى:يعنى اللى انا كنت فيه حقيقه مش حلم
انا كنت فكره انى بحلم وانى مافقدتش بصري ولا بابا مات
نسمه:ابيه مازن حضر الفطار ونزل
هدى:نزل راح فين
نسمه:راح شغله يا ابله
اخدتها نسمه من يديها وادخلتها الحمام غسلت وجهها
وجلسوا يفطروا
وبعد أن فطروا
نسمه:ابيه جاب الادويه والقطره دى وقال لى اعطيهم ليكى
وعرفنى انى لازم احط ليكى القطره دى وتاخدى الدواء ده بعد ما تفطري
وفعلا اخدت الدواء ووضعت لها القطره
نسمه :تحبى نعمل ايه تيجى نشاهد التلفزيون
اه صحيح مش هينفع
طب ايه رايك احكى ليكى حدوته
هدى:انتى بتعرفي تحكى حواديت
نسمه:اه ابيه كان بيحكى لى حواديت كتير
هدى:ماشي يانسمه احكى
جلست نسمعه تحكى ولكن هدى لم تكن معها فكانت هائمه وسرحانه فيما مرت به وأثناء تفكيرها تذكرت
هدى:انا افتكرت اسم الشارع
نسمه:اسم شارع ايه مش فاهمه
هدى:اسم الشارع اللى فيه الشقه اللى عايشه فيها
وفكره اسم البرج الحمدلله يارب
عندما عاد مازن من عمله وسمعت هدى صوت الباب اتجهت نحوه وهى تقول انا افتكرت اسم الشارع وانا عارفه اسم البرج بيتهيء لي كده تقدر توصلني للشقه
مازن:وهترجعى تعيشي لوحدك ازاى
هدى:مش عارفه بس لازم ارجع شقتى
مازن:خليكى عايشه معانا حتى لحد مايرجع بصرك وتعرفى تعتمدي على نفسك
هدى:حتى لو هقعد معاكم لازم ارجع الشقه اجيب حاجتى وملابسي وفلوس لازم اروح الشقه
مازن:حاضر حاضر
وفعلا اخدها وراحوا على العنوان وفعلا اقدروا يوصلوا للشقه
ولكن قالت هدى المفتاح مش معايا انا شنطتى وحاجتى فى فيلة الزفت الدكتور خالد معرفش راحت فين
مازن:هنزل اشوف نجار يجي يفتح الباب
جلست هدى على السلم ونزل مازن واحضر النجار
وبدأ النجار فى محاولة فتح الباب ولكن أثناء محاولته فتح الباب تفاجئوا بأحد يفتح الباب من الداخل .

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عمياء بين يد مختل)